Dövlət Aqrar İslahat Komissiyasının yaradılması haqqında

AZƏRBAYCAN RESPUBLİKASI PREZİDENTİNİN FƏRMANI

“Sovxoz və kolxozların islahatı haqqında” Azərbaycan Respublikası Qanununun 5-ci maddəsini rəhbər tutaraq qərara alıram:

1. Azərbaycan Respublikasında sovxoz, kolxoz və digər kənd təsərrüfatı müəssisələrinin islahatını aparmaq məqsədi ilə aşağıdakı tərkibdə Dövlət Aqrar İslahat Komissiyası yaradılsın:

Sədr

Abbas Aydın oğlu Abbasov—Azərbaycan Respublikası Baş nazirinin birinci Müavini

Sədr müavini

İrşad Nadir oğlu Əliyev—Azərbaycan Respublikasının kənd təsərrüfatı naziri

Üzvlər

Tofiq Müseyib oğlu Əzizov—Azərbaycan Respublikası Baş nazirinin müavini, Dövlət Əmlak Komitəsinin sədri

Fikrət Hüseyn oğlu Yusifov—Azərbaycan Respublikasının maliyyə naziri

Elman Sirac oğlu Rüstəmov—Azərbaycan Respublikasının Milli Bankı İdarə heyətinin sədri

Raqib İsmayıl oğlu Quliyev—Azərbaycan Respublikası Dövlət Antiinhisar Siyasəti və Sahibkarlığa Kömək Komitəsinin sədri

Əhməd Cuma oğlu Əhmədzadə—Azərbaycan Respublikası Meliorasiya və Su Təsərrüfatı Komitəsinin sədri

Mirsaleh Hüseynağa oğlu Hüseynov—Azərbaycan Respublikası Nazirlər Kabineti yanında Dövlət Baytarlıq Komitəsinin sədri

Məmməd Qurban oğlu Musayev—Azərbaycan Respublikasının Səhmdar Kommersiya Aqrar-Sənaye Bankı İdarə heyətinin sədri

Şöhrət Musa oğlu Vəkilov—Azərbaycan Respublikası Baş Dövlət Vergi Müfəttişliyinin rəisi

İbrahim Xəlil oğlu Məmmədov—Azərbaycan Respublikası iqtisadiyyat nazirinin müavini

Akif Bəşir oğlu Rəfiyev—Azərbaycan Respublikası ədliyyə nazirinin müavini

Eldar Əvəz oğlu Qəhrəmanov—Azərbaycan Respublikası Dövlət Statistika Komitəsi sədrinin birinci müavini

Ədalət Hüseyn oğlu Salmanov—Azərbaycan Respublikası Dövlət Torpaq Komitəsi sədrinin müavini

Kamil Seyid oğlu Məmmədov—Azərbaycan Respublikası Taxıl Məhsulları Dövlət Şirkətinin prezidenti

Sevil Ərəstun qızı Zeynalova—”Azəryeyintisənaye” Dövlət Şirkətinin prezidenti

Eldar Allahyar oğlu Quliyev—Azərbaycan Respublikası İstehlak Cəmiyyətləri İttifaqının (Azərittifaqın) sədri

Ərəstun Vəlican oğlu Abbasov—”Azərquşsənaye” Dövlət Şirkətinin prezidenti

Məmməd Əhməd oğlu Məmmədov—Azərbaycan Respublikası Dövlət Sığorta Kommersiya Şirkətinin sədri

Aslan Qurban oğlu Süleymanov—”Azərsutikinti” Konserninin sədri

Zübeyir Cahangir oğlu Orucov—Aqrar-Sənaye Kompleksi İşçilərinin həmkarlar İttifaqı Respublika Komitəsinin sədri

Cəlal Əlirza oğlu Əliyev—Azərbaycan Respublikası Elmlər Akademiyasının həqiqi üzvü

Ağasəlim Kərim oğlu Ələsgərov—Azərbaycan Respublikası Elmlər Akademiyası İqtisadiyyat İnstitutunun direktoru, professor

Əhməd Çoban oğlu Verdiyev—Azərbaycan Elmi Tədqiqat Kənd Təsərrüfatının İqtisadiyyatı və Təşkili İnstitutunun direktoru, professor

İsa Vəli oğlu Əhmədov—Azərbaycan Respublikası Kənd Təsərrüfatı Akademiyasının prorektoru, professor

2. Dövlət Aqrar İslahat Komissiyası:

—Aqrar islahat Dövlət Proqramının layihəsini 30 gün müddətində hazırlayıb Azərbaycan Respublikasının Prezidentinə təqdim etsin;

—Aqrar islahatlarla bağlı qanunların tətbiqi üçün təlimatları, tövsiyələri və digər zəruri sənədləri 30 gün müddətində hazırlayıb Azərbaycan Respublikasının Prezidentinə təqdim etsin;

—Dövlət mülkiyyətində saxlanılan obyektlərin siyahısını 60 gün müddətində hazırlayıb Azərbaycan Respublikasının Prezidentinə təqdim etsin;

—Azərbaycan Respublikası Dövlət Aqrar İslahat Komissiyasının Əsasnaməsini 20 gün müddətində hazırlayıb Azərbaycan Respublikasının Prezidentinə təqdim etsin;

—Naxçıvan Muxtar Respublikasının, rayon və yerli aqrar islahat komissiyalarının əsasnamələrini 20 gün müddətində hazırlayıb təsdiq etsin.

3. Bu Fərman imzalandığı gündən qüvvəyə minir.

Azərbaycan Respublikasının Prezidenti

Heydər ƏLİYEV.

Bakı şəhəri, 2 mart 1995-ci il.

№ 290.