Azərbaycan Respublikasının Beynəlxalq Valyuta Fonduna Beynəlxalq Yenidənqurma və İnkişaf Bankına və onlarla bağlı təşkilatlara daxil olması haqqında

 

AZƏRBAYCAN RESPUBLİKASI PREZİDENTİNİN FƏRMANI

 

Azərbaycan Respublikasının Beynəlxalq maliyyə-kredit təşkilatlarına daxil olmasının onun dünya birliyinin tam hüquqlu üzvü kimi tanınmasında əhəmiyyətini və respublikada iqtisadi islahatların keçirilməsində bu təşkilatların rolunu nəzərə alaraq qərara alıram:

1. Beynəlxalq Valyuta Fondu (bundan sonra mətndə Fond adlandırılır) Sazişinin, Beynəlxalq Yenidənqurma və İnkişaf Bankı (Bank) Sazişinin, Beynəlxalq Maliyyə Korporasiyası (Korporasiya) Sazişinin, Beynəlxalq İnkişaf Assosiasiyası (Assosiasiya) Sazişinin maddələri, İnvestisiyaların hərtərəfli Təminatı Agentliyinin (Agentlik) əsasları haqqında Konvensiya və Beynəlxalq İnvestisiya Mübahisələrinin həlli Mərkəzinin (Mərkəz) əsasları haqqında Konvensiya və Azərbaycan Respublikasının bu təşkilatlara üzvlüyü ilə bağlı Fondun, Bankın, Korporasiyanın və Assosiasiyalın müdirlərinin İdarə heyətinin və Agentliyin Müdirləri Şurasının qərarlarında qeyd olunan qayda və şərtlər qəbul edilsin.

2. Müəyyən olunsun ki, Azərbaycan Respublikası Fond üzvlüyünə qəbul edildiyi andan Fondun Borcgötürmənin Xüsusi Hüquqları Departamentində iştirakı ilə bağlı bütün öhdəlikləri öz üzərinə götürür.

6.  Azərbaycan Respublikası Fond üzvlüyünə qəbul olunduğu andan Fondun müdirlərinin İdarə heyətinin 45-3 nömrəli Qətnaməsi ilə təsdiq olunmuş Fondun Sazişi maddələrinə 3-cü dəyişikliyi qəbul edir.

4.   Azərbaycan Respublikasının maliyyə nazirinə Fondun, Bankın, Korporasiyanın və Assosiasiyanın sazişlərinin maddələrini, Agentlik və Mərkəzin əsasları haqqında konvensiyaları imzalamaq, qəbul etmə və iştirak mexanizmlərini, habelə bu Fərmanın 1, 2 və 3-cü maddələrindən irəli kələn digər lazımi sənədləri hazırlayıb və təqdim etmək səlahiyyəti verilsin.

5.   Azərbaycan Respublikasının maliyyə nazirinə Fonda, Banka, Korporasiyaya, Assosiasiyaya, Agentlik və Mərkəzə bu təşkilatların qaydalar məcəlləsini müəyyən edən sazişlərin maddələrinə və yaxud konvensiyalara uyğun şəkildə hər hansı ödənişlərin verilməsi üçün borc götürmək, tələb olunan resursları istənilən müvafiq qaydada əldə etmək və bu məqsədlərlə faizsiz və dövr etməyən veksellər buraxmaq səlahiyyəti verilsin.

Fond və Bank sazişlərinin maddələrində nəzərdə tutulmuş əməliyyatlarda Azərbaycan Respublikasına istənilən məbləğdə ödənişlərin və verilən vəsaitlərin alınması hüququ Azərbaycan Respublikasının maliyyə nazirinə verilir.

6.   a) Azərbaycan Respublikasının Maliyyə Nazirliyi:

I.    Fond sazişi maddələrinin 5-ci maddəsinin 1-ci bəndinə uyğun olaraq maliyyə agentliyi,

II.    Bank Sazişi maddələrinin 3-cü maddəsinin 2-ci bəndinə uyğun olaraq maliyyə agentliyi,

III.   Korporasiya Sazişi maddələrinin 4-cü maddəsinin 10-cu bəndinə uyğun olaraq əlaqə vasitəsi,

IV.   Assosiasiya Sazişi maddələrinin 2-ci maddəsinin 10-cu bəndinə uyğun olaraq əlaqə vasitəsi,

V.   Agentliyin əsasları haqqında Konvensiyanın 38-ci maddəsinə uyğun olaraq əlaqə vasitəsi müəyyən edilsin.

b) Azərbaycan Respublikasının Mərkəzi Bankı Fondun, Bankın, Korporasiyanın, Assosiasiyanın və Agentliyin Azərbaycan Respublikasının milli valyutasında avuarlarının depozitoru müəyyən edilsin.[1]

7.   a) Azərbaycan Respublikasının maliyyə naziri vəzifəsinə görə Fondda Azərbaycan Respublikasının müdiri, Azərbaycan Respublikasının Mərkəzi Bankının sədri isə vəzifəsinə görə onun müavini təyin edilsin.[2]

b) Azərbaycan Respublikası Milli Bankının prezidenti vəzifəsinə görə Bankda Azərbaycan Respublikasının müdiri, Azərbaycan Respublikası Beynəlxalq Bankının prezidenti isə vəzifəsinə görə onun müavini təyin edilsin. [3]

8.   Bu Fərman Azərbaycan Respublikası Milli Məclisinin müzakirəsinə verilsin.

 

Azərbaycan Respublikasının Prezidenti

Əbülfəz ELÇİBƏY.

 

Bakı şəhəri, 18 avqust 1992-ci il.

¹ 144.

 

 

İSTİFADƏ OLUNMUŞ MƏNBƏ SƏNƏDLƏRİNİN SİYAHISI

 

1.       20 fevral 2003-cü il tarixli 856 nömrəli Fərman (Azərbaycan Respublikasının Qanunvericilik Toplusu, 2003-cü il, ¹ 2, maddə 88)

2.       10 fevral 2010-cu il tarixli 216 nömrəli Azərbaycan Respublikasının Prezidentinin Fərmanı (“Azərbaycan” qəzeti 11 fevral 2010-cu il, ¹ 32, Azərbaycan Respublikasının Qanunvericilik Toplusu, 2010-cu il, ¹ 2, maddə 80)

3.       14 iyul 2010-cu il tarixli 301 nömrəli Azərbaycan Respublikası Prezidentinin Fərmanı (“Azərbaycan” qəzeti 15 iyul 2010-cu il, ¹ 150, Azərbaycan Respublikasının Qanunvericilik Toplusu, 2010-cu il, ¹ 07, maddə 620)

 

 

FƏRMANA EDİLMİŞ DƏYİŞİKLİK VƏ ƏLAVƏLƏRİN SİYAHISI

 


[1] 10 fevral 2010-cu il tarixli 216 nömrəli Azərbaycan Respublikasının Prezidentinin Fərmanı (“Azərbaycan” qəzeti 11 fevral 2010-cu il, ¹ 32, Azərbaycan Respublikasının Qanunvericilik Toplusu, 2010-cu il, ¹ 2, maddə 80) ilə 6-cı bəndin "b)" yarımbəndində "Milli Bankı" sözləri "Mərkəzi Bankı" sözləri ilə əvəz edilmişdir.

 

[2] 10 fevral 2010-cu il tarixli 216 nömrəli Azərbaycan Respublikasının Prezidentinin Fərmanı (“Azərbaycan” qəzeti 11 fevral 2010-cu il, ¹ 32, Azərbaycan Respublikasının Qanunvericilik Toplusu, 2010-cu il, ¹ 2, maddə 80) ilə 7-ci bəndin "a)" yarımbəndində "Milli Bankının prezidenti" sözləri "Mərkəzi Bankının İdarə Heyətinin sədri" sözləri ilə əvəz edilmişdir.

14 iyul 2010-cu il tarixli 301 nömrəli Azərbaycan Respublikası Prezidentinin Fərmanı (“Azərbaycan” qəzeti 15 iyul 2010-cu il, ¹ 150, Azərbaycan Respublikasının Qanunvericilik Toplusu, 2010-cu il, ¹ 07, maddə 620) ilə 7-ci bəndinin “a)” yarımbəndində “Mərkəzi Bankının İdarə Heyətinin sədri” sözləri “Mərkəzi Bankının sədri” sözləri ilə əvəz edilmişdir.

 

[3] 20 fevral 2003-cü il tarixli 856 nömrəli Fərman (Azərbaycan Respublikasının Qanunvericilik Toplusu, 2003-cü il, ¹ 2, maddə 88) ilə 7-ci bəndin "b" yarımbəndi qüvvədən düşmüş hesab edilmişdir.