Azərbaycan Respublikasında Tələbə Qəbulu üzrə Dövlət Komissiyasının yaradılması haqqında

AZƏRBAYCAN RESPUBLİKASI PREZİDENTİNİN FƏRMANI

Azərbaycan Respublikasının ali və orta ixtisas təhsili məktəblərində qəbul imtahanlarını mərkəzləşdirilmiş qaydada keçirmək məqsədilə qərara alıram:

1. Azərbaycan Respublikasının Nazirlər Kabineti yanında Tələbə Qəbulu üzrə Dövlət Komissiyası yaradılsın.

2. Vurğun Əliş oğlu Əyyubov Azərbaycan Respublikasında Tələbə Qəbulu üzrə Dövlət Komissiyasının sədri təyin edilsin.

3. Azərbaycan Respublikasında Tələbə Qəbulu üzrə Dövlət Komissiyasının maliyyə və təşkilat məsələlərinin həll edilməsi Azərbaycan Respublikasının Nazirlər Kabinetinə tapşırılsın.

Azərbaycan Respublikasının Prezidenti

Əbülfəz ELÇİBƏY.

Bakı şəhəri, 21 iyul 1992-ci il.

№ 74.