“Müstəqil Dövlətlər Birliyinin iştirakçısı olan dövlətlərin avtomobil yollarında dövlətlərarası daşımaları həyata keçirən nəqliyyat vasitələrinin kütlə və ölçüləri haqqında” Sazişin təsdiq edilməsi barədə

 

AZƏRBAYCAN RESPUBLİKASININ QANUNU

 

Azərbaycan Respublikasının Milli Məclisi qərara alır:

I. 1999-cu il iyunun 4-də Minsk şəhərində imzalanmış “Müstəqil Dövlətlər Birliyinin iştirakçısı olan dövlətlərin avtomobil yollarında dövlətlərarası daşımaları həyata keçirən nəqliyyat vasitələrinin kütlə və ölçüləri haqqında” Saziş Azərbaycan Respublikasının ona dair qeyd-şərti ilə birlikdə (qeyd-şərtin mətni əlavə olunur) təsdiq edilsin.

II. Bu Qanım dərc edildiyi gündən qüvvəyə minir.

 

İlham ƏLİYEV,

Azərbaycan Respublikasının Prezidenti

 

Bakı şəhəri, 21 may 2004-cü il

                   ¹ 672-IIQ

 

 

Müstəqil Dövlətlər Birliyinin iştirakçısı olan dövlətlərin avtomobil yollarında dövlətlərarası daşımaları həyata keçirən nəqliyyat vasitələrinin kütlə və ölçüləri haqqında

 

SAZİŞ

 

Bundan sonra “Tərəflər” adlandırılacaq bu Sazişin iştirakçısı olan dövlətlərin hökumətləri,

avtomobil yollarının texnoloji vahidliyinin qorunub saxlanmasına və avtomobil nəqliyyatı vasitəsilə malların və xidmətlərin sərbəst şəkildə yerləşdirilməsi üçün şəraitin yaradılmasına, bu Sazişin iştirakçısı olan dövlətlərin avtomobil yolları ilə dövlətlərarası daşımaların səmərəliliyinin artırılmasına çalışaraq,

avtomobil yollarının qorunub saxlanılmasının və yol hərəkətinin təhlükəsizliyinin təmin edilməsi əhəmiyyətini dərk edərək,

aşağıdakılar barədə razılığa gəldilər:

 

Maddə 1

 

Bu Sazişin məqsədləri üçün aşağıdakı terminlərdən istifadə olunmuşdur:

“nəqliyyat vasitəsi” - avtomobil yollarında yüklərin və ya sərnişinlərin və ya üzərində qurulmuş avadanlığın daşınması üçün nəzərdə tutulmuş qurğu;

“yük avtomobili” - avtomobil yollarında yüklərin daşınması üçün nəzərdə tutulmuş mexaniki ötürücülü nəqliyyat vasitəsi;

“dartıcı” - özünəməxsus mühərriklə təchiz olunmuş və yalnız, yaxud əsasən qoşqu və ya yarımqoşqunun yedəklənməsi üçün nəzərdə tutulmuş nəqliyyat vasitəsi;

“qoşqu” - dartıcı və yük avtomobilinə yedəkləmə yolu ilə malların daşınması üçün nəzərdə tutulmuş nəqliyyat vasitəsi;

“yarımqoşqu” - yük daşımaları üçün xüsusi təchiz olunmuş, bir hissəsi bilavasitə dartıcı üzərində yerləşdirilən və öz çəkisinin əsas hissəsinin ona ötürülməsini mümkün edən şəkildə dartıcı ilə birləşdirilmək üçün nəzərdə tutulmuş nəqliyyat vasitəsi;

“avtoqatar” - yük avtomobili və qoşqudan (qoşqulu avtoqatar), dartıcı və yarımqoşqudan (oturacaqlı avtoqatardan) ibarət, kombinə edilmiş nəqliyyat vasitəsi;

“avtobus” - sərnişinlərin və yüklərin daşınması üçün nəzərdə tutulmuş, sürücünün yeri nəzərə alınmadan 8-dən artıq oturacaq yerindən ibarət nəqliyyat vasitəsi;

“birləşdirilmiş avtobus” - biri-birinə şarnirlə birləşdirilmiş, hər birində sərnişin salonu olan, sərnişinlərin bir salondan digərinə rahat hərəkət etdiyi iki və daha artıq bərk seksiyalardan ibarət avtobus;

“kombinə edilmiş nəqliyyat vasitəsi” - qoşqu və ya yarımqoşqu ilə birləşdirilmiş avtomobildən ibarət olan nəqliyyat vasitələrinin kombinəsi;

“nəqliyyat vasitəsinin maksimal uzunluğu” - Əlavə 1-də göstərilmiş göstəricilərdən uzun olmayan nəqliyyat vasitəsinin uzunluğu;

“nəqliyyat vasitəsinin maksimal hündürlüyü” - Əlavə 1-də göstərilmiş göstəricilərdən hündür olmayan nəqliyyat vasitəsinin hündürlüyü;

“nəqliyyat vasitəsinin maksimal eni” - Əlavə 1-də göstərilmiş göstəricilərdən enli olmayan nəqliyyat vasitəsinin eni;

“nəqliyyat vasitəsinin maksimal kütləsi” - Əlavə 2-də göstərilmiş göstəricilərdən ağır olmayan nəqliyyat vasitəsinin yüklə və ya yüksüz kütləsi;

“maksimal ox kütləsi” - Əlavə 3-də göstərilmiş göstəricilərdən ağır olmayan nəqliyyat vasitəsinin oxu vasitəsi ilə avtomobil yolunun üzərinə ötürülən kütlə;

“bölünməz yük” - avtomobil yolu ilə daşınan zaman iki və ya daha çox hissələrə artıq vəsait sərf edilmədən və ya onu xarab etmək riski olmadan bölünməz yük;

“hava asqısı” - amortizasiyanın effektliliyinin ən azı 75 faizini təmin edən və havanı amortizasiya elementi kimi istifadə edən asqı sistemi;

“xüsusi icazə” - Əlavə 1, 2, 3-də göstərilmiş göstəricilərdən maksimal qabariti, kütləsi və oxa olan yükü çox olan yük daşıyan nəqliyyat vasitəsi üçün birdəfəlik icazə.

 

Maddə 2

 

Bu Sazişlə (Əlavə 1, 2, 3) nəzərdə tutulan nəqliyyat vasitələrinin maksimal həcmləri və kütlələri və ox kütlələri vasitəsilə dövlətlərarası və tranzit daşımalar həyata keçirilən bu Sazişin iştirakçısı olan dövlətlərin avtomobil yolları, o cümlədən MDB-nin beynəlxalq avtomobil yolları üçün müəyyən edilmişdir. Yerli avtomobil yollarında Tərəflər nəqliyyat vasitələrinin icazə verilən kütləsi və son həcmi üçün digər tələblər müəyyən edə bilər. Bu halda bu məhdudiyyətlər onları tətbiq etmiş Tərəfin nəqliyyat vasitələrinə olduğu kimi, digər Tərəflərin nəqliyyat vasitələrinə də eyni dərəcədə tətbiq olunacaqdır. Tərəflər digər Tərəflərin daşıyıcılarını yerli avtomobil yolları üçün müəyyən edilən digər tələblər haqqında məlumatlandırırlar.

 

Maddə 3

 

Ayrı avtomobil yollarında nəqliyyat vasitələrinin kütlə və həcmlərinə qoyulmuş məhdudiyyətlər tətbiq olunanda Tərəflərin səlahiyyətli orqanları bu məhdudiyyətləri müvafiq yol nişanları ilə göstərməlidirlər.

 

Maddə 4

 

Tərəflər öz ərazilərindən, o cümlədən tranzit olaraq, maksimal qabaritləri, kütlələri və oxa olan yükləri bu Sazişin ayrılmaz hissələri olan Əlavə 1, 2, 3-də göstərilmiş göstəriciləri aşmayan nəqliyyat vasitələrini xüsusi icazə olmadan buraxmaq öhdəliyini öz üzərlərinə götürürlər.

 

Maddə 5

 

Nəqliyyat vasitələrinin ölçülmüş xətti parametrlərdən heç olmazsa biri Əlavə 1-də göstərilmiş həddini aşırsa, onda onlar qabaritə uyğun olmayan hesab edilirlər.

Maksimal kütləsi və/və ya ox kütləsi Əlavə 2, 3-də göstərilmiş həddi aşan nəqliyyat vasitələri ağırçəkili hesab edilir.

 

Maddə 6

 

Qabaritə uyğun olmayan və ağırçəkili nəqliyyat vasitələri Tərəflərin ərazisinə ancaq Tərəflərin səlahiyyətli orqanları tərəfindən verilmiş xüsusi icazəyə malik olduqda daxil ola bilərlər və bu xüsusi icazədə göstərilmiş şərtlər və marşrut üzrə hərəkət edə bilərlər.

Qabaritə uyğun olmayan və ağırçəkili yüklərin öz ərazilərinə buraxılması üçün Tərəflər milli normativ hüquqi aktlarda nəzərdə tutulmuş haqq müəyyən edə bilərlər. Tərəflər bu haqqların miqdarlarmı bərabərləşdirmək istiqamətində çalışacaqlar.

 

Maddə 7

 

Bu Sazişlə müəyyən edilmiş nəqliyyat vasitələrinin maksimal həcmləri və digər xətti parametrləri, maksimal kütlələri və maksimal ox kütlələri onların mövcud avtomobil yolları ilə maneəsiz və nəzarətsiz keçmək imkanlarına istinad edərək nəqliyyat vasitələrinin həcm və kütlələrinə olan xüsusi tələblər kimi əməl olunur. Bu məhdudiyyətlər digər sazişlərlə müəyyən edilən nəqliyyat vasitələrinin istehsalına aid olan standart və tələblərə aid edilmir.

 

Maddə 8

 

Avtomobil yolları ilə hərəkət edən zaman Tərəflərin təyin edilmiş qabaritə uyğun olmayan və ağırçəkili nəqliyyat vasitələrinin hərəkətini tənzimləyən hərəkət qaydalarına əməl olunmalıdır, Tərəflərin bu məsələ ilə əlaqədar qəbul etdiyi normativ hüquqi aktlar bu Sazişin müddəalarmı nəzər almalıdır.

 

Maddə 9

 

Tərəflər, nəqliyyat vasitələrinin həcm və ya kütlələri üçün ayn avtomobil yollarında və ya avtomobil yollarının sahələrində hava və klimatik şəraitlə və ya avtomobil yollarının texniki vəziyyətinin korlanması ilə əlaqədar olaraq digər Tərəflərin daşıyıcılarım qabaqcadan müvəqqəti məhdudiyyətlərin tətbiqini və vaxtmı bildirməklə və həmçinin dolayı yolları göstərməklə müvəqqəti məhdudiyyətlər qoya bilərlər.

 

Maddə 10

 

Nəqliyyat vasitəsinin qeydiyyata alındığı Tərəf onu bu Sazişdə verilmiş həcm və kütlə üçün qoyulmuş məhdudiyyətlərə nəzarət etmək məqsədilə bu nəqliyyat vasitəsinin əsas texniki xüsusiyyətlərini göstərən sənədlə təmin etməlidir.

Tərəflər qabaritə uyğun olmayan və ağırçəkili nəqliyyat vasitələrinin buraxılışına xüsusi icazələrin verilməsi üçün zəruri olan sənəd və prosedurların uyğunlaşdırılması yolunda bütün zəruri tədbirləri yerinə yetirəcəklər.

 

Maddə 11

 

Tərəflərin hər biri onların səlahiyyətli orqanları vasitəsilə nəqliyyat vasitələrinin həcm və kütlələrinə, onların qeydiyyata alındığı yerdən asılı olmayaraq, nəzarət edə bilər və onları pozanlara qarşı milli qanunvericilikdə nəzərdə tutulan cəza tədbirləri tətbiq edə bilər.

 

Maddə 12

 

Daşımaları həyata keçirərkən Tərəflər çalışmalıdırlar ki, nəqliyyat vasitələrinin kütlə və qabaritləri bu Sazişdə nəzərdə tutulan hədləri aşmasın. Bu tələb bölünməz yüklərin daşınmasına aid edilmir və onların buraxılışı xüsusi icazənin verilməsi ilə həyata keçirilir.

 

Maddə 13

 

Tərəflər bu Sazişin Əlavələrində göstərilən nəqliyyat vasitələrinin həcm və kütlələrinin ölçülməsi üsullarının uyğunlaşdırılmasına çalışacaqlar.

 

Maddə 14

 

Tərəflər bu Sazişin iştirakçısı olan dövlətlərin Müstəqil Dövlətlər Birliyinin iştirakçısı olan dövlətlərin beynəlxalq avtomobil yolları sisteminə daxil olduğu avtomobil yollarının bu Saziş ilə müəyyən edilmiş maksimal həcm və kütləyə malik nəqliyyat vasitələrinin buraxılışı tələblərinə tam cavab verməsi üçün tədbirlər görəcəkdir.

 

Maddə 15

 

Bu Saziş əvvəllər imzalanmış və onların da iştirakçısı olduqları və həmçinin Tərəflərin özləri arasında da imzalanmış beynəlxalq saziş və razılaşmalardan irəli gələn hüquq və öhdəliklərə toxunmur və digər beynəlxalq sazişlərin imzalanmasına mane olmur.

 

Maddə 16

 

Bu Sazişə Tərəflərin ümumi razılığı ilə protokollarla tərtib edilən dəyişikliklər və əlavələr edilə bilər.

 

Maddə 17

 

Bu Sazişin tətbiqi və ya şərh olunması ilə bağlı mübahisəli məsələlər maraqlı Tərəflərin məsləhətləşmələri və ya danışıqları ilə həll olunur.

 

Maddə 18

 

Bu Saziş onu imzalamış Tərəflərin ölkədaxili lazımi prosedurları yerinə yetirməsi haqqında üçüncü bildirişin depozitariyə saxlanca verilməsi günündən qüvvəyə minir.

Lazımi prosedurları sonralar yerinə yetirmiş Tərəflər üçün Saziş müvafiq sənədlərin depozitariyə saxlanca təqdim edildiyi gün qüvvəyə minir.

 

Maddə 19

 

Bu Saziş qüvvəyə mindiyi gündən etibarən 5 il ərzində qüvvədə qalır. Bu müddət bitdikdən sonra Tərəflərin başqa qərarları olmadıqda, Saziş avtomatik olaraq hər dəfə növbəti beş il müddətinə uzadılır.

 

Maddə 20

 

Tərəflərdən hər biri çıxmazdan ən azı 6 ay əvvəl depozitariyə yazılı bildiriş göndərməklə, bu Sazişdən çıxa bilər.

 

Maddə 21

 

Bu Saziş onun məqsəd və prinsiplərini bölüşdürən və bütün Tərəflərin razılığı ilə belə qoşulma haqqında sənədləri depozitariyə təqdim etməklə, dövlətlərin ona qoşulması üçün açıqdır. Qoşulma, depozitari tərəfindən belə qoşulmaya razılıq haqqında sonuncu bildirişin alındığı gündən qüvvəyə minmiş sayılır. Minsk şəhərində 4 iyun 1999-cu il tarixində əsli bir nüsxədə rus dilində tərtib edilmişdir. MDB-nin İcraiyyə Komitəsində saxlanılan əsl nüsxənin təsdiqlənmiş surəti mövcud Sazişi imzalayan hər bir dövlətə göndəriləcəkdir.

 

Azərbaycan Respublikası                                                                                                        Qırğızıstan Respublikası

      Hökuməti adından                                                                                                                     Hökuməti adından

          A. ABBASOV                                                                                                                               V. SİLAYEV

Ermənistan Respublikası                                                                                                              Moldova Respublikası

      Hökuməti adından                                                                                                                        Hökuməti adından

        A. DARBİNYAN                                                                                                                                İ. STURZA

Belarus Respublikası                                                                                                                            Rusiya Federasiyası

     Hökuməti adından                                                                                                                           Hökuməti adından

             S. LİNQ                                                                                                                                         S. STEPAŞİN

Gürcüstan Hökuməti                                                                                                                 Tacikistan Respublikası

              adından                                                                                                                                   Hökuməti adından

 V. LORDKİPANİDZE                                                                                                                           Y. ƏZİMOV

Qazaxıstan Respublikası                                                                                                          Özbəkistan Respublikası

      Hökuməti adından                                                                                                                     Hökuməti adından

     N. VALQİMBAYEV                                                                                                                        B. XAMİDOV

 

Saziş Azərbaycan Respublikası tərəfindən qeyd-şərtlə imzalanmışdır. Saziş Ermənistan Respublikası, Qazaxıstan Respublikası, Özbəkistan Respublikası tərəfindən qeydlərlə imzalanmışdır (təqdim olunmayıb). Saziş Türkmənistan və Ukrayna tərəfindən imzalanmayıb.

 

 

ƏLAVƏ 1

 

Nəqliyyat vasitələrinin maksimal ölçüləri və başqa xətti parametrləri

1. Nəqliyyat vasitələrinin maksimal ölçüləri Sazişin 4-cü maddəsinin müddəalarını nəzərə alaraq aşağıda verilmiş göstəriciləri aşmamalıdır:

1.1. Maksimal uzunluq:

yük avtomobili üçün                                                                               12.00 m

avtobus                                                                                                    12.00 m

qoşqu                                                                                                       12.00 m

birləşdirilmiş nəqliyyat vasitəsi                                                              20.00 m

birləşdirilmiş avtobus                                                                             18.00 m

avtoqatar                                                                                                 20.00 m

1.2. Maksimal en:

bütün nəqliyyat vasitələri                                                                      2.55 m

nəqliyyat vasitələrinin izotermik kuzov banı                                        2.60 m

1.3. Maksimal hündürlük                                                                        4.00 m

2.     Bu Əlavənin 1-ci bəndində göstərilmiş nəqliyyat vasitələrinin maksimal ölçülərinə, çıxanla bilən kuzovların və yük üçün taralarının, o cümlədən konteynerlərin ölçüləri də daxildir.

3.     Hər hansı bir nəqliyyat vasitəsi hərəkət zamanı xarici radiusu 12.50 m və daxili radiusu 5.30 m olan bir sahənin çərçivəsi daxilində dönmək imkanına malik olmalıdır.

4.    Kombinə edilmiş nəqliyyat vasitəsinin ilişdirici qurğunun ox bağlantısı və arxa hissəsi arasında maksimal məsafə 12.00 m-dən çox olmamalıdır.

5.     Avtoqatarın uzunluq oxu ilə paralel olaraq ölçülmüş kuzovun xarici ön nöqtəsindən və ya kabin arxasında yükün quraşdırılması üçün platformadan qoşqunun arxa xarici nöqtəsinə kimi, dartıcının arxa hissəsi ilə qoşqunun qabaq hissəsi arasında olan məsafəni çıxmaq şərtilə maksimal məsafə 17.00 m-dən çox olmamalıdır.

6.     Avtoqatarın uzunluq oxu ilə paralel olaraq ölçülmüş kuzovun xarici ön nöqtəsindən və ya kabin arxasında yükün quraşdırılması üçün platformadan qoşqunun arxa xarici nöqtəsinə kimi maksimal məsafə 16.40 m-dən çox olmamalıdır.

7.     Nəqliyyat vasitəsinin kuzovunda quraşdırılmış yük, avtomobilin arxa xarici nöqtəsindən və ya qoşqudan 2.00 m-dən çox kənara çıxmamalıdır.

8.     Yük avtomobilinin arxa oxu və qoşqunun qabaq oxu arasında məsafə 3.00 m-dən az olmamalıdır.

9.     Yarımqoşqunun şarnirlərlə bərkidilən oxu ilə yarımqoşqunun hər hansı bir qabaq nöqtəsi arasında üfüqi olaraq ölçülmüş məsafə 2.04 m-dən çox olmamalıdır.

10.Nəqliyyat vasitəsinin uzunluğu İSO 612-1978 standartının 6.1-ci bəndinə müvafiq olaraq ölçülməlidir. Uzunluğu ölçərkən nəqliyyat vasitəsinə bərkidilmiş aşağıdakı qurğular nəzərə alınmır.

Şüşətəmizləyici qurğular və suçiləyənlər (brızqovik);

Qabaq və yan markalanma plastinaları;

Plomblama və onun mühafizəsi üçün qurğular;

Brezent bərkidilməsi və onun mühafizəsi üçün qurğular;

İşıqlandırma üçün avadanlıq;

Arxa tərəfin görünüşü üçün güzgülər və avtomobilin arxasına nəzarət üçün qurğular;

Hava ötürən borular;

Qoşqu və ya sökülən kuzovla birləşmə üçün klapan və sökülən hissələrin uzunluğu;

Kuzova qalxmaq üçün pillələr, ehtiyat avtoşin üçün qaldırıcı;

İşlək halda 200 mm-dən çox olmayan qaldırıcı platformalar, keçid üçün pillə və digər analoji avadanlıqlar elə hazırlanmışdır ki, onlar avtomobilin istehsalçı tərəfindən müəyyən edilmiş icazə verilən yüklənmə kütləsini artıra bilməsin.

11.Nəqliyyat vasitəsinin hündürlüyü İSO 612-1978 standartının 6.3-cü bəndinə müvafiq olaraq ölçülməlidir. Hündürlüyü ölçərkən nəqliyyat vasitəsinə bərkidilmiş antenna, qaldırılmış vəziyyətdə olan pantoqraf nəzərə alınmır.

Oxunu qaldırmaq qurğusuna malik olan nəqliyyat vasitələri üçün belə bir qurğudan olan effekt nəzərə alınmalıdır.

12. Nəqliyyat vasitəsinin eni İSO 612-1978 standartının 6.2-ci bəndinə müvafiq olaraq ölçülməlidir. Eni ölçərkən nəqliyyat vasitəsinə bərkidilmiş aşağıdakı qurğular nəzərə alınmır:

Plomb, möhür və onların mühafizəsi üçün qurğular;

Brezent bərkidilməsi və onun mühafizəsi üçün qurğular;

Avtoşinlərin zədələnməsini təyin edən qurğu;

Suçiləyənlərin kənara çıxan hissəsi;

İşıqlandırma qurğusu;

İrəliyə və arxaya yönəlmiş pilləkənlərin bucaqlarının çevrilmə radiusu 5 mm-dən az olmayan, kənar xəttinin çevrilmə radiusu isə 2,5 mm-dən az olmayan, işlək vəziyyətdə olan nəqliyyat vasitəsinin hər bir tərəfindən 10 mm-dən çox olmayaraq kənara çıxan pilləkənləri, asma platformaları və digər analoji avadanlıqları;

Arxa tərəfin görünməsi üçün güzgülər;

Şinlərdə təzyiq indikatoru;

Hərəkət zamanı yığılan və ya bağlanılan pillələr və nərdivanlar;

Avtoşinin yolun səthi ilə toxunma nöqtəsindən kənara çıxan əyilmiş hissəsi.

 

 

ƏLAVƏ 2

 

Nəqliyyat vasitələrinin maksimal kütlələri

1. Nəqliyyat vasitələrinin maksimal kütlələri aşağıdakı göstəriciləri aşmamalıdır:

1.1. Yük avtomobilləri:

İkioxlu avtomobil                                                                                               -18 t

Üçoxlu avtomobil                                                                                               -24 t

Aparıcı oxa malik olan üçoxlu, hava və ya ona ekvivalent

asqı ilə təchiz olunmuş iki cüt təkərdən ibarət olan avtomobil                        -25 t

dördoxlu, iki oxu aparıcı olan, hər biri iki cüt təkərdən ibarət

olub hava və ya ona ekvivalent asqıya malik olan avtomobil                           -32 t

1.2. Kombinə edilmiş nəqliyyat vasitəsinin bir hissəsini təşkil edən nəqliyyat vasitələri:

İkioxlu qoşqu                                                                                                      -18 t

Üçoxlu qoşqu                                                                                                     -24 t

1.3. Kombinə edilmiş nəqliyyat vasitələri:

* 1.3.1. Yəhərli avtoqatarlar:

ikioxlu dartıcı ikioxlu yarımqoşqu ilə, yarımqoşqunun

oxları arasında məsafəsi 1,3 və ya daha çox, lakin

1,8 m-dən çox olmayaraq                                                                                   -36 t

ikioxlu dartıcı ikioxlu yarımqoşqu ilə, yarımqoşqunun

oxları arasında məsafəsi 1,8-dən çox olduqda                                                   -38 t

ikioxlu dartıcı üçoxlu yarımqoşqu ilə            .                                                   -38 t

üçoxlıı dartıcı ikioxlu yarımqoşqu                                                                      - 38 t

üçoxlu dartıcı üçoxlu yarımqoşqu                                                                     -38 t

Bu Əlavənin 1.3.1-ci bəndinə əsasən 18 tonluq yük avtomobili və 20 tonluq yarımqoşqudan ibarət olan nəqliyyat vasitəsinin maksimal kütləsi onda calanmış təkərlərdən ibarət olan aparıcı oxun olduğu və hava və ya onun ekvivalenti olan asqı ilə təchiz olunduğu halda daha 2 ton artırıla bilər.

** 1.3.2. Qoşqulu avtoqatarlar:

ikioxlu yük avtomobili ikioxlu qoşqu ilə                                                            - 36 t

ikioxlu yük avtomobili üçoxlu qoşqu ilə                                                            - 42 t

üçoxlu yük avtomobili ikioxlu qoşqu ilə                                                            - 42 t

üçoxlu yük avtomobili üçoxlu qoşqu ilə                                                            - 44 t

üçoxlu yük avtomobili dördoxlu qoşqu ilə                                                        - 44 t

Avtobuslar:

İkioxlu                                                                                                                - 18 t

Üçoxlu                                                                                                                - 24 t

Üçoxlu şarnirlə birləşdirilmiş                                                                             - 28 t

Dördoxlu şarnirlə birləşdirilmiş                                                                         - 28 t

* 1.3.1.1. Özbəkistan Respublikası ərazisində dövlətlərarası daşımaları həyata keçirən nəqliyyat vasitələri üçün:

Yəhərli avtoqatarlar:

ikioxlu dartıcı biroxlu qoşqu ilə                                                                          - 28 t

ikioxlu dartıcı ikioxlu yarımqoşqu ilə, yarımqoşqunun

oxları arasında məsafə 1,3 metr və ya daha çox, lakin

1,8 metrdən çox olmayaraq                                                                                - 36 t

ikioxlu dartıcı ikioxlu yarımqoşqu ilə, yarımqoşqunun

oxlar arasında məsafə 1,8 metrdən çox olduqda                                               - 40 t

ikioxlu dartıcı üçoxlu yarımqoşqu ilə                                                                - 40 t

üçoxlu dartıcı üçoxlu yarımqoşqu ilə                                                                - 40 t

1.3.1.2. Qazaxıstan Respublikası ərazisində dövlətlərarası daşımaları həyata keçirən nəqliyyat vasitələri üçün və Qazaxıstan Respublikasının bu Sazişin digər iştirakçısı olan dövlətlərin ərazisində dövlətlərarası daşımaları həyata keçirən nəqliyyat vasitələri üçün:

Nəqliyyat vasitəsinin maksimal kütləsi                                                             - 36 t

** 1.3.2.1. Belarus Respublikası ərazisində dövlətlərarası daşımaları həyata keçirən nəqliyyat vasitələri üçün və Belarus Respublikasının bu Sazişin digər iştirakçısı olan dövlətlərin ərazisində dövlətlərarası daşımaları həyata keçirən nəqliyyat vasitələri üçün:

Qoşqulu avtoqatarlar:

İkioxlu yük avtomobili ikioxlu qoşqu ilə                                                            - 36 t

Digər avtoqatarlar                                                                                              - 38 t

 

 

ƏLAVƏ 3

Nəqliyyat vasitələrinin maksimal ox kütlələri***

1. Nəqliyyat vasitələrinin maksimal ox kütlələri aşağıdakı göstəricilərdən çox olmamalıdır:

1.1. Bir oxlu üçün:

aparılan                                                                                                              - 10.0 t

ikimeylli təkərlərlə aparılan                                                                              - 10.0 t

1.2. Cütlənmiş oxlar, ikimeylli təkərlərə malik qoşqular və ya yarımqoşqular üçün ox kütlələrinin cəmi oxlararası aşağıdakı məsafələrə uyğun olaraq aşağıdakı göstəriciləri aşmamalıdır:

0.5 m-dən 1 m-ə qədər                                                                                       - 12.0 t

1 m-dən 1.3 m-ə qədər                                                                                        - 14.0 t

1.3 m-dən 1.8 m-ə qədər                                                                                     - 16 .0 t

1.8 m-ə bərabər və ya çox                                                                                   - 18.0 t

1.3. Cütlənmiş oxlar, birmeylli təkərlərə malik qoşqular və ya yarımqoşqular üçün ox kütlələrinin cəmi oxlararası aşağıdakı məsafələrə uyğun olaraq aşağıdakı göstəriciləri aşmamalıdır:

0.5 m-dən 1 m-ə qədər                                                                                       - 11.0 t

1 m-dən 1.3 m-ə qədər                                                                                        - 13.0 t

1.3 m-dən 1.8 m-ə qədər                                                                                     - 15 .0 t

1.8 m-ə bərabər və ya çox                                                                                   - 17.0 t

1.4. Üçoxlu oxlar, ikimeylli təkərlərə malik qoşqular və ya yarımqoşqular üçün ox kütlələrinin cəmi oxlararası aşağıdakı göstəriciləri aşmamalıdır:

0.5 m-dən 1 m-ə qədər                                                                                       - 16.5 t

1 m-dən 1.3 m-ə qədər                                                                                        - 19.5 t

1.3 m-dən 1.8 m-ə qədər                                                                                     - 22.5 t

1.8 m-ə bərabər və ya çox                                                                                   - 25.5 t

1.5. Üçoxlu oxlar, birmeylli təkərlərə malik qoşqular və ya yarım qoşqular
üçün oxlararası məsafə:

0.5 m-dən 1 m-ə qədər                                                                                       - 15.0 t

1 m-dən 1.3 m-ə qədər                                                                                        - 18.3 t

1.3 m-dən 1.8 m-ə qədər                                                                                     - 21.0 t

1.8 m-ə bərabər və ya çox                                                                                   - 24.0 t

1.6. İkimeylli təkərləri olan yük avtomobili və ya avtobusun cütlənmiş aparıcı ox kütlələrinin cəmi aşağıda göstərildiyindən çox olmamalıdır:

0.5 m-dən 1 m-ə qədər                                                                                       - 12.0 t

1 m-dən 1.3 m-ə qədər                                                                                        - 14.0 t

1.3 m-dən 1.8 m-ə qədər                                                                                     - 16.0 t

1.8 m-ə bərabər və ya çox                                                                                   - 18.0 t

və eləcə də hava asqısı və ya ekvivalenti ilə bərkidiləndə                                - 19.0 t

1.7. Birmeylli təkərləri olan yük avtomobili və ya avtobusun cütlənmiş aparıcı oxları üçün ox kütlələrinin cəmi aşağıdakı göstərildiyindən çox olmamalıdır:

1 m-ə qədər                                                                                                         - 11.0 t

1 m-dən 1.3 m-ə qədər                                                                                        - 13.0 t

1.3 m-dən 1.8 m-ə qədər                                                                                     - 15.0 t

2. Avtomobilin və ya kombinə edilmiş nəqliyyat vasitəsinin aparıcı oxu və ya oxları üzərinə düşən ağırlıq avtomobilin və ya kombinə edilmiş nəqliyyat vasitələrinin ümumi çəkisinin 25%-dən az olmamalıdır.

***Qazaxıstan Respublikası ərazisində dövlətlərarası daşımaları həyata keçirən nəqliyyat vasitələri üçün və Qazaxıstan Respublikasının bu Sazişin digər iştirakçısı olan dövlətlərin ərazisində dövlətlərarası daşımaları həyata keçirən nəqliyyat vasitələri üçün:

1. Nəqliyyat vasitələrinin maksimal ox kütləsi aşağıdakı göstəriciləri aşmamalıdır:

1.1. Biroxlu üçün:

aparılan                                                                                                              - 8.0 t

ikimeylli təkərlərlə aparılan                                                                              - 8.0 t

1.2. Cütlənmiş oxlar, ikimeylli təkərlərə malik qoşqular və ya yarımqoşqular üçün ox kütlələrinin cəmi oxlararası aşağıdakı məsafələrə uyğun olaraq aşağıdakı göstəriciləri aşmamalıdır:

0.5 m-dən 1 m-ə qədər                                                                                        - 12.0 t

1 m-ə bərabər və ya çox, lakin 1.3 m-dən az olmayan                                       - 13.0 t

1.3 m-ə bərabər və ya çox, lakin 1.8 m-dən az olmayan                                    - 14 .2 t

1.8 m-ə bərabər və ya çox                                                                                   - 14.6 t

1.3. Cütlənmiş oxlar. Birmeylli təkərlərə malik qoşqular və ya yarımqoşqular üçün ox kütlələrinin cəmi oxlararası aşağıdakı məsafələrə uyğun olaraq aşağıdakı göstəriciləri aşmamalıdır:

0.5 m-dən 1 m-ə qədər                                                                                       - 11.0 t

1 m-ə bərabər və ya çox, lakin 1.3 m-dən az olmayan                                        - 12.0 t

1.3 m-ə bərabər və ya çox, lakin 1.8 m-dən az olmayan                                     - 13 .2 t

1.8 m-ə bərabər və ya çox                                                                                   - 13.6 t

1.4. Üçoxlu oxlar, ikimeylli təkərlərə malik qoşqular və ya yarımqoşqular üçün ox kütlələrinin cəmi oxlararası aşağıdakı məsafələrə uyğun olaraq aşağıdakı göstəriciləri aşmamalıdır:

0.5 m-dən 1 m-ə qədər                                                                                       - 17.4 t

1 m-ə bərabər və ya çox, lakin 1.3 m-dən az olmayan                                       - 18.4 t

1.3 m-ə bərabər və ya çox, lakin 1.8 m-dən az olmayan                                    - 21.2 t

1.8 m-ə bərabər və ya çox                                                                                   - 21.9 t

1.5. Üçoxlu oxlar, birmeylli təkərlərə malik qoşqular və ya yarımqoşqular üçün oxlararası məsafə aşağıda göstərildiyindən çox olmamalıdır:

0.5 m-dən 1 m-ə qədər                                                                                       - 15.9 t

1 m-ə bərabər və ya çox, lakin 1.3 m-dən çox olmayan                                     - 17.2 t

1.3 m-ə bərabər və ya çox, lakin 1.8 m-dən az olmayan                                   - 19.7 t

1.8 m-ə bərabər və ya çox                                                                                   - 20.4 t

1.6. İkimeylli təkərləri olan yük avtomobili və ya avtobusun cütlənmiş aparıcı oxları üçün ox kütlələrinin cəmi aşağıda göstərildiyindən çox olmamalıdır:

0.5 m-dən çox, lakin 1 m-dən az olmayan                                                         - 12.0 t

1 m-ə bərabər və ya çox, lakin 1.3 m-dən az olmayan                                      - 14.0 t

1.3 m-ə bərabər və ya çox, lakin 1.8 m-dən az olmayan                                     - 16.0 t

1.8 m-ə bərabər və ya çox                                                                                   - 18.0 t

və eləcə də hava asqısı və ya ekvivalenti ilə bərkidiləndə                                - 19.0 t

1.7. Birmeylli təkərləri olan yük avtomobili və ya avtobusun cütlənmiş aparıcı oxları üçün ox kütlələrinin cəmi aşağıda göstərildiyindən çox olmamalıdır:

1 m-dən az                                                                                                           - 11.0 t

1 m-ə bərabər və ya çox, lakin 1.3 m-dən az olmayan                                       - 13.0 t

1.3 m-ə bərabər və ya çox, lakin 1.8 m-dən az olmayan                                    - 15.0 t

2. Avtomobilin və ya kombinə edilmiş nəqliyyat vasitəsinin aparıcı oxu və

ya oxları üzərinə düşən ağırlıq avtomobilin və ya kombinə edilmiş nəqliyyat vasitələrinin cəmi çəkisinin 25%-dən az olmamalıdır.

 

 

 

"Müstəqil Dövlətlər Birliyinin iştirakçısı olan dövlətlərin avtomobil yollarında dövlətlərarası daşımaları həyata keçirən nəqliyyat vasitələrinin kütlə və ölçüləri haqqında Saziş"ə dair

AZƏRBAYCAN RESPUBLİKASININ QEYD-ŞƏRTİ

1.      Azərbaycan Respublikası bəyan edir ki, Müstəqil Dövlətlər Birliyinin iştirakçısı olan dövlətlərin avtomobil yollarında dövlətlərarası daşımaları həyata keçirən nəqliyyat vasitələrinin kütlə və ölçüləri haqqında Sazişdə göstərilmiş heç bir hüquq, öhdəlik və müddəalar Azərbaycan Respublikası tərəfindən Ermənistan Respublikasına münasibətdə tətbiq edilməyəcəkdir.

2.    Azərbaycan Respublikası istənilən vaxt bu qeyd-şərtin 1-ci bəndindəki müddəanı dəyişdirmək və çıxartmaq hüququnu özündə saxlayır və digər Tərəflər belə dəyişikliklər və ya çıxarılmalar haqqında yazılı surətdə məlumatlandırılacaqlar.

 

Azərbaycan Respublikası

Baş nazirinin birinci müavini   A. ABBASOV