296 Azərbaycan Respublikası Nazirlər Kabinetinin bəzi qərarlarına dəyişikliklər edilməsi və bəzi qərarlarının qüvvədən düşmüş hesab edilməsi barədə

Azərbaycan Respublikası Nazirlər Kabinetinin bəzi qərarlarına dəyişikliklər edilməsi və bəzi qərarlarının qüvvədən düşmüş hesab edilməsi barədə

AZƏRBAYCAN RESPUBLİKASI NAZİRLƏR KABİNETİNİN QƏRARI

"Azərbaycan Respublikası Vergi Məcəlləsinə əlavə və dəyişikliklər edilməsi barədə" Azərbaycan Respublikası Qanununun tətbiq edilməsi haqqında" Azərbaycan Respublikası Prezidentinin 2004-cü il 12 fevral tarixli 30 nömrəli Fərmanının 1.2-ci bəndinin icrasını təmin etmək məqsədilə Azərbaycan Respublikasının Nazirlər Kabineti qərara alır:

I. Azərbaycan Respublikası Nazirlər Kabinetinin bəzi qərarlarına aşağıdakı dəyişikliklər edilsin:

1. Azərbaycan Respublikası Nazirlər Kabinetinin 1999-cu il 11 avqust tarixli 128 nömrəli qərarı ilə təsdiq edilmiş "Azərbaycan Respublikası Nazirlər Kabinetinin Yol Hərəkəti Təhlükəsizliyi Komissiyasının Əsasnaməsi"nin 3-cü bəndinin yeddinci abzasından "dövlət yol fondu və" sözləri, 7-ci bəndinin yeddinci abzasından "Yol Fondu"nun vəsaitlərinin yerlərdə istifadə edilməsi üçün və" sözləri çıxarılsın.

2. "Vergi ödəyicilərinə eyniləşdirmə nömrəsinin verilməsi və tətbiq edilməsi Qaydasının təsdiq edilməsi barədə" Azərbaycan Respublikası Nazirlər Kabinetinin 2000-ci il 21 dekabr tarixli 222 nömrəli qərarının 4-cü bəndindən "və "Vergi ödəyicilərinə eyniləşdirmə nömrəsinin verilməsi və tətbiq edilməsi qaydası"na" sözləri çıxarılsın.

3. Azərbaycan Respublikası Nazirlər Kabinetinin 2001-ci il 13 yanvar tarixli 13 nömrəli qərarı ilə təsdiq edilmiş "Xronometraj metodu ilə müşahidə aparılması Qaydaları"nın 2.18-ci bəndində "aylıq gəlirin vergi tutulmayan məbləğinin 1250 mislindən" sözləri "şərti maliyyə vahidinin 22500 mislindən" sözləri ilə əvəz edilsin.

4. Azərbaycan Respublikası Nazirlər Kabinetinin 2001-ci il 23 fevral tarixli 46 nömrəli qərarı ilə təsdiq edilmiş "Binalar üzrə əmlak vergisinin hesablanması Qaydaları"nın 1.4-cü bəndində "aylıq gəlirin vergi tutulmayan məbləğinin 300 mislinədək olduqda vergi tutulmur, 300 mislindən çox olan məbləğdən isə" sözləri "şərti maliyyə vahidinin 6000 mislinədək olduqda vergi tutulmur, 6000 mislindən çox olan məbləğdən isə" sözləri ilə, 2.7-ci bəndində "aylıq gəlirin vergi tutulmayan məbləğinin 1,5 misli" sözləri "şərti maliyyə vahidinin 30 misli" sözləri ilə əvəz edilsin.

II. "Azərbaycan Respublikası Nazirlər Kabinetinin qüvvədən düşmüş hesab edilən bəzi qərarlarının Siyahısı" təsdiq edilsin (əlavə olunur).

III. Bu qərar imzalandığı gündən qüvvəyə minir.

Azərbaycan Respublikasının Baş naziri A. RASİZADƏ

Bakı şəhəri, 13 aprel 2004-cü il

№ 47

Azərbaycan Respublikası Nazirlər Kabinetinin

2004-cü il 13 aprel tarixli 47 nömrəli qərarı ilə

TƏSDİQ EDİLMİŞDİR

Azərbaycan Respublikası Nazirlər Kabinetinin

qüvvədən düşmüş hesab edilən bəzi qərarlarının

S İ Y A H I S I

1. "Azərbaycan Respublikasında istehsal edilən və qiymətləri tənzimlənən məhsulların ixracı zamanı kontrakt qiyməti ilə (ixrac xərcləri çıxılmaqla) respublika daxili müəssisə topdansatış qiyməti arasındakı fərqin büdcəyə alınan hissəsinin müəyyən edilməsi haqqında" Azərbaycan Respublikası Nazirlər Kabinetinin 1999-cu il 10 aprel tarixli 64 nömrəli qərarı.

3. "Aksiz markası ilə markalanmalı olan markalanmamış malların siyahıya alınması və məsul saxlamaya qoyulması Qaydalarının təsdiq edilməsi barədə" Azərbaycan Respublikası Nazirlər Kabinetinin 2000-ci il 25 dekabr tarixli 228 nömrəli qərarı.

4. "İcarəyə götürülmüş əsas vəsaitlər üzrə təmir xərclərinin gəlirdən çıxılması Qaydalarının təsdiq edilməsi barədə" Azərbaycan Respublikası Nazirlər Kabinetinin 2001-ci il 4 yanvar tarixli 3 nömrəli qərarı.

5. "Köhnəlməyə məruz qalmayan aktivlərin Siyahısının təsdiq edilməsi barədə" Azərbaycan Respublikası Nazirlər Kabinetinin 2001-ci il 4 yanvar tarixli 5 nömrəli qərarı.

6. "Malın (işin, xidmətin) bazar qiymətinin müəyyən edilməsi Qaydaları haqqında" Azərbaycan Respublikası Nazirlər Kabinetinin 2001-ci il 4 yanvar tarixli 6 nömrəli qərarı.

7. "Əlavə dəyər vergisinin məqsədləri üçün qeydiyyata alınmayan vergi agenti tərəfindən əlavə dəyər vergisinin məqsədləri üçün qeydiyyatdan keçməyən qeyri-rezidentə ödənməli olan məbləğdən əlavə dəyər vergisinin tutulması və ödənilməsi Qaydasının təsdiq edilməsi barədə" Azərbaycan Respublikası Nazirlər Kabinetinin 2001-ci il 13 yanvar tarixli 12 nömrəli qərarı.

8. "Gəlirdən çıxılmalı olan təmir xərclərinin məhdudlaşdırılan həddi barə də" Azərbaycan Respublikası Nazirlər Kabinetinin 2001-ci il 13 yanvar tarixli 14 nömrəli qərarı.

9. "Əlavə dəyər vergisi ödəyicilərinin dövlət reyestrinin aparılması Qaydalarının təsdiq edilməsi barədə" Azərbaycan Respublikası Nazirlər Kabinetinin 2001-ci il 23 fevral tarixli 42 nömrəli qərarı.

10. "Səyyar vergi yoxlaması zamanı əşyaların nümunə kimi götürülməsi Qaydalarının təsdiq edilməsi barədə" Azərbaycan Respublikası Nazirlər Kabinetinin 2001-ci il 23 fevral tarixli 43 nömrəli qərarı.

11. "Vergi öhdəliyinin yerinə yetirilməsi müddətinin uzadılması Qaydalarının təsdiq edilməsi barədə" Azərbaycan Respublikası Nazirlər Kabinetinin 2001-ci il 23 fevral tarixli 44 nömrəli qərarı.

12. "Birbaşa və dolayı qiymətləndirmə metodlarının tətbiq edilməsi Qaydalarının təsdiq edilməsi barədə" Azərbaycan Respublikası Nazirlər Kabinetinin 2001-ci il 23 fevral tarixli 47 nömrəli qərarı.

13. "Fiziki şəxslərin gəlir vergisindən azad olunan kompensasiya xarakterli ödəmələrinin Siyahısının təsdiq edilməsi barədə" Azərbaycan Respublikası Nazirlər Kabinetinin 2001-ci il 23 fevral tarixli 49 nömrəli qərarı.

14. "Vergi ödəyicilərinin vahid dövlət reyestrinin aparılması Qaydalarının təsdiq edilməsi barədə" Azərbaycan Respublikası Nazirlər Kabinetinin 2001-ci il 23 fevral tarixli 50 nömrəli qərarı.

15. "Vergi ödəyicisi tərəfindən verginin hesablanması üçün zəruri olan hesabat məlumatlarının verilmədiyi hallarda verginin əlaqəli məlumata əsasən hesablanması Qaydasının təsdiq edilməsi barədə" Azərbaycan Respublikası Nazirlər Kabinetinin 2001-ci il 23 fevral tarixli 51 nömrəli qərarı.

16. "Azərbaycan Respublikasında istehsal olunan içməli spirtin, pivənin, spirtli içkilərin və tütün məmulatlarının aksiz dərəcələri haqqında" Azərbaycan Respublikası Nazirlər Kabinetinin 2001-ci il 7 mart tarixli 61 nömrəli qərarının 1-ci bəndi.

17. "Ümumi qaydalara əsasən vergitutma bazasının müəyyənləşdirilməsi çətin olan sahələr üzrə əlavə dəyər vergisinin hesablanması Qaydalarının təsdiq edilməsi barədə" Azərbaycan Respublikası Nazirlər Kabinetinin 2001-ci il 8 avqust tarixli 135 nömrəli qərarı.

18. "Vergi ödəyicisinin siyahıya alınmış əmlakının açıq hərraclarda satılması Qaydalarının təsdiq edilməsi barədə" Azərbaycan Respublikası Nazirlər Kabinetinin 2001-ci il 26 oktyabr tarixli 170 nömrəli qərarı.

19. "Azərbaycan Respublikası Nazirlər Kabinetinin bəzi qərarlarına dəyişikliklər və əlavələr edilməsi barədə" Azərbaycan Respublikası Nazirlər Kabinetinin 2002-ci il 28 fevral tarixli 34 nömrəli qərarının 1-3-cü, 5-ci, 8-ci və 9-cu bəndləri.

20. "İri vergi ödəyiciləri və xüsusi vergi rejimli müəssisələrin mərkəzləşdirilmiş uçota alınması Qaydalarının təsdiq edilməsi haqqında" Azərbaycan Respublikası Nazirlər Kabinetinin 2002-ci il 29 iyun tarixli 100 nömrəli qərarı.

21. "Əvvəlki vergi ilində fəaliyyəti olmayan və növbəti vergi ilində fəaliyyət göstərən hüquqi şəxslərin və sahibkarlıq fəaliyyətini hüquqi şəxs yaratmadan həyata keçirək fiziki şəxslərin, habelə yeni yaradılmış və fəaliyyət göstərən vergi ödəyicilərinin cari vergi ödənişləri Qaydalarının təsdiq edilməsi haqqında" Azərbaycan Respublikası Nazirlər Kabinetinin 2002-ci il 29 iyun tarixli 101 nömrəli qərarı.

22. "Azərbaycan Respublikasının tərəfdar çıxdığı ikiqat vergitutmanın aradan qaldırılması haqqında beynəlxalq müqavilələrə əsasən xarici dövlətin rezidentinin Azərbaycan Respublikasında fəaliyyət göstərən və daimi nümayəndəlik yaratmayan bölmələrinin, habelə idarəetmə yerinə görə rezident sayılan hüquqi şəxsin vergi orqanında uçota alınması Qaydalarının təsdiq edilməsi haqqında" Azərbaycan Respublikası Nazirlər Kabinetinin 2002-ci il 8 oktyabr tarixli 153 nömrəli qərarı.

23. "Azərbaycan Respublikasının dağ rayonlarının siyahısının təsdiq edilməsi haqqında" Azərbaycan Respublikası Nazirlər Kabinetinin 2003-cü il 15 fevral tarixli 25 nömrəli qərarı.

24. "Azərbaycan Respublikası Nazirlər Kabinetinin bəzi qərarlarına əlavələr və dəyişikliklər edilməsi və bəzi qərarlarının qüvvədən düşmüş hesab edilməsi barədə" Azərbaycan Respublikası Nazirlər Kabinetinin 2003-cü il 4 aprel tarixli 42 nömrəli qərarının 1-3-cü, 5-ci, 6-cı, 8-ci və 11-ci bəndləri.

25. "Əlavə dəyər vergisindən azad olunan əməliyyatların müxtəlif mərhələlərdə rəsmiləşdirilməsi Qaydası"nın təsdiq edilməsi haqqında" Azərbaycan Respublikası Nazirlər Kabinetinin 2003-cü il 2 iyun tarixli 72 nömrəli qərarı.

26. "Azərbaycan Respublikası Nazirlər Kabinetinin bəzi qərarlarına dəyişiklik edilməsi barədə" Azərbaycan Respublikası Nazirlər Kabinetinin 2003-cü il 16 iyul tarixli 90 nömrəli qərarının 3-cü bəndi.