Dövlət əmlakının (mənzil fondundan başqa) icarəyə verilməsi üçün icarə haqqının minimum məbləğinin müəyyən edilməsi haqqında[1]

AZƏRBAYCAN RESPUBLİKASI NAZİRLƏR KABİNETİNİN QƏRARI

"İcarə haqqında" Azərbaycan Respublikası Qanununa əlavələr edilməsi barədə" Azərbaycan Respublikası Qanununun tətbiq edilməsi haqqında" Azərbaycan Respublikası Prezidentinin 1999-cu il 6 yanvar tarixli 66 nömrəli Fərmanının icrası ilə əlaqədar Azərbaycan Respublikasının Nazirlər Kabineti qərara alır:

1. "Dövlət əmlakının (mənzil fondundan başqa) icarəyə verilməsi üçün icarə haqqının minimum məbləği" təsdiq edilsin (əlavə olunur).

2. Bu qərar imzalandığı gündən qüvvəyə minir.

Azərbaycan Respublikasının Baş naziri A. RASİZADƏ

Bakı şəhəri, 5 mart 1999-cu il
№ 34

Azərbaycan Respublikası Nazirlər Kabinetinin

1999-cu il 5 mart tarixli 34 nömrəli qərarı ilə
TƏSDİQ EDİLMİŞDİR

Dövlət əmlakının (MƏNZİL fondundan başqa) İCARƏYƏ VERİLMƏSİ üçün İCARƏ haqqının MİNİMUM MƏBLƏĞİ [2]

manatla

№	Qeyri-yaşayış sahəsinin təyinatı	1 m^2 sahənin illik icarə haqqı tarifi
		Bakı şəhəri ərazisində yerləşən sahələr üzrə		Respublikanın digər şəhər və rayonlarında yerləşən sahələr üzrə
		1-ci və yuxarı mərtəbə	Zirzəmi, yarımzirzəmi, çardaq	1-ci və yuxarı mərtəbə	Zirzəmi, yarımzirzə mi, çardaq
1.	Büdcə vəsaiti hesabına maliyyələşdirilən müəssisələrin, incəsənət və mədəniyyət obyektlərinin, yaradıcılıq emalatxanalarının, sənətkarların icarəsindəki sahələr*	6000	4000	3000	2000
2.	İctimai və siyasi təşkilatlar, dini və xeyriyyə təşkilatları, əmtəə birjaları, təhsil, səhiyyə, idman və istehsal təyinatlı sahələr	10000	7000	5000	3500
3.	Poçt xidməti və kütləvi informasiya fəaliyyəti məqsədilə icarəyə götürülən sahələr	19000	13000	10000	7000
4.	Kitab mağazalarının icarəsindəki sahələr	6000	4000	3000	2000
5.	Kommersiya, sahibkarlıq fəaliyyəti ilə məşğul olan hüquqi və fiziki şəxslərin icarəsindəki sahələr və 1-4-cü bəndlər üzrə əgər sahədən təyinatı üzrə istifadə edilməzsə	19000	13000	10000	7000
6.	Xarici səfirliklərin, diplomatik nümayəndəliklərin icarəyə götürdüyü sahələr	150000	100000	45000	30000
7.	Nizamnamə kapitalında xarici investorların payı 50 faiz və daha çox olan müәssisәlәrin, tamamilə xarici investorlara məxsus olan müəssisələrin, xarici hüquqi şəxslərin filialları və nümayəndəliklərinin və xarici fiziki şəxslərin qeyri-istehsal məqsədilə icarəyə götürdüyü sahələr	30000	20000	15000	10000
8.	Nizamnamə kapitalında xarici investorların payı 50 faiz və daha çox olan müəssisələrin, tamamilə xarici investorlara məxsus olan müəssisələrin, xarici hüquqi şəxslərin filialları və nümayəndəliklərinin və xarici fiziki şəxslərin istehsal məqsədilə icarəyə götürdüyü sahələr	20000	14000	10000	5000

İcarə haqqının minimum məbləğinin hesablanması zamanı icarə haqqı tarifinə icarəyə götürülən sahənin yerləşdiyi əraziyə görə zona əmsalı (Zə), sahənin tarix və mədəniyyət abidəsində yerləşdiyini nəzərə alan memarlıq əmsalı (Mə) tətbiq edilir:

Zə - zona əmsalı icarəyə verilən dövlət əmlakının yerləşdiyi əraziyə görə Azərbaycan Respublikası Nazirlər Kabinetinin 1998-ci il 27 aprel tarixli 93 nömrəli qərarı ilə təsdiq edilmiş "Özəlləşdirilən dövlət müəssisə və obyektlərin yerləşdiyi torpaq sahələrinin normativ qiyməti haqqında Əsasnamə"də verilmiş zonalar üzrə aşağıdakı kimi qəbul edilir:

Bakı şəhəri

Zona nömrəsi	Zona əmsalı
1,2	3,5
3	3,3
4	2,8
5	2,0
6	2,3
7	1,8
8	1,2
9	1,8
10,11	1,2
12	şəhərdaxili - 1,7 şəhərkənarı qəsəbələr - 1,2

Sumqayıt və Gəncə şəhərləri

Zona nömrəsi	Zona əmsalı
1	2,0
2	1,8
3	1,6
4,5,6	1,5

Əli Bayramlı, Mingəçevir, Naxçıvan, Lənkəran, Yevlax, Şəki şəhərləri

Zona nömrəsi	Zona əmsalı
1	1,5
2,3
1,3
4	1,2

Naftalan, Şamaxı, Qazax, Şəmkir, Səlyan, Quba, Xaçmaz, Zaqatala, Göyçay şəhərləri

Zona nömrəsi	Zona əmsalı
1	1,3
2,3	1,2

Digər rayonlar

Zona nömrəsi	Zona əmsalı
1	1,2
2	1,0

İcarəyəverən Bakı şəhərində qeyri-istehsal sahələrinin metro, vağzal və mərkəzi meydanlar yaxınlığında yerləşməsindən asılı olaraq alıcılıq axınının intensivliyini nəzərə almaqla zona əmsalını 0,3 əlavə etməklə yüksəldə bilər.

Tarix və mədəniyyət abidələrin aid binalarda yerləşən yerüstü sahələr üzrə 1 m² sahənin illik icarə haqqı əlavə olaraq 1,2 əmsalına (memarlıq əmsalı) vurulur.

Beləliklə, 1 m² sahə üzrə icarə haqqının minimum məbləği aşağıdakı düsturla hesablanır:

İm = Tm x Zə x Mə

İm - icarə haqqının minimum məbləği, Tm - müəyyən edilmiş icarə haqqı tarifidir.

İcarə haqqı tarifi cədvəlindəki 1,2,3 və 8-ci qrupa daxil olan sahələr üzrə icarə haqqı hesablanarkən zona əmsalı tətbiq edilmir. [3]

Memarlıq əmsalı 1,2 qəbul olunur və yerüstü sahələrə tətbiq edilir.

Sahəsi 500 m²-dən çox olan, ancaq anbar kimi istifadə olunan sahə üzrə icarə haqqı hesablanarkən 500 m²-dən artıq sahənin icarə haqqı adı qaydada hesablanmış icarə haqqının 50 faizi miqdarında müəyyən edilir.

Talvar sahələri və metal konstruksiyadan quraşdırılmış sahələr üzrə icarə haqqı adi qaydada hesablanmış icarə haqqının 50 faizi miqdarında müəyyən edilir.

İcarəçi icarə sahəsini təyinatına görə istifadə etmədikdə icarə haqqı sahənin təyinatına görə müəyyən olunur.

Müəyyən edilsin ki, "Azərbaycan Respublikasında dövlət əmlakının icarəyə verilməsi mexanizminin təkmilləşdirilməsi haqqında" Azərbaycan Respublikası Prezidentinin 1999-cu il 19 avqust tarixli Fərmanına uyğun olaraq icarə haqqının müvafiq hissəsi icarəçi tərəfindən bilavasitə icarəyə verilən daşınmaz əmlakı balansında saxlayan müəssisəyə ödənilir. [4]

Bu qərarla müəyyən edilmiş icarə haqqının minimum məbləğində əlavə dəyər vergisi nəzərə alınmamışdır.

* Sənətkarlara və yaradıcılıq emalatxanalarında fəaliyyət göstərən icarəçilərə bu qrup üzrə icarə haqqı Dövlət Antiinhisar Siyasəti və Sahibkarlığa Kömək Komitəsi və yaradıcılıq ittifaqları tərəfindən verilmiş müvafiq sənəd əsasında müəyyən edilir.

** Büdcədən maliyyələşən təşkilatların inzibati binasında yerləşən və onların işçilərinə xidmət edən bu bölmə üzrə fəaliyyət göstərən icarəyə verilmiş sahənin icarə haqqı icarədar tərəfindən 25 faiz azaldılır.

İSTİFADƏ OLUNMUŞ MƏNBƏ SƏNƏDLƏRİNİN SİYAHISI

1. Azərbaycan Respublikası Nazirlər Kabinetinin 27 mart 2000-ci il tarixli 60 nömrəli qərarı (Azərbaycan Respublikasının Qanunvericilik Toplusu, 2000-ci il, № 3, maddə 248)
2. 29 noyabr 2007-ci il tarixli 191 nömrəli Azərbaycan Respublikası Nazirlər Kabinetinin Qərarı (Azərbaycan Respublikasının Qanunvericilik Toplusu, 2007-ci il, № 11, maddə 1189)

QƏRARA EDİLMİŞ DƏYİŞİKLİK VƏ ƏLAVƏLƏRİN SİYAHISI

---

[1] 29 noyabr 2007-ci il tarixli 191 nömrəli Azərbaycan Respublikası Nazirlər Kabinetinin Qərarı (Azərbaycan Respublikasının Qanunvericilik Toplusu, 2007-ci il, № 11, maddə 1189) ilə qüvvədən düşmüş hesab edilmişdir.

[2] Azərbaycan Respublikası Nazirlər Kabinetinin 27 mart 2000-ci il tarixli 60 nömrəli qərarı (Azərbaycan Respublikasının Qanunvericilik Toplusu, 2000-ci il, № 3, maddə 248) ilə "Dövlət əmlakının (mənzil fondundan başqa) icarəyə verilməsi üçün icarə haqqının minimum məbləği"ndə icarə haqqı tarifi cədvəli yeni redaksiyada verilmişdir. Əvvəlki redaksiyada deyilirdi:

Dövlət əmlakının (mənzil fondundan başqa) icarəyə verilməsi üçün icarə

haqqının minimum məbləği

№	Qeyri-yaşayış sahəsinin təyinatı	1 m^2sahənin illik icarə haqqı tarifi (manatla) Bakı şəhəri ərazisində yerləşən sahələr üzrə 1-ci və yuxarı mərtəbə	1 m^2 sahənin illik icarə haqqı tarifi (manatla) Bakı şəhəri ərazisində yerləşən sahələr üzrə Zirzəmi, yarımzirzəmi, çardağ	1 m^2 sahənin illik icarə haqqı tarifi (manatla) Respublikanın digər şəhər və rayonlarında yerləşən sahələr üzrə 1-ci və yuxarı mərtəbə	1 m^2 sahənin illik icarə haqqı tarifi (manatla) Respublikanın digər şəhər və rayonlarında yerləşən sahələr üzrə Zirzəmi, yarım-zirzəmi, çardağ
1	Büdcə vəsaiti hesabına maliyyələşdirilən müəssisələrin, incəsənət obyektlərinin, yaradıcılıq emalatxanalarının, sənətkarların icarəsindəki sahələr*	6000	4000	3000	2000
2.	İdman kompleksləri, ictimai və siyasi təşkilatlar, əmtəə birjaları, layihə büroları və institutlar, qeyri-dövlət təhsil və səhiyyə müəssisələrinin icarəsindəki sahələr	10000	7000	5000	3500
3.	Dövlət mülkiyyətində olan və öz fəaliyyətindən gəlir götürən müəssisə və təşkilatlarının icarəsindəki sahələr, sağlamlıq kompleksləri (mağazalar, məişət xidməti və ictimai iaşə fəaliyyəti göstərən müəssisələrin icarəsində olan sahələrdən başqa)	19000	13000	10000	7000
4.	Kitab mağazalarının icarəsindəki sahələr	6000	4000	3000	2000
	Əgər sahədən təyinatı üzrə istifadə edilməzsə	19000	13000	10000	7000
5.	Mağazalar, məişət xidməti və ictimai iaşə fəaliyyəti göstərən obyektlərin, habelə qeyri-dövlət hüquqi şəxslərin və fiziki şəxslərin icarəsindəki sahələr, saunalar**	19000	13000	10000	7000
6.	Gəlir götürmək üçün istifadə edilməyən, ancaq yardımçı sahə kimi 50 m^2-dək verilmiş sahələr (təsərrüfat anbarı və ya qaraj kimi istifadə olunan sahələr)	10000	4000	5000	2000
7.	Kənd təsərrüfatı təyinatlı sahələr	7000	5000	3500	2000
8.	İstehsal təyinatlı sahələr üzrə: Sahəsi 300 m^2-dək:	10000	7000	5000	3500
	Sahəsi 300 m^2-dən 1000 m^2-dək olan sahələr üzrə 300 m^2-dən artıq sahəyə:	8000	6000	4000	2500
	Sahəsi 1000 m^2-dən çox olan sahələr üzrə 1000 m^2-dən artıq sahəyə:	7000	5000	3500	2000
9.	Xarici səfirliklər, nümayəndəliklərin icarəyə götürdüyü sahələr	150000	100000	45000	30000
10.	Xarici investisiyaların pay iştirakı ilə birgə müəssisə-lərin, tamamilə xarici investorlara məxsus olan müəssisələrin, xarici hüquqi şəxslərin filialları və nümayəndəliklərinin və xarici fiziki şəxslərin qeyri-istehsal məqsədilə icarəyə götürdüyü sahələr	30000	20000	10000	7000
11.	Xarici investisiyaların pay iştirakı ilə birgə müəssisə-lərin, tamamilə xarici investorlara məxsus olan müəssisələrin, xarici hüquqi şəxslərin filialları və nümayəndəliklərinin və xarici fiziki şəxslərin istehsal məqsədilə icarəyə götürdüyü sahələr: Sahəsi 300 m^2-dək:	20000	14000	10000	5000
	Sahəsi 300 m^2-dən 1000 m^2-dək olan sahələr üzrə 300 m^2-dən artıq sahəyə: Sahəsi 1000 m^2-dən çox olan sahələr üzrə 1000 m^2-dən artıq sahəyə:	16000 14000	12000 10000	8000 7000	4500 3500

[3] Azərbaycan Respublikası Nazirlər Kabinetinin 27 mart 2000-ci il tarixli 60 nömrəli qərarı (Azərbaycan Respublikasının Qanunvericilik Toplusu, 2000-ci il, № 3, maddə 248) ilə 4-cü abzasda "İcarə haqqı tarifi cədvəlindəki" sözlərindən sonra "1,2,3,6,7,8 və 11-ci qrupa daxil olan sahələr" sözləri "1,2,3 və 8-ci qrupa daxil olan sahələr" sözləri ilə əvəz edilmişdir.

[4] Azərbaycan Respublikası Nazirlər Kabinetinin 27 mart 2000-ci il tarixli 60 nömrəli qərarı (Azərbaycan Respublikasının Qanunvericilik Toplusu, 2000-ci il, № 3, maddə 248) ilə qərarın əlavəsində axırıncı abzasdan əvvəl yeni abzas əlavə edilmişdir.