Azərbaycan Respublikasının Satınalmalar üzrə Dövlət Agentliyi haqqında

AZƏRBAYCAN RESPUBLİKASI NAZİRLƏR KABİNETİNİN QƏRARI

"Azərbaycan Respublikasının Nazirlər Kabineti yanında Satınalmalar üzrə Dövlət Agentliyinin fəaliyyətini gücləndirmək məqsədilə Azərbaycan Respublikası Prezidentinin bəzi Fərmanlarına dəyişikliklər və əlavələr edilməsi haqqında" Azərbaycan Respublikası Prezidentinin 1999-cu il 1 iyul tarixli 147 nömrəli Fərmanının 5-ci bəndinə əsasən Azərbaycan Respublikasının Nazirlər Kabineti qərara alır:

1. "Azərbaycan Respublikası Nazirlər Kabineti yanında Satınalmalar üzrə Dövlət Agentliyinin məsələləri haqqında" Azərbaycan Respublikası Nazirlər Kabinetinin 1997-ci il 24 iyun tarixli 66 nömrəli qərarının adından və 1, 2, 3, 4, 5-ci bəndlərindən, həmin qərarla təsdiq edilmiş "Azərbaycan Respublikasının Nazirlər Kabineti yanında Satınalmalar üzrə Dövlət Agentliyi haqqında Əsasnamə"nin adından və birinci bölməsinin 1, 2-ci bəndlərindən, "Azərbaycan Respublikası Nazirlər Kabineti yanında Satınalmalar üzrə Dövlət Agentliyinin məsələləri haqqında" Azərbaycan Respublikası Nazirlər Kabinetinin 1997-ci il 24 iyun tarixli 66 nömrəli qərarına dəyişiklik edilməsi və "Azərbaycan Respublikasının Nazirlər Kabineti yanında Satınalmalar üzrə Dövlət Agentliyinin bəzi məsələləri haqqında" Azərbaycan Respublikası Nazirlər Kabinetinin 1998-ci il 18 avqust tarixli 169 nömrəli qərarının adından, 1, 3, 4, 5-ci bəndlərindən "Nazirlər Kabinetinin yanında" sözləri çıxarılsın.

2. Azərbaycan Respublikasının Satınalmalar üzrə Dövlət Agentliyinin (Bakı, Naxçıvan, Sumqayıt və Gəncə şöbələri daxil olmaqla) ümumi ştat sayı 43 vahid, o cümlədən Agentliyin mərkəzi aparatının ştat sayı 22 vahid müəyyən edilsin.[1]

3. Azərbaycan Respublikasının Maliyyə Nazirliyinə tapşırılsın ki, Azərbaycan Respublikası Satınalmalar üzrə Dövlət Agentliyi ilə birlikdə Agentliyin mərkəzi aparatının və onun yerli şöbələrinin cari ilin axırınadək saxlanılmasının maliyyələşdirmə mənbəyi haqqında təkliflərini 10 gün müddətində Nazirlər Kabinetinə təqdim etsin.

4. (Qüvvədən düşüb) [2]

5. "Azərbaycan Respublikası Nazirlər Kabineti yanında Satınalmalar üzrə Dövlət Agentliyinin məsələləri haqqında" Azərbaycan Respublikasının Nazirlər Kabinetinin 1997-ci il 24 iyun tarixli 66 nömrəli qərarına dəyişiklik edilməsi və Azərbaycan Respublikasının Nazirlər Kabineti yanında Satınalmalar üzrə Dövlət Agentliyinin bəzi məsələləri haqqında" Azərbaycan Respublikası Nazirlər Kabinetinin 1998-ci il 18 avqust tarixli 169 nömrəli qərarının ikinci bəndi (əlavə ilə birlikdə) qüvvədən düşmüş hesab edilsin.

6. Bu qərar imzalandığı gündən qüvvəyə minir.


Azərbaycan Respublikasının Baş naziri A. RASİZADƏ

Bakı şəhəri, 24 sentyabr 1999-cu il
№ 151

 

 

İSTİFADƏ OLUNMUŞ MƏNBƏ SƏNƏDLƏRİNİN SİYAHISI

 

1.       Azərbaycan Respublikası Nazirlər Kabinetinin 25 fevral 2000-ci il tarixli 24 nömrəli qərarı (Azərbaycan Respublikasının Qanunvericilik Toplusu, 2000-ci il, № 2, maddə 121)

2.       Azərbaycan Respublikası Nazirlər Kabinetinin 23 sentyabr 2003-cü il tarixli 124 nömrəli qərarı (Azərbaycan Respublikasının Qanunvericilik Toplusu, 2003-cü il, № 9, maddə 531)

3.       24 avqust 2009-cu il tarixli 127 nömrəli Azərbaycan Respublikası Nazirlər Kabinetinin Qərarı ()

 

 

QƏRARA EDİLMİŞ DƏYİŞİKLİK VƏ ƏLAVƏLƏRİN SİYAHISI

 


[1] 24 avqust 2009-cu il tarixli 127 nömrəli Azərbaycan Respublikası Nazirlər Kabinetinin Qərarı () ilə 2-ci bəndi qüvvədən düşmüş hesab edilmişdir.

 

[2] Azərbaycan Respublikası Nazirlər Kabinetinin 23 sentyabr 2003-cü il tarixli 124 nömrəli qərarı (Azərbaycan Respublikasının Qanunvericilik Toplusu, 2003-cü il, № 9, maddə 531) ilə 4-cü bənd qüvvədən düşmüş hesab edilmişdir.

4. Azərbaycan Respublikası Nazirlər Kabinetinin 1997-ci il 24 iyun tarixli 66 nömrəli qərarı ilə təsdiq edilmiş "Azərbaycan Respublikası Nazirlər Kabineti yanında Satınalmalar üzrə Dövlət Agentliyi haqqında Əsasnamə"yə aşağıdakı əlavələr və dəyişikliklər edilsin:

"Agentliyin funksiyaları" bölməsinin 5-ci bəndinə aşağıdakı əlavələr edilsin:

nazirliklər, komitələr və digər orqanlarda satınalmalarla məşğul olan mütəxəssislərin ixtisas səviyyəsini artırmaq üçün qanunvericilikdə nəzərdə tutulmuş qaydada pullu və pulsuz kurslar təşkil etmək, onların iştirakçılarına müvafiq sənədlər vermək, normativ hüquqi sənədlərlə və tədris vəsaitləri ilə təmin etmək; məşğələlər, treninqlər, simpoziumlar, konfranslar keçirmək, satınalmalarla məşğul olan mütəxəssislərin beynəlxalq tədris mərkəzlərinə göndərilməsini əlaqələndirmək; [2]

xarici ölkələrin satınalma təşkilatları ilə əməkdaşlıq etmək;

"Tender haqqında" Azərbaycan Respublikası Qanununun pozulmasına görə qanunvericilikdə nəzərdə tutulmuş qaydada müvafiq dövlət orqanları qarşısında məsələ qaldırma;

həmin bölmənin 10-cu abzasında "toplamaq" sözündən sonra, "bülleten buraxmaq" sözləri əlavə edilsin;

öz səlahiyyətləri daxilində "Tender haqqında" Azərbaycan Respublikası Qanunundan, "Büdcə təşkilatları tərəfindən malların (işlərin və xidmətlərin) satın alınması haqqında" Əsasnamənin tələblərindən və bu qərardan irəli gələn digər məsələləri həll etmək.

"Agentliyin vəzifələri" bölməsinin 8-ci bəndinə aşağıdakı əlavələr edilsin:

3-cü abzasdan sonra "mərkəzi aparatın, Bakı, Naxçıvan, Sumqayıt və Gəncə şöbələrinin strukturunu və ştat cədvəlini təsdiq edir" redaksiyasında yeni abzas;

4-cü abzasında "Agentliyin" sözündən sonra "mərkəzi aparatın və yerli şöbələrinin" sözləri;

5-ci abzasında "öz səlahiyyətləri hüdudlarında" sözlərindən sonra "təlimatları, Agentliyin şöbələrinin əsasnamələrini, standart tender sənədlərinin formalarını" sözləri.