Ezamiyyə xərclərinin normaları haqqında[1]

AZƏRBAYCAN RESPUBLİKASI NAZİRLƏR KABİNETİNİN QƏRARI

"Azərbaycan Respublikası Vergi Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə məsələləri haqqında" Azərbaycan Respublikası Qanununun və bu Qanunla təsdiq edilmiş Azərbaycan Respublikası Vergi Məcəlləsinin tətbiq edilməsi barədə" Azərbaycan Respublikası Prezidentinin 2000-ci il 30 avqust tarixli 393 nömrəli Fərmanına uyğun olaraq Azərbaycan Respublikasının Nazirlər Kabineti qərara alır:

1. Azərbaycan Respublikasının ərazisində ezamiyyə xərclərinin normaları aşağıdakı qaydada müəyyən edilsin:

gündəlik xərclər - 15 min manat;

kommunal xərcləri - təqdim olunan sənədlər əsasında 1 gün üçün Bakı şəhərində 60,0 min manatdan, Azərbaycan Respublikasının digər şəhər və rayon mərkəzində, şəhər tipli qəsəbələrində və kənd yerlərində 30,0 min manatdan artıq olmamaqla;

nəqliyyat xərcləri (taksidən başqa) təqdim olunan sənədlər əsasında.

Müvafiq təsdiqedici sənədlər təqdim edilməyən hallarda kommunal xərcləri müvafiq normaların 50 faizi həcmində, nəqliyyat xərcləri isə dəmir yolu, su və avtomobil nəqliyyatının ən aşağı tarifləri miqdarında ödənilir.

2. Müəssisə, idarə və təşkilatların daimi iş vaxtı yolda keçən, növbə metodu ilə işləyən və çöl təşkilatlarında çalışan işçilərinə gündəlik yemək xərcləri əvəzinə hər gün üçün 15,0 min manat əlavə vəsait ödənilir.

3. Xarici ölkələrə ezamiyyə xərclərinin normaları təsdiq edilsin (1 nömrəli əlavə).

4. Rəhbər işçilərin ezamiyyətləri ilə əlaqədar ezamiyyə xərcləri normalarına əlavələr və həmin əlavələrin tətbiq olunduğu rəhbər işçilərin kateqoriyası təsdiq edilsin (2 nömrəli əlavə).

5. Müəyyən edilsin ki:

büdcədən maliyyələşdirilən müəssisə, idarə və təşkilatlarda ezamiyyə xərcləri onlara büdcədən ayrılan vəsaitlər dairəsində, digər təşkilatlarda isə onların öz vəsaitləri hesabına ödənilir;

büdcədən maliyyələşdirilən müəssisə, idarə və təşkilatlar istisna olmaqla digər təşkilatlar ezamiyyə xərclərinin ödənilməsi üçün öz sərəncamlarında qalan mənfəət hesabına bu qərarla müəyyən edilmiş normalardan əlavə vəsait ayıra bilərlər.

6. Azərbaycan Respublikasının Maliyyə Nazirliyinə və Əmək və Əhalinin Sosial Müdafiəsi Nazirliyinə tapşırılsın ki, 1 ay müddətində "İşçilərin ezamiyyə qaydaları"nı hazırlayıb müvafiq qaydada təsdiq etsinlər.

7. Azərbaycan Respublikası Nazirlər Kabinetinin 1997-ci il 27 yanvar tarixli 9 nömrəli qərarı (7-ci bənd istisna olmaqla) qüvvədən düşmüş hesab edilsin.

8. Bu qərar imzalandığı gündən qüvvəyə minir.

Azərbaycan Respublikasının Baş naziri A. RASİZADƏ

Bakı şəhəri, 16 mart 2001-ci il
№ 66

Azərbaycan Respublikası Nazirlər Kabinetinin

2001-ci il 16 mart tarixli 66 nömrəli qərarı ilə
TƏSDİQ EDİLMİŞDİR
1 nömrəli əlavə

Xarici ölkələrə ezamiyyə xərclərinin

normaları

(ABŞ dolları ilə)

Ölkənin adı	Norma
	Gündəlik xərc	Mehmanxana xərclərinin son həddi
Rusiya	20	70
Moskva, Sankt-Peterburq şəhərləri	20	100
Belorus	20	70
Ukrayna	20	70
Moldova	20	70
Qazaxıstan	20	70
Qırğızıstan	20	70
Tacikistan	20	70
Türkmənistan	20	70
Özbəkistan	20	70
Gürcüstan	20	70
Ermənistan	20	70
Latviya	20	70
Litva	20	70
Estoniya	20	70
ABŞ	60	130
Avstriya	60	100
Albaniya	50	100
Almaniya	70	125
Andorra	45	90
Braziliya	40	85
Baqnladeş	35	80
Bəhreyn	50	90
Birləşmiş Ərəb Əmirlikləri	30	100
Belçika	50	120
Bolqarıstan	40	80
Bosniya və Herseqovina	45	90
Bruney	30	80
Böyük Britaniya	50	170
Vyetnam	30	70
Honqhonq	40	80
Danimarka	40	100
İsveç	50	100
İsrail	50	90
İndoneziya	40	110
İordaniya	35	80
İraq	40	90
İran	25	90
İrlandiya	40	105
İsveçrə	45	120
İslandiya	40	70
İspaniya	40	120
İtaliya	40	100
Yəmən	50	75
Yunanıstan	50	75
Əlcəzair	40	80
Əfqanıstan	35	80
Kamboca	30	40
Kanada	60	100
Katar	40	110
KXDR	40	110
Kipr	35	60
Küveyt	35	150
Laos	35	85
Livan	35	80
Liviya	35	90
Lixtenşteyn	40	90
Lüksemburq	40	90
Mavritaniya	40	75
Makedoniya	45	75
Maskat	30	65
Malayziya	55	120
Mali	40	100
Macarıstan	40	80
Maldiv adaları	25	85
Malta	55	55
Mərakeş	45	65
Misir	35	80
Monako	45	115
Moqnolustan	35	70
Norveç	40	100
Nepal	25	70
Niderland	55	120
Oman	40	100
Pakistan	35	80
Polşa	35	80
Portuqaliya	50	90
Rumıniya	40	80
Samoa	30	50
San-Marino	35	80
Səudiyyə Ərəbistanı	50	100
Sineqal	75	130
Sinqapur	45	175
Suriya	35	60
Slovakiya	35	75
Sloveniya	45	75
Sudan	40	90
Tailand	40	100
Tunis	40	70
Türkiyə	45	80
Ankara və İstanbul şəhərləri	45	100
Finlandiya	40	110
Filippin adaları	30	110
Fransa	50	140
Xorvatiya	45	65
Cənubi Koreya	55	110
Cibuti	40	70
Çad	50	60
Çexiya	40	80
Çin Xalq Respublikası	30	80
Şri-Lanka	50	90
Hindistan	35	80
Hibraltar	35	60
Yuqoslaviya	45	90
Yaponiya	100	150
Avstraliya və Okeaniya	40	100
Amerika qitəsi üzrə digər ölkələr	30	75
Afrika qitəsi üzrə digər ölkələr	40	90

Qeyd. Xarici ölkələrə ezam edilən şəxslərə hər bir ezamiyyə zamanı 20 ABŞ dolları məbləğində birdəfəlik ölkədaxili nəqliyyat xərci ödənilir.

Azərbaycan Respublikası Nazirlər Kabinetinin

2001-ci il 16 mart tarixli 66 nömrəli qərarı ilə
TƏSDİQ EDİLMİŞDİR
2 nömrəli əlavə

Rəhbər işçilərin ezamiyyətləri ilə əlaqədar ezamiyyə xərcləri normalarına əlavələr və həmin əlavələrin tətbiq olunduğu rəhbər işçilərin

kateqorİyası

Rəhbər işçinin vəzifəsi	Kommunal xərcləri normasına əlavə (əmsal)
Azərbaycan Respublikası Prezidentinin İcra Aparatının rəhbəri, işlər müdiri, dövlət müşavirləri, İcra Aparatının struktur bölmələrinin rəhbərləri,[2] Azərbaycan Respublikasının Milli Məclisinin deputatları;	1,5
Azərbaycan Respublikası Baş nazirin müavinləri, Nazirlər Kabinetinin işlər müdiri, mərkəzi icra hakimiyyəti və məhkəmə hakimiyyəti orqanlarının rəhbərləri
Mərkəzi icra hakimiyyəti və məhkəmə hakimiyyəti orqanları rəhbərlərinin müavinləri	1,3
Azərbaycan Respublikası Prezidentinin xarici səfərləri ilə bağlı protokol tədbirlərinin həyata keçirilməsi ilə əlaqədar ezam olunan şəxslər	1,25

Qeyd. Bu əlavədə nəzərdə tutulan əmsallar digər qanunvericilik aktları ilə ezamiyyə xərclərinə əlavələrin tətbiq olunduğu orqanlarda çalışan müvafiq işçilərə şamil edilmir.

Yuxarıda göstərilən cədvəlin "Rəhbər işçinin vəzifəsi" hissəsinin birinci bölməsində göstərilən şəxslərə nəqliyyat xərcləri təyyarə üçün "biznes klass", dəmir yolu qatarları üçün "2 yerli kupeli yumşaq vaqon" tarifi ilə ödənilir, bütün digər hallarda nəqliyyat xərcləri təyyarə üçün "ekonomik klass", dəmir yolu qatarları üçün "4 yerli kupeli vaqon" tarifi ilə ödənilir.

İSTİFADƏ OLUNMUŞ MƏNBƏ SƏNƏDLƏRİNİN SİYAHISI

1. 21 oktyabr 2005-ci il tarixli 193 nömrəli Azərbaycan Respublikası Nazirlər Kabinetinin Qərarı (Azərbaycan Respublikasının Qanunvericilik Toplusu, 2005-ci il, №10, maddə 986)

2. 24 aprel 2006-cı il tarixli 115 nömrəli Azərbaycan Respublikası Nazirlər kabinetinin Qərarı (Azərbaycan Respublikasının Qanunvericilik Toplusu, 2006-cı il, № 4, maddə 383)
3. 25 yanvar 2008-ci il tarixli 14 nömrəli Azərbaycan Respublikası Nazirlər Kabinetinin Qərarı (Azərbaycan Respublikasının Qanunvericilik Toplusu, 2008-ci il, № 1, maddə 44)

QANUNA EDİLMİŞ DƏYİŞİKLİK VƏ ƏLAVƏLƏRİN SİYAHISI

---

[1] 25 yanvar 2008-ci il tarixli 14 nömrəli Azərbaycan Respublikası Nazirlər Kabinetinin Qərarı (Azərbaycan Respublikasının Qanunvericilik Toplusu, 2008-ci il, № 1, maddə 44) ilə 7-ci bəndi istisna olmaqla qüvvədən düşmüş hesab edilmişdir.

[2] 24 aprel 2006-cı il tarixli 115 nömrəli Azərbaycan Respublikası Nazirlər kabinetinin Qərarı (Azərbaycan Respublikasının Qanunvericilik Toplusu, 2006-cı il, № 4, maddə 383) ilə “Rəhbər işçilərin ezamiyyətləri ilə əlaqədar ezamiyyə xərcləri normalarına əlavələr və həmin əlavələrin tətbiq olunduğu rəhbər işçilərin kateqoriyası" barədə 2 nömrəli əlavənin "Rəhbər işçinin vəzifəsi" hissəsinin birinci bölməsində "Azərbaycan Respublikası Milli Məclisi sədrinin müavinləri, Milli Məclisin daimi komissiya sədrləri" sözləri "Azərbaycan Respublikasının Milli Məclisinin deputatları" sözləri ilə əvəz edilsin, ikinci bölməsində" Milli Məclisin daimi komissiya sədrlərinin müavinləri" və üçüncü bölməsində "Milli Məclisin daimi komissiya üzvləri və" sözləri çıxarılsın.