“Magistratura təhsilinin məzmunu,
təşkili və “magistr” dərəcələrinin
verilməsi Qaydaları”nın təsdiq edilməsi haqqında
AZƏRBAYCAN
RESPUBLİKASI NAZİRLƏR KABİNETİNİN QƏRARI
“Təhsil haqqında” Azərbaycan Respublikası
Qanununun tətbiq edilməsi barədə” Azərbaycan
Respublikası Prezidentinin 2009-cu il 5 sentyabr tarixli, 156 nömrəli Fərmanının 1.13-cü bəndinin
icrasını təmin etmək məqsədi ilə
Azərbaycan Respublikasının Nazirlər Kabineti QƏRARA ALIR:
1. “Magistratura təhsilinin məzmunu, təşkili
və “magistr” dərəcələrinin verilməsi
Qaydaları” təsdiq edilsin (əlavə olunur).
2. Bu qərar imzalandığı gündən
qüvvəyə minir.
Azərbaycan Respublikasının Baş
naziri A. RASİ-ZADƏ
Bakı
şəhəri, 12 may 2010-cu il
¹ 88
|
|
Azərbaycan Respublikası Nazirlər
Kabinetinin 2010-cu il 12 may tarixli, 88 nömrəli
qərarı ilə |
Magistratura təhsilinin məzmunu,
təşkili və “magistr”
dərəcələrinin verilməsi
QAYDALARI
1. Ümumi müddəalar
1.1. Bu Qaydalar “Təhsil
haqqında” Azərbaycan Respublikasının Qanununa və
digər qanunvericilik aktlarına uyğun
hazırlanmışdır və dövlət təhsil
standartları əsasında ali təhsilin magistratura
səviyyəsində təhsilin məzmunu, təşkili
və “magistr”
dərəcələrinin verilməsi qaydalarını
tənzimləyir.
1.2. Magistratura təhsili Azərbaycan
Respublikasının Nazirlər Kabineti tərəfindən ali
təhsilin magistratura səviyyəsi üzrə
müəyyən edilmiş ixtisasların təsnifatına
uyğun olaraq mütəxəssis
hazırlığının ixtisaslaşmalar (sahələr,
fənlər, dillər, dil və ədəbiyyat, regionlar,
ölkələr, nəqliyyat növləri) üzrə
həyata keçirilməsini təmin edir. Hər bir ixtisas
üzrə ixtisaslaşmalar ixtisasın təhsil proqramı
ilə müəyyən olunur.[1]
1.3. Bu Qaydalar tabeliyindən, mülkiyyət
növündən və təşkilati-hüquqi
formasından asılı olmayaraq, respublikanın bütün
ali təhsil müəssisələrinə və Azərbaycan Milli Elmlər
Akademiyasına (bundan sonra - “AMEA”) şamil
edilməklə, magistratura səviyyəsində təhsilin
məzmununa, ixtisasların ayrı-ayrı
ixtisaslaşmaları üzrə müvafiq təhsil
proqramlarına, eləcə də təhsilalanların
hazırlıq səviyyəsinə qoyulan tələbləri
müəyyənləşdirir. [2]
1.4. Bu Qaydalar mütəxəssis
hazırlığının səviyyəsinə ümumi
tələblər qoymaqla, ali təhsil
müəssisələrində və
AMEA-da təhsilin keyfiyyətinin
yüksəldilməsinə, məsuliyyətin, eləcə
də kadr hazırlığının
səmərəliliyinin artırılmasına,
tədris-metodiki təminatın yaxşılaşdırılmasına,
təhsilalanların attestasiyasının
şəffaflığına, təhsilin keyfiyyət
səviyyəsinin ölkədə qəbul olunan təhsil və peşə standartları
əsasında beynəlxalq və ümumavropa təhsil
sisteminin prinsiplərinə uyğunlaşdırılması
şərtilə, respublikanın ali təhsil sisteminin Avropa
təhsil məkanına inteqrasiyasına və
ölkəmizdə verilmiş təhsil sənədlərinin
beynəlxalq təhsil məkanında tanınmasına
şərait yaradır.[3]
1.5. Magistratura səviyyəsində əyani (tədrisə
tam cəlb olunma – fulltime və tədrisə qismən cəlb
olunma – parttime) və qiyabi təhsilalma formaları
müəyyən edilir. [4]
1.6. Magistratura
səviyyəsində əyani təhsilalma formasının
tədrisə tam cəlb olunma (fulltime) növü üzrə
təhsilin normativ müddəti 1,5-2 ildir (qiyabi forma üzrə
təhsil müddəti əyani təhsilalma formasının
tədrisə tam cəlb olunma (fulltime) növü üzrə
təhsilin normativ müddətindən altı ay
artıqdır). Bu müddət ayrı-ayrı
ixtisaslaşmaların təhsil proqramları ilə
müəyyənləşdirilir. Magistratura
səviyyəsində əyani təhsilalma formasının
tədrisə qismən cəlb olunma (parttime) növü
üzrə isə təhsilin müddəti təhsilalanın
fərdi tədris planına uyğun olaraq
müəyyənləşdirilir.[5]
1.7. Tabeliyindən və mülkiyyət formasından
asılı olmayaraq, respublikanın bütün ali təhsil
müəssisələrində və
AMEA-da magistratura təhsili ödənişli əsasla
və dövlət sifarişi əsasında
həyata keçirilə bilər.[6]
Sosial müdafiəyə xüsusi ehtiyacı olan
şəxslərin ali təhsil
müəssisələrində ali təhsilin magistratura
səviyyəsində ödənişli əsaslarla təhsil
aldıqları müddətdə onların təhsil
haqqının dövlət büdcəsinin vəsaiti
hesabına ödənilməsi “Təhsil
haqqında” Azərbaycan Respublikası Qanununun 14.8-1-ci və 14.8-2-ci
maddələri ilə tənzimlənir.[7]
1.8. Tabeliyindən və mülkiyyət formasından
asılı olmayaraq, elmi-pedaqoji kadr potensialı, maddi-texniki
bazası və təhsil infrastrukturu kifayət qədər
yüksək olan respublikanın bütün ali təhsil
müəssisələrində magistratura Azərbaycan
Respublikası Nazirlər Kabinetinin razılığı
əsasında Azərbaycan Respublikasının Elm və
Təhsil Nazirliyi tərəfindən yaradılır.[8]
1.9. Magistratura səviyyəsində
ixtisaslaşmalar üzrə mütəxəssis
hazırlığı bakalavriat səviyyəsi üzrə
buraxılışı olan ali təhsil
müəssisələrində (ali təhsilin magistratura
səviyyəsi üzrə müəyyən edilmiş
ixtisasların təsnifatında nəzərdə tutulduğu
hallarda xüsusi təyinatlı ali təhsil
müəssisələri istisna olmaqla) həyata keçirilir.[9]
1.10. Magistraturaya müvafiq
ixtisaslar üzrə qəbul olunacaq tələbələrin
sayı mövcud maddi-texniki baza və elmi-pedaqoji potensial
nəzərə alınmaqla, Azərbaycan Respublikasının
Nazirlər Kabineti tərəfindən
müəyyənləşdirilir.[10]
1.11. Magistraturaya tələbə qəbulu Azərbaycan
Respublikasının Nazirlər
Kabineti tərəfindən müəyyən edilmiş
qaydada həyata keçirilir.[11]
1.12. Xarici ölkələrin
vətəndaşlarının magistraturaya qəbulu
müvafiq qanunvericilik aktları ilə tənzimlənir.
2. Magistratura səviyyəsində
təhsilin məzmununa və tədris prosesinin
təşkilinə qoyulan tələblər
2.1. Magistratura — ali təhsilin ikinci səviyyəsinin
tələblərinə uyğun olaraq,
yüksəkixtisaslı, sərbəst yaradıcılıq
fəaliyyəti göstərə biləcək
mütəxəssislərin hazırlığını
təmin edən təhsil prosesidir.
2.2. Azərbaycan Respublikasının ali təhsil
müəssisələrində və
AMEA-da magistratura təhsili
ixtisasın ayrı-ayrı ixtisaslaşmaları üzrə
təhsil proqramı, ona müvafiq hazırlanmış
tədris planı, fənlər üzrə işçi
proqramlar (sillabuslar) və digər normativ sənədlər (qiymətləndirmə
qaydaları, fərdi tədris planları, dərs
cədvəlləri, imtahan cədvəlləri,
dərslərin reqlamentləri, təcrübənin
keçirilməsi qaydaları və s.) əsasında
həyata keçirilir.[12]
2.3. Magistr təhsilinin məzmunu tədris prosesinin
və elmi tədqiqat işlərinin planlaşdırılmasını,
onun həyata keçirilməsinin forma və
metodlarını, tədris yükünün həcmini,
tədris mərhələlərinin (semestrlərin) müddətini,
tədris növlərini (mühazirə,
məşğələ, laboratoriya və s.), ayrı-ayrı
fənlərin həcmini, ixtisasın ixtisaslaşmaları
üzrə təhsil proqramında qoyulan tələbləri
əhatə edir.
Tədris prosesinin və elmi tədqiqat işlərinin
planlaşdırılması, təşkili tədris planı
(nümunəvi işçi və fərdi) və fənn
proqramları və ona müvafiq hazırlanmış
fənlər üzrə işçi proqramları
əsasında həyata keçirilir. Bu planların forma
və strukturu ali təhsil müəssisəsi və AMEA tərəfindən
müəyyənləşdirilir. [13]
Təhsil proqramlarında
göstərilən fənlər üzrə proqramlar ali
təhsil müəssisələri və AMEA
tərəfindən hazırlanır, Azərbaycan
Respublikasının Elm və Təhsil Nazirliyi tərəfindən
təsdiq edilir, tədris planlarına təhsil
müəssisələri və AMEA tərəfindən
daxil edilən seçmə fənlər üzrə proqramlar
isə təhsil müəssisələri və AMEA
tərəfindən təsdiq edilir. Fənlər
üzrə işçi proqramları (sillabuslar) isə ali
təhsil müəssisəsi və
AMEA tərəfindən hazırlanır və təsdiq
edilir.[14]
İşçi tədris proqramı (sillabus) —
fənnin müvafiq proqramı əsasında hazırlanan
və özündə tədris olunan fənnin təsvirini,
onun hədəf və məqsədini, qısa məzmununu,
dərslərin müddətini və növlərini,
tələbənin müstəqil işi üçün
tapşırıqları, onların yerinə yetirilməsi
müddətini, məsləhət saatlarını,
müəllim haqqında məlumatı, müəllimin
tələblərini, qiymətləndirmə
meyarlarını, aralıq qiymətləndirilmə
cədvəlini, istifadə olunan ədəbiyyatın
siyahısını əks etdirən sənəddir.
2.4. Magistratura səviyyəsində təhsilin
məzmunu bir-biri ilə əlaqəli nəzəri
təlimdən, pedaqoji və peşəkar hazırlıqdan,
eləcə də elmi tədqiqat işlərindən
ibarətdir.
Magistrin nəzəri təlimi və pedaqoji
hazırlığı humanitar, ixtisas və ixtisaslaşma
fənlərinin mühazirə, məşğələ,
seminar, məsləhət, sərbəst iş, pedaqoji
təcrübə və s. formada öyrənməsi ilə
təmin olunur.
Magistrin elmi tədqiqat sahəsində
hazırlığı konkret tədqiqat fəaliyyətinin
tələblərinə uyğun olaraq, müasir üsullarla
araşdırmaların aparılması və dissertasiya
işinin hazırlanması ilə təmin olunur.
2.5. İxtisasın ayrı-ayrı
ixtisaslaşmaları üzrə təhsil proqramının
strukturu tədris (humanitar və ümumi hazırlıq,
eləcə də ixtisaslaşma fənləri) və elmi
tədqiqat hissəsindən ibarətdir.
2.6. Magistratura səviyyəsində tədrisin
təşkili ali təhsil pilləsinin dövlət
standartının tələblərinə uyğun
Azərbaycan Respublikasının Nazirlər Kabineti tərəfindən
təsdiq edilmiş qaydalar əsasında kredit sistemi (Avropa
ölkələrində tətbiq olunan AKTS — Avropa Kredit
Transfer Sistemi) ilə həyata keçirilir.[15]
2.7. Tələbələrin fənlər üzrə
attestasiyası (biliyinin qiymətləndirilməsi)
Azərbaycan Respublikasının Elm və Təhsil Nazirliyi tərəfindən
müəyyənləşdirilmiş qaydada çoxballı
(100 ballı) sistemlə həyata keçirilir.
2.8. Tədris ili, bir qayda olaraq, iki semestrdən
(payız və yaz) ibarətdir. Bundan əlavə, yay
tətili müddətində 6 (altı) həftədən
çox olmayaraq, yay semestri də təşkil oluna bilər.
2.9. Əyani formanın təhsil müddətində
nəzəri tədrisə — 45, elmi tədqiqat və
elmi-pedaqoji təcrübələrə — 8, imtahan
sessiyalarına isə 15 həftə ayrılır. Bu zaman auditoriya
saatları 12-16 həftədir.
Dissertasiya işinin hazırlanması və
müdafiəsinə 12, tətillərə isə 14
həftə ayrılır.
2.10. Tələbənin auditoriya və
auditoriyadankənar (bütün tədris, elmi tədqiqat
və elmi-pedaqoji) həftəlik yükünün həcmi 45
saatdır. Bu zaman dərslər 12-16 saat təşkil edir.
Qiyabi forma üzrə isə tələbələrin
auditoriya dərslərinin həcmi ildə 120-160 saat
nəzərdə tutulur. Hər tədris ilində təlim
müddəti 15 sentyabr tarixindən başlanır və
tədris planına müvafiq olaraq yekunlaşır.
2.11. Bir akademik saat — 45 dəqiqəyə
bərabərdir. Bütün növ dərslər
üçün 2 akademik saat
müəyyənləşdirilir. Akademik saatlararası
fasilə 5 dəqiqədən az olmamalıdır.
2.12. Magistratura üzrə aparılan elmi tədqiqat
işləri axtarış və tətbiqi xarakterli
işlər olmalıdır.
2.13. Magistrantlara elmi rəhbərlik, bir qayda olaraq,
həmin təhsil müəssisəsində və AMEA-da çalışan
professor-müəllim heyətinin elmi adı və ya elmi
dərəcəsi olan nümayəndələri və ya
həmin şərtləri ödəyən digər
müəssisə və təşkilatlarda
çalışan şəxslər tərəfindən
həyata keçirilir. Bir nəfərə 5-dən çox
magistranta rəhbərlik etməyə icazə verilmir.
Magistrantın elmi tədqiqatının yönümü
müxtəlif elmlərin qovuşmasından ibarət
olduğu halda, ona elmi rəhbərlə yanaşı, elmi
məsləhətçi də təyin oluna bilər.
3. Magistrlik dissertasiyalarının
müdafiəsi üzrə ixtisaslaşdırılmış
şuralar
3.1. Ali təhsilin magistratura səviyyəsində
təhsilin yekun mərhələsi magistrlik
dissertasiyasının müdafiəsidir (ixtisasdan asılı
olaraq buraxılış imtahanı da ola bilər).
3.2. Magistratura səviyyəsini bitirən
şəxslərə "magistr" ali elmi-ixtisas
dərəcəsi verilir. “Magistr” dərəcəsi magistrlik
dissertasiyalarının müdafiəsi üçün ali
təhsil müəssisəsi və
AMEA tərəfindən yaradılmış
ixtisaslaşdırılmış şuraların
qərarı əsasında verilir. Bu təhsil
səviyyəsini bitirən şəxslər
təhsillərini doktoranturada davam etdirə bilərlər.
3.3. İxtisaslaşdırılmış
şuraların yaradılması və onun işinin
təşkili qaydası Azərbaycan Respublikasının
Nazirlər Kabineti tərəfindən təsdiq edilmiş
müvafiq qaydalarla müəyyən olunur.
4. Magistraturada yekun attestasiya
4.1. Tədris planının bütün
şərtlərini yerinə yetirmiş tələbələr
yekun attestasiyaya buraxılırlar.
4.2. Yekun attestasiya magistrlik dissertasiyasının
müdafiəsi və ixtisas fənləri üzrə
imtahanlardan ibarətdir. Magistrlik dissertasiyasının
müdafiəsi ixtisaslaşdırılmış
şuraların iclaslarında aparılır.
4.3. Magistrlik dissertasiyasının məzmununa,
yazılmasına, təqdim edilməsinə və
müdafiəsinə qoyulan tələblər Azərbaycan
Respublikasının Elm və Təhsil Nazirliyi tərəfindən
müəyyənləşdirilir.
4.4. Ali təhsil müəssisələrində və AMEA-da magistratura
səviyyəsinin təhsil proqramı üzrə tədris
planını tam yerinə yetirmiş və magistr ali
elmi-ixtisas dərəcəsi almış
şəxslərə müəyyən olunmuş formada
dövlət nümunəli diplom verilir.
4.5. Magistratura səviyyəsini bu və ya digər
səbəbdən başa vurmayan şəxslərə
Azərbaycan Respublikasının Nazirlər Kabineti
tərəfindən müəyyən olunmuş qaydada
arayış verilir. Arayışın forması Azərbaycan
Respublikasının Nazirlər Kabineti tərəfindən
təsdiq edilir.
İSTİFADƏ
OLUNMUŞ MƏNBƏ SƏNƏDLƏRİNİN
SİYAHISI
1. 18 aprel 2014-cü il tarixli 106 nömrəli Azərbaycan
Respublikası Nazirlər Kabinetinin Qərarı (“Azərbaycan” qəzeti, 20 aprel
2014-cü il, ¹ 80, Azərbaycan
Respublikasının Qanunvericilik Toplusu, 2014-cü il, ¹ 04,
maddə 450)
2. 19 aprel 2016-cı il tarixli 165 nömrəli Azərbaycan Respublikası Nazirlər
Kabinetinin Qərarı (“Azərbaycan”
qəzeti, 5 may 2016-cı il, ¹ 96, Azərbaycan
Respublikasının Qanunvericilik Toplusu, 2016-cı il, ¹ 4,
maddə 820)
3. 13 iyun 2016-cı il tarixli 224 nömrəli Azərbaycan Respublikası Nazirlər
Kabinetinin Qərarı (“Azərbaycan”
qəzeti, 19 iyun 2016-cı il, ¹ 131, Azərbaycan
Respublikasının Qanunvericilik Toplusu, 2016-cı il, ¹ 6,
maddə 1201)
4. 23 dekabr 2016-cı
il tarixli 523 nömrəli Azərbaycan
Respublikası Nazirlər Kabinetinin Qərarı (“Xalq” qəzeti, 27 dekabr 2016-cı
il, ¹ 288, Azərbaycan Respublikasının Qanunvericilik
Toplusu, 2016-cı il, ¹ 12, maddə 2239)
5.
16 fevral 2017-ci il tarixli 54 nömrəli Azərbaycan Respublikası Nazirlər Kabinetinin
Qərarı (“Xalq” qəzeti 17
fevral 2017-ci il, ¹ 36, Azərbaycan
Respublikasının Qanunvericilik Toplusu, 2017-ci il, ¹ 2, maddə
307)
6.
8 noyabr 2018-ci il tarixli 481 nömrəli Azərbaycan Respublikası Nazirlər Kabinetinin
Qərarı (“Xalq” qəzeti, 14
noyabr 2018-ci il, ¹ 256, Azərbaycan Respublikasının
Qanunvericilik Toplusu, 2018-ci il, ¹ 11, maddə 2431)
7.
7 dekabr 2019-cu il tarixli 467 nömrəli Azərbaycan Respublikası Nazirlər Kabinetinin
Qərarı (“Xalq” qəzeti, 8 dekabr
2019-cu il, ¹ 273, Azərbaycan Respublikasının Qanunvericilik Toplusu, 2019-cu
il, ¹ 12, maddə 2051)
8.
4 mart 2020-ci il tarixli 79
nömrəli Azərbaycan
Respublikası Nazirlər Kabinetinin Qərarı (“Xalq”
qəzeti, 8 mart 2020-ci il, ¹ 53, Azərbaycan
Respublikasının Qanunvericilik Toplusu, 2020-ci il, ¹ 3, maddə
340)
9.
18 may 2020-ci il tarixli 179 nömrəli Azərbaycan Respublikası Nazirlər Kabinetinin
Qərarı (“Xalq” qəzeti, 18
may 2020-ci il, ¹ 98,
Azərbaycan Respublikasının Qanunvericilik Toplusu, 2020-ci il, ¹
5, maddə 650) (Bu Qərar 2020-ci il oktyabrın 1-dək
qüvvədədir.)
10.
22 fevral 2021-ci il tarixli 40 nömrəli Azərbaycan Respublikası Nazirlər Kabinetinin
Qərarı (“Xalq” qəzeti, 24
fevral 2021-ci il, ¹ 42, Azərbaycan
Respublikasının Qanunvericilik Toplusu, 2021-ci il, ¹ 2, maddə
205)
11.
5 iyun 2021-ci il tarixli 158 nömrəli Azərbaycan Respublikası Nazirlər Kabinetinin
Qərarı (“Xalq” qəzeti, 9
iyun 2021-ci il, ¹ 118, Azərbaycan
Respublikasının Qanunvericilik Toplusu, 2021-ci il, ¹ 6, IV kitab,
maddə 664) (Bu
Qərar 2021-ci il oktyabrın 1-dək qüvvədədir.)
12.
21 dekabr 2022-ci il tarixli 448 nömrəli Azərbaycan Respublikası Nazirlər Kabinetinin
Qərarı (Azərbaycan
Respublikası Nazirlər Kabinetinin rəsmi internet saytı, 23
dekabr 2022-ci il, Azərbaycan Respublikasının
Qanunvericilik Toplusu, 2022-ci il, ¹ 12, maddə 1552)
13.
19 aprel 2023-cü il tarixli 125
nömrəli Azərbaycan Respublikası Nazirlər
Kabinetinin Qərarı (Azərbaycan Dövlət
İnformasiya Agentliyinin (AZƏRTAC-ın) rəsmi internet
saytı, 20 aprel 2023-cü
il, Azərbaycan
Respublikasının Qanunvericilik Toplusu, 2023-cü il, ¹ 4,
maddə 596)
14.
9 mart 2024-cü il tarixli 130 nömrəli Azərbaycan Respublikası Nazirlər Kabinetinin
Qərarı (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 12 mart 2024-cü il, “Azərbaycan”
qəzeti, 13 mart 2024-cü
il, ¹ 56, Azərbaycan
Respublikasının Qanunvericilik Toplusu, 2024-cü il, ¹ 3,
maddə 307)
15.
5 sentyabr 2024-cü
il tarixli 395 nömrəli Azərbaycan
Respublikası Nazirlər Kabinetinin Qərarı (Azərbaycan Dövlət İnformasiya Agentliyinin
(AZƏRTAC-ın) rəsmi internet saytı,
6 sentyabr 2024-cü il, “Xalq” qəzeti, 12
sentyabr 2024-cü il, ¹ 198, Azərbaycan
Respublikasının Qanunvericilik Toplusu, 2024-cü il, ¹ 9,
maddə 1058)
16.
2 dekabr 2024-cü il tarixli 505 nömrəli Azərbaycan Respublikası Nazirlər
Kabinetinin Qərarı (Azərbaycan Dövlət İnformasiya
Agentliyinin (AZƏRTAC-ın) rəsmi internet saytı, 3 dekabr 2024-cü il, “Xalq” qəzeti, 5 dekabr 2024-cü il, ¹ 268, Azərbaycan
Respublikasının Qanunvericilik Toplusu, 2024-cü il, ¹ 12, I
kitab, maddə 1310)
QƏRARA EDİLMİŞ
DƏYİŞİKLİK VƏ ƏLAVƏLƏRİN
SİYAHISI
[1] 19 aprel 2016-cı il
tarixli 165 nömrəli Azərbaycan
Respublikası Nazirlər Kabinetinin Qərarı (“Azərbaycan” qəzeti, 5 may
2016-cı il, ¹ 96, Azərbaycan Respublikasının Qanunvericilik
Toplusu, 2016-cı il, ¹ 4, maddə 820) ilə “Magistratura təhsilinin
məzmunu, təşkili və “magistr”
dərəcələrinin verilməsi Qaydaları”nın 1.2-ci
bəndinin ikinci abzası ləğv edilmişdir.
2 dekabr 2024-cü il tarixli 505 nömrəli Azərbaycan Respublikası Nazirlər
Kabinetinin Qərarı (Azərbaycan Dövlət İnformasiya
Agentliyinin (AZƏRTAC-ın) rəsmi internet saytı, 3 dekabr 2024-cü il, “Xalq” qəzeti, 5 dekabr 2024-cü il, ¹ 268, Azərbaycan
Respublikasının Qanunvericilik Toplusu, 2024-cü il, ¹ 12, I
kitab, maddə 1310) ilə “Magistratura təhsilinin məzmunu,
təşkili və “magistr” dərəcələrinin
verilməsi Qaydaları”nın 1.2-ci bəndi yeni redaksiyada
verilmişdir.
Əvvəlki redaksiyada deyilirdi:
1.2. Magistr hazırlığı ali
təhsilin ikinci səviyyəsi olaraq Azərbaycan
Respublikasının Nazirlər Kabineti tərəfindən
təsdiq edilmiş magistr ixtisaslaşmalarının (proqramlarının)
təsnifatına uyğun müvafiq ixtisaslaşmalar
üzrə mütəxəssis hazırlığının
həyata keçirilməsini təmin edir. Bu
səviyyədə bakalavr təhsili bazasından
ayrı-ayrı ixtisasların ixtisaslaşmaları üzrə
müvafiq təhsil proqramları əsasında mütəxəssislər
hazırlanır.
Xüsusi qabiliyyət tələb
edən və öz xüsusiyyətləri ilə
fərqlənən mədəniyyət, musiqi, incəsənət,
idman, memarlıq, dizayn və bu kimi digər sahələr
üzrə magistr hazırlığı yalnız
nəzəri hazırlıq və tədqiqat tələb
edən sahələr üzrə həyata keçirilir. Bu
ixtisasların siyahısı Azərbaycan Respublikasının
Nazirlər Kabineti tərəfindən
müəyyənləşdirilir.
[2] 13 iyun 2016-cı il
tarixli 224 nömrəli Azərbaycan
Respublikası Nazirlər Kabinetinin Qərarı (“Azərbaycan” qəzeti, 19 iyun
2016-cı il, ¹ 131, Azərbaycan Respublikasının
Qanunvericilik Toplusu, 2016-cı il, ¹ 6, maddə 1201) ilə “Magistratura təhsilinin məzmunu,
təşkili və “magistr” dərəcələrinin
verilməsi Qaydaları”nın 1.3-cü bəndə “müəssisələrinə”
sözündən sonra “və
Azərbaycan Milli Elmlər Akademiyasına (bundan sonra - “AMEA”)” sözləri
əlavə edilmişdir.
9 mart 2024-cü il tarixli 130 nömrəli Azərbaycan Respublikası Nazirlər Kabinetinin
Qərarı (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 12 mart 2024-cü il, “Azərbaycan”
qəzeti, 13 mart 2024-cü
il, ¹ 56, Azərbaycan
Respublikasının Qanunvericilik Toplusu, 2024-cü il, ¹ 3,
maddə 307) ilə “Magistratura
təhsilinin məzmunu, təşkili və “magistr”
dərəcələrinin verilməsi Qaydaları”nın
1.3-cü bəndindən “və Azərbaycan Milli Elmlər
Akademiyasına (bundan sonra - “AMEA”)” sözləri
çıxarılmışdır.
[3] 13 iyun 2016-cı il
tarixli 224 nömrəli Azərbaycan
Respublikası Nazirlər Kabinetinin Qərarı (“Azərbaycan” qəzeti, 19 iyun
2016-cı il, ¹ 131, Azərbaycan Respublikasının
Qanunvericilik Toplusu, 2016-cı il, ¹ 6, maddə 1201) ilə “Magistratura təhsilinin məzmunu,
təşkili və “magistr” dərəcələrinin verilməsi
Qaydaları”nın 1.4-cü, 2.2-ci və 4.4-cü
bəndlərə, 1.7-ci bəndin birinci abzasına və
2.13-cü bəndin birinci cümləsinə müvafiq olaraq “müəssisəsində”
və “müəssisələrində”
sözlərindən sonra “və
AMEA-da” sözləri əlavə edilmişdir.
8 noyabr 2018-ci il tarixli 481 nömrəli Azərbaycan
Respublikası Nazirlər Kabinetinin Qərarı (“Xalq” qəzeti, 14 noyabr 2018-ci il,
¹ 256, Azərbaycan
Respublikasının Qanunvericilik Toplusu, 2018-ci il, ¹ 11, maddə
2431) ilə “Magistratura təhsilinin məzmunu,
təşkili və “magistr” dərəcələrinin verilməsi
Qaydaları”nın 1.4-cü bəndinə “standartları” sözündən əvvəl “və peşə”
sözləri əlavə edilmişdir.
9 mart 2024-cü il tarixli 130 nömrəli Azərbaycan Respublikası Nazirlər Kabinetinin
Qərarı (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 12 mart 2024-cü il, “Azərbaycan”
qəzeti, 13 mart 2024-cü
il, ¹ 56, Azərbaycan
Respublikasının Qanunvericilik Toplusu, 2024-cü il, ¹ 3, maddə
307) ilə
“Magistratura
təhsilinin məzmunu, təşkili və “magistr”
dərəcələrinin verilməsi Qaydaları”nın
1.4-cü, 2.2-ci bəndlərindən, 2.13-cü bəndin
birinci cümləsindən və 4.4-cü bəndindən “və
AMEA-da” sözləri çıxarılmışdır.
[4] 4 mart 2020-ci il tarixli 79
nömrəli Azərbaycan Respublikası
Nazirlər Kabinetinin Qərarı (“Xalq” qəzeti, 8 mart
2020-ci il, ¹ 53, Azərbaycan
Respublikasının Qanunvericilik Toplusu, 2020-ci il, ¹ 3, maddə
340) ilə “Magistratura
təhsilinin məzmunu, təşkili və “magistr”
dərəcələrinin verilməsi Qaydaları”nın 1.5-ci
bəndinə “əyani”
sözündən sonra “(tədrisə
tam cəlb olunma – fulltime və tədrisə qismən cəlb
olunma – parttime)” sözləri əlavə
edilmişdir.
[5] 4 mart 2020-ci il tarixli 79
nömrəli Azərbaycan Respublikası
Nazirlər Kabinetinin Qərarı (“Xalq” qəzeti, 8 mart
2020-ci il, ¹ 53, Azərbaycan
Respublikasının Qanunvericilik Toplusu, 2020-ci il, ¹ 3, maddə
340) ilə “Magistratura
təhsilinin məzmunu, təşkili və “magistr”
dərəcələrinin verilməsi Qaydaları”nın
1.6-cı bəndi yeni redaksiyada verilmişdir.
əvvəlki redaksiyada deyilirdi:
1.6. Magistratura səviyyəsində
əyani forma üzrə təhsilin normativ müddəti 1,5-2
(qiyabi forma üzrə təhsil müddəti altı ay
artıqdır) ildir. Bu müddət ayrı-ayrı
ixtisaslaşmaların təhsil proqramları ilə
müəyyənləşdirilir.
[6] 4 mart 2020-ci il tarixli 79
nömrəli Azərbaycan Respublikası
Nazirlər Kabinetinin Qərarı (“Xalq” qəzeti, 8 mart
2020-ci il, ¹ 53, Azərbaycan
Respublikasının Qanunvericilik Toplusu, 2020-ci il, ¹ 3, maddə
340) ilə “Magistratura
təhsilinin məzmunu, təşkili və “magistr”
dərəcələrinin verilməsi Qaydaları”nın 1.7-ci
bəndin birinci abzasında “və
ödənişsiz əsaslarla” sözləri “əsasla və dövlət
sifarişi əsasında” sözləri ilə əvəz
edilmişdir.
9 mart 2024-cü il tarixli 130 nömrəli Azərbaycan Respublikası Nazirlər Kabinetinin
Qərarı (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 12 mart 2024-cü il, “Azərbaycan”
qəzeti, 13 mart 2024-cü
il, ¹ 56, Azərbaycan
Respublikasının Qanunvericilik Toplusu, 2024-cü il, ¹ 3,
maddə 307) ilə “Magistratura
təhsilinin məzmunu, təşkili və “magistr”
dərəcələrinin verilməsi Qaydaları”nın 1.7-ci
bəndin birinci abzasından “və AMEA-da” sözləri,
ikinci abzasının birinci cümləsindən isə “, həmçinin
AMEA-da” sözləri çıxarılmışdır.
[7] 18 aprel 2014-cü il
tarixli 106 nömrəli
Azərbaycan Respublikası Nazirlər Kabinetinin Qərarı (“Azərbaycan” qəzeti, 20 aprel
2014-cü il, ¹ 80, Azərbaycan Respublikasının Qanunvericilik
Toplusu, 2014-cü il, ¹ 04, maddə 450) ilə “Magistratura
təhsilinin məzmunu, təşkili və “magistr”
dərəcələrinin verilməsi Qaydaları”nın 1.7-ci
bəndinə ikinci abzas əlavə edilmişdir.
16 fevral 2017-ci il tarixli 54 nömrəli Azərbaycan Respublikası
Nazirlər Kabinetinin Qərarı (“Xalq” qəzeti 17 fevral 2017-ci il, ¹ 36, Azərbaycan
Respublikasının Qanunvericilik Toplusu, 2017-ci il, ¹ 2, maddə
307) ilə “Magistratura təhsilinin
məzmunu, təşkili və “magistr”
dərəcələrinin verilməsi Qaydaları”nın 1.7-ci
bəndinin ikinci abzasına “müəssisələrində”
sözündən sonra “, həmçinin
AMEA-da” sözləri əlavə edilmişdir.
22 fevral 2021-ci il tarixli 40
nömrəli Azərbaycan Respublikası Nazirlər
Kabinetinin Qərarı (“Xalq”
qəzeti, 24 fevral 2021-ci il, ¹ 42,
Azərbaycan Respublikasının Qanunvericilik Toplusu,
2021-ci il, ¹ 2, maddə 205) ilə “Magistratura
təhsilinin məzmunu, təşkili və “magistr”
dərəcələrinin verilməsi Qaydaları”nın 1.7-ci
bəndinin ikinci abzasına yeni məzmunda ikinci cümlə
əlavə edilmişdir.
5 sentyabr 2024-cü
il tarixli 395 nömrəli Azərbaycan
Respublikası Nazirlər Kabinetinin Qərarı (Azərbaycan Dövlət İnformasiya
Agentliyinin (AZƏRTAC-ın) rəsmi internet saytı, 6 sentyabr 2024-cü il, “Xalq”
qəzeti, 12 sentyabr 2024-cü il, ¹ 198,
Azərbaycan Respublikasının Qanunvericilik Toplusu, 2024-cü
il, ¹ 9, maddə 1058) ilə “Magistratura təhsilinin
məzmunu, təşkili və “magistr”
dərəcələrinin verilməsi Qaydaları”nın 1.7-ci
bəndinin ikinci abzası yeni redaksiyada verilmişdir.
əvvəlki redaksiyada deyilirdi:
Valideynlərini itirmiş və valideyn
himayəsindən məhrum olmuş uşaqlar, habelə
onların arasından olan şəxslər dövlət,
bələdiyyə və özəl ali təhsil
müəssisələrində, həmçinin AMEA-da
ödənişli əsaslarla təhsil aldıqları
müddətdə təhsil haqqı dövlət
büdcəsinin vəsaiti hesabına ödənilir. Valideynlərini
itirmiş və valideyn himayəsindən məhrum olmuş
uşaqlar övladlığa götürüldükdə
də bu hüququ saxlayırlar.
[8] 21 dekabr 2022-ci il tarixli 448 nömrəli Azərbaycan Respublikası Nazirlər Kabinetinin
Qərarı (Azərbaycan
Respublikası Nazirlər Kabinetinin rəsmi internet saytı, 23
dekabr 2022-ci il, Azərbaycan Respublikasının
Qanunvericilik Toplusu, 2022-ci il, ¹ 12, maddə 1552) ilə “Magistratura təhsilinin
məzmunu, təşkili və “magistr” dərəcələrinin
verilməsi Qaydaları”nın 1.8-ci, 2.7-ci, 4.3-cü bəndlərində
və 2.3-cü bəndinin üçüncü abzasının birinci cümləsində “Təhsil” sözü “Elm
və Təhsil” sözləri ilə əvəz edilmişdir.
[9] 13 iyun 2016-cı il
tarixli 224 nömrəli Azərbaycan
Respublikası Nazirlər Kabinetinin Qərarı (“Azərbaycan” qəzeti, 19 iyun
2016-cı il, ¹ 131, Azərbaycan Respublikasının
Qanunvericilik Toplusu, 2016-cı il, ¹ 6, maddə 1201) ilə “Magistratura təhsilinin məzmunu,
təşkili və “magistr” dərəcələrinin
verilməsi Qaydaları”nın 1.9-cu bəndə “hazırlığı”
sözündən sonra “AMEA
istisna olmaqla,” sözləri əlavə edilmişdir.
19 aprel 2023-cü il tarixli 125
nömrəli Azərbaycan Respublikası Nazirlər
Kabinetinin Qərarı (Azərbaycan Dövlət
İnformasiya Agentliyinin (AZƏRTAC-ın) rəsmi internet
saytı, 20 aprel 2023-cü
il, Azərbaycan
Respublikasının Qanunvericilik Toplusu, 2023-cü il, ¹ 4,
maddə 596) ilə “Magistratura təhsilinin
məzmunu, təşkili və “magistr”
dərəcələrinin verilməsi Qaydaları”nın 1.9-cu
bəndinə “hazırlığı”
sözündən sonra “Azərbaycan Respublikası
Nazirlər Kabinetinin 2011-ci il 31 oktyabr tarixli 177 nömrəli
Qərarı ilə təsdiq edilmiş “Ali təhsilin
magistratura səviyyəsi üzrə bəzi ixtisasların
(ixtisaslaşmaların) Təsnifatı”nın sonunda
göstərilmiş qeyd hissəsində müəyyən
edilən xüsusi təyinatlı ali təhsil
müəssisələri və” sözləri əlavə
edilmişdir.
9 mart 2024-cü il tarixli 130 nömrəli Azərbaycan Respublikası Nazirlər Kabinetinin
Qərarı (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 12 mart 2024-cü il, “Azərbaycan”
qəzeti, 13 mart 2024-cü
il, ¹ 56, Azərbaycan
Respublikasının Qanunvericilik Toplusu, 2024-cü il, ¹ 3,
maddə 307) ilə “Magistratura
təhsilinin məzmunu, təşkili və “magistr”
dərəcələrinin verilməsi Qaydaları”nın 1.9-cu
bəndindən, 2.3-cü bəndin ikinci abzasının ikinci
cümləsindən, üçüncü abzasından
(hər dörd halda) və 3.2-ci bəndin ikinci cümləsindən
“və AMEA” sözlər
çıxarılmışdır.
2 dekabr 2024-cü il tarixli 505 nömrəli Azərbaycan Respublikası Nazirlər
Kabinetinin Qərarı (Azərbaycan Dövlət İnformasiya
Agentliyinin (AZƏRTAC-ın) rəsmi internet saytı, 3 dekabr 2024-cü il, “Xalq” qəzeti, 5 dekabr 2024-cü il, ¹ 268, Azərbaycan
Respublikasının Qanunvericilik Toplusu, 2024-cü il, ¹ 12, I
kitab, maddə 1310) ilə “Magistratura təhsilinin məzmunu,
təşkili və “magistr” dərəcələrinin
verilməsi Qaydaları”nın 1.9-cu bəndi yeni redaksiyada
verilmişdir.
Əvvəlki redaksiyada deyilirdi:
1.9. Müvafiq ixtisas üzrə magistr
hazırlığı Azərbaycan
Respublikası Nazirlər Kabinetinin 2011-ci il 31 oktyabr tarixli 177
nömrəli Qərarı ilə təsdiq edilmiş “Ali təhsilin
magistratura səviyyəsi üzrə bəzi ixtisasların
(ixtisaslaşmaların) Təsnifatı”nın sonunda
göstərilmiş qeyd hissəsində müəyyən
edilən xüsusi təyinatlı ali təhsil
müəssisələri və AMEA istisna olmaqla, yalnız həmin ixtisas üzrə
ali təhsilin birinci səviyyəsi (bakalavriat)
buraxılışı olan ali məktəblərdə
həyata keçirilir.
[10] 7 dekabr 2019-cu il
tarixli 467 nömrəli Azərbaycan
Respublikası Nazirlər Kabinetinin Qərarı (“Xalq” qəzeti, 8 dekabr 2019-cu il, ¹
273, Azərbaycan Respublikasının Qanunvericilik Toplusu, 2019-cu
il, ¹ 12, maddə 2051) ilə “Magistratura təhsilinin məzmunu, təşkili və
“magistr” dərəcələrinin verilməsi
Qaydaları”nın 1.10-cu bəndi yeni redaksiyada verilmişdir.
əvvəlki redaksiyada deyilirdi:
1.10. Dövlət ali təhsil
müəssisələrində magistraturaya qəbul həmin
ixtisasın bakalavr buraxılışının 20 faizinə
qədər Azərbaycan Respublikasının Nazirlər
Kabineti tərəfindən müəyyənləşdirilir
(ödənişli və ödənişsiz
təhsilalanların cəminə nisbətən).
[11] 23 dekabr 2016-cı
il tarixli 523 nömrəli Azərbaycan
Respublikası Nazirlər Kabinetinin Qərarı (“Xalq” qəzeti, 27 dekabr 2016-cı
il, ¹ 288, Azərbaycan Respublikasının Qanunvericilik Toplusu,
2016-cı il, ¹ 12, maddə 2239) ilə Magistratura
təhsilinin məzmunu, təşkili və “magistr”
dərəcələrinin verilməsi Qaydaları”nın
1.11-ci bəndində “Tələbə
Qəbulu üzrə Dövlət Komissiyası”
sözləri “Nazirlər
Kabineti” sözləri ilə əvəz edilmişdir.
[12] 2 dekabr 2024-cü il tarixli 505
nömrəli Azərbaycan Respublikası Nazirlər
Kabinetinin Qərarı (Azərbaycan Dövlət İnformasiya
Agentliyinin (AZƏRTAC-ın) rəsmi internet saytı, 3 dekabr 2024-cü il, “Xalq” qəzeti, 5 dekabr 2024-cü il, ¹ 268, Azərbaycan
Respublikasının Qanunvericilik Toplusu, 2024-cü il, ¹ 12, I
kitab, maddə 1310) ilə “Magistratura təhsilinin məzmunu,
təşkili və “magistr” dərəcələrinin
verilməsi Qaydaları”nın 2.2-ci
bəndində “magistr
hazırlığı” sözləri “magistratura təhsili” sözləri ilə
əvəz edilmişdir.
[13] 13 iyun 2016-cı il
tarixli 224 nömrəli Azərbaycan
Respublikası Nazirlər Kabinetinin Qərarı (“Azərbaycan” qəzeti, 19 iyun
2016-cı il, ¹ 131, Azərbaycan Respublikasının
Qanunvericilik Toplusu, 2016-cı il, ¹ 6, maddə 1201) ilə “Magistratura təhsilinin məzmunu,
təşkili və “magistr” dərəcələrinin
verilməsi Qaydaları”nın 2.3-cü bəndin ikinci
abzasının ikinci cümləsinə,
üçüncü abzasının birinci, ikinci
cümlələrinə və 3.2-ci bəndin ikinci
cümləsinə müvafiq olaraq “müəssisəsi” və “müəssisələri” sözlərindən sonra
“və AMEA” sözləri
əlavə edilmişdir.
[14] 4 mart 2020-ci il tarixli 79
nömrəli Azərbaycan Respublikası
Nazirlər Kabinetinin Qərarı (“Xalq” qəzeti, 8 mart
2020-ci il, ¹ 53, Azərbaycan
Respublikasının Qanunvericilik Toplusu, 2020-ci il, ¹ 3, maddə
340) ilə “Magistratura
təhsilinin məzmunu, təşkili və “magistr”
dərəcələrinin verilməsi Qaydaları”nın
2.3-cü bəndin üçüncü abzasının
birinci cümləsi yeni redaksiyada verilmişdir.
əvvəlki redaksiyada deyilirdi:
Fənn proqramları müvafiq
ixtisasın təhsil proqramlarının
tələblərinə uyğun olaraq ali təhsil
müəssisələri və
AMEA tərəfindən hazırlanır və Azərbaycan
Respublikasının Təhsil Nazirliyi tərəfindən
təsdiq edilir.
[15] 4 mart 2020-ci il tarixli 79
nömrəli Azərbaycan Respublikası
Nazirlər Kabinetinin Qərarı (“Xalq” qəzeti, 8 mart
2020-ci il, ¹ 53, Azərbaycan
Respublikasının Qanunvericilik Toplusu, 2020-ci il, ¹ 3, maddə
340) ilə “Magistratura
təhsilinin məzmunu, təşkili və “magistr”
dərəcələrinin verilməsi Qaydaları”nın
2.6-cı bəndində “Təhsil
Nazirliyi” sözləri “Nazirlər
Kabineti” sözləri ilə əvəz edilmişdir.