“Dövlət qeydiyyatına alınmışdır”	“Təsdiq edilmişdir”
Azərbaycan Respublikasının	Azərbaycan Respublikasının
Ədliyyə Nazirliyi	İqtisadi İnkişaf Nazirliyi
Qeydiyyat № 3498	Əmr № F-01
12 yanvar 2010-cu il	5 yanvar 2010-cu il
Nazir müavini ________ Toğrul Musayev	Nazir________ Şahin Mustafayev

Xüsusi iqtisadi zonanın administrasiyası ilə rezident arasında bağlanan xüsusi iqtisadi zonada dövlət mülkiyyətində olan torpaq sahəsinin icarə müqaviləsinin nümunəvi forması

Xüsusi iqtisadi zonada dövlət mülkiyyətində olan torpaq sahəsinin

icarə müqaviləsi

№ ___

________________ şəhəri,

“__”____________ 20____ il

“Xüsusi iqtisadi zonalar haqqında” Azərbaycan Respublikasının Qanununa uyğun fəaliyyət göstərən xüsusi iqtisadi zonanın administrasiyası, onun rəhbəri (adı, atasının adı və soyadı) şəxsində bir tərəfdən, bundan sonra “İcarəyə verən” adlandırılacaq, və Azərbaycan Respublikasının qanunvericiliyinə uyğun təsis edilmiş və _________ tarixdə dövlət qeydiyyatına alınmış (Dövlət Qeydiyyat Nömrəsi _____) “____________” müəssisə, onun ________________ (vəzifəsi, adı, atasının adı və soyadı) şəxsində (və ya fiziki şəxs adı, atasının adı və soyadı) digər tərəfdən, bundan sonra “İcarəçi” adlandırılacaq, aşağıdakılar barədə razılığa gələrək bu müqaviləni imzaladılar:

I. Müqavilənin predmeti

1.1. Bu Müqaviləyə görə İcarəyə verən Azərbaycan Respublikası Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidməti tərəfindən verilmiş ___ saylı, _____ tarixli daşınmaz əmlakın dövlət reyestrindən çıxarışa əsasən dövlət mülkiyyətində olan və _____________ ünvanında yerləşən ___ ha torpaq sahəsini (bundan sonra – “Obyekt”) operatorun təklifi əsasında İcarəçinin müddətli istifadəsinə verməyi öhdəsinə götürür, İcarəçi isə həmin obyektin icarəsinə görə bu Müqavilə ilə müəyyən edilmiş məbləğdə və qaydada İcarəyə verənə icarə haqqı ödəməyi, habelə Müqaviləyə xitam verildikdə obyekti İcarəyə verənə qaytarmağı öz öhdəsinə götürür.

II. Müqavilənin qüvvəyə minməsi və müqavilənin müddəti

2.1. Bu Müqavilə notariat qaydasında təsdiq edildiyi andan qüvvəyə minir.

2.2. Bu Müqavilə İcarəyə verən və İcarəçi arasında _____ müddətinə bağlanır.

III. İcarə haqqı

3.1. İcarə haqqının məbləği 1 (bir) ay üçün Azərbaycan Respublikası Nazirlər Kabinetinin 1998-ci il 27 aprel tarixli, 93 nömrəli qərarı ilə təsdiq edilmiş “Özəlləşdirilən dövlət müəssisə və obyektlərinin, habelə hüquqi və fiziki şəxslər tərəfindən inşa edilmiş müəssisə və obyektlərin yerləşdiyi dövlət torpaq sahələrinin normativ qiyməti haqqında Əsasnamə”yə uyğun müəyyən edilir.

3.2. İcarəçi aylıq icarə haqqını həmin ayın __-dək İcarəyə verənə ödəyir.

IV. İcarəyə verənin hüquq və vəzifələri

4.1. “İcarəyə verən”in hüquqları:

4.1.1. icarəyə verilmiş torpaq sahələrinin təyinatı üzrə istifadəsinə və icarə müqaviləsinin şərtlərinə əməl edilməsinə nəzarət etmək;

4.1.2. icarəyə verilmiş torpaq sahələrinin istifadəsi, keyfiyyətinin yaxşılaşdırılması, qorunması və mühafizəsi barədə icarəçilərdən məlumatlar almaq;

4.1.3. icarə müqaviləsinin dəyişdirilməsi, vaxtından əvvəl ləğv edilməsi, dayandırılması və uzadılması barədə təkliflər vermək;

4.1.4. icarəçinin təqsiri üzündən icarəyə verilmiş torpaqlara vurulmuş zərərin əvəzinin ödənilməsini tələb etmək;

4.1.5. icarəyə verilmiş torpaqlarda icarəyə verənin razılığı olmadan tikilmiş və quraşdırılmış binaların, qurğuların sökülməsini tələb etmək;

4.1.6. qanunvericiliklə nəzərdə tutulmuş digər hüquqları həyata keçirmək.

4.2. İcarəyə verənin vəzifələri:

4.2.1. icarə müqaviləsinin şərtlərinə əməl etmək, müqavilənin müddəti qurtardıqda və ya müqavilə vaxtından əvvəl ləğv edildikdə, onun razılığı ilə icarəçinin vəsaiti hesabına aparılmış tikinti işlərinin dəyərini ödəmək;

4.2.2. icarəyə verilən torpaq sahəsini icarə müqaviləsi və torpaq qanunvericiliyi ilə nəzərdə tutulmuş qaydada icarəçiyə təhvil vermək;

4.2.3. qanunvericiliklə nəzərdə tutulmuş digər vəzifələri həyata keçirmək.

V. İcarəçinin hüquq və vəzifələri

5.1. İcarəçinin hüquqları

5.1.1. torpaq sahələrindən icarə müqaviləsi ilə müəyyən edilmiş qaydada sərbəst istifadə etmək;

5.1.2. icarə obyekti başqasına istifadəyə və ya icarəyə verildiyi halda həmin obyektə qoyulmuş investisiyanı qanunvericiliklə müəyyən edilmiş qaydada icarəyə verəndən tələb etmək;

5.1.3. icarə müqaviləsinin uzadılması üçün icarəyə verənə təklif vermək;

5.1.4. icarəyə verənin razılığı ilə icarəyə götürülmüş torpaq sahələrində torpaqdan təyinatı üzrə səmərəli istifadə etmək məqsədilə tikililər və avadanlıqlar quraşdırmaq;

5.1.5. icarəyə götürülmüş torpağın keyfiyyətinin təbii proseslər nəticəsində pisləşdiyi halda icarə haqqının azaldılmasını icarəyə verənlə razılaşdırmaq;

5.1.6. qonşu torpaq mülkiyyətçilərinin və istifadəçilərinin torpaq sahələrinə torpaq qanunvericiliyi ilə müəyyən edilmiş hallarda və qaydada servitut qoyulmasını tələb etmək;

5.1.7. qanunvericiliklə nəzərdə tutulmuş digər hüquqları həyata keçirmək.

5.2. İcarəçinin vəzifələri

5.2.1. icarəyə götürülmüş torpaqlardan icarə müqavilələrinə və qanuna uyğun olaraq təyinatı üzrə istifadə etmək;

5.2.2. icarə müqaviləsinin şərtlərinə və torpaq qanunvericiliyinin tələblərinə riayət etmək;

5.2.3. icarəyə götürülmüş torpaq sahələrini müqavilənin müddəti başa çatdıqdan sonra vaxtında geri qaytarmaq;

5.2.4. icarəyə götürülmüş torpaq sahəsinə, ətraf mühitə və əhalinin sağlamlığına ziyan vurmamaq;

5.2.5. torpaq sahəsindən istifadəyə görə icarə haqqını, digər tədiyyələri vaxtında ödəmək;

5.2.6. qanunvericiliklə nəzərdə tutulmuş digər vəzifələri həyata keçirmək.

VI. Obyektin icarəyə verilməsi

6.1. Müqavilə qüvvəyə mindikdən 3 (üç) iş günü ərzində İcarəyə verən obyekti, habelə ona dair texniki pasportun və üzərində icarə hüquqlarını təsdiq edən çıxarışın surətlərini İcarəçiyə verir.

6.2. Obyektin, ona dair sənədlərin surətlərinin verilməsi İcarəyə verənlə İcarəçi arasında imzalanan akt ilə rəsmiləşdirilir. Aktda obyektlə birgə verilən ləvazimatların, digər əmlakın tərkibi müəyyənləşdirilir. Aktın imzalanması tarixi icarə münasibətlərinin başlanması tarixi hesab olunur.

6.3. Müqaviləyə xitam verilməsi haqqında razılaşma imzalanan sonra 3 (üç) iş günü ərzində İcarəçi obyekti, habelə ona dair sənədlərin surətlərini İcarəyə verənə qaytarır və bununla bağlı tərəflər arasında müvafiq akt imzalanır.

VII. Tərəflərin məsuliyyəti

7.1. İcarəçi, icarə münasibətlərinə xitam verilərkən bu Müqavilədə göstərilən müddətdə obyekti geri qaytarmadıqda, gecikdirilmiş hər gün üçün __ manat məbləğində İcarəyə verənə cərimə ödəyir.

7.2. Bu Müqavilənin 7.1-ci bəndində qeyd edilən gecikdirilmiş günlərin sayı __ gün keçdikdə, İcarəyə verən bu Müqaviləyə xitam verə bilər.

7.3. Bu Müqaviləyə xitam verilməsi İcarəçini, bu müqavilənin 7.1-ci bəndində müəyyən edilən cərimələri ödəmək vəzifəsindən azad etmir.

7.4. İcarəçi bu Müqavilədə nəzərdə tutulmuş məbləğdə və müddətdə icarə haqqını tam və ya qismən ödəmədikdə, gecikdirilmiş hər gün üçün ödənilməmiş məbləğin __% miqdarında İcarəyə verənə cərimə ödəyir. Gecikdirilmiş günlərin sayı __ keçdikdə və bu vaxt ödənilməmiş məbləğ ___ çox olduqda, İcarəyə verən birtərəfli qaydada bu Müqaviləyə xitam verə bilər.

VIII. Müqavilənin şərtlərinin dəyişdirilməsi, müqaviləyə xitam verilməsi

8.1. İcarəyə verən və İcarəçi, qarşılıqlı razılaşmaya əsasən, bu Müqavilənin şərtlərinə əlavə və dəyişiklik etdiyi halda, bu Müqavilənin tərkib hissəsi olan, protokol onlar arasında imzalanır.

8.2. Bu Müqaviləyə aşağıdakı hallarda xitam verilir:

8.2.1. Bu Müqavilənin müddəti bitdikdə;

8.2.2. İcarəyə verən və İcarəçi Müqaviləyə vaxtından əvvəl xitam verilməsi barədə razılıq əldə etdikdə;

8.2.3. Bu Müqavilənin 7.2 və 7.4-cü bəndlərində göstərilmiş hallarda;

IX. Mübahisələrin həlli

9.1. Bu Müqavilənin yerinə yetirilməsi zamanı yaranmış mübahisələr danışıqlar yolu ilə həll edilir.

9.2. Mübahisələri danışıqlar yolu ilə həll etmək mümkün olmadıqda, bu mübahisələrə Azərbaycan Respublikasının qanunvericiliyi əsasında Azərbaycan Respublikasının iqtisad məhkəmələrində baxılır. [1]

X. Qüvvədə olan qanunvericilik

10. Bu Müqavilə Azərbaycan Respublikasının qanunvericiliyi ilə tənzimlənir və onun əsasında tərtib olunmuşdur.

XI. Müqavilənin dili

11. Bu Müqavilə Azərbaycan dilində 4 (dörd) nüsxədə tərtib olunur. Onlardan 1 (bir) nüsxə xüsusi iqtisadi zonanın yaradılması və fəaliyyəti sahəsində səlahiyyətli orqanda, 1 (bir) nüsxə xüsusi iqtisadi zonanın administrasiyasında, 1 (bir) nüsxə xüsusi iqtisadi zonanın operatorunda və 1 (bir) nüsxə xüsusi iqtisadi zonanın rezidentində qalır.

“İcarəyə verən”	“İcarəçi”
______________________________________	_______________________________________
______________________________________	_______________________________________
______________________________________	_______________________________________
______________________________________	_______________________________________
______________________________________	_______________________________________
______________________________________	_______________________________________

İSTİFADƏ OLUNMUŞ MƏNBƏ SƏNƏDLƏRİNİN SİYAHISI

1. 2 dekabr 2019-cu il tarixli 9 nömrəli Azərbaycan Respublikası İqtisadiyyat Nazirliyinin Kollegiyasının Qərarı

BÜLLETENƏ EDİLMİŞ DƏYİŞİKLİK VƏ ƏLAVƏLƏRİN SİYAHISI

---

[1] 2 dekabr 2019-cu il tarixli 9 nömrəli Azərbaycan Respublikası İqtisadiyyat Nazirliyinin Kollegiyasının Qərarı ilə 9.2-ci bənddən “iqtisad” sözü çıxarılmışdır.