Avtomobil nəqliyyatı haqqında
AZƏRBAYCAN
RESPUBLİKASININ QANUNU
Bu Qanun Azərbaycan Respublikasının
ərazisində avtomobil nəqliyyatı ilə sərnişin
və yük daşımalarının hüquqi,
təşkilati və iqtisadi əsaslarını
müəyyən edir, bu sahədə dövlət
orqanları (qurumları),
daşıyıcılar və avtomobil nəqliyyatı ilə
sərnişin və yük daşımaları üzrə
xidmətlərin istehlakçıları arasında yaranan
münasibətləri tənzimləyir.[1]
I fəsil
ÜMUMİ MÜDDƏALAR
Maddə 1. Əsas anlayışlar
1.0. Bu Qanunda istifadə olunan əsas
anlayışlar aşağıdakılardır:
1.0.1. avtonəqliyyat
vasitəsi – sərnişin, yük və ya xüsusi
avadanlığın avtomobil yolları ilə
daşınması üçün nəzərdə
tutulmuş mühərriklə hərəkətə gətirilən
nəqliyyat vasitəsi (bir və ya bir neçə
nəqliyyat vasitəsindən ibarət);
1.0.1-1. avtonom nəqliyyat vasitəsi –
avtomatlaşdırılmış idarəetmə sistemi
vasitəsilə hərəkət edə bilən və
aşağıdakı meyarlara cavab verən mülki
təyinatlı nəqliyyat vasitəsidir: [2]
1.0.1-1.1. insan tərəfindən
birbaşa və ya davamlı idarəetmə müdaxiləsi
olmadan özü hərəkət edə bilən;
1.0.1-1.2. yol hərəkətinin təhlükəsizliyi
pozulduqda özü-özünü təhlükəsiz
hərəkət rejiminə gətirə bilən;
1.0.1-1.3.
avtomatlaşdırılmış idarəetmə sistemi
yüksək avtomatlaşdırılmış
(avtomatlaşdırılmış idarəetmə sistemi
yalnız “Yol hərəkəti haqqında” Azərbaycan
Respublikası Qanununun 46-3-cü maddəsinin II
hissəsində nəzərdə tutulmuş ərazidə
bütün sürüş funksiyalarını və
ətraf mühitin monitorinqini tam həyata keçirə bilmə,
habelə özü-özünü minimal risk
vəziyyətinə müstəqil şəkildə
keçirə bilmə imkanına malik olma) və ya tam
avtomatlaşdırılmış
(avtomatlaşdırılmış idarəetmə sistemi
istənilən ərazidə bütün sürüş
funksiyalarını və ətraf mühitin monitorinqini tam
həyata keçirə bilmə, habelə
özü-özünü minimal risk vəziyyətinə
müstəqil şəkildə keçirə bilmə
imkanına malik olma) səviyyələrində olan;
1.0.1-1.4. “Avtonom nəqliyyat
vasitəsi” tanınma nişanı ilə təchiz edilən;
1.0.2. avtomobil
nəqliyyatı – avtonəqliyyat vasitələrindən
və avtomobil nəqliyyatının infrastruktur obyektlərindən istifadə
edilməklə, sərnişin və yük
daşımalarının yerinə yetirildiyi nəqliyyat
növü;[3]
1.0.3. avtomobil
nəqliyyatı ilə daşımaların
təşkilatçısı – özünün və ya
sifarişçinin adından sərnişinlərin və ya
yüklərin daşınması, həmçinin avtomobil
nəqliyyatı ilə daşımaların təşkili
ilə əlaqədar müqavilələr bağlayan
hüquqi və ya fiziki şəxs;
1.0.4. avtomobil
nəqliyyatı ilə kommersiya məqsədli daşımalar
– sərnişin və ya yük daşınması
müqaviləsi yaxud digər qanuni əsaslarla, daşınma
haqqı ödənilməklə yerinə yetirilən
daşımalar;
1.0.5. avtomobil
nəqliyyatı ilə təsərrüfat ehtiyacları
üçün daşımalar – hüquqi
şəxslər və fərdi sahibkarlar tərəfindən
sərəncamlarında olan avtonəqliyyat vasitələri
ilə işçilərinin və ya yüklərinin
daşınması məqsədilə və öz hesabına
yerinə yetirilən daşımalar. Bu cür daşımalar
üçün istifadə olunan avtonəqliyyat
vasitələri həmin hüquqi şəxslərin və ya
fərdi sahibkarların işçiləri
tərəfindən idarə olunmalıdır;
1.0.6. avtomobil
nəqliyyatının infrastruktur
obyektləri – avtomobil nəqliyyatı ilə
sərnişin və yük daşımaları
üçün istifadə olunan avtomobil yolları,
avtovağzallar (avtostansiyalar), dayanacaq
məntəqələri, avtomobil
nəqliyyatı parkları, avtomobil duracaqları, terminallar
və digər qurğular, habelə avtonəqliyyat
vasitələrinə təminatlı
texniki xidmət göstərən texniki-təmir
sahələri və texniki-təmir stansiyaları,
yanacaqdoldurma məntəqələri;[4]
1.0.7. avtobus
– sürücünün oturacaq yeri daxil olmaqla, oturacaq
yerlərinin sayı doqquzdan çox olan, sərnişin
daşımaları üçün nəzərdə
tutulmuş avtonəqliyyat vasitəsi;
1.0.8. baqaj
– daşınmaq üçün
qablaşdırılmış, sərnişin
tərəfindən avtonəqliyyat vasitəsilə
göndərilən və ya səfər boyu
müşayiət edilən, qabariti, çəkisi və
xüsusiyyətindən asılı olaraq
daşınmasına icazə verilən yük;
1.0.8-1.
ərizəçi
–
bu Qanunun 48.1-ci maddəsində
nəzərdə
tutulan icazənin
alınması
üçün
müvafiq
icra hakimiyyəti
orqanının
müəyyən
etdiyi orqana (quruma)
ərizə
ilə
müraciət
edən,
təşkilati-hüquqi
formasından
asılı
olmayaraq hüquqi
şəxs,
xarici hüquqi
şəxsin
filialı, nümayəndəliyi
və
fərdi
sahibkar;[5]
1.0.9. daşıyıcı
– daşınma müqaviləsi
(haqq müqabilində) və ya digər qanuni əsaslarla bu
Qanunun müvafiq olaraq 1.0.4-cü və 1.0.5-ci
maddələrində nəzərdə tutulmuş
sərnişin və yük daşımalarını
yerinə yetirən, mülkiyyət, icarə və ya
istifadə hüququ ilə nəqliyyat vasitələrinə
malik olan hüquqi şəxs
və ya fərdi sahibkar;[6]
1.0.9-1. avtomobil nəqliyyatı ilə beynəlxalq
sərnişin və yük daşımaları
fəaliyyətinin operatoru (bundan sonra - operator) – avtomobil
nəqliyyatı ilə beynəlxalq sərnişin və
yük daşımalarını həyata keçirən,
işgüzar nüfuz, maliyyə vəziyyəti və
peşəkarlıq səriştəsi ilə bağlı
meyarlara, habelə sürücüsü
(sürücüləri) hazırlıq səviyyəsinə
dair tələblərə cavab verən, müvafiq icazəsi olan hüquqi və ya fiziki şəxs;[7]
1.0.9-2. operatorun məsul şəxsi – operatorun nəqliyyat
fəaliyyətini faktiki və davamlı şəkildə
müqavilə əsasında idarə edən, eləcə
də peşəkarlıq səriştəsi ilə bağlı
meyarlara cavab verən fiziki şəxs;
1.0.10. əl
yükü – sərnişinə məxsus və öz
xüsusiyyətlərinə, ölçülərinə,
çəkisinə görə sərnişin avtonəqliyyat
vasitəsinin salonunda daşınmasına icazə verilən
əşyalar;
1.0.11. gediş
sənədi (bilet) – sərnişinin avtobusda gediş
hüququnu, sərnişin və daşıyıcı
arasında daşınma müqaviləsinin
bağlanmasını təsdiq edən və
müəyyən edilmiş formada rəsmiləşdirilən
sənəd;
1.0.11-1. ödəniş aləti – şəhərdaxili
(rayondaxili) müntəzəm marşrutlar üzrə
sərnişin daşıyan avtobuslarda gediş haqqının
elektron qaydada ödənilməsi üçün nəzərdə
tutulmuş vasitə;[8]
1.0.12. sərnişin
avtonəqliyyat vasitəsi – konstruksiyasına və
təchiz edilmiş avadanlığına görə insanların
və baqajın daşınması üçün
nəzərdə tutulmuş nəqliyyat vasitəsi;
1.0.13. sərnişin
– avtonəqliyyat vasitəsində gediş hüququ verən
sənəd (bilet) və ya digər qanuni əsaslarla
daşınan fiziki şəxs;
1.0.14. sərnişin
daşınması – sərnişinlərin avtonəqliyyat
vasitəsilə yoladüşmə məntəqəsindən
təyinat məntəqəsinə
çatdırılması;
1.0.15. sifariş
– avtomobil nəqliyyatı ilə sərnişin və ya
yük daşımalarının sifarişçisi ilə
daşıyıcı arasında münasibətləri
tənzimləyən müqavilə;
1.0.16. sifarişçi
– sərnişin və ya yük daşımalarının
yerinə yetirilməsi barədə müvafiq qaydada
müqavilə bağlamış orqan, yaxud onun
tərəfindən təyin edilmiş səlahiyyətli
hüquqi şəxs, habelə sərnişin və ya yük
daşımaları barədə daşıyıcı
ilə müqavilə bağlayan hüquqi və ya fiziki
şəxs;
1.0.17. sürücü
– avtonəqliyyat vasitəsini idarə etmək hüququ olan,
daşımalar prosesində birbaşa iştirak edən,
habelə müvafiq hallarda daşıyıcını
təmsil edən şəxs;
1.0.17-1. taksometr – taksi minik avtomobilinin qət etdiyi
məsafənin və boşdayanmanın müddətinin
uçotunun aparılmasını, gediş haqqının
məbləğinin hesablanmasını və bu barədə
sərnişinin məlumatlandırılmasını təmin
edən, taksi minik avtomobili üçün nəzərdə
tutulmuş fiskal yaddaşlı xüsusi ölçü
cihazı və ya proqram təminatı;[9]
1.0.18. taksi
minik avtomobili – xüsusi tanınma nişanları və
taksometrlə təchiz olunmuş, sürücünün
oturacaq yeri daxil olmaqla, oturacaq yerlərinin sayı doqquzdan
çox olmayan avtonəqliyyat vasitəsi;
1.0.19. ümumi
istifadədə olan avtomobil nəqliyyatı –
tənzimlənən və ya elan edilmiş tariflər
tətbiq edilməklə, müqavilə ilə
razılaşdırılmış qiymətlər
üzrə hüquqi və ya fiziki şəxslərin
müraciəti əsasında yerinə yetirilən
sərnişin və yük daşımalarında istifadə
olunan nəqliyyat vasitəsi;
1.0.20. yük
– avtomobil daşıyıcısı tərəfindən
təyinat məntəqəsinə çatdırılmaq
üçün qəbul edilmiş əmtəə və ya
qeyri-əmtəə təyinatlı mal;
1.0.21. yük
avtonəqliyyat vasitəsi – konstruksiyasına və
təchiz edilmiş avadanlığına görə yük
daşınması üçün nəzərdə
tutulmuş nəqliyyat vasitəsi;
1.0.22. yükgöndərən
– adından yük göndərilməsi
rəsmiləşdirilən hüquqi və ya fiziki
şəxs;
1.0.23. yükalan
– avtomobil nəqliyyatı ilə yük daşınması
müqaviləsinə və ya digər müvafiq
sənədlərə əsasən yükü almaq
səlahiyyəti olan hüquqi və ya fiziki şəxs;
1.0.24. analoq taxoqraf – bu Qanunun 57-1-ci maddəsinin
tələbləri nəzərə alınmaqla,
avtonəqliyyat vasitəsinin hərəkətinə, o
cümlədən qət edilmiş məsafəyə, hərəkətin
sürətinə, habelə sürücülərin iş
və istirahət dövrlərinə dair bütün
məlumatları fasiləsiz olaraq qeydə almaq məqsədilə
həmin avtonəqliyyat vasitəsində quraşdırılan
elektromexaniki nəzarət cihazı;[10]
1.0.25. rəqəmsal
taxoqraf – bu Qanunun 57-1-ci maddəsinin tələbləri
nəzərə alınmaqla, avtomatik rejimdə avtonəqliyyat
vasitəsinin hərəkətinə, o cümlədən
qət edilmiş məsafəyə, hərəkətin
sürətinə, habelə sürücülərin iş
və istirahət dövrlərinə dair bütün
məlumatları fasiləsiz olaraq qeydə almaq məqsədilə
həmin avtonəqliyyat vasitəsində quraşdırılan
elektron nəzarət cihazı;
1.0.26. rəqəmsal
taxoqraf kartı – sürücünün iş və istirahət
dövrlərinə dair məlumatların, habelə
rəqəmsal taxoqrafla işləmək üçün
tələb olunan digər məlumatların
saxlanılmasını təmin edən inteqral mikrosxemli kart;
1.0.27. sürücünün
taxoqraf kartı – avtonəqliyyat vasitəsini idarə
edərkən sürücünün iş və istirahət
dövrlərinə dair müvafiq məlumatların
saxlanılması və sürücünün
şəxsiyyətinin eyniləşdirilməsi
üçün istifadə edilən rəqəmsal kart;
1.0.28. operatorun
taxoqraf kartı – sürücünün iş və
istirahət dövrlərinə dair müvafiq
məlumatların taxoqrafdan yüklənilməsi üçün
istifadə edilən operatora məxsus rəqəmsal kart;
1.0.29. emalatxana
taxoqraf kartı – rəqəmsal taxoqrafların
quraşdırılması, yoxlanılması, təmiri,
sınaqlarının keçirilməsi, kalibrlənməsi
və onlara texniki xidmətin göstərilməsi, eyni zamanda
rəqəmsal taxoqrafdan məlumatların
yüklənilməsi üçün istifadə edilən
rəqəmsal kart;
1.0.30. nəzarətçi
taxoqraf kartı – sürücünün iş və
istirahət dövrlərinə dair müvafiq
məlumatların taxoqrafdan yüklənilməsi
üçün istifadə edilən və müvafiq icra
hakimiyyəti orqanının müəyyən etdiyi orqanın (qurumun) əməkdaşlarına məxsus
rəqəmsal kart;
1.0.31. formulyar
– qeyri-müntəzəm sərnişin daşımalarında
sərnişinlər barədə məlumatı əks
etdirən müvafiq icra hakimiyyəti orqanının
müəyyən etdiyi orqanın (qurumun) informasiya sistemində elektron qaydada
doldurulan sənəd;
1.0.32. bilet-uçot
vərəqi – şəhərlərarası
(rayonlararası) müntəzəm sərnişin
daşımalarında satılmış biletlərin
uçotunun aparıldığı müvafiq icra hakimiyyəti
orqanının müəyyən etdiyi orqanın (qurumun) informasiya sistemində elektron qaydada
doldurulan sənəd;
1.0.33. taksi
sifarişi xidməti – telekommunikasiya
vasitələrindən istifadə etməklə, taksi minik
avtomobili sifariş etmək istəyən şəxsdən
sifarişi qəbul edib həmin daşımaları həyata
keçirən şəxsə ötürülməsi
ilə bağlı ödənişli xidmət;
1.0.34. taksi
sifarişi operatoru – taksi minik avtomobilləri ilə
sərnişin daşımalarını həyata
keçirən şəxslərə taksi sifarişi
xidməti göstərən hüquqi şəxs və ya fərdi
sahibkar;
1.0.35. buraxılış
vəsiqəsi – bu Qanunun 13-cü maddəsinə uyğun
olaraq, hüquqi şəxslərin və ya fərdi
sahibkarların sərnişin və ya yük
daşımaları sahəsində fəaliyyət
göstərməsi üçün verilən icazə;
1.0.36. buraxılış kartı – buraxılış
vəsiqəsi olan hüquqi şəxslər və ya
fərdi sahibkarların mülkiyyət, icarə və ya
istifadə hüququ ilə malik olduğu nəqliyyat
vasitələrinə verilən, icazənin əlavəsi olan
kart.[11]
Maddə 2. Avtomobil nəqliyyatı
haqqında qanunvericilik
2.1. Avtomobil nəqliyyatı haqqında
Azərbaycan Respublikasının qanunvericiliyi Azərbaycan Respublikasının Konstitusiyasından, Azərbaycan Respublikasının Mülki Məcəlləsindən, “Nəqliyyat haqqında” Azərbaycan Respublikasının
Qanunundan, bu Qanundan, habelə həmin sahəni
tənzimləyən digər normativ hüquqi aktlardan və
Azərbaycan Respublikasının tərəfdar çıxdığı
beynəlxalq müqavilələrdən ibarətdir.
2.2. Avtomobil nəqliyyatı
sahəsində nəqliyyat-ekspedisiya xidmətlərinin
göstərilməsi ilə bağlı
münasibətlər Azərbaycan Respublikası Mülki Məcəlləsinin, “Nəqliyyat
haqqında” və “Nəqliyyat-ekspedisiya fəaliyyəti
haqqında” Azərbaycan Respublikası
qanunlarının tələblərinə uyğun olaraq
tənzimlənir.[12]
Maddə 3. Qanunun tətbiq dairəsi
3.1. Bu Qanun avtomobil nəqliyyatı
ilə sərnişin və yük daşınması
xidmətlərinin göstərilməsi, həmçinin
avtomobil nəqliyyatının infrastruktur obyektləri ilə
əlaqədar dövlət orqanları (qurumları), daşıyıcılar, infrastruktur
obyektlərinin sahibləri və avtomobil
nəqliyyatı xidmətlərinin
istehlakçıları arasında yaranan hüquqi və
iqtisadi münasibətlərə tətbiq olunur.[13]
3.2. Bu Qanunun müddəaları
aşağıdakılara şamil edilmir:
3.2.1. kommunal və təcili tibbi
yardım xidmətlərə məxsus, həmçinin
müvafiq icra hakimiyyəti orqanının
müəyyən etdiyi orqan (qurum) tərəfindən təxirəsalınmaz
təcili xidmətlərə aid edilmiş avtonəqliyyat
vasitələri ilə yerinə yetirilən daşımalara;[14]
3.2.2. müdafiə, ictimai asayişin
qorunması və fövqəladə halların aradan
qaldırılması ilə əlaqədar olan avtomobil
daşımalarına;
3.2.3. dövlət orqanlarının
(qurumlarının), büdcə
təşkilatlarının və yerli
özünüidarəetmə orqanlarının, Azərbaycan
Respublikası Mərkəzi
Bankının, büdcədənkanar dövlət
fondlarının, xarici ölkələrin diplomatik və
konsulluq nümayəndəliklərinin, beynəlxalq
təşkilatların nümayəndəliklərinin rəsmi
və xidməti istifadəsi üçün
nəzərdə tutulmuş avtonəqliyyat vasitələri
ilə yerinə yetirilən daşımalara;[15]
3.2.4. hüquqi şəxslərin və
fərdi sahibkarların xidməti istifadəsi
üçün nəzərdə tutulmuş minik
avtomobilləri ilə yerinə yetirilən daşımalara;
3.2.5. hüquqi şəxslərin və
fərdi sahibkarların ümumi istifadədə olan avtomobil
yollarına çıxmadan yerinə yetirdiyi texnoloji və
təsərrüfatdaxili (müəssisələrin,
obyektlərin daxilində) avtomobil nəqliyyatı ilə
daşımalarına;
3.2.6. fiziki şəxslərin
mülkiyyətində yaxud istifadəsində olan
avtonəqliyyat vasitələri ilə şəxsi ehtiyaclar
üçün yerinə yetirdikləri daşımalara.
Maddə 4. Avtomobil nəqliyyatı
ilə daşımaların növləri
4.0. Avtomobil nəqliyyatı ilə
sərnişin və yük daşımaları
təyinatına görə aşağıdakı
növlərə bölünür:
4.0.1. şəhərdaxili (rayondaxili)
sərnişin daşımaları – şəhərin (rayonun)
inzibati-ərazi hüdudları daxilində yerinə
yetirilən sərnişin daşımaları;
4.0.2. şəhərlərarası
(rayonlararası) sərnişin daşımaları –
ayrı-ayrı şəhərlərin (rayonların) inzibati
ərazisində yerləşən yaşayış
məntəqələri arasında yerinə yetirilən
sərnişin daşımaları;
4.0.3. müntəzəm sərnişin
daşımaları – işin başlanması və başa
çatması vaxtları, sərnişinlərin avtomobil
nəqliyyatına minməsi və ondan düşməsi
yerləri, habelə tariflər müəyyən
edilməklə, müvafiq cədvəl (hərəkət
intervalı) və marşrut üzrə yerinə yetirilən
sərnişin daşımaları;
4.0.4. qeyri-müntəzəm
sərnişin daşımaları - sifarişçi ilə
bağlanmış müqavilə (sifariş) əsasında
daşıyıcı tərəfindən yerinə
yetirilən və müntəzəm daşımalara aid olmayan
sərnişin daşımaları;
4.0.5. ölkədaxili yük
daşımaları – Azərbaycan Respublikasının
hüdudları daxilində yerinə yetirilən yük
daşımaları;
4.0.6. beynəlxalq daşımalar –
avtonəqliyyat vasitələri ilə Azərbaycan
Respublikasının ərazisindən digər
dövlətlərə və ya digər
dövlətlərdən Azərbaycan Respublikasının
ərazisinə, habelə Azərbaycan Respublikasının
ərazisindən tranzitlə keçməklə yerinə
yetirilən sərnişin və ya yük daşımaları;
4.0.7. ölkədaxili
sifarişli daşımalar – taksi minik avtomobili ilə
sərnişin daşımaları istisna olmaqla
qeyri-müntəzəm sərnişin daşımaları
və ölkədaxili yük daşımaları.[16]
Maddə 5. Avtomobil nəqliyyatı
sahəsində fəaliyyətin əsas prinsipləri
5.0. Avtomobil nəqliyyatı
sahəsində işlərin görülməsi və xidmətlərin
göstərilməsi aşağıdakı prinsiplərə
əsaslanır:
5.0.1. avtomobil nəqliyyatı
sahəsində fəaliyyət göstərən bütün
subyektlərin mülkiyyət növündən asılı
olmayaraq hüquq bərabərliyi;
5.0.2. avtomobil nəqliyyatı
sahəsində fəaliyyətin dövlət
tənzimlənməsinin sosial yönümlüyü və
ictimai maraqların üstünlüyünün təmin
olunması;
5.0.3. avtomobil nəqliyyatı
xidmətlərinin istehlakçıları
tərəfindən daşıyıcının azad
seçilməsi;
5.0.4. avtomobil nəqliyyatı
sahəsində fəaliyyətin təhlükəsizliyinin
vahid norma, standart və qaydalar əsasında təmin
olunması.
Maddə 6. Avtonəqliyyat
vasitələrinə və avtomobil nəqliyyatının infrastruktur obyektlərinə dair ümumi
tələblər[17]
6.1. Avtonəqliyyat vasitələrinin
kütlə, qabarit ölçüləri və digər
texniki göstəriciləri hərəkətin
təhlükəsizliyi, əməyin və ətraf mühitin
mühafizəsinə dair Azərbaycan Respublikasının
müvafiq normativ hüquqi aktlarının
tələblərinə uyğun olmalıdır.
6.2. Avtonəqliyyat vasitələrinin
əlavə avadanlıqla, o cümlədən müxtəlif
təyinatlı nəzarət cihazları ilə təchiz
edilməsinə dair tələblər Azərbaycan
Respublikasının müvafiq normativ hüquqi aktları
ilə müəyyən olunur.
6.3. Ümumi
istifadədə olan sərnişin avtomobil nəqliyyatına,
habelə müntəzəm sərnişin
daşımalarını yerinə yetirən avtomobil
nəqliyyatı üçün dayanacaq
məntəqələrinə dair ümumi tələblər
avtomobil nəqliyyatı ilə sərnişin və baqaj
daşınması qaydaları ilə müəyyən olunur.
Müntəzəm sərnişin daşımalarını
yerinə yetirən avtomobil nəqliyyatı üçün
dayanacaq məntəqələri yerlərinin
müəyyən edilməsi, onların
quraşdırılması, idarə edilməsi və
saxlanılması müvafiq icra hakimiyyəti orqanının
müəyyən etdiyi orqan (qurum) tərəfindən
təmin edilir.[18]
6.4. Avtomobil nəqliyyatının infrastruktur obyektləri
sərnişin və yük daşımalarının
yerinə yetirilməsinə, yol hərəkətinin
təhlükəsizliyinə, ətraf mühitin
mühafizəsinə dair, habelə Azərbaycan
Respublikasının normativ hüquqi aktları ilə müəyyən
olunmuş digər tələblərə cavab verməlidir.[19]
6.5. Avtomobil
nəqliyyatının infrastruktur obyektlərinin (dayanacaq
məntəqələri istisna olmaqla)
yerləşdirilməsi, yaxud təyinatı avtomobil
nəqliyyatının digər infrastruktur obyektinə
dəyişdirilməklə yenidən qurulması
sərnişin və yük axınının həcminə,
həmçinin nəqliyyat xidmətləri
istehlakçılarının tələbatına uyğun
olaraq, müvafiq icra hakimiyyəti orqanının
müəyyən etdiyi orqanın (qurumun) rəyi nəzərə
alınmaqla Azərbaycan Respublikasının
şəhərsalma və tikinti qanunvericiliyi ilə
nəzərdə tutulmuş qaydada həyata keçirilir.[20]
6.6. Müvafiq
yol-nəqliyyat, sosial, mədəni, ictimai-iaşə, inzibati,
mühəndis-kommunikasiya təminatı və digər bu kimi
xidmətlərin kompleks qaydada təqdim edilməsi məqsədilə
avtomobil nəqliyyatı parkları yaradıla bilər.[21]
Maddə 7. Avtovağzallara
(avtostansiyalara) dair tələblər
7.1. Avtovağzallar (avtostansiyalar) şəhərlərarası
(rayonlararası) və beynəlxalq marşrutlar üzrə
müntəzəm sərnişin
daşınmasını yerinə yetirən
daşıyıcılara və sərnişinlərə
xidmət göstərilməsi məqsədilə
ayrı-ayrı şəhərlərdə və rayonların
inzibati mərkəzlərində, habelə sərnişin
axını intensiv olan iri nəqliyyat qovşaqlarında
təşkil olunur.[22]
7.1-1. Əhalisinin sayı
üç yüz min nəfərədək olan
yaşayış məntəqələrində bir,
əhalisinin sayı üç yüz min nəfərdən
çox olan yaşayış məntəqələrində
iki və ya daha çox avtovağzal (avtostansiya) təşkil
oluna bilər.[23]
7.2. Avtovağzalda 75-dən artıq
sərnişin tutan gözləmə zalı, ən azı
inzibati bina və ya xidməti otağı, bir necə bilet
kassası, ana və uşaq otağı, baqaj saxlama
kamerası, iaşə, mədəni-məişət və
sanitar-gigiyenik təyinatlı sahələr, tibbi yardım
və polis məntəqələri, sürücülərin
istirahət otağı, sərnişinlərin
minib-düşməsi üçün perron, avtobusların
reyslərarası dayanması üçün meydança
və təmizləmə postu, habelə şəhər
nəqliyyatının və taksi minik avtomobillərinin
dayanması üçün vağzalyanı sahə
olmalıdır.
7.3. Avtostansiyada 75-dək sərnişin
tutan gözləmə zalı, ən azı bir xidməti
otağı, bilet kassası, sanitar-gigiyenik təyinatlı
sahə, sərnişinlərin minib-düşməsi
üçün perron olmalıdır.
7.4. Avtovağzallarda (avtostansiyalarda)
aşağıdakı növ xidmətlər
göstərilir:
7.4.1. gediş sənədlərinin
(biletlərin) satışı;
7.4.2. sərnişin avtonəqliyyat
vasitələrinin gəlməsinin və yola
düşməsinin idarə olunması;
7.4.3. sərnişin avtonəqliyyat
vasitələrinin sanitar-gigiyenik vəziyyətinə,
müvafiq avadanlıq və ləvazimatlarla təchiz olunmasına
nəzarət;
7.4.4. ticarət və məişət
xidmətləri;
7.4.5. sərnişinlər və
daşıyıcılar tərəfindən avtonəqliyyat
vasitəsilə sərnişin və baqaj daşınması
qaydalarına riayət olunmasına nəzarət.
7.5. Gün ərzində eyni vaxtda
müvafiq xidmətlər göstərilə bilən sərnişinlərin
sayından, binaların, tikililərin, texnoloji avadanlıqla
təchizatından, həmçinin göstərilən
xidmətlərin çeşidindən və
səviyyəsindən asılı olaraq müvafiq icra
hakimiyyəti orqanının müəyyən etdiyi orqan (qurum) tərəfindən hər bir
avtovağzala (avtostansiyaya) kateqoriyasına uyğun olaraq pasport
verilir. Pasport avtovağzalın (avtostansiyanın)
fəaliyyət göstərməsi üçün rəsmi
sənəd hesab edilir. Pasport olmadan avtovağzalın
(avtostansiyanın) fəaliyyət göstərməsinə,
habelə avtovağzalın (avtostansiyanın)
fəaliyyətinin müvafiq kateqoriyaya uyğun texnoloji
prosesinin pozulmasına görə təqsirkar
şəxslər Azərbaycan Respublikasının
qanunvericiliyi ilə müəyyən edilmiş qaydada
məsuliyyət daşıyırlar. Pasportun
verilməsinə görə “Dövlət
rüsumu haqqında”
Azərbaycan Respublikasının Qanununda müəyyən
edilmiş məbləğdə dövlət rüsumu
ödənilir.[24]
7.6. Avtovağzalların
(avtostansiyaların) göstərdiyi xidmətlərin onlara
verilmiş pasporta uyğunluğuna nəzarət müvafiq
icra hakimiyyəti orqanının müəyyən etdiyi orqan (qurum) tərəfindən həyata
keçirilir. Avtovağzalın (avtostansiyanın)
göstərdiyi xidmətlərin səviyyəsi ona
verilmiş pasportda qeyd edilmiş kateqoriyadan aşağı
olduqda, müvafiq icra hakimiyyəti orqanının
müəyyən etdiyi orqan (qurum) pasportun qüvvəsini dayandıra
və ya pasportla müəyyən olunmuş kateqoriyanı
aşağı sala bilər.
7.7. Avtovağzalların
(avtostansiyaların) vəzifə və funksiyaları,
fəaliyyətinin xüsusiyyətləri və texnoloji
prosesi, həmçinin avtovağzallara (avtostansiyalara) pasportun
verilməsi və onların müvafiq kateqoriyalara aid
edilməsi qaydası Azərbaycan Respublikasının müvafiq icra hakimiyyəti orqanı tərəfindən təsdiq edilən
“Avtovağzal və avtostansiya haqqında Əsasnamə”yə uyğun olaraq müəyyən edilir.
Maddə 7-1. Avtonəqliyyat vasitələrinə texniki xidmət
göstərilməsinə dair tələblər[25]
7-1.1.
Avtonəqliyyat vasitələrinə texniki xidmət
göstərən texniki-təmir stansiyaları
(sahələri) avtonəqliyyat vasitələrinin təmiri
və onlara texniki xidmət, nasazlığın aradan
qaldırılması, eləcə də onların etibarlı
və təhlükəsiz istismarı, həmçinin ekoloji
yararlılığı üzrə kompleks işlərin təminatlı
şərtlərlə yerinə yetirilməsi məqsədi
ilə yaradılır.
7-1.2.
Göstərilmiş texniki xidmətin təminatlı
şərtləri yerinə yetirilmiş işlərin
nəticələrinin təhlükəsizliyinə və
xidmətdən sonra yenidən yaranmış həmin
nasazlığın müəyyən edilmiş müddət ərzində
ödənişsiz aradan qaldırılmasına görə
xidmət göstərənin maddi və hüquqi
məsuliyyətini nəzərdə tutur.
7-1.3.
Texniki-təmir stansiyalarında avtonəqliyyat
vasitələrinə texniki xidmət və onların
təmiri üzrə bütün növ texniki-təmir
xidmətləri göstərilir.
7-1.4.
Texniki-təmir sahələrində avtonəqliyyat
vasitələrinə texniki xidmət və onların
təmiri üzrə müəyyən növ təminatlı
texniki xidmətlər göstərilir.
7-1.5.
Texniki-təmir stansiyalarında (sahələrində)
çalışan şəxslər həmin stansiyalar
(sahələr) tərəfindən müvafiq icra
hakimiyyəti orqanının müəyyən etdiyi orqanın (qurumun) təsdiq etdiyi
metodiki göstərişlərlə tanış edilir.[26]
7-1.6.
Texniki-təmir stansiyalarının (sahələrinin) istehsalat-texniki
bazası, texnoloji təchizatı və istehsalat
sahələrində texnoloji prosesin təşkili müvafiq icra
hakimiyyəti orqanının
müəyyən etdiyi sahə standartlarının
tələblərinə uyğun olmalıdır.
Texniki-təmir stansiyalarının (sahələrinin)
müəyyən olunmuş sahə standartlarının
tələblərinə uyğunluğuna nəzarət müvafiq icra
hakimiyyəti orqanı
tərəfindən həyata keçirilir.
7-1.7.
Texniki-təmir stansiyaları (sahələri)
tərəfindən bu Qanunun, habelə bu sahədə
müəyyən olunmuş sahə standartlarının
tələblərinin pozulmasına görə
şəxslər Azərbaycan Respublikasının İnzibati
Xətalar Məcəlləsinə
və Azərbaycan Respublikasının Mülki
Məcəlləsinə
uyğun olaraq məsuliyyət daşıyırlar.
Maddə 8. Avtonəqliyyat
vasitələrinin qeydiyyatı
8.1. Sərnişin və yük
daşımaları üçün istifadə olunan
avtonəqliyyat vasitəsi Azərbaycan Respublikasının
qanunvericiliyi ilə müəyyən olunmuş qaydada dövlət
qeydiyyatına alınmalıdır. Həmin avtonəqliyyat
vasitəsi yalnız bir dövlətdə qeydiyyata alına
bilər.
8.2. Avtonəqliyyat vasitələrinin
dövlət qeydiyyatının aparılması qaydası
Azərbaycan Respublikasının müvafiq qanunvericiliyi ilə
müəyyən olunur.
8.3. Dövlət qeydiyyatına
alınmamış avtonəqliyyat vasitəsindən
istifadə olunması qadağandır.
Maddə 9. Avtomobil nəqliyyatında
əmək münasibətlərinin tənzimlənməsi
9.1. Avtomobil nəqliyyatı
sahəsində əmək münasibətləri Azərbaycan
Respublikasının əmək qanunvericiliyi və digər
müvafiq normativ hüquqi aktları ilə tənzimlənir.
9.2. Beynəlxalq
sərnişin və yük daşımalarını
yerinə yetirən sürücülər üçün
iş və istirahət rejimi, nəqliyyat vasitələrinin
taxoqrafla təchiz edilməsi, onlardan istifadə, onlara
xidmət və fəaliyyətinə nəzarət qaydası müvafiq icra hakimiyyəti orqanı tərəfindən
müəyyən edilir.[27]
9.2-1. Sürücü, operator, emalatxana
və ya nəzarətçi taxoqraf kartlarının
verilməsi və ya yenilənməsi, müvafiq olaraq
sürücünün, operatorun, emalatxananın və
müvafiq icra hakimiyyəti orqanının müəyyən
etdiyi orqanın (qurumun) vəsaiti hesabına müvafiq icra
hakimiyyəti orqanının müəyyən etdiyi orqanla (qurumla), habelə bu sahədə
fəaliyyət göstərən digər fiziki və ya
hüquqi şəxslərlə bağlanılmış
müqavilə əsasında həyata keçirilir.
9.2-2. Bu Qanunun 57-1-ci
maddəsinə uyğun olaraq, operatorlar, taxoqrafların
quraşdırılması, yoxlanılması, təmiri,
sınağı, kalibrlənməsi və onlara texniki
xidmət göstərilməsi ilə bağlı
işləri yerinə yetirən xidmət
mərkəzlərinin (servis emalatxanalarının) texniki
heyət üzvləri, operatorların məsul
şəxsləri və sürücüləri, müvafiq
icra hakimiyyəti orqanının müəyyən etdiyi orqanın (qurumun) əməkdaşı
taxoqrafdan istifadə, ona xidmət və ya rəqəmsal
taxoqraf kartından istifadə ilə bağlı müvafiq
icra hakimiyyəti orqanının müəyyən etdiyi orqanın (qurumun) təsdiq etdiyi xüsusi
proqram üzrə hazırlıq keçməlidir. Xüsusi
proqram üzrə hazırlıq müvafiq icra hakimiyyəti
orqanının müəyyən etdiyi orqan (qurum), habelə mülkiyyət
və təşkilati-hüquqi formasından asılı
olmayaraq təhsil müəssisələri
tərəfindən müqavilə əsasında həyata
keçirilir.[28]
9.3.
Ümumi istifadədə olan avtomobil nəqliyyatı ilə
beynəlxalq və ölkədaxili sərnişin və
yük daşımalarını yerinə yetirən
sürücülərin iş və istirahət rejiminə,
iş şəraitinin xüsusiyyətlərinə
nəzarət müvafiq icra hakimiyyəti orqanının müəyyən etdiyi orqan (qurum)
tərəfindən həyata keçirilir.[29]
II fəsil
AVTOMOBİL
NƏQLİYYATI SAHƏSİNDƏ DÖVLƏT
TƏNZİMLƏNMƏSİ VƏ İDARƏETMƏSİ
Maddə 10. Avtomobil nəqliyyatı
sahəsində dövlət idarəetməsinin və
tənzimlənməsinin əsas vəzifələri
10.1. Avtomobil nəqliyyatı
sahəsində dövlət idarəetməsinin əsas
vəzifələri aşağıdakılardır:
10.1.1. vahid dövlət siyasətinin
həyata keçirilməsi;
10.1.2. Azərbaycan Respublikasının
normativ hüquqi aktları ilə nəzərdə tutulmuş
qayda və tələblərə riayət olunmasına
nəzarət edilməsi;
10.1.3. avtomobil nəqliyyatı ilə
daşımaların yerinə yetirilməsi zamanı texnoloji
və ekoloji təhlükəsizliyin təmin olunması
üçün şərait yaradılması.
10.2. Avtomobil nəqliyyatı
sahəsində dövlət tənzimlənməsinin əsas
vəzifələri aşağıdakılardır:
10.2.1. iqtisadiyyatın və əhalinin
avtomobil nəqliyyatı ilə daşımalara,
həmçinin digər nəqliyyat xidmətlərinə olan
ehtiyaclarının təmin olunmasına şərait
yaradılması;
10.2.2. avtomobil nəqliyyatı ilə
sərnişin və yük daşımaları
sahəsində sahibkarlığın
stimullaşdırılması, daşıyıcılar
arasında azad rəqabətin təmin olunması, habelə
avtomobil nəqliyyatı xidmətlərindən istifadə
edən hüquqi və fiziki şəxslərin qanuni
maraqlarının dövlət tərəfindən
qorunması;
10.2.3. Azərbaycan Respublikasının
avtomobil daşıyıcılarının beynəlxalq
daşımalar bazarında rəqabət qabiliyyətinin
artırılması üçün əlverişli
şəraitin yaradılması;
10.2.4. avtomobil nəqliyyatı ilə
sərnişin və yük
daşıyıcılarının ölkədaxili və
beynəlxalq avtomobil daşımaları bazarına
çıxışının tənzimlənməsi;
10.2.5. avtomobil nəqliyyatı
xidmətlərinin ixracının
stimullaşdırılması;
10.2.6. avtomobil nəqliyyatı ilə
daşımaların vahid norma və qaydalar əsasında
təhlükəsiz yerinə yetirilməsi üçün
şərait yaradılması;
10.2.7. avtomobil nəqliyyatı ilə
ölkədaxili daşımalar bazarının qorunması;
10.2.8. avtomobil nəqliyyatı ilə
daşımalar bazarında inhisarçılığın
qarşısının alınması və azad
rəqabət mühitinin inkişaf etdirilməsi;
10.2.9. ümumi istifadədə olan
avtomobil nəqliyyatında tarif siyasətinin
formalaşdırılması;
10.2.10. avtomobil nəqliyyatı ilə
daşımalar yerinə yetirilərkən ətraf mühitin
qorunması.
Maddə 11. Avtomobil nəqliyyatı
xidmətlərinin tarifləri
11.1. Avtomobil nəqliyyatı
xidmətlərinin tarifləri Azərbaycan
Respublikasının normativ hüquqi aktları ilə
nəzərdə tutulmuş qaydada müəyyən olunur.
11.2. Ümumi istifadədə olan
avtomobil nəqliyyatı ilə daşınma tariflərinin
yuxarı həddi Azərbaycan Respublikasının normativ
hüquqi aktlarına uyğun olaraq müəyyən edilir.
Maddə 12. Avtomobil nəqliyyatında
səfərbərlik hazırlığının təmin
olunması və avtomobil daşıyıcılarının
fövqəladə halların nəticələrinin aradan
qaldırılmasına cəlb edilməsi
12.1. Azərbaycan Respublikasının
müvafiq dövlət orqanları avtomobil
nəqliyyatının səfərbərlik
hazırlığının zəruri səviyyədə
saxlanmasını təmin etməlidirlər.
12.2. Təbii və ya texnogen xarakterli
fövqəladə hadisələr baş verdikdə avtomobil
daşıyıcıları onların nəticələrinin
aradan qaldırılmasını idarə edən dövlət
orqanlarının qanuni tələblərini yerinə
yetirməyə borcludurlar.
12.3. Fövqəladə halların
nəticələrinin aradan qaldırılmasına cəlb
olunmuş avtomobil daşıyıcılarının
qəza-xilasetmə tədbirlərinin həyata keçirilməsi
zamanı çəkdiyi xərclərin və ya onlara
dəymiş zərərin əvəzi Azərbaycan
Respublikasının qanunvericiliyi ilə müəyyən
olunmuş qaydada ödənilir.
12.4. Avtomobil nəqliyyatının
səfərbərlik hazırlığı və avtomobil
daşıyıcılarının fövqəladə
halların nəticələrinin aradan qaldırılmasına
cəlb olunması qaydası Azərbaycan Respublikasının
müvafiq normativ hüquqi aktları ilə müəyyən
olunur.
Maddə 13. Avtomobil
nəqliyyatı ilə sərnişin və yük
daşımaları sahəsində icazə
13.1. Avtomobil nəqliyyatı ilə
sərnişin və yük daşımaları
xidmətlərinin istehlakçılarının qanuni
maraqlarının qorunması, bu sahədə haqsız rəqabət
və inhisarçılığın
qarşısının alınması, daşımaların
təhlükəsizliyinin, ətraf mühitin və
əməyin mühafizəsinin təmin olunması
məqsədilə avtomobil nəqliyyatı ilə
sərnişin və yük daşımaları ilə
məşğul olmaq istəyən hüquqi
şəxslər və fərdi sahibkarlar bu Qanunun və “Lisenziyalar və
icazələr haqqında” Azərbaycan Respublikası Qanununun
tələblərinə uyğun olaraq, müvafiq icra
hakimiyyəti orqanının müəyyən etdiyi orqandan (qurumdan) aşağıdakı icazələri
almalıdırlar:
13.1.1. Azərbaycan Respublikası ilə
xarici ölkələr arasında avtomobil nəqliyyatı
ilə daşımaları yerinə yetirmək
üçün operatorlara verilən beynəlxalq yük
və qeyri-müntəzəm sərnişin
daşımalarına buraxılış vəsiqəsi;
13.1.2. ölkədaxili sifarişli
daşımalara buraxılış vəsiqəsi;
13.1.3. taksi minik avtomobilləri ilə
sərnişin daşımalarına buraxılış
vəsiqəsi;
13.1.4. taksi sifarişi operatoru
fəaliyyətinə icazə;
13.1.5. avtomobil nəqliyyatı ilə
müntəzəm şəhərdaxili (rayondaxili),
şəhərlərarası (rayonlararası) və
beynəlxalq marşrut üzrə sərnişin daşınması
(sərnişin daşınmasının təşkili)
haqqında müqavilə.
13.2. Bu Qanunun 13.1-ci maddəsində
nəzərdə tutulan fəaliyyətlərin icazə olmadan
və ya digər şəxslərə məxsus icazə
əsasında yerinə yetirilməsi qadağandır.
13.3. Bu Qanunun 13.1.1 – 13.1.4-cü
maddələrində nəzərdə tutulan icazələr 7
(yeddi) il, bu Qanunun 13.1.5-ci maddəsində nəzərdə
tutulan icazə isə bu Qanunun 21.5-ci maddəsində
nəzərdə tutulan müddətə verilir.
13.4. Bu Qanunun 13.1.1-ci, 13.1.3-cü,
13.1.4-cü maddələrində nəzərdə tutulan
icazələrin və buraxılış kartlarının
verilməsinə görə “Dövlət
rüsumu haqqında” Azərbaycan Respublikasının Qanununa
uyğun olaraq dövlət rüsumu tutulur.
Maddə 14. Avtomobil
nəqliyyatı ilə sərnişin və yük
daşımaları sahəsində icazənin alınması
üçün tələb olunan sənədlər
(məlumatlar)
14.1. Bu Qanunun 13.1.1-ci maddəsində
nəzərdə tutulan icazəni almaq üçün
hüquqi şəxs və ya fərdi sahibkar müvafiq icra
hakimiyyəti orqanının müəyyən etdiyi orqana (quruma) “Lisenziyalar və
icazələr haqqında” Azərbaycan Respublikasının Qanunu
ilə müəyyən edilmiş sənədlərdən
başqa, aşağıdakı sənədləri (skan
edərək) və məlumatları elektron qaydada təqdim
edir:
14.1.1. müraciət edən şəxs
hüquqi şəxs olduqda, onun idarəetmə
orqanının rəhbərləri haqqında məlumatları
(soyadı, adı, atasının adı və
vəzifəsi);
14.1.2. məsul şəxslər
haqqında məlumatları (soyadı, adı, atasının
adı və fərdi identifikasiya nömrəsi), məsul
şəxslərin müəyyən olunmasını
təsdiq edən sənədləri;
14.1.3. beynəlxalq daşımalarda
istifadə edilməsi nəzərdə tutulan,
mülkiyyət, istifadə və ya icarə hüququ
əsasında malik olduğu avtonəqliyyat vasitələrinin
dövlət qeydiyyat şəhadətnamələrini;
14.1.4. barəsində məlumat
təqdim olunan avtonəqliyyat vasitələrindən hər
biri üzərində mülkiyyət, istifadə və ya icarə
hüququnu təsdiq edən sənədləri;
14.1.5. sürücüləri (avtonom
nəqliyyat vasitəsi istisna olmaqla) haqqında
məlumatları (adı, soyadı və atasının
adı), sürücülərinin müvafiq kateqoriyalı
(altkateqoriyalı) sürücülük
vəsiqələrini və əmək
müqavilələrinə dair məlumatı (operator ilə
sürücü eyni şəxs olan hal istisna olmaqla); [30]
14.1.6. avtonəqliyyat
vasitələrinə texniki xidmət göstərilməsi,
onların saz vəziyyətdə saxlanılması və
təmiri üçün texniki-təmir stansiyasının
(sahəsinin) olmasını təsdiq edən
sənədləri və ya belə xidmətləri
göstərəcək şəxslə
bağlanılmış müqaviləni;
14.1.7. fərdi sahibkarın və ya
hüquqi şəxsin idarəetmə orqanının
rəhbərlərinin, məsul şəxslərinin həyat
və sağlamlıq əleyhinə, mülkiyyət
əleyhinə, iqtisadi fəaliyyət sahəsində,
hərəkət təhlükəsizliyi və nəqliyyat
vasitələrinin istismarı qaydaları əleyhinə, insan
alveri və narkotik vasitələrin qanunsuz dövriyyəsi
ilə əlaqədar, qulluq mənafeyi əleyhinə olan
ağır və (və ya) xüsusilə ağır
cinayətlərə görə məhkumluğunun
olmaması, müvafiq vəzifəni tutması və ya
müvafiq fəaliyyətlə məşğul olması
hüququndan məhrumetmə ilə bağlı
məhkəmə qərarının olmamasına dair
müvafiq icra hakimiyyəti orqanının müəyyən
etdiyi orqan (qurum) tərəfindən verilən
arayışı;
14.1.8. ərizənin verildiyi
günədək kənar (müstəqil) auditor
tərəfindən təsdiq edilmiş son hesabat
dövrünə aid maliyyə hesabatlarını, aktivləri
barədə məlumatı və ya maliyyə vəziyyəti
barədə bank arayışını;
14.1.9. operatorun məsul
şəxslərinin, habelə sürücülərinin bu
Qanunun 50.2-ci maddəsinə uyğun olaraq hazırlıqdan
keçməsini təsdiq edən sənədləri;
14.1.10. operatorun və
sürücülərin taxoqraf kartlarının olması
barədə məlumatı;
14.1.11. “Lisenziyalar və
icazələr haqqında” Azərbaycan Respublikası Qanununun
18.5-ci maddəsinə müvafiq olaraq, dövlət
rüsumunun ödənildiyini təsdiq edən sənədi
(bu maddə ilə nəzərdə tutulan digər
sənədlərdə çatışmazlıqlar
müəyyən edilmədikdə təqdim olunur).
14.2. Bu Qanunun 13.1.2-ci maddəsində
nəzərdə tutulan icazəni almaq üçün
hüquqi şəxs və ya fərdi sahibkar müvafiq icra
hakimiyyəti orqanının müəyyən etdiyi orqana (quruma) aşağıdakı sənədləri
(skan edərək) və məlumatları elektron qaydada
təqdim edir:
14.2.1. fərdi sahibkar olduqda,
şəxsiyyətini təsdiq edən sənədi, hüquqi
şəxs olduqda, hüquqi şəxslərin dövlət
reyestrindən çıxarışı;
14.2.2. vergi ödəyicisi kimi uçota
alınması haqqında şəhadətnaməni;
14.2.3. hüquqi şəxsin və ya
fərdi sahibkarın mülkiyyət, istifadə və ya
icarə hüququ əsasında malik olduğu avtonəqliyyat
vasitələrinin dövlət qeydiyyat
şəhadətnamələrini;
14.2.4. sürücünün narkotik
sərxoşluq vəziyyətinin, narkotik vasitələrin və
psixotrop maddələrin istehlakı hallarının
müəyyən edilməsi üçün aparılan tibbi
müayinənin nəticəsi barədə məlumatı;[31]
14.2.5. avtonəqliyyat vasitələrinin
texniki vəziyyətinin reysqabağı
yoxlanılmasının, sürücülərin
reysqabağı tibbi müayinəsinin təşkili imkanı
barədə sənədləri və ya müvafiq
xidmətlərdən istifadə olunmasına dair texniki
məntəqə və tibb məntəqəsi ilə
müqavilələri;
14.2.6. ümumi istifadədə olan
avtomobil nəqliyyatı ilə daşımaları yerinə
yetirən sürücülərin xüsusi hazırlıq
keçməsini təsdiq edən sənədləri;
14.2.7. qeyri-müntəzəm
sərnişin daşımalarına münasibətdə
həmçinin:
14.2.7.1. avtonəqliyyat vasitəsi ilə
daşınan sərnişinlərin fərdi qəza
sığortası;
14.2.7.2. avtonəqliyyat vasitəsi
sahiblərinin mülki məsuliyyətinin, həmçinin
avtonəqliyyat vasitəsi sürücüsünün
bədbəxt hadisələr və peşə
xəstəlikləri nəticəsində peşə
əmək qabiliyyətinin itirilməsi hallarından icbari
sığortalanmasını təsdiq edən müvafiq icbari
sığortası;
14.2.7.3. bu Qanunun 27.2-ci maddəsində
nəzərdə tutulan halların təsdiqedici
sənədləri.
14.3. Bu Qanunun 13.1.3-cü və 13.1.5-ci
maddələrində nəzərdə tutulan icazələrin
alınması üçün hüquqi şəxs və ya
fərdi sahibkar müvafiq icra hakimiyyəti orqanının
müəyyən etdiyi orqana (quruma) “Lisenziyalar və
icazələr haqqında” Azərbaycan Respublikasının Qanunu
ilə müəyyən edilmiş sənədlərdən
başqa, aşağıdakı sənədləri (skan
edərək) və məlumatları elektron qaydada təqdim
edir:
14.3.1. sürücülərin (avtonom
nəqliyyat vasitəsi istisna olmaqla) müvafiq kateqoriyalı
(altkateqoriyalı) sürücülük
vəsiqələrini; [32]
14.3.2. hüquqi şəxsin və ya
fərdi sahibkarın mülkiyyət, istifadə və ya
icarə hüququ əsasında malik olduğu avtonəqliyyat
vasitələrinin dövlət qeydiyyat şəhadətnamələrini;
14.3.3. ümumi istifadədə olan
avtomobil nəqliyyatı ilə daşımaları yerinə
yetirən sürücülərin, o cümlədən taksi
minik avtomobillərinin sürücülərinin xüsusi
hazırlıq keçməsini təsdiq edən
sənədləri;
14.3.4. avtonəqliyyat vasitələrinin
texniki vəziyyətinin reysqabağı
yoxlanılmasının, sürücülərin
reysqabağı tibbi müayinəsinin təşkili imkanı
barədə sənədləri və ya müvafiq
xidmətlərdən istifadə olunmasına dair texniki
məntəqə və ya tibb məntəqəsi ilə
müqavilələri;[33]
14.3.5. müvafiq icra hakimiyyəti
orqanının müəyyən etdiyi orqanın (qurumun) təsdiq etdiyi hallarda
müntəzəm sərnişin daşımalarının
həyata keçirilməsi nəzərdə tutulan
avtonəqliyyat vasitələrinin gediş haqqının
elektron qaydada ödənilməsi üçün
ödəniş alətləri ilə təchiz olunması
barədə məlumatı;
14.3.6. taksi minik avtomobillərində
taksometrin (taksometr funksiyalarının proqram təminatı
əsasında həyata keçirildiyi hallar istisna olmaqla)
metroloji yoxlamadan keçməsini təsdiq edən
şəhadətnaməni;
14.3.7. sürücünün (avtonom nəqliyyat
vasitəsi istisna olmaqla) narkotik sərxoşluq
vəziyyətinin, narkotik vasitələrin və psixotrop
maddələrin istehlakı hallarının müəyyən
edilməsi üçün aparılan tibbi müayinənin
nəticəsi barədə məlumatı; [34]
14.3.7-1. müntəzəm beynəlxalq
və şəhərlərarası (rayonlararası)
sərnişin daşımalarına münasibətdə
həmçinin:[35]
14.3.7-1.1. avtonəqliyyat vasitəsi
ilə daşınan sərnişinlərin fərdi qəza
sığortası;
14.3.7-1.2. avtonəqliyyat vasitəsi
sahiblərinin mülki məsuliyyətinin, həmçinin
avtonəqliyyat vasitəsi sürücüsünün
bədbəxt hadisələr və peşə
xəstəlikləri nəticəsində peşə
əmək qabiliyyətinin itirilməsi hallarından icbari
sığortalanmasını təsdiq edən müvafiq icbari
sığortası.
14.3.8. beynəlxalq marşrut üzrə
müntəzəm sərnişin daşınmasına
münasibətdə, həmçinin bu Qanunun 14.1.1-ci,
14.1.2-ci, 14.1.5-ci (sürücülərlə
bağlanmış əmək müqavilələrinə
münasibətdə), 14.1.6 – 14.1.10-cu maddələrində
nəzərdə tutulan sənədləri və
məlumatları;
14.3.9. “Lisenziyalar və
icazələr haqqında” Azərbaycan Respublikası Qanununun
18.5-ci maddəsinə müvafiq olaraq, dövlət rüsumunun
ödənildiyini təsdiq edən sənədi (bu maddə
ilə nəzərdə tutulan digər
sənədlərdə çatışmazlıqlar
müəyyən edilmədikdə təqdim olunur).
14.4. Bu Qanunun 13.1.4-cü
maddəsində nəzərdə tutulan icazəni almaq
istəyən hüquqi şəxslər və ya fərdi
sahibkar müvafiq icra hakimiyyəti orqanının
müəyyən etdiyi orqana (quruma) “Lisenziyalar və
icazələr haqqında” Azərbaycan Respublikasının Qanunu
ilə müəyyən edilmiş sənədlərdən
başqa, aşağıdakı sənədləri (skan
edərək) və məlumatları elektron qaydada təqdim
edir:
14.4.1. müraciət edən
şəxsin internet informasiya ehtiyatı və taksi sifarişi
operatoru fəaliyyəti üçün istifadə etdiyi
bütün telekommunikasiya vasitələri, o cümlədən
mobil tətbiqlər barədə məlumatları;
14.4.2. taksi sifarişi xidmətinin
göstərilməsi üçün Azərbaycan
Respublikasının ərazisində yerləşən filial
və ya nümayəndəliyi barədə məlumatları;
14.4.3. “Lisenziyalar və
icazələr haqqında” Azərbaycan Respublikası Qanununun
18.5-ci maddəsinə müvafiq olaraq, dövlət
rüsumunun ödənildiyini təsdiq edən sənədi
(bu maddə ilə nəzərdə tutulan digər sənədlərdə
çatışmazlıqlar müəyyən
edilmədikdə təqdim olunur).
14.5. Bu Qanunun 14.1 – 14.4-cü
maddələrində qeyd olunan sənədlərin və
məlumatların Elektron Hökumət İnformasiya Sistemi
vasitəsilə müvafiq dövlət orqanından (qurumundan)
əldə edilməsi mümkün olduqda həmin sənədlər
və ya məlumatlar müraciət edən şəxsdən
tələb edilmir. Belə sənədlərin və ya
məlumatların Elektron Hökumət İnformasiya Sistemi
vasitəsilə əldə edilməsi mümkün
olmadığı hallarda onların təqdim edilməsi
müraciət edən şəxsin razılığı
ilə sorğu əsasında müvafiq dövlət
orqanından (qurumundan) tələb olunur və ya
müraciət edən şəxs tərəfindən
təmin edilir.
Maddə 15. Avtomobil
nəqliyyatı ilə sərnişin və yük
daşımalarına icazənin tətbiqi
xüsusiyyətləri
15.1. Avtomobil nəqliyyatı ilə
sərnişin və yük daşımalarına dair bu Qanunun
13.1-ci maddəsində nəzərdə tutulmuş
icazələr və onların əlavələri müvafiq
icra hakimiyyəti orqanının müəyyən etdiyi orqan (qurum) tərəfindən elektron qaydada
verilir. İcazəni almış şəxs həmin
icazəni çap edə və kağız
daşıyıcıda istifadə edə bilər.
15.2. Avtomobil nəqliyyatı ilə
sərnişin və yük daşımalarına icazə
verildikdə daşıyıcıya elektron qaydada
avtonəqliyyat vasitələrinin sayına uyğun olaraq müvafiq
icra hakimiyyəti orqanının müəyyən etdiyi orqan (qurum) tərəfindən buraxılış
kartı verilir. Avtonəqliyyat vasitələrinin sayı
artdıqda, yaxud avtonəqliyyat vasitəsi başqası ilə
əvəz olunduqda, hüquqi şəxs və ya fərdi
sahibkar yeni buraxılış kartının verilməsi
haqqında müraciət etməlidir. Buraxılış
kartı daşıyıcının həmin avtonəqliyyat
vasitəsi ilə sərnişin və yük
daşımalarını həyata keçirmək
üçün icazəyə malik olduğunu təsdiq edir.
Buraxılış kartının hüquqi qüvvəsinin
dayandırılması, bərpası, ləğvi və yeni
buraxılış kartının verilməsi “Lisenziyalar və
icazələr haqqında” Azərbaycan Respublikasının Qanununa
uyğun olaraq həyata keçirilir.
15.3. Müvafiq icra hakimiyyəti
orqanının müəyyən etdiyi orqan (qurum) bu Qanunda və “Lisenziyalar və
icazələr haqqında” Azərbaycan Respublikasının
Qanununda nəzərdə tutulan hallarda və qaydada avtomobil
nəqliyyatı ilə sərnişin və yük
daşımalarına verilmiş icazənin dublikatını
verir, icazəni yenidən rəsmiləşdirir,
dayandırır, bərpa edir və ləğv edir.
15.4. Avtomobil nəqliyyatı
xidmətlərinin səmərəliliyinin və
keyfiyyətinin artırılması, habelə ümumi
istifadədə olan avtomobil nəqliyyatı ilə
daşımalarda nəqliyyat növləri üzrə
sərnişin axınlarının paylanmasının
optimallaşdırılması məqsədilə müvafiq
icra hakimiyyəti orqanının müəyyən etdiyi orqan (qurum) taksi minik avtomobilləri ilə
sərnişin daşımaları üçün
icazələrin və onların əlavələrinin
sayına məhdudiyyətlər tətbiq edə bilər. Məhdudiyyətlər
tətbiq edilməzdən 60 (altmış) gün əvvəl
müvafiq icra hakimiyyəti orqanının müəyyən
etdiyi orqan (qurum) müvafiq əsasları
göstərməklə, mediada məlumat verməlidir.
15.5. Müntəzəm və taksi minik
avtomobili ilə sərnişin daşımalarında,
habelə qeyri-müntəzəm sərnişin
daşımalarında istifadə olunan avtonəqliyyat
vasitələrinin texniki göstəriciləri, daxili və
xarici tərtibatı müvafiq icra hakimiyyəti
orqanının müəyyən etdiyi orqanın (qurumun) təsdiq etdiyi tələblərə
uyğun olmalıdır. Həmin tələblərə cavab
verməyən avtonəqliyyat vasitəsinə
buraxılış kartının verilməsindən imtina
olunur, verilmiş buraxılış kartının isə
hüquqi qüvvəsi dayandırılır və ya o,
ləğv edilir.[36]
Maddə 15-1. Taksi sifarişi
operatorları
15-1.1. Taksi sifarişi operatorları, “Fərdi məlumatlar
haqqında” Azərbaycan Respublikası Qanununun 15-ci
maddəsinin tələbləri nəzərə alınmaqla,
fərdi məlumatların informasiya sistemlərini
dövlət qeydiyyatından keçirməli və həmin
Qanunun 5.9-cu maddəsinə əsasən fərdi
məlumatların mühafizəsi ilə bağlı
tələblərə riayət etməlidirlər. Taksi
sifarişi operatorları hər bir taksi sifarişi üzrə
siyahısı müvafiq icra hakimiyyəti orqanının
müəyyən etdiyi orqan (qurum) tərəfindən təsdiq edilən
adsızlaşdırılmış məlumatların, o
cümlədən sürücünün iş və istirahət
rejimlərinə riayət olunmasına nəzarət
məqsədilə sürücü barədə
məlumatların müvafiq icra hakimiyyəti orqanının
müəyyən etdiyi orqanın (qurumun) informasiya sisteminə real vaxt
rejimində ötürülməsini təmin
etməlidirlər.
15-1.2. Taksi sifarişi
operatoru tərəfindən taksi minik avtomobilləri ilə
sərnişin daşımalarına buraxılış vəsiqəsi
və avtonəqliyyat vasitələrinin texniki
vəziyyətinin reysqabağı yoxlanılmasının,
sürücülərin reysqabağı tibbi
müayinəsinin təşkili imkanı barədə
sənədləri və ya müvafiq xidmətlərdən
istifadə olunmasına dair texniki məntəqə və ya
tibb məntəqəsi ilə müqavilələri olmayan
daşıyıcıya, habelə müvafiq
buraxılış kartı və taksi minik avtomobillərinin
sürücülərinin xüsusi hazırlıq
keçməsini təsdiq edən sənədi olmayan
sürücüyə taksi sifarişi xidmətinin
göstərilməsi qadağandır.[37]
Maddə 16. Avtomobil
nəqliyyatının standartlaşdırılması,
metroloji təminatı və sertifikatlaşdırılması
16.1. Avtomobil nəqliyyatında
standartlaşdırma, metroloji təminat və
sertifikatlaşdırma Azərbaycan Respublikasının
müvafiq normativ hüquqi aktları ilə müəyyən
olunmuş qaydada yerinə yetirilir.
16.2. Avtomobil nəqliyyatında
dövlət metroloji nəzarət Azərbaycan
Respublikasının müvafiq normativ hüquqi aktlarına
uyğun olaraq aparılır.
16.3. Avtomobil nəqliyyatı
sahəsində fəaliyyət, yol hərəkətinin və
daşımaların təhlükəsizliyi, insanların
həyat və sağlamlığı, ətraf mühitin
mühafizəsi, habelə digər norma və
tələblərə uyğun olmalıdır.
III fəsil
AVTOMOBİL
NƏQLİYYATI İLƏ DAŞIMALARIN YERİNƏ
YETİRİLMƏSİNİN ÜMUMİ ƏSASLARI
Maddə 17. Avtomobil nəqliyyatı
ilə kommersiya məqsədli daşımaların yerinə
yetirilməsinin hüquqi əsasları
17.1. Avtomobil nəqliyyatı ilə
kommersiya məqsədli daşımalar sərnişin və
yük daşımaları haqqında müqavilə,
sərnişin və yük daşımalarının
təşkil olunması haqqında müqavilə, icarə
(kirayə) müqaviləsi, habelə avtomobil
daşıyıcıları ilə avtomobil nəqliyyatı
ilə daşımaların sifarişçiləri
(sərnişinlər, yükgöndərənlər,
sərnişin və yük avtomobil daşımalarının
təşkilatçıları) arasında bağlanan
digər müqavilələr əsasında yerinə yetirilir.
17.2. Ən azı iki nəqliyyat
növündən istifadə edilməklə yerinə
yetirilən sərnişin və yük daşımaları
(qarışıq daşımalar) daşıyıcılarla
daşımaların sifarişçiləri
(təşkilatçıları) arasında bağlanılan
müqavilələr əsasında yerinə yetirilir.
Maddə 18. Avtomobil nəqliyyatı
ilə sərnişin, baqaj və yük daşınması
qaydaları
Avtomobil nəqliyyatı ilə
sərnişinlərin və yüklərin
daşınmasının təşkili və yerinə
yetirilməsi qaydası müvafiq olaraq “Avtomobil nəqliyyatı ilə sərnişin və
baqaj daşınması Qaydaları” və “Avtomobil nəqliyyatı ilə yüklərin
daşınması Qaydaları” ilə müəyyən edilir və müvafiq icra hakimiyyəti orqanı tərəfindən təsdiq olunur.
Maddə 19. Ümumi istifadədə
olan avtomobil nəqliyyatı ilə daşımalar
19.1. Daşıyıcının hər
hansı hüquqi və ya fiziki şəxsin sifarişi
(müraciəti) ilə tənzimlənən və ya elan
edilmiş tariflər üzrə daşımaları yerinə
yetirmək öhdəliyi, ümumi istifadədə olan
avtomobil nəqliyyatı ilə kommersiya məqsədli
daşınma hesab edilir.
19.2. Ümumi istifadədə olan
avtomobil nəqliyyatı ilə sərnişin və yük
daşımalarını yerinə yetirən
daşıyıcı daşımaların
şərtlərinin, o cümlədən tariflər barədə
məlumatların şəffaflığını təmin
etməlidir.
Maddə 20. Taksi minik avtomobilləri
ilə sərnişin daşımaları
20.1. Taksi minik
avtomobilləri ilə sərnişin daşımaları
taksometrin göstəriciləri və ya taksi sifarişi
xidmətinə qoşulduqda, taksometr funksiyalarını
yerinə yetirən proqram təminatı vasitəsilə
müəyyən olunan qiymət üzrə ödəniş
əsasında, müvafiq buraxılış vəsiqəsi
və buraxılış kartı olan
daşıyıcılar tərəfindən yerinə
yetirilir. Taksi minik avtomobilləri ilə sərnişin
daşımalarına buraxılış vəsiqəsi olmadan
və ya digər şəxslərə məxsus
buraxılış vəsiqəsi əsasında taksi minik
avtomobilləri ilə sərnişin daşımalarının
yerinə yetirilməsi, habelə buraxılış kartı
olmayan nəqliyyat vasitələrinin
sərnişindaşımada istismar edilməsi,
həmçinin taksometrin göstəriciləri və ya
taksometr funksiyalarını yerinə yetirən proqram
təminatı vasitəsilə müəyyən olunan
qiymətdən əlavə ödənişin tələb
edilməsi qadağandır.[38]
20.2. Taksi minik avtomobilləri ilə
sərnişin daşımaları buraxılış kartında müəyyən
edilmiş ərazi hüdudları daxilində hər hansı
şəxsin sifarişi əsasında qeyri-müntəzəm
marşrut üzrə yerinə yetirilir.[39]
20.3. Taksi minik avtomobilləri ilə
sərnişin daşımalarını yerinə yetirən
daşıyıcı sifariş gözləyərkən
yalnız xüsusi olaraq
müəyyən edilmiş və müvafiq qaydada
işarələnmiş taksi minik avtomobillərinin duracaq
yerlərindən istifadə etməlidir.[40]
20.4. Taksi minik avtomobilləri ilə
sərnişin daşımalarının
xüsusiyyətləri “Avtomobil nəqliyyatı ilə sərnişin və
baqaj daşınması Qaydaları” ilə müəyyən olunur.
Maddə 21. Avtomobil nəqliyyatı
ilə müntəzəm sərnişin
daşımalarının sifarişi
21.1. Avtomobil nəqliyyatı ilə
müntəzəm beynəlxalq, şəhərlərarası
(rayonlararası) və şəhərdaxili (rayondaxili)
sərnişin daşımalarının təmin olunması
məqsədilə müvafiq icra hakimiyyəti
orqanının müəyyən etdiyi orqan (qurum) tərəfindən marşrut
şəbəkəsi müəyyənləşdirilir və
dövlət sifarişi formalaşdırılır.
21.2. Daşıyıcılar avtomobil
nəqliyyatı ilə müntəzəm beynəlxalq,
şəhərlərarası (rayonlararası) və
şəhərdaxili (rayondaxili) sərnişin daşımalarının
yerinə yetirilməsinə sifarişçinin keçirdiyi
müsabiqə əsasında cəlb olunurlar. Müsabiqədə iştiraka görə müvafiq
icra hakimiyyəti orqanının müəyyən etdiyi orqana (quruma) müvafiq icra
hakimiyyəti orqanının müəyyən etdiyi orqanın (qurumun) müəyyən etdiyi
məbləğdə ödəniş edilir.[41]
21.3. Sifarişçi
müsabiqəyə müntəzəm avtobus
marşrutlarını və ya daşımaların
intensivliyini, həmçinin rentabelliyini nəzərə
alaraq marşrutların müvafiq reyslərini çıxarır.
21.4. Müsabiqənin qalibləri
müntəzəm marşrutlar və ya marşrutların
müəyyən reysləri üzrə
sərnişindaşıma xidmətləri
göstərmək hüququnu əldə edirlər.
21.5. Sifarişçi müsabiqənin
qalibinin maddi-texniki bazasını nəzərə alaraq
hər bir şəhərdaxili (rayondaxili),
şəhərlərarası (rayonlararası) marşruta dair
5 ilədək, lakin 3 ildən az olmayan müddətə,
beynəlxalq marşruta dair isə 3 ilədək, lakin 1
ildən az olmayan müddətə müvafiq marşrut
üzrə sərnişin daşınması (sərnişin
daşınmasının təşkili) haqqında
müqavilə bağlayır. Müsabiqənin qalibi olan
daşıyıcı dövlət sifarişi əsasında
sərnişin daşımalarını yerinə yetirə
bilmədikdə yaxud lazımi qaydada yerinə
yetirmədikdə və ya onunla bağlanmış
müqavilənin digər şərtlərini pozduqda
sifarişçi həmin müqaviləni birtərəfli
qaydada vaxtından əvvəl ləğv etmək hüququna
malikdir.
21.6. Müəyyən marşrut
üzrə müsabiqədə yalnız bir iddiaçı
olan daşıyıcı iştirak etdikdə, müvafiq
müqavilə yalnız həmin daşıyıcının
müsabiqənin bütün tələblərinə
uyğun olduğu halda bağlanılır.
21.7. Avtomobil nəqliyyatı ilə müntəzəm
şəhərdaxili (rayondaxili),
şəhərlərarası (rayonlararası) və
beynəlxalq marşrutlar üzrə sərnişin
daşımalarına daşıyıcıların cəlb
olunmasına dair müsabiqənin keçirilməsi qaydası Azərbaycan Respublikasının müvafiq icra hakimiyyəti orqanı tərəfindən müəyyən
edilir.
21.8. Beynəlxalq müntəzəm
marşrutların Azərbaycan Respublikasının ərazisində
yerləşən, şəhərlərarası
(rayonlararası) müntəzəm marşrutların isə
şəhərlərin (rayon mərkəzlərinin) və ya
qəsəbələrin ərazisində yerləşən
başlanğıc, aralıq və son təyinat
məntəqəsi yalnız avtovağzal (avtostansiya)
olmalıdır.
21.9.
Şəhərlərarası (rayonlararası)
müntəzəm sərnişin daşımalarında
bilet-uçot vərəqi müvafiq icra hakimiyyəti
orqanının müəyyən etdiyi orqanın (qurumun) informasiya sistemi
üzərindən elektron qaydada doldurulur.[42]
Maddə 21-1. Avtomobil nəqliyyatı ilə qeyri-müntəzəm
sərnişin daşımaları[43]
21-1.1. Avtomobil
nəqliyyatı ilə qeyri-müntəzəm sərnişin
daşımaları (taksi minik avtomobilləri ilə
daşımalar istisna olmaqla), sərnişin
daşınması müqaviləsi, sərnişin
avtonəqliyyat vasitəsinin icarəsi (fraxtetmə)
müqaviləsi əsasında əvəzi
ödənilməklə yerinə yetirilir.
21-1.2.
Qeyri-müntəzəm sərnişin daşımalarına
turizm və ekskursiya, kütləvi tədbirlər və
istirahət yerlərinə yerinə yetirilən, habelə
müntəzəm sərnişin daşımalarına aid
olmayan sərnişin daşımaları aiddir.
21-1.3. Avtomobil
nəqliyyatı ilə qeyri-müntəzəm sərnişin
daşımalarının yerinə yetirilməsinə
aşağıdakı hallarda yol verilmir:
21-1.3.1.
müntəzəm avtobus marşrutları üçün
müəyyən edilmiş hərəkət
cədvəlləri ilə daşımaları yerinə
yetirmək;
21-1.3.2.
müntəzəm marşrutlar üçün
müəyyən edilmiş dayanacaq məntəqələrində
sərnişinləri mindirmək və
düşürmək.[44]
21-1.4.
Avtomobil nəqliyyatı ilə qeyri-müntəzəm
sərnişin daşımalarının
xüsusiyyətləri müvafiq icra hakimiyyəti orqanı
tərəfindən avtomobil nəqliyyatı ilə
sərnişinlərin və baqajın daşınmasına
dair təsdiq edilən qaydalarla müəyyən edilir.
Maddə 22. Nəqliyyat
sənədləri
22.1. Sərnişin və ya yük
daşımalarının yerinə yetirilməsi
üçün tələb edilən sənədlərin
forması və rəsmiləşdirilməsi qaydası
müvafiq olaraq “Avtomobil nəqliyyatı ilə sərnişin və
baqaj daşınması Qaydaları” və “Avtomobil nəqliyyatı ilə yüklərin
daşınması Qaydaları” ilə müəyyən olunur.
22.2. Sərnişin və ya yük
daşınması məqsədilə avtonəqliyyat
vasitəsindən istifadə edilməsi müvafiq icra hakimiyyəti orqanının
müəyyən etdiyi orqanın (qurumun) informasiya sistemində
elektron qaydada doldurulan elektron yol vərəqəsi ilə rəsmiləşdirilir.[45]
22.3. Müntəzəm marşrut
üzrə sərnişin daşımaları yerinə
yetirilərkən hər bir sərnişin gediş
sənədinə (biletə) (gediş
haqqının elektron qaydada ödənildiyi hallar istisna
olmaqla), baqaj ödəniş əsasında
daşındıqda isə, həmçinin onun daşınma
haqqının ödənildiyini təsdiq edən
sənədə (baqaj qəbzinə) malik olmalıdır.
Müvafiq gediş sənədinin (biletin)
satışını və sərnişinin baqajının
daşınma haqqının ödənildiyini təsdiq
edən sənədin verilməsini daşıyıcı
və ya avtomobil nəqliyyatı ilə daşımaların
təşkilatçısı təmin etməlidir.[46]
22.3-1. Bilet-uçot
vərəqi olmadan şəhərlərarası
(rayonlararası) müntəzəm sərnişin
daşımalarının həyata keçirilməsinə
yol verilmir.[47]
22.4.
Qeyri-müntəzəm sərnişin daşınması
(taksi minik avtomobilləri ilə sərnişin
daşınması istisna olmaqla) formulyar vasitəsilə
rəsmiləşdirilir. Formulyarın formasını
müvafiq icra hakimiyyəti orqanının müəyyən
etdiyi orqan (qurum) təsdiq edir. Formulyarı
doldurmadan qeyri-müntəzəm sərnişin
daşınmasının həyata keçirilməsinə yol
verilmir.[48]
22.5. Avtomobil nəqliyyatı ilə
yüklərin daşınması elektron
əmtəə-nəqliyyat qaiməsi və ya
sifariş-tapşırıq ilə rəsmiləşdirilir.
Həmin sənəd yükün daşındığı
müddət ərzində sürücüdə
saxlanılmalıdır.[49]
Maddə 23. Avtomobil nəqliyyatı
ilə daşımaların marşrutu
23.1. Avtomobil daşıyıcısı
sərnişinləri və ya yükü müvafiq
avtonəqliyyat vasitəsi üçün daşımanın
sifarişçisi tərəfindən müəyyən
olunmuş marşrut üzrə daşımalıdır.
Marşrut müəyyən edilmədikdə avtomobil
daşıyıcısı sərnişinləri və ya
yükü ən qısa marşrut üzrə
daşımalıdır.
23.2. Daşınmanın daha uzun
marşrutla yerinə yetirilməsi məqsədəuyğun
olduqda, avtomobil daşıyıcısı həmin marşrutu
daşınmanın sifarişçisi ilə
əvvəlcədən razılaşdırmalıdır.
23.3. Avtomobil nəqliyyatı ilə
sərnişin daşımaları üzrə
müntəzəm marşrutların müəyyən
edilməsi və rəsmiləşdirilməsi qaydası “Avtomobil nəqliyyatı ilə sərnişin və
baqaj daşınması Qaydaları” ilə müəyyən olunur.
Maddə 24. Avtonəqliyyat vasitələrinin
daşınmanın sifarişçisinə təqdim
olunması
24.1. Daşıyıcı
sərnişin və ya yük daşımalarının
yerinə yetirilməsi üçün yararlı və saz
vəziyyətdə olan avtonəqliyyat vasitəsini sifarişçiyə
təqdim etməlidir.
24.2. Avtonəqliyyat vasitəsinin avtomobil
daşınmasının sifarişçisinə təqdim
edilməsi vaxtı avtonəqliyyat vasitəsinin
sifarişçinin müəyyən etdiyi
məntəqəyə gəldiyi və sürücü
tərəfindən daşınmanın yerinə
yetirilməsi üçün tələb edilən
sənədlərin təqdim olunduğu vaxtdan hesablanır.
24.3. Avtomobil daşınmasının
sifarişçisi müqavilə şərtlərinə
uyğun olmayan və ya müvafiq avtomobil
daşınmasının yerinə yetirilməsi
üçün yararsız hesab etdiyi avtonəqliyyat
vasitəsindən imtina etmək hüququna malikdir. Bu halda
avtonəqliyyat vasitəsi sifarişçiyə təqdim
olunmamış hesab edilir.
Maddə 25. Avtomobil nəqliyyatı
ilə daşımaların sığortalanması
25.1. Avtomobil nəqliyyatı ilə
daşımalar yerinə yetirilərkən icbari və ya
könüllü sığorta tətbiq olunur.
25.2. Avtonəqliyyat vasitəsi
sahiblərinin mülki məsuliyyətinin sığortası
və sərnişin daşımaları xidmətini həyata
keçirən avtonəqliyyat vasitəsi ilə daşınan
sərnişinlərin (şəhərdaxili və ya
qəsəbədaxili daşınan sərnişinlər
istisna olmaqla) fərdi qəza sığortası “İcbari sığortalar
haqqında” Azərbaycan
Respublikasının Qanununa uyğun olaraq icbari qaydada həyata
keçirilir.
25.3. Avtonəqliyyat vasitəsi
sürücüsünün bədbəxt hadisələr
və peşə xəstəlikləri nəticəsində
peşə əmək qabiliyyətinin itirilməsi
hallarından sığortası “İstehsalatda
bədbəxt hadisələr və peşə
xəstəlikləri nəticəsində peşə
əmək qabiliyyətinin itirilməsi hallarından icbari
sığorta haqqında” Azərbaycan Respublikasının Qanununa uyğun olaraq
icbari qaydada həyata keçirilir.
25.4.
Daşıyıcının avtonəqliyyat vasitəsinin,
habelə bu Qanunun 53-cü, 54-cü və 55-ci maddələri
ilə nəzərdə tutulmuş məsuliyyətinin
sığortası könüllü qaydada həyata
keçirilir.[50]
Maddə 26. Avtomobil nəqliyyatı
ilə daşımaların təhlükəsizliyinin və
ətraf mühitin mühafizəsinin təmin olunması
26.1. Avtomobil nəqliyyatı ilə
daşımaların təhlükəsizliyinin təmin
olunması aşağıdakı istiqamətlər
üzrə tədbirlərin keçirilməsini
nəzərdə tutur:
26.1.1. avtomobil nəqliyyatının
təhlükəsiz və davamlı fəaliyyətinin,
habelə ətraf mühitin mühafizəsinin təmin
olunmasına yönəlmiş nəzarət, idarəetmə
və hüquqi tənzimləmə;
26.1.2. yol hərəkəti
təhlükəsizliyinin təmin olunmasına
yönəlmiş proqramların hazırlanması və
icrası.
26.2. Sərnişin və yük
daşımaları ilə məşğul olan hüquqi
və fiziki şəxslər daşımaların
təhlükəsiz yerinə yetirilməsinə, ətraf
mühitin mühafizəsinə dair Azərbaycan
Respublikasının müvafiq normativ hüquqi
aktlarının tələblərinə riayət
etməlidirlər.
26.3. Avtomobil nəqliyyatı ilə
sərnişin və yük daşmalarını yerinə
yetirən daşıyıcılar sərəncamlarında
olan avtonəqliyyat vasitələrinin texniki vəziyyətinin
reysqabağı yoxlanılmasını,
sürücülərinin reysqabağı tibbi
müayinəsini müvafiq icra hakimiyyəti orqanı tərəfindən müəyyən
edilmiş qaydada təşkil
etməlidirlər.
26.4. Azərbaycan Respublikasının müvafiq icra hakimiyyəti
orqanının müəyyən etdiyi orqan (qurum) mövcud normativ hüquqi aktlar, texniki
qaydalar və təlimatlar əsasında avtomobil
nəqliyyatı ilə sərnişin və yük
daşmalarının təhlükəsizliyinə, habelə
bu daşımalarda istifadə edilən avtonəqliyyat
vasitələrinin istismarına və saxlanılmasına
nəzarəti təmin edir.[51]
IV fəsil
AVTOMOBİL
NƏQLİYYATI İLƏ SƏRNİŞİN VƏ BAQAJ
DAŞINMASI
Maddə 27. Avtonəqliyyat vasitələrinin
sürücülərinə dair tələblər[52]
27.1. Avtobuslarla sərnişin
daşımalarına:[53]
27.1.1. “D” kateqoriyası və “D1” altkateqoriyası üzrə nəqliyyat vasitələrini
idarə etmək hüququnu təsdiq edən
sürücülük vəsiqəsi olan (yaşı
23-dən az və 65-dən çox olmayan və “B”, “C”
kateqoriyalarına və ya “C1” altkateqoriyasına daxil olan avtonəqliyyat vasitələrini idarə
etmək sahəsində təcrübəsi beş ildən az
olmayan);[54]
27.1.1-1. “D1E” altkateqoriyası üzrə
nəqliyyat vasitələrini idarə etmək hüququnu
təsdiq edən sürücülük vəsiqəsi olan
(yaşı 25-dən az və 65-dən çox olmayan və
“D” kateqoriyasına və ya “D1” altkateqoriyasına daxil olan
avtonəqliyyat vasitələrini idarə etmək
sahəsində təcrübəsi iki ildən az olmayan);[55]
27.1.2. “DE” kateqoriyası
üzrə nəqliyyat vasitələrini idarə etmək
hüququnu təsdiq edən sürücülük
vəsiqəsi olan (yaşı 26-dan az və 65-dən
çox olmayan və “D” kateqoriyasına daxil olan
avtonəqliyyat vasitələrini idarə etmək
sahəsində təcrübəsi üç ildən az
olmayan) sürücülər buraxılır.
27.2. Taksi minik avtomobilləri ilə, habelə qeyri-müntəzəm
sərnişin daşımalarına “B” və ya “BE”
kateqoriyaları kateqoriyası
üzrə nəqliyyat vasitələrini idarə etmək
hüququnu təsdiq edən sürücülük
vəsiqəsi olan, yaşı 21-dən
az olmayan, iki ildən artıq müddətdə
mülkiyyətində, icarəsində və ya istifadəsində olan avtonəqliyyat
vasitəsini idarə edən sürücülər buraxılır.[56]
27.3. Ümumi istifadədə olan avtomobil nəqliyyatı ilə beynəlxalq
və ölkədaxili sərnişin və yük
daşımalarını yerinə yetirən
sürücülər Azərbaycan Respublikasının müvafiq icra hakimiyyəti orqanı tərəfindən
peşə fəaliyyətinə və davranışına,
habelə iş və istirahət rejiminin
xüsusiyyətlərinə dair təsdiq olunmuş xüsusi proqram üzrə
hazırlıq keçməli, habelə avtomobil
nəqliyyatı ilə yük
və sərnişin daşımalarını
tənzimləyən normativ hüquqi aktlar barədə
zəruri biliklərə malik olmalıdırlar. Taksi minik avtomobillərinin
sürücüləri etik davranış və avtomobil
nəqliyyatı ilə sərnişin
daşımalarını tənzimləyən normativ
hüquqi aktlara dair xüsusi hazırlıq
keçməlidirlər. Taksi minik avtomobillərinin
sürücüləri üçün xüsusi
hazırlığın keçirilməsi qaydası,
proqramı və müddəti müvafiq icra hakimiyyəti orqanının müəyyən
etdiyi orqan (qurum) tərəfindən
müəyyən edilir. Xüsusi hazırlığın
təşkili və keçirilməsi müvafiq icra
hakimiyyəti orqanının müəyyən etdiyi orqan (qurum), habelə mülkiyyət
və təşkilati-hüquqi formasından asılı
olmayaraq, təhsil müəssisələri
tərəfindən müqavilə bağlanılmaqla təmin
edilir.[57]
27.4. Xüsusi
hazırlığın nəticələrinə dair
daşıyıcılarla və ya
sürücülərlə bağlanmış
müqavilə əsasında müvafiq icra hakimiyyəti
orqanının müəyyən etdiyi orqan (qurum) tərəfindən
aparılmış qiymətləndirməyə əsasən
7 (yeddi) il müddətində etibarlı olan, forması
müvafiq icra hakimiyyəti orqanının müəyyən
etdiyi orqan (qurum) tərəfindən təsdiq
edilmiş sənəd verilir. Qiymətləndirmənin
aparılmasına görə haqqın məbləği
müvafiq icra hakimiyyəti orqanının müəyyən
etdiyi orqan (qurum) tərəfindən
müəyyən edilir.[58]
Maddə 28. Avtomobil nəqliyyatı
ilə sərnişin daşınması müqaviləsi
28.1. Avtomobil nəqliyyatı ilə
sərnişin daşınması müqaviləsinə
görə daşıyıcı, sərnişini və onun
baqajını yola düşmə yerindən təyinat
məntəqəsinə çatdırmağı,
sərnişin isə daşınma haqqını
ödəməyi öhdəsinə götürür.
28.2. Müntəzəm marşrutlar
üzrə avtomobil nəqliyyatı ilə sərnişin
daşınması müqaviləsinin bağlanması
sərnişinə verilmiş bilet və baqaj qəbzi ilə, yaxud gediş haqqının
ödəniş alətindən istifadə etməklə
ödənilməsi ilə təsdiq olunur.[59]
28.3. Gediş sənədlərinin
(biletlərin) və
ödəniş alətinin sərnişinlərə
satışı, o
cümlədən ödəniş alətinə vəsaitin
yüklənilməsi imkanı daşıyıcı
və ya avtomobil nəqliyyatı ilə daşımaların
təşkilatçısı tərəfindən
təşkil edilə bilər.[60]
28.4. Avtomobil nəqliyyatı ilə
sərnişin daşınması müqaviləsinin
bağlanması qaydası Azərbaycan Respublikasının
müvafiq normativ hüquqi aktları ilə müəyyən
edilir.
Maddə 29. Sərnişin
avtonəqliyyat vasitəsinin icarəsi (fraxtetmə)
müqaviləsi
29.1. Sərnişin daşınması
icarə (fraxtetmə) müqaviləsi əsasında yerinə
yetirildikdə, daşıyıcı hüquqi və ya fiziki
şəxslərin sifarişinə əsasən bir və ya
bir neçə avtonəqliyyat vasitəsini haqqı
sifarişçi tərəfindən ödənilmək
şərti ilə bir və ya bir neçə reys
üçün onlara təqdim etmək öhdəliyini
üzərinə götürür.
29.2. Sərnişin avtonəqliyyat
vasitələrinin icarəsi (fraxtetmə) müqaviləsinin
bağlanması qaydası Azərbaycan Respublikasının
müvafiq normativ hüquqi aktları ilə müəyyən
edilir.
Maddə 30. Avtomobil nəqliyyatı
ilə sərnişin daşınmasının təşkili
haqqında müqavilə
30.1. Avtomobil nəqliyyatı ilə
sərnişin daşınmasının təşkili
haqqında müqavilə əsasında daşımanın
təşkilatçısı sifarişçinin
tapşırığı ilə və onun hesabına
sərnişinin və onun baqajının özü
tərəfindən və ya üçüncü
şəxslər (avtomobil nəqliyyatı ilə
daşıyıcılar) vasitəsilə təyinat
məntəqəsinə çatdırılmasını
təşkil edir.
30.2. Müntəzəm və
qeyri-müntəzəm marşrutlarda avtomobil nəqliyyatı
ilə sərnişin daşımalarının yerinə
yetirilməsi üçün hüquqi və fiziki
şəxs (daşınmanın sifarişçisi)
daşıyıcı və ya daşınmanın
təşkilatçısı ilə sərnişin
daşınmasının təşkili haqqında
müqavilə bağlaya bilər.
30.3. Avtomobil nəqliyyatı ilə
sərnişin daşınmasının təşkili
haqqında müqavilədə daşınmanın
marşrutu, qrafiki və cədvəli, istifadə olunacaq
avtonəqliyyat vasitəsinin növü və ona dair
tələblər, daşınma xidmətlərinin
siyahısı, gediş haqqının məbləği
və onun ödənilməsi qaydası, avtomobil nəqliyyatı
ilə daşımaların həcmi və buna görə
hesablaşma qaydası və digər şərtlər
müəyyən edilə bilər.
30.4. Avtomobil nəqliyyatı ilə
sərnişin daşınmasının təşkili
haqqında müqavilənin əsasında sərnişin
daşınması müqaviləsi bağlanıla bilər.
30.5. Avtomobil nəqliyyatı ilə
sərnişin daşınmasının təşkili
haqqında müqavilədə digər qayda nəzərdə
tutulmamışdırsa, gediş haqqı sərnişin
tərəfindən müəyyən olunmuş tariflər
üzrə ödənilir.
Maddə 31. Sərnişinin əsas
hüquqları
31.0 Sərnişin
aşağıdakı əsas hüquqlara malikdir:
31.0.1. marşrut üzrə gediş
bileti əldə etmək (gediş
haqqı ödəniş aləti ilə ödənildiyi
hallar istisna olmaqla), avtonəqliyyat vasitəsinin salonunda
biletdə göstərilmiş yeri, biletdə yer
göstərilmədikdə,
yaxud gediş haqqı ödəniş aləti
vasitəsilə ödənildikdə boş yeri tutmaq
və gedişi həyata keçirmək;[61]
31.0.1-1. ödəniş
aləti əldə etmək və ona vəsait
yükləmək;[62]
31.0.2. müntəzəm avtobus
marşrutlarında (şəhərdaxili
(rayondaxili) avtobuslar istisna olmaqla) ayrıca yer tutmadan,
gediş haqqı ödəmədən 5 yaşına
qədər bir uşağı özü ilə aparmaq;[63]
31.0.2-1. müntəzəm
şəhərdaxili (rayondaxili) avtobus marşrutlarında
gediş haqqı ödəmədən 5 yaşa qədər
uşaqları özü ilə aparmaq;[64]
31.0.3. müvafiq normalar həddində
özü ilə ödənişsiz əl yükünü
aparmaq;
31.0.4. çəkisi və
ölçüləri müəyyən edilmiş normalardan
artıq olmayan baqaj aparmaq;
31.0.5. real dəyərindən
yüksək olmamaqla baqajın qiymətini elan etmək;
31.0.6. daşınma üçün
təqdim olunan avtonəqliyyat vasitəsilə gediş tarifi
alınmış gediş sənədinin (biletin)
qiymətindən yüksək olarsa, gedişi əvvəl
əldə olunmuş gediş bileti ilə əlavə pul
ödəmədən həyata keçirmək;
31.0.7. daşıyıcı
daşınma haqqı sərnişinin aldığı
gediş sənədinin (biletin) qiymətinə nisbətən
aşağı olan avtonəqliyyat vasitəsi istifadə
edərsə, gediş sənədini (bileti) qaytarmaq və ya
gediş üçün faktiki ödədiyi
məbləğlə bu halda ödənilməli
məbləğ arasındakı fərqi geri alaraq gedişi
həyata keçirmək;
31.0.8. “Avtomobil nəqliyyatı ilə sərnişin və baqaj
daşınması Qaydaları” ilə müəyyən olunmuş qaydada gediş
sənədini (bileti) geri qaytarmaq və ödənilmiş
pulun tam məbləğini və ya müvafiq hissəsini geri
almaq;
31.0.9. daşıyıcının
təqsiri üzündən vurulmuş zərərə və
ziyana görə kompensasiya almaq;
31.0.10.
sığorta olunanın “İcbari sığortalar
haqqında” Azərbaycan
Respublikasının Qanununda və Azərbaycan
Respublikasının Mülki
Məcəlləsində müəyyən
edilmiş hüquqlarından istifadə etmək.[65]
Maddə 32. Sərnişinin əsas
vəzifələri
32.0. Sərnişinin əsas
vəzifələri aşağıdakılardır:
32.0.1. “Avtomobil nəqliyyatı ilə sərnişin və
baqaj daşınması Qaydaları”na, habelə sərnişin
daşımalarını tənzimləyən digər normativ
hüquqi aktların tələblərinə riayət
etmək, daşıyıcı ilə bağlanmış
müqavilənin şərtlərini yerinə yetirmək;
32.0.2. öz təqsiri üzündən
daşıyıcıya və digər şəxslərə
vurulmuş zərərin əvəzini ödəmək;
32.0.3. gediş sənədini (bileti)
almaq (gediş haqqı
ödəniş aləti ilə ödənildiyi hallar istisna
olmaqla), gediş haqqını vaxtında və tam
həcmdə ödəmək və gediş
müddətində gedişə hüquq verən müvafiq
sənədlərə (gediş
haqqı ödəniş aləti ilə ödənildiyi
hallar istisna olmaqla) malik olmaq;[66]
32.0.4. müəyyən edilmiş
hallarda baqaj və əl yükünün
daşınmasına görə daşınma haqqını
ödəmək.
Maddə 33. Avtomobil nəqliyyatı
ilə sərnişin daşımalarının yerinə
yetirilməsi ilə əlaqədar
daşıyıcının əsas hüquqları
33.0. Avtomobil nəqliyyatı ilə
sərnişin daşınmasını yerinə yetirən
daşıyıcı aşağıdakı əsas
hüquqlara malikdir:
33.0.1. “Avtomobil nəqliyyatı ilə sərnişin və
baqaj daşınması Qaydaları”nın, habelə Azərbaycan
Respublikasının digər normativ hüquqi aktlarının
tələblərinə və daşınma müqaviləsinin
şərtlərinə riayət edilməsini
sərnişindən tələb etmək;
33.0.2. avtomobil nəqliyyatı ilə
sərnişin daşınmasına görə daşınma
haqqını almaq;
33.0.3. qanunvericiliklə
nəzərdə tutulmuş hallar istisna olmaqla, daşınma
haqqını təyin etmək;
33.0.4. sərnişinin təqsiri
üzündən vurulmuş zərərin
ödənilməsini Azərbaycan Respublikasının normativ
hüquqi aktlarına və müqavilə
şərtlərinə uyğun olaraq ondan tələb
etmək;
33.0.5. bu Qanunun 36-cı maddəsində
nəzərdə tutulmuş hallarda sərnişin
daşınması üzrə müqavilə
öhdəliklərinin yerinə yetirilməsindən imtina
etmək;
33.0.6. “Avtomobil nəqliyyatı ilə sərnişin və
baqaj daşınması Qaydaları” ilə nəzərdə tutulmuş
digər hüquqlara malik olmaq.
Maddə 34. Avtomobil nəqliyyatı
ilə sərnişin daşımalarını yerinə
yetirən daşıyıcının əsas
vəzifələri
34.0. Avtomobil nəqliyyatı ilə
sərnişin daşımalarının yerinə
yetirilməsi ilə əlaqədar
daşıyıcının əsas vəzifələri
aşağıdakılardır:
34.0.1. sərnişin və baqaj
daşımalarını “Avtomobil nəqliyyatı ilə sərnişin və
baqaj daşınması Qaydaları”na, habelə Azərbaycan
Respublikasının digər normativ hüquqi aktlarının
tələblərinə uyğun olaraq yerinə yetirmək;
34.0.2. sərnişinlərin
hüquqlarının təmin olunmasını və “İcbari sığortalar
haqqında” Azərbaycan
Respublikasının Qanunu
ilə nəzərdə tutulmuş hallarda və qaydada
sərnişinlərin icbari sığortalanmasını
təşkil etmək;[67]
34.0.3. daşınmanın
şərtləri və yerinə yetirilməsi qaydaları
haqqında sərnişinlərə zəruri məlumatlar
vermək;
34.0.4. yol hərəkətinin və
daşımaların təhlükəsizliyini təmin
etmək, ekoloji və sanitar normalara riayət etmək;
34.0.5. daşınma üzrə
öhdəlikləri icra etmədikdə və ya lazımi
qaydada icra etmədikdə Azərbaycan Respublikasının
normativ hüquqi aktlarına uyğun olaraq sərnişinlərə
vurulmuş ziyanın əvəzini və zərəri
ödəmək;
34.0.6. texniki və ya digər
səbəblərdən, o cümlədən, öz
təqsiri üzündən daşınma
dayandırıldıqda, öz hesabına
sərnişinlərin təyinat məntəqəsinə
çatdırılmasını təmin etmək.
Maddə 35. Avtomobil nəqliyyatı
ilə baqaj daşınması
35.1. Daşıyıcı
daşınma üçün qəbul edilmiş baqaja
görə sərnişinə baqaj qəbzi verməlidir.
35.2. Daşıma başa
çatdıqdan sonra baqaj sərnişinə və ya
baqajı almaq səlahiyyəti olan şəxsə baqaj
qəbzi təqdim edildikdə verilir.
35.3. Tələb olunmamış baqaj
daşıyıcıda saxlanılır. 30 gün
keçdikdən sonra tələb olunmamış baqaj “Avtomobil nəqliyyatı ilə sərnişin və
baqaj daşınması Qaydaları” ilə müəyyən olunmuş qaydada
satıla bilər.
35.4. Baqajın satılmasından
sonrakı altı ay ərzində sərnişin və ya baqaj
qəbzini təqdim edən şəxs onun satışı
ilə əlaqədar çəkilmiş xərclər
çıxılmaqla, baqajın satılmasından
daşıyıcının əldə etdiyi
məbləği almaq hüququna malikdir.
Maddə 36.
Daşıyıcının avtomobil nəqliyyatı ilə
sərnişin daşımasından imtina etməsi
36.0. Aşağıdakı hallarda
avtomobil daşıyıcısının
sərnişinləri daşımaqdan imtina etmək hüququ
vardır:
36.0.1. sərnişin avtonəqliyyat
vasitəsində boş yer olmadıqda;
36.0.2. sərnişin ictimai asayiş
qaydalarını pozduqda;
36.0.3. sərnişinin xəstə
və ya sərxoş vəziyyətdə olması digər
sərnişinlər üçün narahatlıq
yaratdıqda;
36.0.4. sərnişin daşınması
qadağan edilmiş əşyaların və maddələrin
olduğu baqajı və ya əl yükünü aparmaq
niyyətində olduqda;
36.0.5. sərnişin baqajın
daşınmasına görə haqqı
ödəmədikdə;
36.0.6. sərnişində olan gediş
sənədinin (biletin) yerinə yetirilən avtomobil
daşınmasına uyğunsuzluğu aşkar edildikdə, yaxud sərnişin gediş
haqqını müəyyən edilmiş qaydada
ödəmədikdə;[68]
36.0.7. “Avtomobil nəqliyyatı ilə sərnişin və baqaj
daşınması Qaydaları” ilə gediş haqqının bilavasitə
daşınma prosesində ödənilməsi
nəzərdə tutulduğu hallarda sərnişin gediş
haqqını ödəmədikdə və ya tam
ödəmədikdə;
36.0.8. sərnişin “Avtomobil nəqliyyatı ilə sərnişin və
baqaj daşınması Qaydaları”na əməl olunması barədə
sürücünün və ya digər səlahiyyətli
şəxsin qanuni tələblərini yerinə yetirməkdən
imtina etdikdə.
V fəsil
AVTOMOBİL
NƏQLİYYATI İLƏ YÜK DAŞINMASI
Maddə 37. Avtomobil nəqliyyatı
ilə yük daşınması müqaviləsi
37.1. Avtomobil nəqliyyatı ilə
yük daşınması müqaviləsinə görə
avtomobil daşıyıcısı yükgöndərən
tərəfindən ona tapşırılmış
yükü haqq müqabilində olduğu yerdən təyinat məntəqəsinə
çatdırmağı və onu yükalana və ya
yükü almağa səlahiyyəti olan şəxsə
təhvil verməyi, yükgöndərən, yükalan
və ya onların səlahiyyətləndirdiyi digər
şəxs isə yükün
daşınmasına görə müəyyən olunmuş
daşınma haqqını ödəməyi
öhdəsinə götürür. [69]
37.2. Avtomobil nəqliyyatı ilə
yük daşınması müqaviləsinin bağlanması
qaydası Azərbaycan Respublikasının müvafiq normativ
hüquqi aktları ilə müəyyən edilir.
Maddə 38. Yük daşınması
üçün avtonəqliyyat vasitəsinin icarəsi
(fraxtetmə) müqaviləsi
38.1. Yük daşınması
üçün avtonəqliyyat vasitəsinin icarəsi
(fraxtetmə) müqaviləsinə görə
daşıyıcı hüquqi və ya fiziki
şəxslərin (daşınmanın sifarişçisinin)
sifarişi ilə haqqı ödənilməklə yük
daşınması üçün yararlı olan bir və ya
bir neçə avtonəqliyyat vasitəsinin tutumunu
bütövlükdə və ya qismən bir və ya bir
neçə reys üçün digər tərəfə
vermək öhdəliyini üzərinə götürür.
38.2. Yük daşınması
üçün nəzərdə tutulmuş avtonəqliyyat
vasitəsinin icarəsi haqqında müqavilənin
bağlanması qaydası Azərbaycan Respublikasının
müvafiq normativ hüquqi aktları ilə müəyyən
edilir.
Maddə 39. Avtomobil nəqliyyatı
ilə yük daşınmasının təşkili
haqqında müqavilə
39.1. Avtomobil nəqliyyatı ilə
mütəmadi yük daşınmasının yerinə
yetirilməsi zərurəti yarandıqda, daşınmanın
sifarişçisi (yükgöndərən, avtomobil
nəqliyyatı ilə daşımaların
təşkilatçısı) yük
daşınmasının təşkili haqqında
daşıyıcı ilə uzunmüddətli müqavilə
bağlaya bilər.
39.2. Avtomobil nəqliyyatı ilə
yük daşınmasının təşkili haqqında
müqaviləyə əsasən daşıyıcı
yükü müəyyən olunmuş müddətdə
qəbul etməli, yükgöndərən isə
şərtləşdirilmiş həcmdə yükü
daşınmaq üçün təqdim etməlidir.
39.3. Avtomobil nəqliyyatı ilə
yük daşınmasının təşkili haqqında
müqavilədə daşımaların həcmi,
müddəti, marşrutu, qrafiki, istifadə olunacaq avtonəqliyyat
vasitələrinin növü, daşınma ilə
əlaqədar digər xidmətlərin siyahısı,
yük daşınması üçün avtonəqliyyat
vasitələrinin və yükün daşıyıcıya
təqdim edilməsinin şərtləri, hesablaşmaların
qaydası, tərəflərin məsuliyyəti, yük
daşınmasının təşkilinin digər
şərtləri müəyyən edilir.
39.4. Avtomobil nəqliyyatı ilə
yük daşınmasının təşkili haqqında
müqavilə yükgöndərən və yük
daşınmasının təşkilatçısı
arasında bağlana bilər.
39.5. Avtomobil nəqliyyatı ilə
yük daşınmasının təşkili haqqında
müqavilə yük daşınması müqaviləsinin
və icarə (fraxtetmə) müqaviləsinin
bağlanması zəruriliyini istisna etmir.
Maddə 40. Avtomobil nəqliyyatı
ilə yük daşınmasının
rəsmiləşdirilməsi
40.1. Avtomobil
nəqliyyatı ilə əmtəə təyinatlı
yüklərin daşınması müvafiq icra hakimiyyəti
orqanının müəyyən etdiyi orqanın (qurumun) informasiya sistemində
elektron qaydada doldurulan elektron əmtəə-nəqliyyat
qaiməsi əsasında həyata keçirilir. Elektron əmtəə-nəqliyyat qaiməsi
ilə rəsmiləşdirilməmiş əmtəə
təyinatlı yüklər daşınma üçün
qəbul edilə bilməz.[70]
40.2. Elektron
əmtəə-nəqliyyat qaiməsi Azərbaycan
Respublikasının müvafiq normativ hüquqi aktları
ilə müəyyən olunmuş formada tərtib edilir.
Yük daşıma müqaviləsində başqa qayda
nəzərdə tutulmamışdırsa, elektron əmtəə-nəqliyyat qaiməsi
yükgöndərən tərəfindən tərtib edilir.[71]
40.3 Elektron əmtəə-nəqliyyat qaiməsində
aşağıdakılar göstərilir:[72]
40.3.1. yük alanın ünvanı;
40.3.2. yükün çatdırılma
yeri;
40.3.3. yük yerlərinin miqdarı,
qabı, tərkibi və brutto çəkisi;
40.3.4. yükün göndərilmə
vaxtı və avtonəqliyyat vasitəsinin növü;
40.3.5. yük qiymətli obyekt olduqda – onun
dəyəri;
40.3.6. xüsusi təhlükəli
və potensial təhlükəli yük olduqda -
təhlükənin konkret növü və belə hallarda
yerinə yetirilməli ehtiyat tədbirləri;
40.3.7. qaimənin tərtib edildiyi yer
və tarix;
40.3.8. yükgöndərənin adı
və ünvanı;
40.3.9. daşıyıcının adı
və ünvanı;
40.3.10. yükləmənin yeri və
tarixi;
40.3.11. yük yerlərinin adı və
nömrələri;
40.3.12. daşımanın qiyməti
(yük daşınması üçün haqq, əlavə
xərclər);
40.3.13. zərurət olduqda,
daşımanın şərtləri barəsində
yükgöndərənin xüsusi göstərişləri.
40.4. Zəruri hallarda elektron əmtəə-nəqliyyat qaiməsində
aşağıdakı məlumatlar göstərilə
bilər:[73]
40.4.1. yükün boşaldılıb
başqa nəqliyyat vasitələrinə
yüklənməsinin qadağan edilməsi;
40.4.2. tərəflərin öz
üzərinə götürdükləri və ya
bir-birinə verdiyi avansın məbləğləri;
40.4.3. yük alanın
daşıyıcıya ödədiyi məbləğ;
40.4.4. yükün dəyəri;
40.4.5. yükün
sığortalanmasına dair yükgöndərənin
göstərişi;
40.4.6. yükün daşınması
üçün şərtləşdirilmiş
müddətlər;
40.4.7. daşıyıcıya
yüklə birlikdə verilmiş sənədlərin
siyahısı.
40.5. Yük daşınması
müqaviləsinin tərəfləri zəruri hesab
etdikləri digər məlumatları elektron əmtəə-nəqliyyat qaiməsinə
daxil edə bilərlər.
40.6. Beynəlxalq avtomobil yük
daşımaları yerinə yetirilərkən beynəlxalq
nümunəli əmtəə-nəqliyyat qaiməsi və ya elektron
əmtəə-nəqliyyat qaiməsi tərtib olunur.[74]
40.7. Qeyri-əmtəə
təyinatlı yüklərin, o cümlədən torpaq
və qar kütləsinin, məişət və digər
tullantıların daşınması ölçmə aktı
və ya tərəzidə çəkmə aktı ilə
rəsmiləşdirilə bilər. Bu cür aktların
tərtib edilməsi, habelə qeyri-əmtəə
təyinatlı yüklərin qəbul edilməsi və
təhvil verilməsi qaydası “Avtomobil nəqliyyatı ilə yüklərin
daşınması Qaydaları” ilə müəyyən edilir.
40.8. Avtomobil nəqliyyatı ilə
əhalinin yüklərinin daşınması elektron əmtəə-nəqliyyat
qaiməsi və ya sifariş-tapşırıqla
rəsmiləşdirilə bilər. Avtomobil nəqliyyatı
ilə əhalinin yüklərinin daşınması “Avtomobil nəqliyyatı ilə yüklərin
daşınması Qaydaları”na əsasən təşkil olunur və yerinə
yetirilir.
Maddə 41. Yük
müşayiətedici digər sənədlər
41.1. Azərbaycan Respublikasının
normativ hüquqi aktları ilə müəyyən olunmuş
yük müşayiətedici digər sənədlər
tələb olunduğu hallarda (uyğunluq sertifikatı,
baytarlıq və fitosanitar sertifikatı, malın
mənşə sertifikatı) əvvəlcədən
rəsmiləşdirilərək yükgöndərən
tərəfindən elektron əmtəə-nəqliyyat
qaiməsinə əlavə olunmalıdır.
41.2. Daşıyıcı yük
müşayiətedici əlavə sənədlərin
düzgünlüyünü yoxlamaq vəzifəsini
daşımır.
41.3. Yük müşayiətedici
əlavə sənədlərdən lazımi qaydada
istifadə etmədikdə və ya həmin sənədlər
itirildikdə əmlak məsuliyyəti
daşıyıcının üzərinə qoyulur.
Maddə 42. Yükün daşınma
üçün hazırlanması və təqdim edilməsi
42.1. Avtonəqliyyat vasitəsi
daşıyıcı və ya daşımanın
təşkilatçısı tərəfindən təqdim
edilənədək yükgöndərən yükü
yüklənmək üçün hazırlamalı və
müəyyən olunmuş tələblərə uyğun
olaraq onu daşınma üçün təqdim etməlidir.
42.2. “Avtomobil nəqliyyatı ilə yüklərin
daşınması Qaydaları”nın tələbləri və avtomobil
daşınması müqaviləsinin şərtləri
pozulmaqla daşınma üçün təqdim edilmiş
yük təqdim edilməmiş hesab olunur. Bu halda
yükgöndərən yük daşınması müqaviləsinə
və Azərbaycan Respublikasının normativ hüquqi
aktlarına uyğun olaraq avtonəqliyyat vasitəsinin
yüklənmək üçün təqdim edilməsi
ilə bağlı daşıyıcıya vurulmuş
zərəri ödəməlidir.
42.3. Yükgöndərənin
yükü onun həqiqi dəyərindən artıq olmayan
məbləğdə elan olunmuş qiymətlə
daşınmaq üçün təqdim etmək hüququ
vardır.
42.4. Müxtəlif növ
yüklərin daşınma üçün
hazırlanması və təqdim edilməsi qaydası “Avtomobil nəqliyyatı ilə yüklərin
daşınması Qaydaları” və Azərbaycan Respublikasının digər
normativ hüquqi aktları ilə müəyyən edilir.
Maddə 43. Yükün daşınma
üçün qəbul edilməsi
43.1. Daşıyıcı yükü
daşınma üçün qəbul edərkən elektron əmtəə-nəqliyyat
qaiməsinin rəsmiləşdirilməsinin
düzgünlüyünü, yükün xarici
görünüşünü, onun
qablaşdırılmasını, yükün sayını
və zəruri hallarda onun temperaturunu yoxlamalıdır.[75]
43.2. Sistern və konteynerlərdə
yaxud qalaq və füruş şəkildə olan
yüklər daşınma üçün qəbul
edildikdə, onların ümumi çəkisi müəyyən
edilməli və elektron
əmtəə-nəqliyyat qaiməsində
göstərilməlidir.
43.3. Yükün ümumi çəkisi
və yük yerlərinin sayı yükgöndərən
və daşıyıcı tərəfindən birlikdə
müəyyən edilir və yoxlanılır.
43.4. Müxtəlif növ
yüklərin ümumi çəkisinin müəyyən
edilməsi qaydası “Avtomobil nəqliyyatı ilə yüklərin
daşınması Qaydaları” ilə müəyyən edilir.
43.5. Sürücü
tərəfindən elektron
əmtəə-nəqliyyat qaiməsinin imzalanmış
nüsxəsi yükgöndərənə verildikdən sonra
yük daşınma üçün qəbul edilmiş hesab
olunur.
43.6. Elektron
əmtəə-nəqliyyat qaiməsinə müvafiq
qeydlər edilməmişdirsə, daşınma
üçün qəbul edildiyi anda yük və onun
qablaşdırılması lazımi vəziyyətdə,
yükün ümumi çəkisi, yük yerlərinin
sayı və markalanması isə elektron əmtəə-nəqliyyat qaiməsində
olan göstəricilərə uyğun olduğu kimi hesab
edilir.[76]
43.7. Yük daşınması
müqaviləsində başqa hal nəzərdə
tutulmamışdırsa, yükləmə
yükgöndərən tərəfindən həyata
keçirilir.
43.8. Avtonəqliyyat vasitələrinin
yüklənməsi üçün müəyyən
edilmiş normalara riayət edilməsi, habelə avtomobil
nəqliyyatı ilə daşımaların təhlükəsizliyinin
və yükün qorunub saxlanmasının təmin
edilməsi məqsədi ilə daşıyıcı
yükün düzgün yerləşdirilməsinə və
bərkidilməsinə nəzarət etməlidir.
43.9. Daşıyıcının
göstərişi ilə yükgöndərən
yükün yerləşdirilməsində və
bərkidilməsində yol verilmiş pozuntuları aradan qaldırmalıdır.
43.10. Beynəlxalq daşımalar istisna olmaqla,
yük daşınması üçün qapalı yük
yerləri ilə təchiz edilmiş avtonəqliyyat
vasitələri və ya digər nəqliyyat
avadanlığı istifadə edildikdə, yükün
yükgöndərən tərəfindən plomblanmasına
yol verilir. Bu haqda elektron əmtəə-nəqliyyat
qaiməsində müvafiq qeyd edilməlidir. Yükün
plomblanması qaydası “Avtomobil nəqliyyatı ilə yüklərin daşınması
Qaydaları” ilə müəyyən
edilir.
43.11. Avtomobil nəqliyyatı ilə
yükün daşınma üçün qəbul
edilməsinin digər şərtləri Azərbaycan
Respublikasının müvafiq normativ hüquqi aktları
ilə müəyyən edilir.
Maddə 44. Yükün yükalana
təhvil verilməsi
44.1. Daşıyıcı yükü
təyinat məntəqəsində yükalana və ya
yükü almağa səlahiyyəti olan şəxsə
yük yerlərinin sayına və (və ya) yükün
ümumi çəkisinə uyğun olaraq təhvil verir.
44.2. Qalaq və ya füruş
şəkildə, yaxud avtomobil sisternində daşınan
yüklərdə çatışmazlıq
əlamətləri yoxdursa və yükalanda bu
çatışmazlığı müəyyən etmək
üçün lazımi vasitələr olmadıqda,
həmin yüklər ümumi çəkisi yoxlanılmadan
yükalana və ya yükü almağa səlahiyyəti olan
şəxsə təhvil verilir.
44.3. Beynəlxalq daşımalar istisna
olmaqla, qeyri-əmtəə təyinatlı yük
daşındıqda, daşıyıcı onu yükalana
və ya yükü almağa səlahiyyəti olan şəxsə
təhvil vermək vəzifəsindən
yükgöndərən tərəfindən azad oluna
bilər. Bu halda daşıyıcının
üzərinə həmin yükü yükgöndərən
tərəfindən müəyyən edilmiş yerdə
boşaltmaq vəzifəsi qoyulur.
44.4. Yükün çəkisi
tərəzi vasitəsilə müəyyən edildikdə, elektron
əmtəə-nəqliyyat qaiməsində
göstərilən yükün çəkisi ilə onun
faktiki çəkisi arasında olan fərq təbii azalma
normasını və ya tərəzidə çəkilmə
dəqiqliyini keçmirsə, daşıyıcı
yükün çəkisinin fərqinə görə
məsuliyyət daşımır.[77]
44.5. Yükün təhvil
alınması yükalan tərəfindən elektron əmtəə-nəqliyyat qaiməsində
imza edilməklə və yükalan möhürə
(ştampa) malik olduqda, möhür (ştamp) vurulmaqla
təsdiq olunur.
Maddə 45. Yükalanın
yükü almaqdan imtina etməsi və ya başqa ünvana
çatdırılması haqda tələbi
45.1. Yükün xarab olması və zədələnməsi
ilə əlaqədar xüsusiyyətlərini
dəyişməsi nəticəsində ondan təyinatı
üzrə tam və ya qismən istifadə etmək
mümkün olmadıqda, yükalan yükü almaqdan imtina
edə bilər.
45.2. Yükalan yükü almaqdan imtina,
yaxud onun başqa ünvana çatdırılmasını
tələb etdikdə, bu haqda elektron
əmtəə-nəqliyyat qaiməsində müvafiq qeyd
etməlidir.
45.3. Yükalan yükü almaqdan imtina
etdikdə, müqavilədə digər hal nəzərdə
tutulmamışdırsa daşıyıcı bu yük
barəsində yükgöndərənin yazılı
göstərişlərini almalıdır.
45.4. Yükalan yükü almaqdan imtina
etdikdə, yükün saxlanılması, satılması,
yükgöndərənə geri qaytarılması və ya
yeni ünvana çatdırılmasına görə daşıyıcının
çəkdiyi əlavə xərcləri
yükgöndərən ödəməlidir.
Maddə 46. Yükün
yüklənməsi, çatdırılması və
boşaldılması müddətləri
46.1. Avtonəqliyyat vasitəsinin
yükləmə altında olduğu müddət onun
daşıyıcı tərəfindən yüklənmək
üçün verildiyi vaxtdan hesablanır.
46.2. Avtonəqliyyat vasitəsinin
boşaldılma altında olduğu müddət yükün
boşaldılma yerində onun sürücüsü
tərəfindən elektron əmtəə-nəqliyyat
qaiməsinin yükalana təqdim edildiyi vaxtdan hesablanır.
46.3. Yüklənən və ya
boşaldılan yük barəsində lazımi qaydada
rəsmiləşdirilmiş elektron
əmtəə-nəqliyyat qaiməsi və bütün
digər zəruri sənədlər avtonəqliyyat
vasitəsinin sürücüsünə təqdim
edildikdə, yükləmə və ya boşaltma başa
çatmış hesab olunur.
46.4. Avtonəqliyyat vasitəsinin
yükləmə və boşaldılma yerlərinə
gəlməsi və çıxması vaxtı barədə
yükgöndərən və yükalan elektron əmtəə-nəqliyyat qaiməsində
müvafiq qeyd etməlidirlər.
46.5. Yükləmə,
çatdırılma və boşaldılma
müddətləri, o cümlədən yükləmə
və boşaldılma ilə əlaqədar digər
əməliyyatların yerinə yetirilməsi müddəti
Azərbaycan Respublikasının müvafiq normativ hüquqi
aktları, o cümlədən “Avtomobil nəqliyyatı ilə yüklərin
daşınması Qaydaları”, həmçinin avtomobil nəqliyyatı ilə
yük daşınması müqaviləsi ilə
müəyyən edilir.
Maddə 47. Avtomobil nəqliyyatı
ilə təhlükəli yüklərin daşınması
47.1. Avtomobil nəqliyyatı ilə
daşımalar zamanı partlayışa və (və ya)
yanğına, insanların və (və ya) heyvanların
tələfatına, xəstələnməsinə,
xəsarət almasına, zəhərlənməsinə,
şüalanmasına səbəb ola bilən, habelə
nəqliyyat vasitələrinin, tikililərin və digər
infrastruktur obyektlərinin zədələnməsinə
gətirib çıxaran və (və ya) ətraf
mühitə ziyan vurma xüsusiyyətlərinə və
güclü təsirə malik maddələr, materiallar,
məhsullar və tullantılar təhlükəli
yüklər hesab edilir.
47.2. Bu cür daşımalar zamanı
yükgöndərən elektron
əmtəə-nəqliyyat qaiməsində
təhlükəli yük barədə məlumatları
göstərməlidir.
47.3. Təhlükəli yüklərin
daşınması qaydası Azərbaycan Respublikasının
normativ hüquqi aktlarının tələblərinə
uyğun olaraq müəyyən edilir.
Maddə 48. Avtomobil nəqliyyatı
ilə iriqabaritli və ağırçəkili
yüklərin daşınması
48.1. Yükünün qabaritləri
və çəkisi, yaxud texniki göstəriciləri
müvafiq normativlərlə
müəyyənləşdirilmiş
məhdudiyyətlərdən kənara çıxan
avtonəqliyyat vasitələrinin ümumi istifadədə olan
yollarla, o cümlədən, yaşayış
məntəqələrinin küçələri ilə
hərəkətinə bu
Qanunun 48.2-ci maddəsində
nəzərdə
tutulmuş
qaydaya uyğun
olaraq müəyyən
edilmiş
hərəkət
marşrutu
üzrə
müvafiq
icra hakimiyyəti
orqanının
müəyyən
etdiyi orqanın (qurumun) icazəsi əsasında yol verilir.[78]
48.1-1.
Aşağıdakı hallardan biri və ya bir neçəsi
olduqda iriqabaritli və ağırçəkili nəqliyyat
vasitələri müvafiq icra hakimiyyəti orqanının
müəyyən etdiyi orqanın (qurumun)
avtonəqliyyat vasitəsi ilə müşayiət
edilməlidir:[79]
48.1-1.1.
mühafizə avtomobili ilə:
48.1-1.1.1.
nəqliyyat vasitəsinin eni 2,55 metrdən artıq olduqda;
48.1-1.1.2.
nəqliyyat vasitəsinin hündürlüyü 4 metrdən
artıq olduqda;
48.1-1.1.3.
nəqliyyat vasitəsinin uzunluğu 24 metrdən artıq
olduqda;
48.1-1.1.4.
nəqliyyat vasitəsinin ümumi kütləsi 50 tondan
artıq olduqda;
48.1-1.2.
mühafizə və müşayiət avtomobili ilə:
48.1-1.2.1.
nəqliyyat vasitəsinin eni 3,5 metrdən artıq olduqda;
48.1-1.2.2.
nəqliyyat vasitəsinin uzunluğu 30 metrdən artıq
olduqda;
48.1-1.2.3.
nəqliyyat vasitəsinin ümumi kütləsi 80 tondan
artıq olduqda;
48.1-1.2.4.
hərəkət zamanı nəqliyyat vasitəsi əks
istiqamətdəki hərəkət zolağını bu
Qanunun 48.2-ci maddəsində nəzərdə tutulmuş qayda
ilə müəyyən edilən hədlərdən artıq
tutduqda;
48.1-1.2.5.
daşınma prosesində iriqabaritli və
ağırçəkili nəqliyyat vasitəsinin maneəsiz
hərəkətinin təmin edilməsi məqsədilə
yol hərəkətinin tənzimlənməsi üzrə bu
Qanunun 48.2-ci maddəsində nəzərdə tutulmuş qayda
ilə müəyyən edilən tədbirlərin həyata
keçirilməsinə zərurət olduqda.
48.1-2.
İriqabaritli və ağırçəkili nəqliyyat
vasitəsinin ümumi istifadədə olan avtomobil yolları
ilə hərəkət etməsinə icazənin
verilməsinə görə “Dövlət
rüsumu haqqında”
Azərbaycan Respublikasının Qanununa uyğun olaraq
dövlət rüsumu tutulur. İriqabaritli və ağırçəkili
nəqliyyat vasitəsinin bu Qanunun 48.1-1.1-ci və 48.1-1.2-ci
maddələrinə uyğun olaraq müvafiq avtonəqliyyat
vasitələri ilə müşayiət olunmasına, həmçinin
bu Qanunun 48.2-ci maddəsində nəzərdə tutulmuş
qayda ilə müəyyən edilən hallarda
hərəkət marşrutunun müəyyən olunmasına
görə müvafiq icra hakimiyyəti orqanının
müəyyən etdiyi orqan (qurum)
tərəfindən müəyyən edilmiş
məbləğdə xidmət haqqı tutulur.
48.1-3.
Ümumi istifadədə olan avtomobil yolları ilə
iriqabaritli və ağırçəkili nəqliyyat
vasitələrinin hərəkət etməsinə icazənin
verilməsi üçün ərizəçi müvafiq icra
hakimiyyəti orqanının müəyyən etdiyi orqana (quruma) elektron
qaydada müraciət edir. Ərizəçinin
müraciətinə “Lisenziyalar və
icazələr haqqında”
Azərbaycan Respublikasının Qanununa uyğun olaraq
baxılır.
48.1-4.
Müvafiq icra hakimiyyəti orqanının müəyyən
etdiyi orqan (qurum)
ərizəçinin müraciətinə baxarkən:
48.1-4.1. bu
Qanunun 48.1-1.1-ci və 48.1-1.2-ci maddələrinə uyğun
olaraq iriqabaritli və ağırçəkili nəqliyyat
vasitəsinin müvafiq nəqliyyat vasitələri ilə
müşayiət olunması ilə bağlı
məlumatların müvafiq icra hakimiyyəti orqanının
müəyyən etdiyi orqan (qurum)
tərəfindən təqdim edilməsi üçün
həmin orqana (quruma)
müraciət edir;
48.1-4.2.
hərəkət marşrutunun müəyyən edilməsi
ilə bağlı məlumatların müvafiq icra
hakimiyyəti orqanının müəyyən etdiyi orqan (qurum)
tərəfindən təqdim edilməsi üçün
həmin orqana (quruma)
müraciət edir.
48.1-5. Bu
Qanunun 48.2-ci maddəsində nəzərdə tutulmuş qayda
ilə müəyyən edilən hallarda müvafiq icra
hakimiyyəti orqanının müəyyən etdiyi orqan (qurum) iriqabaritli
və ağırçəkili nəqliyyat vasitəsinin
ümumi istifadədə olan avtomobil yolları ilə
hərəkət marşrutunun aidiyyəti hissələrinin
elektrik, rabitə, su, qaz təchizatı, neft-qaz, dəmir yolu
idarə və təşkilatları, avtomobil yollarının
digər mülkiyyətçiləri ilə
razılaşdırılmasını həyata keçirir.
48.1-6.
Nəqliyyat vasitəsinin istehsalçısının
müəyyən etdiyi texniki xarakteristikası
ərizədə göstərilən iriqabaritli və
ağırçəkili yükün daşınmasına
imkan vermirsə, habelə həmin nəqliyyat vasitəsinin
daşıyıcı tərəfindən təqdim olunan
marşrut üzrə hərəkət etməsi mümkün
deyilsə və ya müvafiq icra hakimiyyəti orqanının
müəyyən etdiyi orqanın (qurumun) təklif
etdiyi alternativ marşrut üzrə hərəkətə
daşıyıcı razılaşmazsa
daşıyıcıya icazənin verilməsindən imtina
edilir.
48.2. Azərbaycan
Respublikasının ümumi istifadədə olan avtomobil
yolları ilə iriqabaritli və ağırçəkili
nəqliyyat vasitələrinin hərəkət etməsi,
onların hərəkətinə xüsusi
icazənin verilməsi qaydası,
habelə iriqabaritli və ağırçəkili
avtonəqliyyat vasitələrinin hərəkət
etməsinə görə ödənişlərin
dərəcələri və ümumi istifadədə olan avtomobil yolları
ilə hərəkət edən avtonəqliyyat
vasitələrinin icazə verilən qabarit və çəki parametrləri müvafiq
icra hakimiyyəti
orqanının
müəyyən
etdiyi orqan (qurum) tərəfindən müəyyən
edilir.[80]
Maddə 49. Qarışıq yük
daşımalarının yerinə yetirilməsi
49.1. Ən azı iki nəqliyyat
növündən istifadə edilməklə, bütün
hərəkət yolu (göndərilmə
məntəqəsindən təyinat məntəqəsinədək)
üçün tərtib edilmiş vahid nəqliyyat
sənədi əsasında yerinə yetirilən
sərnişin və yük daşımaları
qarışıq daşımalar hesab olunur.
49.2. Qarışıq yük
daşınmasının yerinə yetirilməsi
üçün daşıyıcılar digər nəqliyyat
növləri ilə daşıyıcılarla və ya daşımaların
təşkilatçıları ilə Azərbaycan
Respublikasının müvafiq normativ hüquqi aktlarına
uyğun olaraq yük daşımalarının təmin
edilməsi haqqında müqavilələr bağlayırlar.
VI fəsil
AVTOMOBİL
NƏQLİYYATI İLƏ BEYNƏLXALQ DAŞIMALAR
Maddə 50. Avtomobil
nəqliyyatı ilə beynəlxalq daşımaların
təşkili
50.1. Avtomobil nəqliyyatı ilə
beynəlxalq sərnişin və yük daşımaları,
o cümlədən tranzit daşımaları Azərbaycan
Respublikasının qanunvericiliyinə və Azərbaycan
Respublikasının tərəfdar çıxdığı
beynəlxalq müqavilələrə uyğun olaraq operator
tərəfindən yerinə yetirilir. Operator işgüzar
nüfuz, maliyyə vəziyyəti və peşəkarlıq
səriştəsi ilə bağlı meyarlara, operatorun
sürücüləri isə hazırlıq
səviyyəsinə dair tələblərə cavab
verməlidir.
50.2. Operatorun məsul
şəxsləri, habelə beynəlxalq sərnişin və
yük daşımalarını həyata keçirən
sürücülər müvafiq icra hakimiyyəti
orqanının müəyyən etdiyi orqan (qurum) tərəfindən
peşəkarlıq səriştəsinə dair təsdiq
olunmuş proqram üzrə hazırlıq və yenidən
hazırlıq keçməlidir. Hazırlıq müvafiq icra
hakimiyyəti orqanının müəyyən etdiyi orqan (qurum), habelə mülkiyyət və
təşkilati-hüquqi formasından asılı olmayaraq,
təhsil müəssisələri tərəfindən
müqavilə bağlanılmaqla təşkil edilir və
həyata keçirilir. Tədrisin nəticələrinə
dair operatorla və ya sürücülərlə (məsul
şəxslərlə) bağlanmış müqavilə
əsasında müvafiq icra hakimiyyəti orqanının
müəyyən etdiyi orqan (qurum) tərəfindən aparılmış
qiymətləndirməyə əsasən operatorun məsul
şəxsinə və ya sürücüyə 7 (yeddi) il
müddətində etibarlı olan, forması müvafiq icra
hakimiyyəti orqanının müəyyən etdiyi orqan (qurum) tərəfindən təsdiq edilmiş
sənəd verilir. Hazırlığın keçirilməsi
və qiymətləndirmənin aparılması qaydası,
habelə qiymətləndirmənin aparılmasına
görə haqqın məbləği müvafiq icra
hakimiyyəti orqanının müəyyən etdiyi orqan (qurum) tərəfindən müəyyən
edilir.
50.3. Operatorun işgüzar nüfuz,
maliyyə vəziyyəti və peşəkarlıq
səriştəsi ilə bağlı meyarlar,
sürücülərin hazırlıq səviyyəsinə
dair tələblər, habelə operatorların uçotunun
aparılması müvafiq icra hakimiyyəti orqanı tərəfindən təsdiq edilən
avtomobil nəqliyyatı ilə beynəlxalq sərnişin
və yük daşımalarına buraxılış
qaydaları ilə müəyyən edilir.
50.4. İcazə sistemi tətbiq edən
xarici dövlətlərə yerinə yetirilən
beynəlxalq daşımalar müvafiq icra hakimiyyəti
orqanının müəyyən etdiyi orqan (qurum) tərəfindən mübadilə
edilən (əldə edilən) və verilən “İcazə”
blankları (jurnalları) əsasında yerinə yetirilir.
“İcazə” blankları (jurnallar) növbəlilik, bazar
payı və ya malik olduğu nəqliyyat vasitələrinin
sayı nəzərə alınmaqla operatorlar arasında
bölüşdürülür. “İcazə”
blankının (jurnalının) üzərində onun
verildiyi operatorun adı və onu
fərdiləşdirməyə imkan verən digər
məlumatlar qeyd edilir. “İcazə” blanklarının
(jurnalların) verilməsinə görə müvafiq icra
hakimiyyəti orqanının müəyyən etdiyi orqana (quruma) müvafiq icra hakimiyyəti
orqanının müəyyən etdiyi orqanın (qurumun) müəyyən etdiyi
məbləğdə haqq ödənilir.
50.5. “İcazə” blankları
(jurnalları) Azərbaycan Respublikasının tərəfdar
çıxdığı ikitərəfli beynəlxalq
müqavilələrə və beynəlxalq avtomobil
əlaqələri haqqında hökumətlərarası
sazişlərə uyğun olaraq kvotalar üzrə
mübadilə edilir və ya çoxtərəfli
sazişlərə uyğun olaraq əldə edilir.
50.6. “İcazə” blanklarının
(jurnallarının) doldurulması zamanı məlumatların
təhrif olunması, pozulması və yenidən
yazılması, habelə “İcazə” blankının
(jurnalının) başqa şəxslərə
ötürülməsi qadağandır.
50.7. Xarici dövlət qeydiyyat
nişanlı avtomobil nəqliyyatı vasitəsi ilə
ölkədaxili sərnişin və yük
daşımalarının həyata keçirilməsi
qadağandır.
50.8. Avtomobil
nəqliyyatı ilə beynəlxalq sərnişin və
yük daşımaları sahəsində Azərbaycan Respublikasının
tərəfdar çıxdığı beynəlxalq
müqavilələrin şərtlərinin Azərbaycan
Respublikasının ərazisində yerinə yetirilməsini
müvafiq icra hakimiyyəti orqanının müəyyən
etdiyi orqan (qurum) aidiyyəti dövlət
orqanları (qurumları) ilə birlikdə təmin edir.[81]
Maddə 51. Avtonəqliyyat
vasitələrinin, yüklərin və baqajın (əl
yükünün) Azərbaycan Respublikasının
gömrük sərhədindən keçməsi
Avtonəqliyyat vasitələri,
yüklər və baqaj (əl yükü) Azərbaycan
Respublikasının gömrük sərhədindən
gömrük işinə dair və digər normativ hüquqi
aktlarına uyğun olaraq keçirilir.
VII fəsil
AVTOMOBİL
NƏQLİYYATININ FƏALİYYƏTİ SAHƏSİNDƏ
MƏSULİYYƏT
Maddə 52. Avtomobil nəqliyyatı
ilə daşınma müqaviləsindən irəli
gələn öhdəliklərə görə
məsuliyyət
52.1. Avtomobil nəqliyyatı ilə
daşınma müqaviləsindən və daşınma
ilə əlaqədar mülki qanunvericiliklə
nəzərdə tutulmuş digər müqavilələrdən
irəli gələn öhdəliklərin icra
edilməməsinə və ya lazımi qaydada icra
edilməməsinə görə müqavilə üzrə
tərəflər bu Qanunla, Azərbaycan Respublikasının
digər normativ hüquqi aktları və tərəflər
arasında bağlanmış müqavilə ilə
müəyyən edilmiş qaydada məsuliyyət
daşıyırlar.
52.2. Azərbaycan Respublikasının
qanunvericiliyi ilə nəzərdə tutulmuş hallar istisna
olmaqla, avtomobil nəqliyyatı ilə daşınma
müqaviləsi üzrə qanunvericiliklə
müəyyən edilmiş məsuliyyətin
məhdudlaşdırılması yaxud aradan
qaldırılması barədə tərəflərin
razılaşması etibarsızdır.
Maddə 53. Avtonəqliyyat
vasitəsinin yüklənmək üçün
verilməməsinə görə
daşıyıcının məsuliyyəti
53.1. Avtomobil nəqliyyatı ilə
daşınma müqaviləsinə uyğun olaraq
avtonəqliyyat vasitəsinin yüklənmək
üçün verilməməsinə və ya vaxtlı-vaxtında
verilməməsinə görə daşıyıcı
Azərbaycan Respublikasının qanunvericiliyi, habelə
tərəflər arasında bağlanmış
müqavilə ilə müəyyən edilmiş qaydada
məsuliyyət daşıyır.
53.2. Avtonəqliyyat vasitəsinin
yüklənmək üçün verilməməsi və ya
vaxtlı-vaxtında verilməməsi
qarşısıalınmaz qüvvənin təsiri və ya
səlahiyyətli dövlət orqanları (qurumları)
tərəfindən müəyyən istiqamətdə
avtomobil nəqliyyatı ilə daşımaların
məhdudlaşdırılması, yaxud
dayandırılması nəticəsində baş
verdikdə, daşıyıcı məsuliyyətdən azad
olunur.[82]
Maddə 54. Yükün və ya
baqajın qorunub saxlanılmamasına və əl
yükünün zədələnməsinə görə
avtomobil daşıyıcısının məsuliyyəti
54.1. Yükün və ya baqajın
daşınma üçün qəbul edildiyi vaxtdan
yükalana, sərnişinə və ya digər səlahiyyətli
şəxsə təhvil verilənədək itirilməsinin,
əskik çıxmasının və ya
zədələnməsinin (xarab olmasının)
daşıyıcının təqsiri olmadan baş verdiyi
sübut edilmədikdə, daşıyıcı
məsuliyyət daşıyır.
54.2. Daşıyıcı yükün
və ya baqajın avtomobil nəqliyyatı ilə daşınması
zamanı vurulmuş zərəri aşağıdakı
miqdarda ödəyir:
54.2.1. yük və ya baqaj itirildikdə,
yaxud əskik çıxdıqda - müvafiq olaraq
itirilmiş, yaxud əskik çıxmış yükün
və ya baqajın dəyəri miqdarında;
54.2.2. yük və ya baqaj
zədələndikdə (xarab olduqda) - onun dəyərinin
azaldığı miqdarda, zədələnmiş yükü
bərpa etmək mümkün olmadıqda isə, onun tam
dəyəri miqdarında;
54.2.3. qiyməti elan olunmaqla avtomobil
nəqliyyatı ilə daşınmaq üçün
təhvil verilmiş yük və ya baqaj itirildikdə -
həmin yük və ya baqajın elan olunmuş qiyməti
miqdarında. Daşıyıcı həmin yükün
və ya baqajın həqiqi dəyərinin elan olunmuş
qiymətdən aşağı olduğunu sübut etdikdə
isə - yükün və ya baqajın həqiqi dəyəri
miqdarında.
54.3. Yükün və ya baqajın
həqiqi dəyərinin müəyyən edilməsi
üçün onların daşınma
müqaviləsində yaxud hesablaşma sənədində
göstərilmiş qiyməti əsas
götürülür. Daşınma müqaviləsində
yükün və ya baqajın qiyməti müəyyən
edilmədikdə, yaxud hesablaşma sənədi olmadıqda
isə, analoji malların mövcud bazar qiyməti əsas kimi
götürülür.
54.4. Daşıyıcı yükün
və ya baqajın itirilməsi, əskik çıxması
və ya zədələnməsi (xarab olması) ilə
əlaqədar müəyyən edilmiş zərəri
ödəməklə yanaşı, həmin yükün
və ya baqajın daşınmasına görə
alınmış daşınma haqqını da
(daşınma haqqı yükün və ya baqajın dəyərinə
daxil olmadıqda) yükgöndərənə (yükalana),
sərnişinə və ya səlahiyyəti olan digər
şəxsə qaytarır.
Maddə 55. Sərnişin
avtonəqliyyat vasitəsinin yola düşməsinin
ləngidilməsi və ya təyinat məntəqəsinə
çatmasının gecikdirilməsinə görə avtomobil
daşıyıcısının məsuliyyəti
55.1. Avtobusun yola düşməsinin,
yaxud təyinat məntəqəsinə çatmasının
gecikdirilməsinin (şəhərdaxili daşımalar istisna
olmaqla) qarşısıalınmaz qüvvənin təsiri
nəticəsində və ya daşıyıcıdan
asılı olmayan digər səbəblərdən baş
verdiyi sübut olunmadıqda, daşıyıcı “Avtomobil nəqliyyatı ilə sərnişin və
baqaj daşınması Qaydaları” ilə müəyyən olunmuş
qaydada və məbləğdə sərnişinə
dəbbə pulunu ödəyir.
55.2. Avtonəqliyyat vasitəsinin
ləngiməsi səbəbindən sərnişinin
daşımadan imtina etdiyi hallarda daşıyıcı
(avtomobil nəqliyyatı ilə daşımaların
təşkilatçısı) daşınma haqqını
tam məbləğdə sərnişinə geri
qaytarmalıdır.
Maddə 56. Sərnişinin
həyatına və ya sağlamlığına vurulmuş
zərərə görə avtomobil
daşıyıcısının məsuliyyəti
56.1. Avtomobil nəqliyyatı ilə
daşımalar yerinə yetirilərkən
sərnişinlərin həyatına və ya
sağlamlığına vurulmuş zərərin
qarşısıalınmaz qüvvənin təsiri və ya
zərərçəkənin təqsiri nəticəsində
baş verdiyini sübut edə bilmədikdə,
daşıyıcı vurulmuş zərərə görə
Azərbaycan Respublikasının müvafiq qanunvericiliyinə
uyğun olaraq maddi məsuliyyət daşıyır.
56.2. Avtomobil nəqliyyatı ilə
sərnişin daşınması müqavilələrində
sərnişinin həyatına və ya
sağlamlığına vurulmuş zərərə
görə daşıyıcının daha yüksək maddi
məsuliyyəti nəzərdə tutula bilər.
Maddə 57. Avtomobil nəqliyyatı
ilə daşımaların yerinə yetirilməsi ilə
əlaqədar sifarişçinin daşıyıcı
qarşısında məsuliyyəti
57.1. Daşımanın
sifarişçisi avtomobil nəqliyyatı ilə daşınma
müqaviləsinin şərtlərinin pozulmasına,
təqdim edilmiş avtonəqliyyat vasitəsindən
vaxtlı-vaxtında istifadə edilməməsinə
görə daşıyıcı qarşısında
müvafiq qanunvericiliklə və tərəflər
arasında bağlanmış müqavilə ilə
müəyyən edilmiş qaydada məsuliyyət daşıyır.
57.2. Sifarişçi onun təqsiri
üzündən avtomobil daşıyıcısına,
habelə daşıyıcının məsuliyyət
daşıdığı digər şəxslərin
əmlakına vurduğu zərərə görə
məsuliyyət daşıyır.
57.3. Yük müşayiətedici
sənədlərdə göstərilmiş düzgün
olmayan, qeyri-dəqiq yaxud dolğun olmayan məlumatlarla
əlaqədar və ya zəruri yük müşayiətedici
sənədlərin olmaması səbəbindən
daşıyıcıya və üçüncü şəxslərə
vurulmuş zərərə görə məsuliyyəti
yükgöndərən daşıyır.
57.4. Avtomobil nəqliyyatı ilə
daşınma müqaviləsi üzrə öhdəliklərin
icra edilməməsi və ya lazımi qaydada icra
edilməməsi qarşısıalınmaz qüvvənin
təsiri, müəyyən istiqamətlərdə
daşımaların dayandırılması, yaxud
məhdudlaşdırılması səbəbindən,
habelə ondan asılı olmayan digər hallarda baş
verdikdə, sifarişçi məsuliyyətdən azad olunur.
Maddə 57-1. Beynəlxalq
sərnişin və yük daşımalarında taxoqrafdan
istifadə
57-1.1. Operatorlar beynəlxalq
daşımaları həyata keçirən avtonəqliyyat
vasitələrini taxoqrafla təchiz etməlidirlər.
57-1.2. Operatorlar və
beynəlxalq daşımaları yerinə yetirən
sürücülər tərəfindən müvafiq
daşımaların taxoqraf olmadan, habelə taxoqrafın
yoxlanması haqqında şəhadətnamə və ya müvafiq
möhür olmadan, yaxud yoxlanma müddəti bitmiş və
ya plomblanması pozulmuş, tamamilə və ya hər
hansı funksiyası işləməyən taxoqrafla,
taxoqrafın qeydiyyata aldığı məlumatlar
saxtalaşdırılmaqla yerinə yetirilməsinə yol
verilmir.[83]
Maddə 58. Avtomobil nəqliyyatı
ilə sərnişin və yük daşımaları ilə
əlaqədar pretenziyalar[84]
58.1. Müqavilənin
tərəfləri avtomobil nəqliyyatı ilə
daşımalarla bağlı məhkəmədə iddia
qaldırmazdan əvvəl Azərbaycan Respublikasının Mülki Məcəlləsinin 861-ci maddəsi, “Avtomobil nəqliyyatı ilə sərnişin və
baqaj daşınması Qaydaları” və “Avtomobil nəqliyyatı ilə yüklərin
daşınması Qaydaları” ilə müəyyən edilmiş qaydada və
müddətlərdə pretenziya verməlidirlər.[85]
58.2. Avtomobil nəqliyyatı ilə
yük daşınması müqavilələrindən
irəli gələn tələblər üzrə iddia
müddəti 1 ildir.[86]
58.3. Avtomobil nəqliyyatı ilə
sərnişin daşınması
müqavilələrindən irəli gələn
tələblər üzrə iddia müddəti 6 aydır.
VIII fəsil
AVTOMOBİL
NƏQLİYYATI SAHƏSİNDƏ DÖVLƏT
NƏZARƏTİ
Maddə 59. Avtomobil nəqliyyatı
ilə daşımalara dair qayda və tələblərə
riayət edilməsinə dövlət nəzarətinin
təşkili
Avtomobil nəqliyyatı ilə
beynəlxalq və ölkədaxili sərnişin və
yük daşımalarına dair qayda və
tələblərə, habelə bu sahədə Azərbaycan
Respublikasının normativ hüquqi aktlarının və
tərəfdar çıxdığı beynəlxalq
müqavilələrin müddəalarına riayət
edilməsinə nəzarət müvafiq icra hakimiyyəti
orqanının müəyyən etdiyi orqan (qurum) tərəfindən həyata
keçirilir.
IX fəsil
YEKUN MÜDDƏALAR
Maddə 60. Avtomobil nəqliyyatı
haqqında Azərbaycan Respublikasının qanunvericiliyinə
riayət edilməməsinə görə məsuliyyət
Bu Qanunun və avtomobil nəqliyyatı
haqqında Azərbaycan Respublikasının digər normativ
hüquqi aktlarının tələblərinə riayət
etməyən avtomobil daşıyıcıları,
yükgöndərənlər, yükalanlar,
daşımaların təşkilatçıları,
sərnişinlər və digər şəxslər
Azərbaycan Respublikasının Mülki, İnzibati Xətalar və Cinayət
məcəllələrində nəzərdə tutulmuş
hallarda məsuliyyətə
cəlb olunurlar.[87]
Maddə 61. Qanunun qüvvəyə
minməsi
Bu Qanun dərc edildiyi gündən
qüvvəyə minir.
İlham
ƏLİYEV,
Azərbaycan
Respublikasının Prezidenti
Bakı şəhəri, 1 aprel 2008-ci il
¹ 556-IIIQ
İSTİFADƏ OLUNMUŞ
MƏNBƏ SƏNƏDLƏRİNİN SİYAHISI
1. 5 mart 2010-cu il tarixli 972-IIIQD nömrəli Azərbaycan Respublikasının Qanunu (“Azərbaycan” qəzeti, 17 aprel 2010-cu il, ¹ 81, Azərbaycan
Respublikasının Qanunvericilik Toplusu, 2010-cu il, ¹ 3, maddə
276)
2. 30 sentyabr 2010-cu il tarixli 1084-IIIQD nömrəli Azərbaycan Respublikasının Qanunu (“Azərbaycan” qəzeti, 21 sentyabr 2010-cu il, ¹ 229, Azərbaycan
Respublikasının Qanunvericilik Toplusu, 2010-cu il, ¹ 10, maddə
841)
3. 22 oktyabr 2013-cü il tarixli 787-IVQD nömrəli Azərbaycan Respublikasının Qanunu (“Azərbaycan” qəzeti, 5 noyabr 2013-cü il, ¹ 244; Azərbaycan Respublikasının
Qanunvericilik Toplusu, 2013-cü il, ¹ 11, maddə 1302)
4. 4 aprel 2014-cü il tarixli 936-IVQD nömrəli Azərbaycan Respublikasının Qanunu (“Azərbaycan” qəzeti, 4 may 2014-cü il, ¹ 92, Azərbaycan Respublikasının
Qanunvericilik Toplusu, 2014-cü il, ¹ 04, maddə 342)
5. 29 may 2015-ci il tarixli 1303-IVQD nömrəli Azərbaycan Respublikasının Qanunu (“Respublika” qəzeti, 11 avqust 2015-ci il, ¹ 171, Azərbaycan Respublikasının
Qanunvericilik Toplusu, 2015-ci il, ¹ 8, maddə 903)
6. 20 oktyabr 2015-ci il tarixli 1405-IVQD nömrəli Azərbaycan Respublikasının Qanunu (“Respublika” qəzeti, 23 dekabr 2015-ci il, ¹ 283, Azərbaycan
Respublikasının Qanunvericilik Toplusu, 2015-ci il, ¹ 12, maddə
1439)
7. 12 fevral 2016-cı il tarixli 127-VQD nömrəli Azərbaycan Respublikasının Qanunu (“Azərbaycan”
qəzeti, 6 mart 2016-cı il, ¹ 52; Azərbaycan
Respublikasının Qanunvericilik Toplusu, 2016-cı il, ¹ 02, II kitab,
maddə 221)
8. 16 dekabr 2016-cı il tarixli 469-VQD nömrəli Azərbaycan
Respublikasının Qanunu (“Azərbaycan”
qəzeti, 5 fevral 2017-ci il, ¹ 26, Azərbaycan Respublikasının
Qanunvericilik Toplusu, 2017-ci il, ¹ 02, maddə 140)
9. 31 oktyabr 2017-ci il tarixli 843-VQD nömrəli Azərbaycan
Respublikasının Qanunu (“Azərbaycan”
qəzeti, 13 dekabr 2017-ci il, ¹ 275, Azərbaycan Respublikasının
Qanunvericilik Toplusu, 2017-ci il, ¹ 12, I kitab maddə 2211)
10. 15 dekabr 2017-ci il tarixli 952-VQD nömrəli Azərbaycan
Respublikasının Qanunu (“Azərbaycan”
qəzeti, 19 yanvar 2018-ci il, ¹ 13, Azərbaycan Respublikasının
Qanunvericilik Toplusu, 2018-ci il, ¹ 1, maddə 22)
11. 30 noyabr 2018-ci il tarixli 1375-VQD nömrəli Azərbaycan
Respublikasının Qanunu (“Azərbaycan”
qəzeti, 29 dekabr 2018-ci il, ¹ 295,
Azərbaycan Respublikasının Qanunvericilik Toplusu, 2018-ci il, ¹
12, I kitab, maddə 2510)
12. 18 dekabr 2018-ci il tarixli 1399-VQD
nömrəli Azərbaycan Respublikasının Qanunu (“Azərbaycan”
qəzeti, 30 dekabr 2018-ci il, ¹ 296, Azərbaycan Respublikasının
Qanunvericilik Toplusu, 2018-ci il, ¹ 12, I kitab, maddə 2517)
13. 1 fevral 2019-cu il tarixli 1476-VQD nömrəli Azərbaycan
Respublikasının Qanunu (“Azərbaycan” qəzeti, 15 mart 2019-cu
il, ¹ 60, Azərbaycan Respublikasının Qanunvericilik Toplusu,
2019-cu il, ¹ 3, maddə 374)
14. 12 iyul 2019-cu il tarixli 1657-VQD nömrəli Azərbaycan
Respublikasının Qanunu (“Azərbaycan” qəzeti, 1 sentyabr
2019-cu il, ¹ 191, Azərbaycan Respublikasının
Qanunvericilik Toplusu, 2019-cu il, ¹8, maddə 1379)
15. 24 aprel 2020-ci il tarixli 60-VIQD nömrəli Azərbaycan Respublikasının
Qanunu (“Azərbaycan” qəzeti, 3 iyun 2020-ci il, ¹ 104, Azərbaycan Respublikasının
Qanunvericilik Toplusu, 2020-ci il, ¹ 6, maddə 663)
16. 26 noyabr 2020-ci il tarixli 209-VIQD nömrəli Azərbaycan Respublikasının
Qanunu (“Azərbaycan” qəzeti, 12 yanvar 2021-ci il, ¹ 6, Azərbaycan Respublikasının
Qanunvericilik Toplusu, 2021-ci il, ¹ 1, maddə 1)
17. 29 dekabr 2020-ci il tarixli 245-VIQD nömrəli Azərbaycan Respublikasının
Qanunu (“Azərbaycan” qəzeti, 14 yanvar 2021-ci il, ¹ 8, Azərbaycan Respublikasının
Qanunvericilik Toplusu, 2021-ci il, ¹ 1, maddə 10)
18. 17 fevral 2023-cü il tarixli 814-VIQD nömrəli Azərbaycan Respublikasının Qanunu (Azərbaycan Dövlət İnformasiya
Agentliyinin (AZƏRTAC-ın) rəsmi internet saytı, 8 aprel
2023-cü il, “Azərbaycan” qəzeti, 9 aprel 2023-cü il, ¹ 73, Azərbaycan Respublikasının Qanunvericilik Toplusu,
2023-cü il, ¹ 4, maddə 452)
19. 24 fevral 2023-cü il tarixli 831-VIQD nömrəli Azərbaycan Respublikasının Qanunu (Azərbaycan Dövlət
İnformasiya Agentliyinin (AZƏRTAC-ın) rəsmi internet
saytı, 11 aprel 2023-cü il, “Azərbaycan”
qəzeti, 12 aprel 2023-cü il, ¹ 75, Azərbaycan
Respublikasının Qanunvericilik Toplusu, 2023-cü il, ¹ 4,
maddə 462)
20. 14 iyul 2023-cü il tarixli 973-VIQD nömrəli Azərbaycan Respublikasının Qanunu (Azərbaycan Dövlət
İnformasiya Agentliyinin (AZƏRTAC-ın) rəsmi internet
saytı, 18 avqust 2023-cü il, “Azərbaycan”
qəzeti, 20 avqust 2023-cü il, ¹ 177, Azərbaycan
Respublikasının Qanunvericilik Toplusu, 2023-cü il, ¹ 8, I
kitab, maddə 1121)
21. 25 iyun 2024-cü il tarixli 1186-VIQD nömrəli Azərbaycan
Respublikasının Qanunu (Azərbaycan Dövlət
İnformasiya Agentliyinin (AZƏRTAC-ın) rəsmi internet
saytı, 15 avqust 2024-cü il, “Azərbaycan” qəzeti, 16 avqust
2024-cü il, ¹ 174, Azərbaycan
Respublikasının Qanunvericilik Toplusu, 2024-cü il, ¹ 8,
maddə 932)
22. 31 oktyabr 2025-ci il tarixli 280-VIIQD nömrəli Azərbaycan Respublikasının
Qanunu (Azərbaycan Dövlət İnformasiya Agentliyinin
(AZƏRTAC-ın) rəsmi internet saytı,
28 noyabr 2025-ci
il, “Azərbaycan” qəzeti, 29 noyabr 2025-ci il, ¹ 253, Azərbaycan Respublikasının
Qanunvericilik Toplusu, 2025-ci il, ¹ 11, maddə 1010)
23. 16 dekabr 2025-ci il tarixli 312-VIIQD nömrəli Azərbaycan Respublikasının Qanunu (Azərbaycan Dövlət İnformasiya
Agentliyinin (AZƏRTAC-ın) rəsmi internet saytı, 15 yanvar 2026-cı il, “Azərbaycan” qəzeti, 16 yanvar 2026-cı il, ¹ 9, Azərbaycan
Respublikasının Qanunvericilik Toplusu, 2026-cı il, ¹ 1,
maddə 2)
24. 3 mart 2026-cı il tarixli 375-VIIQD nömrəli Azərbaycan Respublikasının
Qanunu (Azərbaycan Dövlət İnformasiya Agentliyinin
(AZƏRTAC-ın) rəsmi internet saytı,
31 mart 2026-cı il, “Azərbaycan” qəzeti, 1 aprel 2026-cı il, ¹ 53, Azərbaycan Respublikasının Qanunvericilik Toplusu,
2026-cı il, ¹ 3, maddə 213)
25.
10 iyul 2026-cı il
tarixli 438-VIIQD nömrəli Azərbaycan Respublikasının Qanunu (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 3 avqust
2026-cı il, “Azərbaycan” qəzeti, 4 avqust
2026-cı il ¹ 137, Azərbaycan Respublikasının
Qanunvericilik Toplusu, 2026-cı il, ¹ 8, maddə 770)
QANUNA EDİLMİŞ
DƏYİŞİKLİK VƏ ƏLAVƏLƏRİN
SİYAHISI
[1] 14 iyul 2023-cü il tarixli 973-VIQD
nömrəli Azərbaycan
Respublikasının Qanunu (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 18 avqust 2023-cü il, “Azərbaycan” qəzeti, 20 avqust
2023-cü il, ¹ 177, Azərbaycan
Respublikasının Qanunvericilik Toplusu, 2023-cü il, ¹ 8, I
kitab, maddə 1121) ilə preambulaya “orqanları” sözündən sonra “(qurumları)” sözü əlavə edilmişdir.
[2]
10 iyul 2026-cı il tarixli 438-VIIQD nömrəli Azərbaycan
Respublikasının Qanunu (Azərbaycan Dövlət
İnformasiya Agentliyinin (AZƏRTAC-ın) rəsmi internet
saytı, 3 avqust 2026-cı il, “Azərbaycan” qəzeti, 4 avqust
2026-cı il ¹ 137, Azərbaycan Respublikasının Qanunvericilik Toplusu,
2026-cı il, ¹ 8, maddə 770) ilə 1-ci maddəyə yeni məzmunda 1.0.1-1-ci maddə
əlavə edilmişdir.
[3]
14 iyul 2023-cü il tarixli 973-VIQD
nömrəli Azərbaycan
Respublikasının Qanunu (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 18 avqust 2023-cü il, “Azərbaycan” qəzeti, 20 avqust
2023-cü il, ¹ 177, Azərbaycan
Respublikasının Qanunvericilik Toplusu, 2023-cü il, ¹ 8, I
kitab, maddə 1121) ilə 1.0.2-ci maddədə “infrastrukturundan” sözü “infrastruktur obyektlərindən”
sözləri ilə əvəz edilmişdir.
[4] 29 may 2015-ci il tarixli 1303-IVQD nömrəli Azərbaycan Respublikasının Qanunu (“Respublika” qəzeti, 11 avqust 2015-ci il, ¹ 171, Azərbaycan Respublikasının
Qanunvericilik Toplusu, 2015-ci il, ¹ 8, maddə 903) ilə 1.0.6-cı maddədə “təminatlı” sözü
çıxarılmışdır.
14 iyul 2023-cü il tarixli 973-VIQD nömrəli Azərbaycan Respublikasının Qanunu (Azərbaycan Dövlət
İnformasiya Agentliyinin (AZƏRTAC-ın) rəsmi internet
saytı, 18 avqust 2023-cü il, “Azərbaycan”
qəzeti, 20 avqust 2023-cü il, ¹ 177, Azərbaycan
Respublikasının Qanunvericilik Toplusu, 2023-cü il, ¹ 8, I
kitab, maddə 1121) ilə
1.0.6-cı maddədə “infrastrukturu”
sözü “infrastruktur
obyektləri” sözləri ilə əvəz edilmişdir
və həmin maddəyə “məntəqələri,”
sözündən sonra “avtomobil
nəqliyyatı parkları,” sözləri əlavə
edilmişdir.
[5] 24 fevral 2023-cü il tarixli 831-VIQD nömrəli
Azərbaycan Respublikasının Qanunu (Azərbaycan Dövlət İnformasiya Agentliyinin
(AZƏRTAC-ın) rəsmi internet saytı, 11 aprel 2023-cü
il, “Azərbaycan” qəzeti, 12 aprel
2023-cü il, ¹ 75, Azərbaycan
Respublikasının Qanunvericilik Toplusu, 2023-cü il, ¹ 4,
maddə 462) ilə yeni məzmunda
1.0.8-1 maddə
əlavə edilmişdir.
[6] 24 aprel 2020-ci il tarixli 60-VIQD
nömrəli Azərbaycan
Respublikasının Qanunu (“Azərbaycan” qəzeti, 3 iyun 2020-ci
il, ¹ 104,
Azərbaycan Respublikasının Qanunvericilik Toplusu, 2020-ci il, ¹
6, maddə 663) ilə 1.0.9-cu maddəyə “əsaslarla” sözündən sonra “haqq müqabilində” sözləri, “yerinə yetirən” sözlərindən sonra “, mülkiyyət, icarə və ya
istifadə hüququ ilə nəqliyyat vasitələrinə
malik olan” sözləri əlavə edilmişdir.
3 mart 2026-cı il tarixli 375-VIIQD
nömrəli Azərbaycan
Respublikasının Qanunu (Azərbaycan Dövlət
İnformasiya Agentliyinin (AZƏRTAC-ın) rəsmi internet
saytı, 31 mart 2026-cı il, “Azərbaycan” qəzeti, 1 aprel
2026-cı il, ¹ 53, Azərbaycan
Respublikasının Qanunvericilik Toplusu, 2026-cı il, ¹ 3,
maddə 213) ilə 1.0.9-cu maddədə “daşınma müqaviləsi
və ya digər qanuni əsaslarla haqq müqabilində”
sözləri “daşınma
müqaviləsi (haqq müqabilində) və ya digər qanuni
əsaslarla bu Qanunun müvafiq olaraq 1.0.4-cü və 1.0.5-ci
maddələrində nəzərdə tutulmuş”
sözləri ilə əvəz edilmişdir.
[7] 12 iyul 2019-cu il tarixli 1657-VQD
nömrəli Azərbaycan Respublikasının Qanunu (“Azərbaycan” qəzeti,
1 sentyabr 2019-cu il, ¹ 191, Azərbaycan Respublikasının
Qanunvericilik Toplusu, 2019-cu il, ¹8, maddə 1379) ilə yeni məzmunda 1.0.9-1–1.0.9-2-ci
maddələr əlavə edilmişdir.
14 iyul 2023-cü il tarixli 973-VIQD
nömrəli Azərbaycan
Respublikasının Qanunu (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 18 avqust 2023-cü il, “Azərbaycan” qəzeti, 20 avqust
2023-cü il, ¹ 177, Azərbaycan
Respublikasının Qanunvericilik Toplusu, 2023-cü il, ¹ 8, I
kitab, maddə 1121) ilə 1.0.9-1-ci maddədə “müvafiq icra hakimiyyəti
orqanı tərəfindən uçota alınan”
sözləri “müvafiq
icazəsi olan” sözləri ilə əvəz
edilmişdir.
[8] 31 oktyabr 2017-ci il tarixli 843-VQD nömrəli Azərbaycan
Respublikasının Qanunu (“Azərbaycan”
qəzeti, 13 dekabr 2017-ci il, ¹ 275, Azərbaycan Respublikasının
Qanunvericilik Toplusu, 2017-ci il, ¹ 12, I kitab maddə 2211) ilə yeni məzmunda 1.0.11-1-ci maddə əlavə
edilmişdir.
[9]
14 iyul 2023-cü il tarixli 973-VIQD
nömrəli Azərbaycan Respublikasının
Qanunu (Azərbaycan Dövlət
İnformasiya Agentliyinin (AZƏRTAC-ın) rəsmi internet
saytı, 18 avqust 2023-cü il, “Azərbaycan” qəzeti, 20 avqust 2023-cü il, ¹ 177,
Azərbaycan Respublikasının Qanunvericilik Toplusu, 2023-cü
il, ¹ 8, I kitab, maddə 1121) ilə yeni
məzmunda 1.0.17-1-ci maddə əlavə edilmişdir.
[10] 18 dekabr 2018-ci
il tarixli 1399-VQD
nömrəli Azərbaycan Respublikasının Qanunu (“Azərbaycan” qəzeti,
30 dekabr 2018-ci il, ¹ 296, Azərbaycan Respublikasının
Qanunvericilik Toplusu, 2018-ci il, ¹ 12, I kitab, maddə 2517) ilə 1.0.23-cü maddənin sonunda nöqtə
işarəsi nöqtəli vergül işarəsi ilə əvəz
edilmişdir və yeni məzmunda 1.0.24-cü maddə
əlavə edilmişdir.
14 iyul 2023-cü il tarixli 973-VIQD nömrəli Azərbaycan Respublikasının Qanunu (Azərbaycan Dövlət
İnformasiya Agentliyinin (AZƏRTAC-ın) rəsmi internet
saytı, 18 avqust 2023-cü il, “Azərbaycan”
qəzeti, 20 avqust 2023-cü il, ¹ 177, Azərbaycan
Respublikasının Qanunvericilik Toplusu, 2023-cü il, ¹ 8, I kitab,
maddə 1121) ilə 1.0.24-cü maddə yeni redaksiyada
verilmişdir.
əvvəlki redaksiyada deyilirdi:
1.0.24. taxoqraf –
avtonəqliyyat vasitəsinin hərəkətinə, o
cümlədən qət edilmiş məsafəyə,
hərəkətin sürətinə, habelə
sürücülərin iş və istirahət
dövrlərinə dair bütün məlumatları
fasiləsiz olaraq ölçmək və ya qeydə almaq
məqsədi ilə həmin avtonəqliyyat vasitəsində
quraşdırılan elektromexaniki və ya elektron
nəzarət cihazı.
[11]
14 iyul 2023-cü il tarixli 973-VIQD
nömrəli Azərbaycan
Respublikasının Qanunu (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 18 avqust 2023-cü il, “Azərbaycan” qəzeti, 20 avqust
2023-cü il, ¹ 177, Azərbaycan
Respublikasının Qanunvericilik Toplusu, 2023-cü il, ¹ 8, I
kitab, maddə 1121) ilə yeni məzmunda 1.0.25 –1.0.36-cı
maddələr əlavə edilmişdir.
[12]
16 dekabr 2025-ci il tarixli 312-VIIQD
nömrəli Azərbaycan
Respublikasının Qanunu (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 15 yanvar
2026-cı il, “Azərbaycan” qəzeti, 16 yanvar
2026-cı il, ¹ 9,
Azərbaycan Respublikasının Qanunvericilik Toplusu, 2026-cı
il, ¹ 1, maddə 2) ilə 2-ci
maddənin mətni 2.1-ci maddə hesab edilmişdir və yeni
məzmunda 2.2-ci maddə əlavə edilmişdir.
[13]
14 iyul 2023-cü il tarixli 973-VIQD
nömrəli Azərbaycan
Respublikasının Qanunu (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 18 avqust 2023-cü il, “Azərbaycan” qəzeti, 20 avqust
2023-cü il, ¹ 177, Azərbaycan
Respublikasının Qanunvericilik Toplusu, 2023-cü il, ¹ 8, I kitab,
maddə 1121) ilə 3.1-ci maddəyə “orqanları” sözündən
sonra “(qurumları)”
sözü əlavə edilsin və həmin maddədə “nəqliyyat” sözü “avtomobil nəqliyyatı”
sözləri ilə əvəz edilmişdir.
[14]
25
iyun 2024-cü il tarixli 1186-VIQD
nömrəli Azərbaycan
Respublikasının Qanunu (Azərbaycan Dövlət
İnformasiya Agentliyinin (AZƏRTAC-ın) rəsmi internet
saytı, 15 avqust 2024-cü il, “Azərbaycan” qəzeti, 16 avqust
2024-cü il, ¹ 174,
Azərbaycan Respublikasının Qanunvericilik Toplusu, 2024-cü
il, ¹ 8, maddə 932) ilə 3.2.1-ci maddədə, 7.5-ci maddənin
birinci cümləsində, 7.6-cı maddənin birinci və
ikinci cümlələrində, 9.3-cü maddədə və
27.3-cü maddənin üçüncü
cümləsində “orqanı” sözü “orqanının müəyyən etdiyi orqan
(qurum)” sözləri ilə əvəz edilmişdir.
[15] 5 mart 2010-cu il tarixli 972-IIIQD
nömrəli Azərbaycan Respublikasının Qanunu (“Azərbaycan” qəzeti, 17 aprel 2010-cu
il, ¹ 81, Azərbaycan Respublikasının Qanunvericilik Toplusu,
2010-cu il, ¹ 3, maddə 276) ilə 3.2.3-cü
maddəsində “Milli Bankının” sözləri
“Mərkəzi
Bankının” sözləri ilə əvəz
edilmişdir.
25
iyun 2024-cü il tarixli 1186-VIQD
nömrəli Azərbaycan
Respublikasının Qanunu (Azərbaycan Dövlət
İnformasiya Agentliyinin (AZƏRTAC-ın) rəsmi internet
saytı, 15 avqust 2024-cü il, “Azərbaycan” qəzeti, 16 avqust
2024-cü il, ¹ 174,
Azərbaycan Respublikasının Qanunvericilik Toplusu, 2024-cü
il, ¹ 8, maddə 932) ilə 3.2.3-cü maddədə “hakimiyyəti
orqanlarının” sözləri “orqanlarının
(qurumlarının)” sözləri ilə əvəz
edilmişdir.
[16]
14 iyul 2023-cü il tarixli 973-VIQD
nömrəli Azərbaycan
Respublikasının Qanunu (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 18 avqust 2023-cü il, “Azərbaycan” qəzeti, 20 avqust
2023-cü il, ¹ 177, Azərbaycan
Respublikasının Qanunvericilik Toplusu, 2023-cü il, ¹ 8, I kitab,
maddə 1121) ilə 4.0.6-cı maddənin sonunda
nöqtə işarəsi nöqtəli vergül
işarəsi ilə əvəz edilmişdir və yeni
məzmunda 4.0.7-ci maddə əlavə edilmişdir.
[17]
14 iyul 2023-cü il tarixli 973-VIQD
nömrəli Azərbaycan
Respublikasının Qanunu (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 18 avqust 2023-cü il, “Azərbaycan” qəzeti, 20 avqust
2023-cü il, ¹ 177, Azərbaycan
Respublikasının Qanunvericilik Toplusu, 2023-cü il, ¹ 8, I
kitab, maddə 1121) ilə 6-cı maddənin adında “infrastrukturuna” sözü “infrastruktur obyektlərinə”
sözləri ilə əvəz edilmişdir.
[18]
31 oktyabr 2025-ci il tarixli 280-VIIQD
nömrəli Azərbaycan
Respublikasının Qanunu (Azərbaycan Dövlət
İnformasiya Agentliyinin (AZƏRTAC-ın) rəsmi internet
saytı, 28 noyabr 2025-ci il, “Azərbaycan”
qəzeti, 29 noyabr 2025-ci il, ¹ 253,
Azərbaycan Respublikasının Qanunvericilik Toplusu, 2025-ci il, ¹
11, maddə 1010) ilə 6.3-cü maddə yeni redaksiyada
verilmişdir.
Əvvəlki redaksiyada deyilirdi:
6.3. Ümumi istifadədə olan sərnişin
avtonəqliyyat vasitələrinə, habelə ümumi
istifadədə olan sərnişin avtomobil nəqliyyatı
üçün dayanacaqlara dair ümumi tələblər
“Avtomobil nəqliyyatı ilə sərnişin və baqaj
daşınması Qaydaları” ilə müəyyən
olunur.
[19]
14 iyul 2023-cü il tarixli 973-VIQD
nömrəli Azərbaycan
Respublikasının Qanunu (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 18 avqust 2023-cü il, “Azərbaycan” qəzeti, 20 avqust
2023-cü il, ¹ 177, Azərbaycan
Respublikasının Qanunvericilik Toplusu, 2023-cü il, ¹ 8, I kitab,
maddə 1121) ilə 6.4-cü maddədə “infrastrukturu” sözü “infrastruktur obyektləri”
sözləri ilə əvəz edilmişdir.
[20] 29 may 2015-ci il tarixli 1303-IVQD nömrəli Azərbaycan Respublikasının Qanunu (“Respublika” qəzeti, 11 avqust 2015-ci il, ¹ 171, Azərbaycan Respublikasının
Qanunvericilik Toplusu, 2015-ci il, ¹ 8, maddə 903) ilə 6.5-ci maddədə “təminatlı” sözü
çıxarılmışdır, “stansiyalarının”
sözündən sonra “(sahələrinin)”
sözü və “yaxud”
sözündən sonra “təyinatı
avtomobil nəqliyyatının digər infrastruktur obyektinə
dəyişdirilməklə” sözləri əlavə
edilmişdir.
30 noyabr 2018-ci il tarixli 1375-VQD nömrəli Azərbaycan
Respublikasının Qanunu (“Azərbaycan”
qəzeti, 29 dekabr 2018-ci il, ¹ 295, Azərbaycan Respublikasının
Qanunvericilik Toplusu, 2018-ci il, ¹ 12, I kitab, maddə 2510) ilə 6.5-ci və 21.1-ci maddələrdə ismin müvafiq
hallarında “Azərbaycan
Respublikasının müvafiq icra hakimiyyəti orqanı”
sözləri ismin müvafiq hallarında “müvafiq icra hakimiyyəti orqanının
müəyyən etdiyi orqan (qurum)” sözləri ilə
əvəz edilmişdir.
14 iyul 2023-cü il tarixli 973-VIQD
nömrəli Azərbaycan
Respublikasının Qanunu (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 18 avqust 2023-cü il, “Azərbaycan” qəzeti, 20 avqust
2023-cü il, ¹ 177, Azərbaycan
Respublikasının Qanunvericilik Toplusu, 2023-cü il, ¹ 8, I
kitab, maddə 1121) ilə 6.5-ci maddəyə “məntəqələrinin,” sözündən sonra
“avtomobil nəqliyyatı
parklarının,” sözləri əlavə edilmişdir.
31 oktyabr 2025-ci il tarixli 280-VIIQD
nömrəli Azərbaycan
Respublikasının Qanunu (Azərbaycan Dövlət
İnformasiya Agentliyinin (AZƏRTAC-ın) rəsmi internet
saytı, 28 noyabr 2025-ci il, “Azərbaycan”
qəzeti, 29 noyabr 2025-ci il, ¹ 253,
Azərbaycan Respublikasının Qanunvericilik Toplusu, 2025-ci il, ¹
11, maddə 1010) ilə 6.5-ci maddə yeni redaksiyada
verilmişdir.
Əvvəlki redaksiyada deyilirdi:
6.5. Avtomobil nəqliyyatının infrastruktur
obyektlərinin, o cümlədən avtovağzalların
(avtostansiyaların), dayanacaq məntəqələrinin, avtomobil nəqliyyatı parklarının,
avtomobil duracaqlarının, terminalların və digər
qurğuların, habelə avtonəqliyyat
vasitələrinə texniki xidmət göstərən
texniki-təmir stansiyalarının (sahələrinin), yanacaq doldurma məntəqələrinin
yerləşdirilməsi yaxud təyinatı
avtomobil nəqliyyatının digər infrastruktur obyektinə
dəyişdirilməklə
yenidən qurulması sərnişin və yük
axınının həcminə, həmçinin nəqliyyat
xidmətləri istehlakçılarının
tələbatına uyğun olaraq, müvafiq icra hakimiyyəti
orqanının müəyyən etdiyi orqanın (qurumun) rəyi nəzərə
alınmaqla qanunvericiliklə nəzərdə tutulmuş
qaydada həyata keçirilir.
[21]
14 iyul 2023-cü il tarixli 973-VIQD
nömrəli Azərbaycan
Respublikasının Qanunu (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 18 avqust 2023-cü il, “Azərbaycan” qəzeti, 20 avqust
2023-cü il, ¹ 177, Azərbaycan
Respublikasının Qanunvericilik Toplusu, 2023-cü il, ¹ 8, I
kitab, maddə 1121) ilə yeni məzmunda 6.6-cı maddə
əlavə edilmişdir.
[22] 29 may 2015-ci il tarixli 1303-IVQD nömrəli Azərbaycan Respublikasının Qanunu (“Respublika” qəzeti, 11 avqust 2015-ci il, ¹ 171, Azərbaycan Respublikasının
Qanunvericilik Toplusu, 2015-ci il, ¹ 8, maddə 903) ilə 7.1-ci maddədə “şəhərlərarası
(rayonlararası) və beynəlxalq marşrutlar üzrə
müntəzəm” sözləri çıxarılmışdır.
[23]
14 iyul 2023-cü il tarixli 973-VIQD
nömrəli Azərbaycan
Respublikasının Qanunu (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 18 avqust 2023-cü il, “Azərbaycan” qəzeti, 20 avqust
2023-cü il, ¹ 177, Azərbaycan
Respublikasının Qanunvericilik Toplusu, 2023-cü il, ¹ 8, I
kitab, maddə 1121) ilə yeni məzmunda 7.1-1-ci maddə
əlavə edilmişdir.
[24] 29 may 2015-ci il tarixli 1303-IVQD nömrəli Azərbaycan Respublikasının Qanunu (“Respublika” qəzeti, 11 avqust 2015-ci il, ¹ 171, Azərbaycan Respublikasının
Qanunvericilik Toplusu, 2015-ci il, ¹ 8, maddə 903) ilə 7.5-ci maddəyə yeni
məzmunda ikinci cümlə əlavə edilmişdir.
[25] 29 may 2015-ci il tarixli 1303-IVQD nömrəli Azərbaycan Respublikasının Qanunu (“Respublika” qəzeti, 11 avqust 2015-ci il, ¹ 171, Azərbaycan Respublikasının
Qanunvericilik Toplusu, 2015-ci il, ¹ 8, maddə 903) ilə yeni məzmunda 7-1-ci maddə
əlavə edilmişdir.
[26]
25
iyun 2024-cü il tarixli 1186-VIQD
nömrəli Azərbaycan
Respublikasının Qanunu (Azərbaycan Dövlət
İnformasiya Agentliyinin (AZƏRTAC-ın) rəsmi internet
saytı, 15 avqust 2024-cü il, “Azərbaycan” qəzeti, 16 avqust
2024-cü il, ¹ 174,
Azərbaycan Respublikasının Qanunvericilik Toplusu, 2024-cü
il, ¹ 8, maddə 932) ilə 7-1.5-ci maddəyə “orqanının”
sözündən sonra “müəyyən
etdiyi orqanın (qurumun)” sözləri əlavə
edilmişdir.
[27] 29 may 2015-ci il tarixli 1303-IVQD nömrəli Azərbaycan Respublikasının Qanunu (“Respublika” qəzeti, 11 avqust 2015-ci il, ¹ 171, Azərbaycan Respublikasının
Qanunvericilik Toplusu, 2015-ci il, ¹ 8, maddə 903) ilə 9.2-ci maddə yeni redaksiyada
verilmişdir.
əvvəlki redaksiyada deyilirdi:
9.2. Avtomobil nəqliyyatı işçilərinin
ayrı-ayrı kateqoriyalarının iş və istirahət
rejimi, iş şəraitinin xüsusiyyətləri
Azərbaycan Respublikasının müvafiq normativ hüquqi
aktları ilə müəyyən olunur.
18 dekabr 2018-ci il tarixli 1399-VQD
nömrəli Azərbaycan Respublikasının Qanunu (“Azərbaycan”
qəzeti, 30 dekabr 2018-ci il, ¹ 296, Azərbaycan Respublikasının
Qanunvericilik Toplusu, 2018-ci il, ¹ 12, I kitab, maddə 2517) ilə 9.2-ci
maddə yeni redaksiyada verilmişdir.
Əvvəlki redaksiyada deyilirdi:
9.2. Ümumi
istifadədə olan avtomobil nəqliyyatı ilə
beynəlxalq və ölkədaxili sərnişin və
yük daşımalarını yerinə yetirən
sürücülərin iş və istirahət rejiminə,
iş şəraitinin xüsusiyyətlərinə dair
tələblər müvafiq icra hakimiyyəti orqanı tərəfindən müəyyən
edilir.
14 iyul 2023-cü il tarixli 973-VIQD
nömrəli Azərbaycan
Respublikasının Qanunu (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 18 avqust 2023-cü il, “Azərbaycan” qəzeti, 20 avqust
2023-cü il, ¹ 177, Azərbaycan
Respublikasının Qanunvericilik Toplusu, 2023-cü il, ¹ 8, I kitab,
maddə 1121) ilə 9.2-ci maddədən “və ölkədaxili
(şəhərlərarası və rayonlararası)”
sözləri çıxarılmışdır.
[28]
14 iyul 2023-cü il tarixli 973-VIQD
nömrəli Azərbaycan
Respublikasının Qanunu (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 18 avqust 2023-cü il, “Azərbaycan” qəzeti, 20 avqust
2023-cü il, ¹ 177, Azərbaycan Respublikasının
Qanunvericilik Toplusu, 2023-cü il, ¹ 8, I kitab, maddə 1121) ilə yeni məzmunda 9.2-1-ci və 9.2-2-ci
maddələr əlavə edilmişdir.
[29] 29 may 2015-ci il tarixli 1303-IVQD nömrəli Azərbaycan Respublikasının Qanunu (“Respublika” qəzeti, 11 avqust 2015-ci il, ¹ 171, Azərbaycan Respublikasının
Qanunvericilik Toplusu, 2015-ci il, ¹ 8, maddə 903) ilə yeni məzmunda 9.3-cü
maddə əlavə edilmişdir.
14 iyul 2023-cü il tarixli 973-VIQD nömrəli Azərbaycan Respublikasının Qanunu (Azərbaycan Dövlət
İnformasiya Agentliyinin (AZƏRTAC-ın) rəsmi internet
saytı, 18 avqust 2023-cü il, “Azərbaycan”
qəzeti, 20 avqust 2023-cü il, ¹ 177, Azərbaycan
Respublikasının Qanunvericilik Toplusu, 2023-cü il, ¹ 8, I
kitab, maddə 1121) ilə
9.3-cü maddədən “və
ölkədaxili” sözləri çıxarılmışdır.
[30]
10 iyul 2026-cı il tarixli 438-VIIQD nömrəli Azərbaycan
Respublikasının Qanunu (Azərbaycan Dövlət
İnformasiya Agentliyinin (AZƏRTAC-ın) rəsmi internet
saytı, 3 avqust 2026-cı il, “Azərbaycan” qəzeti, 4 avqust
2026-cı il ¹ 137, Azərbaycan Respublikasının Qanunvericilik Toplusu,
2026-cı il, ¹ 8, maddə 770) ilə 14.1.5-ci maddəyə “sürücüləri”
sözündən sonra “(avtonom
nəqliyyat vasitəsi istisna olmaqla)” sözləri
əlavə edilmişdir.
[31]
3 mart 2026-cı il tarixli 375-VIIQD
nömrəli Azərbaycan
Respublikasının Qanunu (Azərbaycan Dövlət
İnformasiya Agentliyinin (AZƏRTAC-ın) rəsmi internet
saytı, 31 mart 2026-cı il, “Azərbaycan” qəzeti, 1 aprel
2026-cı il, ¹ 53, Azərbaycan
Respublikasının Qanunvericilik Toplusu, 2026-cı il, ¹ 3,
maddə 213) ilə 14.2.3-cü maddənin sonunda
nöqtə işarəsi nöqtəli vergül
işarəsi ilə əvəz edilmişdir və yeni
məzmunda 14.2.4 – 14.2.7-ci maddələr əlavə
edilmişdir.
[32]
10 iyul 2026-cı il tarixli 438-VIIQD nömrəli Azərbaycan
Respublikasının Qanunu (Azərbaycan Dövlət
İnformasiya Agentliyinin (AZƏRTAC-ın) rəsmi internet
saytı, 3 avqust 2026-cı il, “Azərbaycan” qəzeti, 4 avqust
2026-cı il ¹ 137, Azərbaycan Respublikasının Qanunvericilik Toplusu,
2026-cı il, ¹ 8, maddə 770) ilə 14.3.1-ci maddəyə “sürücülərin”
sözündən sonra “(avtonom
nəqliyyat vasitəsi istisna olmaqla)” sözləri
əlavə edilmişdir.
[33]
3 mart 2026-cı il tarixli 375-VIIQD
nömrəli Azərbaycan
Respublikasının Qanunu (Azərbaycan Dövlət
İnformasiya Agentliyinin (AZƏRTAC-ın) rəsmi internet
saytı, 31 mart 2026-cı il, “Azərbaycan” qəzeti, 1 aprel
2026-cı il, ¹ 53, Azərbaycan
Respublikasının Qanunvericilik Toplusu, 2026-cı il, ¹ 3,
maddə 213) ilə 14.3.4-cü maddədən ikinci
halda “ya” sözü
çıxarılmışdır.
[34]
10 iyul 2026-cı il tarixli 438-VIIQD nömrəli Azərbaycan
Respublikasının Qanunu (Azərbaycan Dövlət
İnformasiya Agentliyinin (AZƏRTAC-ın) rəsmi internet
saytı, 3 avqust 2026-cı il, “Azərbaycan” qəzeti, 4 avqust
2026-cı il ¹ 137, Azərbaycan Respublikasının Qanunvericilik Toplusu,
2026-cı il, ¹ 8, maddə 770) ilə 14.3.7-ci maddəyə “sürücünün”
sözündən sonra “(avtonom
nəqliyyat vasitəsi istisna olmaqla)” sözləri
əlavə edilmişdir.
[35]
3 mart 2026-cı il tarixli 375-VIIQD
nömrəli Azərbaycan
Respublikasının Qanunu (Azərbaycan Dövlət
İnformasiya Agentliyinin (AZƏRTAC-ın) rəsmi internet
saytı, 31 mart 2026-cı il, “Azərbaycan” qəzeti, 1 aprel
2026-cı il, ¹ 53, Azərbaycan
Respublikasının Qanunvericilik Toplusu, 2026-cı il, ¹ 3,
maddə 213) ilə yeni məzmunda 14.3.7-1-ci maddə
əlavə edilmişdir.
[36]
3 mart 2026-cı il tarixli 375-VIIQD
nömrəli Azərbaycan
Respublikasının Qanunu (Azərbaycan Dövlət
İnformasiya Agentliyinin (AZƏRTAC-ın) rəsmi internet
saytı, 31 mart 2026-cı il, “Azərbaycan” qəzeti, 1 aprel
2026-cı il, ¹ 53, Azərbaycan
Respublikasının Qanunvericilik Toplusu, 2026-cı il, ¹ 3,
maddə 213) ilə 15.5-ci maddənin birinci
cümləsinə “daşımalarında”
sözündən sonra “,
habelə qeyri-müntəzəm sərnişin
daşımalarında” sözləri əlavə
edilmişdir.
[37] 22 oktyabr 2013-cü il tarixli 787-IVQD nömrəli Azərbaycan Respublikasının Qanunu (“Azərbaycan” qəzeti, 5 noyabr 2013-cü il, ¹ 244; Azərbaycan Respublikasının
Qanunvericilik Toplusu, 2013-cü il, ¹ 11, maddə 1302) ilə 14.2.5-ci maddəsində “texniki baxışdan”
sözlərindən əvvəl “qanunla müəyyən edilmiş hallarda”
sözləri əlavə edilmişdir.
4 aprel 2014-cü il tarixli 936-IVQD nömrəli Azərbaycan Respublikasının Qanunu (“Azərbaycan” qəzeti, 4 may 2014-cü il, ¹ 92, Azərbaycan Respublikasının
Qanunvericilik Toplusu, 2014-cü il, ¹ 04, maddə 342) ilə 14.2.8-ci
maddədə “avtonəqliyyat
vasitəsi sahibinin mülki məsuliyyətinin”
sözləri “bu Qanunun
14.1.4-cü maddəsinə uyğun olaraq müvafiq” sözləri ilə əvəz
edilmişdir.
4 aprel 2014-cü il tarixli 936-IVQD nömrəli Azərbaycan Respublikasının Qanunu (“Azərbaycan” qəzeti, 4 may 2014-cü il, ¹ 92, Azərbaycan Respublikasının
Qanunvericilik Toplusu, 2014-cü il, ¹ 04, maddə 342) ilə 14.1.4-cü
maddə yeni redaksiyada verilmişdir.
29 may 2015-ci il tarixli 1303-IVQD nömrəli Azərbaycan Respublikasının Qanunu (“Respublika” qəzeti, 11 avqust 2015-ci il, ¹ 171, Azərbaycan Respublikasının
Qanunvericilik Toplusu, 2015-ci il, ¹ 8, maddə 903) ilə 14.1-ci maddə
(14.1.1-14.1.4-cü maddələr istisna olmaqla) yeni redaksiyada
verilmişdir.
əvvəlki redaksiyada deyilirdi:
14.1. Avtomobil nəqliyyatı ilə sərnişin
və yük daşımalarının yerinə
yetirilməsinə xüsusi razılıq (lisenziya)
aşağıdakı şərtlərlə verilir:
29 may 2015-ci il tarixli 1303-IVQD nömrəli Azərbaycan Respublikasının Qanunu (“Respublika” qəzeti, 11 avqust 2015-ci il, ¹ 171, Azərbaycan Respublikasının
Qanunvericilik Toplusu, 2015-ci il, ¹ 8, maddə 903) ilə 14-cü maddənin adı yeni
redaksiyada verilmişdir.
əvvəlki redaksiyada deyilirdi:
Avtomobil
nəqliyyatı ilə sərnişin və yük
daşımalarına xüsusi razılıq (lisenziya)
verilməsinin şərtləri
29 may 2015-ci il tarixli 1303-IVQD nömrəli Azərbaycan Respublikasının Qanunu (“Respublika” qəzeti, 11 avqust 2015-ci il, ¹ 171, Azərbaycan Respublikasının
Qanunvericilik Toplusu, 2015-ci il, ¹ 8, maddə 903) ilə 13.3.1-ci maddədə “(rayondaxili)” sözündən
sonra, 13.3.2-ci maddədə “(rayonlararası)”
sözündən sonra və 13.3.3-cü maddədə “beynəlxalq”
sözündən sonra “müntəzəm”
sözü əlavə edilmişdir.
29 may 2015-ci il tarixli 1303-IVQD nömrəli Azərbaycan Respublikasının Qanunu (“Respublika” qəzeti, 11 avqust 2015-ci il, ¹ 171, Azərbaycan Respublikasının
Qanunvericilik Toplusu, 2015-ci il, ¹ 8, maddə 903) ilə yeni məzmunda 15-1-ci maddə
əlavə edilmişdir.
29 may 2015-ci il tarixli 1303-IVQD
nömrəli Azərbaycan Respublikasının Qanunu (“Respublika” qəzeti, 11 avqust 2015-ci
il, ¹ 171, Azərbaycan Respublikasının
Qanunvericilik Toplusu, 2015-ci il, ¹ 8, maddə 903) ilə yeni məzmunda
14.1-1-ci maddə əlavə edilmişdir.
əvvəlki redaksiyada deyilirdi:
14.1.4. hüquqi şəxsin və ya
fərdi sahibkarın mülki məsuliyyətin icbari sığortası.
29 may 2015-ci il tarixli 1303-IVQD nömrəli Azərbaycan Respublikasının Qanunu (“Respublika” qəzeti, 11 avqust 2015-ci il, ¹ 171, Azərbaycan Respublikasının
Qanunvericilik Toplusu, 2015-ci il, ¹ 8, maddə 903) ilə 15.4-cü maddənin
üçüncü cümləsində “və nəticəsi barədə müraciət
edən şəxsə yazılı formada bildirilir”
sözləri çıxarılmışdır və yeni
məzmunda dördüncü cümlə əlavə
edilmişdir.
29 may 2015-ci il tarixli 1303-IVQD nömrəli Azərbaycan Respublikasının Qanunu (“Respublika” qəzeti, 11 avqust 2015-ci il, ¹ 171, Azərbaycan Respublikasının
Qanunvericilik Toplusu, 2015-ci il, ¹ 8, maddə 903) ilə 15.3-cü maddənin ikinci
cümləsi yeni redaksiyada verilmişdir.
əvvəlki redaksiyada deyilirdi:
Avtonəqliyyat vasitəsindən
icarə və ya etibarnamə əsasında istifadə
edildikdə, lisenziya kartının etibarlılıq
müddəti xüsusi razılığın (lisenziyanın)
qüvvədə olma müddətindən artıq olmamaqla,
icarə müqaviləsinin yaxud etibarnamənin
qüvvədə olma müddəti ilə müəyyən
edilir.
29 may 2015-ci il tarixli 1303-IVQD nömrəli Azərbaycan Respublikasının Qanunu (“Respublika” qəzeti, 11 avqust 2015-ci il, ¹ 171, Azərbaycan Respublikasının
Qanunvericilik Toplusu, 2015-ci il, ¹ 8, maddə 903) ilə 14.2.7-ci maddədə “sərnişin avtonəqliyyat vasitələrinin,”
sözlərindən sonra “o
cümlədən taksi minik avtomobillərinin,”
sözləri əlavə edilmişdir.
29 may 2015-ci il tarixli 1303-IVQD nömrəli Azərbaycan Respublikasının Qanunu (“Respublika” qəzeti, 11 avqust 2015-ci il, ¹ 171, Azərbaycan Respublikasının
Qanunvericilik Toplusu, 2015-ci il, ¹ 8, maddə 903) ilə 14.2.9-cu maddədə “lisenziya almaq üçün”
sözləri “lisenziyalaşdırmaya
təqdim edilmiş hər bir avtonəqliyyat vasitəsi
üçün” sözləri ilə əvəz
edilmişdir.
20 oktyabr 2015-ci il tarixli 1405-IVQD nömrəli Azərbaycan Respublikasının Qanunu (“Respublika” qəzeti, 23 dekabr 2015-ci il, ¹ 283, Azərbaycan
Respublikasının Qanunvericilik Toplusu, 2015-ci il, ¹ 12, maddə
1439) ilə 14.1.2-ci maddədə “buraxılmış”
sözündən sonra “Azərbaycan
Respublikasının dövlət standartları ilə
müəyyən edilmiş tələblərə cavab
verən” sözləri əlavə edilmişdir.
20 oktyabr 2015-ci il tarixli 1405-IVQD nömrəli Azərbaycan Respublikasının Qanunu (“Respublika” qəzeti, 23 dekabr 2015-ci il, ¹ 283, Azərbaycan
Respublikasının Qanunvericilik Toplusu, 2015-ci il, ¹ 12, maddə
1439) ilə 14.2.4-cü
maddədə “məlumat”
sözündən sonra “(ərizədə
qeyd olunmaqla)” sözləri əlavə edilmişdir.
20 oktyabr 2015-ci il tarixli 1405-IVQD nömrəli Azərbaycan Respublikasının Qanunu (“Respublika” qəzeti, 23 dekabr 2015-ci il, ¹ 283, Azərbaycan
Respublikasının Qanunvericilik Toplusu, 2015-ci il, ¹ 12, maddə
1439) ilə 14.2.5-ci maddədə “həmin avtonəqliyyat
vasitələrinin” sözləri “Azərbaycan Respublikasının dövlət
standartları ilə müəyyən edilmiş istismar
müddəti tələblərinə cavab verdiyini təsdiq
edən avtonəqliyyat vasitələrinin buraxılış
ili haqda və” sözləri ilə əvəz
edilmişdir.
20 oktyabr 2015-ci il tarixli 1405-IVQD nömrəli Azərbaycan Respublikasının Qanunu (“Respublika” qəzeti, 23 dekabr 2015-ci il, ¹ 283, Azərbaycan
Respublikasının Qanunvericilik Toplusu, 2015-ci il, ¹ 12, maddə
1439) ilə 15.5-ci maddənin birinci
cümlədə “sərnişin”
sözü “Taksi minik
avtomobilləri ilə sərnişin daşımaları
istisna olmaqla, sərnişin” sözləri ilə
əvəz edilmişdir və yeni məzmunda
üçüncü cümlə əlavə edilmişdir.
20 oktyabr 2015-ci il tarixli 1405-IVQD nömrəli Azərbaycan Respublikasının Qanunu (“Respublika” qəzeti, 23 dekabr 2015-ci il, ¹ 283, Azərbaycan
Respublikasının Qanunvericilik Toplusu, 2015-ci il, ¹ 12, maddə
1439) ilə 15.4-cü maddənin
dördüncü cümləsində “üçün” sözündən sonra “(avtonəqliyyat vasitəsinin
başqası ilə əvəz olunması halları istisna
olmaqla)” sözləri əlavə edilmişdir.
20 oktyabr 2015-ci il tarixli 1405-IVQD
nömrəli Azərbaycan Respublikasının Qanunu (“Respublika” qəzeti, 23 dekabr 2015-ci
il, ¹ 283, Azərbaycan Respublikasının Qanunvericilik Toplusu,
2015-ci il, ¹ 12, maddə 1439) ilə 15.2.6-cı
maddədə “avtonəqliyyat”
sözündən əvvəl “bu
Qanunla müəyyən edilmiş hallarda” sözləri
əlavə edilmişdir.
20 oktyabr 2015-ci il tarixli 1405-IVQD
nömrəli Azərbaycan Respublikasının Qanunu (“Respublika” qəzeti, 23 dekabr 2015-ci
il, ¹ 283) ilə 15.1-ci maddəyə yeni məzmunda ikinci
cümlə əlavə edilmişdir.
20 oktyabr 2015-ci il tarixli 1405-IVQD nömrəli Azərbaycan Respublikasının Qanunu (“Respublika” qəzeti, 23 dekabr 2015-ci il, ¹ 283, Azərbaycan
Respublikasının Qanunvericilik Toplusu, 2015-ci il, ¹ 12, maddə
1439) ilə yeni məzmunda 14.2.8-1-ci
maddə əlavə
edilmişdir.
1 fevral 2019-cu il tarixli 1476-VQD nömrəli Azərbaycan
Respublikasının Qanunu (“Azərbaycan” qəzeti, 15 mart
2019-cu il, ¹ 60, Azərbaycan Respublikasının Qanunvericilik
Toplusu, 2019-cu il, ¹ 3, maddə 374) ilə 14.2.6-cı maddəyə “kateqoriyalı”
sözündən sonra “(altkateqoriyalı)”
sözü əlavə edilmişdir.
24 aprel 2020-ci il tarixli 60-VIQD
nömrəli Azərbaycan
Respublikasının Qanunu (“Azərbaycan” qəzeti, 3 iyun 2020-ci
il, ¹ 104,
Azərbaycan Respublikasının Qanunvericilik Toplusu, 2020-ci il, ¹
6, maddə 663) ilə 14.2.5-ci maddədə “və digər qanuni əsaslarla istifadə (icarə,
etibarnamə və s.)” sözləri “, icarə və ya istifadə” sözləri ilə
əvəz edilmişdir.
24 aprel 2020-ci il tarixli 60-VIQD
nömrəli Azərbaycan
Respublikasının Qanunu (“Azərbaycan” qəzeti, 3 iyun 2020-ci
il, ¹ 104,
Azərbaycan Respublikasının Qanunvericilik Toplusu, 2020-ci il, ¹
6, maddə 663) ilə 14.2.4-cü maddədə “və digər qanuni əsaslarla sərəncamında”
sözləri “,
icarəsində və ya istifadəsində” sözləri
ilə əvəz edilmişdir.
24 aprel 2020-ci il tarixli 60-VIQD nömrəli Azərbaycan Respublikasının
Qanunu (“Azərbaycan” qəzeti, 3 iyun 2020-ci il, ¹ 104, Azərbaycan Respublikasının
Qanunvericilik Toplusu, 2020-ci il, ¹ 6, maddə 663)
ilə 14.1.2-ci maddədə “hüququ və ya digər qanuni
əsaslarla” sözləri “,
icarə və ya istifadə hüququ ilə” sözləri
ilə əvəz edilmişdir.
17 fevral 2023-cü il tarixli 814-VIQD nömrəli Azərbaycan Respublikasının Qanunu (Azərbaycan Dövlət
İnformasiya Agentliyinin (AZƏRTAC-ın) rəsmi internet
saytı, 8 aprel 2023-cü il, “Azərbaycan”
qəzeti, 9 aprel 2023-cü il, ¹ 73, Azərbaycan
Respublikasının Qanunvericilik Toplusu, 2023-cü il, ¹ 4,
maddə 452) ilə 15.7-ci maddəsinin ikinci cümləsində “kütləvi
informasiya vasitələrində” sözləri “mediada” sözü ilə əvəz edilmişdir.
14 iyul 2023-cü il tarixli 973-VIQD nömrəli Azərbaycan Respublikasının Qanunu (Azərbaycan Dövlət
İnformasiya Agentliyinin (AZƏRTAC-ın) rəsmi internet
saytı, 18 avqust 2023-cü il, “Azərbaycan”
qəzeti, 20 avqust 2023-cü il, ¹ 177, Azərbaycan
Respublikasının Qanunvericilik Toplusu, 2023-cü il, ¹ 8, I
kitab, maddə 1121) ilə
13 – 15-1-ci maddələr yeni redaksiyada verilmişdir.
əvvəlki redaksiyada deyilirdi:
Maddə 13.
Avtomobil nəqliyyatı ilə sərnişin və yük
daşımalarının lisenziyalaşdırılması
13.1. Avtomobil
nəqliyyatı ilə sərnişin və yük
daşımaları xidmətlərinin
istehlakçılarının qanuni maraqlarının
qorunması, bu sahədə inhisarçılığın
qarşısının alınması, daşımaların
təhlükəsizliyinin, ətraf mühitin və
əməyin mühafizəsinin təmin olunması
məqsədilə bu fəaliyyət növləri ilə
məşğul olan hüquqi şəxslərin və
fərdi sahibkarların fəaliyyəti
lisenziyalaşdırılır.
13.2. Bu Qanunla
müəyyən edilmiş hallar istisna edilməklə,
xüsusi razılıq (lisenziya) olmadan və ya digər
şəxslərə məxsus xüsusi razılıq (lisenziya)
əsasında sərnişin və yük
daşımalarının yerinə yetirilməsinə yol
verilmir.
13.3. Xüsusi
razılıq (lisenziya) avtomobil nəqliyyatı ilə
sərnişin və yük daşımalarının
aşağıdakı növlərinin yerinə yetirilməsi
üçün verilir:
13.3.1. şəhərdaxili
(rayondaxili) müntəzəm sərnişin
daşımalarına;
13.3.2.
şəhərlərarası (rayonlararası) müntəzəm sərnişin
daşımalarına;
13.3.3. beynəlxalq müntəzəm sərnişin
daşımalarına;
13.3.4. taksi minik
avtomobilləri ilə sərnişin daşımalarına;
13.3.5. ölkədaxili
yük daşımalarına;
13.3.6. beynəlxalq yük
daşımalarına.
13.4. Avtomobil
nəqliyyatı ilə sərnişin və yük
daşınması sahəsində fəaliyyət
üçün bu Qanunun 13.3-cü maddəsində
nəzərdə tutulmuş hər bir daşıma
növü üzrə ayrıca xüsusi razılıq
(lisenziya) tələb olunur.
13.5. Avtomobil nəqliyyatı
ilə beynəlxalq yük daşınmasına verilmiş
xüsusi razılıq (lisenziya) əsasında yük
daşıyıcısı ölkədaxili yük
daşımalarını yerinə yetirmək hüququna
malikdir.
13.6. Hüquqi
şəxslər və ya fərdi sahibkarlar
tərəfindən sərəncamlarında olan
avtonəqliyyat vasitələri ilə təsərrüfat
ehtiyacları üçün öz işçilərinin
və ya yüklərinin daşınmasına xüsusi
razılıq (lisenziya) tələb olunmur.
13.7. Avtomobil
nəqliyyatı ilə sərnişin və yük
daşınmasına xüsusi razılıq (lisenziya)
qanunvericiliklə nəzərdə tutulmuş qaydada
Azərbaycan Respublikasının müvafiq icra hakimiyyəti
orqanı tərəfindən 5 il müddətinə verilir.
Maddə 14. Avtomobil
nəqliyyatı ilə sərnişin və yük
daşımaları sahəsində
lisenziyalaşdırmanın və xüsusi
razılığın (lisenziyanın) şərtləri
14.1. Avtomobil nəqliyyatı
ilə sərnişin və yük daşımaları
sahəsində lisenziyalaşdırmanın şərtləri
aşağıdakılardır:
14.1.1. hüquqi
şəxsin və ya fərdi sahibkarın vergi orqanlarında
qeydiyyatda olması;
14.1.2. hüquqi
şəxsin və ya fərdi sahibkarın mülkiyyət, icarə və ya istifadə hüququ ilə təyinatına,
konstruksiyasına, habelə daxili və xarici avadanlıqla
təchizatına görə yük və sərnişin
daşımalarının yerinə yetirilməsi
üçün nəzərdə tutulmuş və
qanunvericiliklə müəyyən edilmiş qaydada yol
hərəkətinə buraxılmış Azərbaycan Respublikasının dövlət
standartları ilə müəyyən edilmiş
tələblərə cavab verən avtonəqliyyat
vasitələrinə malik olması;
14.1.3. hüquqi
şəxsin və ya fərdi sahibkarın müəyyən
edilmiş tələblərə cavab verən və bu Qanunun
27.3-cü və 50.5-ci maddələri ilə nəzərdə
tutulmuş xüsusi hazırlıq keçmiş
avtonəqliyyat vasitələrinin sürücüləri
ilə əmək müqaviləsinin olması;
14.1.4.
avtonəqliyyat vasitəsi ilə daşınan
sərnişinlərin (şəhərdaxili və ya
qəsəbədaxili daşınan sərnişinlər
istisna olmaqla) fərdi qəza sığortası üzrə, avtonəqliyyat
vasitəsi sahiblərinin mülki məsuliyyətinin,
həmçinin avtonəqliyyat vasitəsi
sürücüsünün bədbəxt hadisələr
və peşə xəstəlikləri nəticəsində
peşə əmək qabiliyyətinin itirilməsi
hallarından icbari sığortalanması.
14.1-1. Avtomobil nəqliyyatı ilə
sərnişin və yük daşımalarına verilmiş
xüsusi razılığın (lisenziyanın)
şərtləri aşağıdakılardır:
14.1-1.1. müvafiq icra hakimiyyəti
orqanının avtomobil
nəqliyyatı ilə sərnişinlərin, baqajın
və yüklərin daşınmasına dair
müəyyən etdiyi qaydalara riayət edilməsi;
14.1-1.2. avtomobil nəqliyyatı ilə
daşınan sərnişinlərin (şəhərdaxili
və ya qəsəbədaxili daşınan
sərnişinlər istisna olmaqla) fərdi qəza
sığortası üzrə və avtonəqliyyat
vasitəsi sahiblərinin mülki məsuliyyətinin icbari
sığortalanması;
14.1-1.3. avtomobil nəqliyyatı ilə
sərnişin və yük daşımaları
sahəsində vergi qanunvericiliyinin tələblərinə
əməl olunması;
14.1-1.4. avtonəqliyyat vasitələrinin
sürücülərinin iş və istirahət rejiminə,
iş şəraitinin xüsusiyyətlərinə dair
müvafiq icra hakimiyyəti orqanının müəyyən
etdiyi tələblərə əməl olunması;
14.1-1.5. ümumi
istifadədə olan sərnişin avtonəqliyyat
vasitələrinin, o cümlədən taksi minik avtomobillərinin,
habelə beynəlxalq yük daşımalarında istifadə
edilən avtonəqliyyat vasitələrinin
sürücülərinin xüsusi hazırlıq
keçmələri.
14.2. Avtomobil
nəqliyyatı ilə sərnişin və yük
daşımalarına xüsusi razılıq (lisenziya) almaq
üçün hüquqi şəxs və ya fərdi sahibkar
tərəfindən lisenziya verən dövlət orqanına
aşağıdakı sənədlər və məlumatlar
təqdim edilir:
14.2.1. müvafiq icra
hakimiyyəti orqanının təsdiq etdiyi formada
ərizə;
14.2.2. hüquqi
şəxsin dövlət qeydiyyatı haqqında
şəhadətnaməsinin və ya hüquqi
şəxslərin dövlət reyestrindən
çıxarışının surəti;
14.2.3.
ərizəçinin vergi orqanları tərəfindən
qeydiyyata alınması haqqında müvafiq sənədin
surəti;
14.2.4.
mülkiyyətində, icarəsində və ya
istifadəsində olan avtonəqliyyat vasitələrinin ümumi və
növlər üzrə sayı haqqında məlumat (ərizədə qeyd olunmaqla);
14.2.5. sərnişin və
ya yük daşımaları üçün istifadə
olunması nəzərdə tutulmuş avtonəqliyyat
vasitələrinin hər biri üçün müvafiq hüquqi
şəxsin və ya fərdi sahibkarın mülkiyyət, icarə və ya istifadə hüququnu təsdiq
edən sənədlərin, habelə Azərbaycan Respublikasının dövlət
standartları ilə müəyyən edilmiş istismar
müddəti tələblərinə cavab verdiyini təsdiq
edən avtonəqliyyat vasitələrinin buraxılış
ili haqda və qanunla müəyyən
edilmiş hallarda
texniki baxışdan keçdiyi haqda məlumatın
göstərildiyi dövlət qeydiyyatı
şəhadətnaməsinin surəti;
14.2.6.
sürücülərin müvafiq kateqoriyalı (altkateqoriyalı)
sürücülük vəsiqəsinin və
qanunvericiliklə nəzərdə tutulmuş hallarda zəruri
iş stajı və ya sürücülük
təcrübəsi barədə təsdiqedici
sənədlərin surəti;
14.2.7. ümumi istifadədə
olan sərnişin avtonəqliyyat vasitələrinin, o cümlədən taksi
minik avtomobillərinin, habelə beynəlxalq yük
daşımalarında istifadə edilən avtonəqliyyat
vasitələrinin sürücülərinin xüsusi
hazırlıq keçməsini təsdiq edən sənədlərin
surətləri;
14.2.8. bu
Qanunun 14.1.4-cü maddəsinə uyğun olaraq müvafiq icbari sığorta
şəhadətnaməsinin surəti;
14.2.8-1. taksi minik avtomobilləri ilə sərnişin
daşınması üçün nəzərdə
tutulmuş avtonəqliyyat vasitəsinin təchiz olunduğu
taksometrin metroloji yoxlamadan keçməsini təsdiq edən,
müvafiq icra hakimiyyəti orqanı tərəfindən
akkreditasiya olunan qurumlar tərəfindən verilmiş yoxlama
haqqında şəhadətnamə.
14.2.9. lisenziyalaşdırmaya
təqdim edilmiş hər bir avtonəqliyyat vasitəsi
üçün dövlət rüsumunun ödənildiyini təsdiq
edən sənəd (bu maddə ilə nəzərdə
tutulmuş digər sənədlərdə
çatışmazlıqlar müəyyən
edilmədikdə təqdim olunur).
14.3. Xüsusi
razılıq (lisenziya) verən müvafiq icra hakimiyyəti
orqanı avtomobil nəqliyyatı ilə sərnişin və
yük daşımalarına xüsusi razılıq (lisenziya)
verərkən bu Qanunun 15.5-ci maddəsində
nəzərdə tutulmuş qaydada avtonəqliyyat
vasitəsinin müəyyən olunmuş
tələblərə uyğunluğunu nəzərə
almalıdır.
14.4. Sərnişin və
yük daşımalarına xüsusi razılıq (lisenziya)
almaq üçün hüquqi şəxs və ya fərdi
sahibkar tərəfindən təqdim edilmiş
sənədlərdəki məlumatların düzgünlüyünə
görə həmin şəxslər məsuliyyət
daşıyır.
Maddə 15.
Avtomobil nəqliyyatı ilə sərnişin və yük
daşımalarının lisenziyalaşdırılmasının
xüsusiyyətləri
15.1. Avtomobil
nəqliyyatı ilə sərnişin və yük
daşımalarına verilən xüsusi razılığa
(lisenziyaya) onu almış daşıyıcının
sərəncamında olan avtonəqliyyat vasitələrinin
sayına uyğun olaraq lisenziya kartları əlavə edilir. Lisenziya kartı
daşıyıcının həmin avtonəqliyyat
vasitəsi ilə sərnişin və yük
daşımalarını həyata keçirmək
üçün xüsusi razılığa (lisenziyaya) malik
olduğunu təsdiq edir və müvafiq xüsusi razılıq
(lisenziya) verilərkən təqdim edilir.
15.2. Lisenziya kartında
aşağıdakılar göstərilir:
15.2.1. lisenziya
kartının nömrəsi və verilmə tarixi;
15.2.2. xüsusi
razılığın (lisenziyanın) qeydiyyat nömrəsi,
tarixi və qüvvədə olma müddəti;
15.2.3. xüsusi razılıq
(lisenziya) sahibinin adı və ünvanı;
15.2.4. avtonəqliyyat
vasitəsinin markası, növü və dövlət
qeydiyyat nişanı barədə məlumatlar;
15.2.5. daşımaların
növü (müntəzəm sərnişin
daşımalarında müvafiq müntəzəm
marşrutun nömrəsi göstərilməklə);
15.2.6. bu Qanunla müəyyən edilmiş hallarda
avtonəqliyyat vasitəsinin rüblük texniki yoxlamadan
keçməsi barədə qeydlər;
15.2.7. lisenziya
kartını vermiş səlahiyyətli orqanın
möhürü və vəzifəli şəxsinin
imzası;
15.2.8. lisenziya
kartının etibarlılıq müddəti.
15.3. Lisenziya kartının
etibarlılıq müddəti xüsusi
razılığın (lisenziyanın) qüvvədə olma
müddəti ilə eynidir. Avtonəqliyyat
vasitəsindən icarə və ya digər əşya
hüquqları əsasında istifadə edildikdə, lisenziya
kartının etibarlılıq müddəti xüsusi
razılığın (lisenziyanın) qüvvədə olma
müddətindən artıq olmamaqla, icarə
müqaviləsinin yaxud digər əşya
hüquqlarının qüvvədə olma müddəti
ilə müəyyən edilir.
15.4. Sərəncamında
olan avtonəqliyyat vasitələrinin sayı
dəyişdikdə yaxud avtonəqliyyat vasitəsi
başqası ilə əvəz olunduqda, hüquqi şəxs
və ya fərdi sahibkar sərnişin və yük
daşınmasına xüsusi razılıq (lisenziya)
vermiş orqana əlavə lisenziya kartlarının
verilməsi haqqında ərizə ilə müraciət
etməlidir. Ərizəyə bu Qanunun 14.2.4-cü, 14.2.5-ci,
14.2.6-cı və 14.2.7-ci maddələrində
müəyyən edilmiş sənədlər əlavə
olunmalıdır. Əlavə lisenziya kartlarının
verilməsi haqqında ərizəyə 10 gün
müddətində baxılır və nəticəsi
barədə müraciət edən şəxsə
yazılı formada bildirilir. Sənədlərdə
çatışmazlıqlar müəyyən
edilmədikdə hər bir avtonəqliyyat vasitəsi
üçün (avtonəqliyyat vasitəsinin başqası
ilə əvəz olunması halları istisna olmaqla)
dövlət rüsumunun ödənildiyini təsdiq edən sənəd
təqdim olunur.
15.5. Taksi minik avtomobilləri ilə sərnişin
daşımaları istisna olmaqla, sərnişin və
yük daşımaları üçün avtonəqliyyat
vasitəsinə lisenziya kartı verilərkən, habelə
lisenziya kartı verildikdən sonra rübdə bir dəfə
həmin avtonəqliyyat vasitəsinin texniki, istismar,
təhlükəsizlik və ekoloji tələblərə
uyğunluğu Azərbaycan Respublikasının müvafiq icra
hakimiyyəti orqanı tərəfindən yoxlanılır.
Həmin yoxlamanın aparılması qaydası müvafiq icra
hakimiyyəti orqanı tərəfindən müəyyən
edilir. Taksi minik avtomobilləri
ilə sərnişin daşımalarına xüsusi
razılıq (lisenziya) verilərkən və həmin
avtomobillərlə sərnişin daşımalarının
həyata keçirilməsi zamanı avtonəqliyyat
vasitəsinin texniki, istismar, təhlükəsizlik və
ekoloji tələblərə uyğunluğu “Yol
hərəkəti haqqında” Azərbaycan
Respublikasının Qanunu ilə müəyyən edilmiş
qaydada verilən nəqliyyat vasitəsinin texniki baxış
talonu ilə müəyyən edilir.
15.6. Sərnişin və
yük daşınmasına verilmiş xüsusi razılıq
(lisenziya) ləğv edildikdə, qüvvəsi
dayandırıldıqda və ya daşımalarda istifadə
edilən sərnişin və ya yük avtonəqliyyat
vasitəsi rüblük texniki yoxlamadan keçmədikdə,
lisenziya kartları daşıyıcıdan geri alınır.
15.7. Nəqliyyat
xidmətlərinin səmərəliliyinin və
keyfiyyətinin artırılması məqsədilə
Azərbaycan Respublikasının müvafiq icra hakimiyyəti
orqanı tərəfindən avtomobil nəqliyyatı ilə
daşımaların və ya avtonəqliyyat
vasitələrinin müəyyən növləri
üçün xüsusi razılığın
(lisenziyanın) yaxud lisenziya kartlarının sayına
məhdudiyyətlər tətbiq edilə bilər. Müvafiq
icra hakimiyyəti orqanı məhdudiyyətləri tədbiq
etməzdən 60 gün əvvəl mediada məlumat verir.
Maddə 15-1. Avtomobil nəqliyyatı ilə
sərnişin və yük daşımalarına verilmiş
xüsusi razılığın (lisenziyanın)
qüvvəsinin dayandırılması və ya ləğv
edilməsi
15-1.1. Müvafiq icra hakimiyyəti
orqanı avtomobil nəqliyyatı ilə sərnişin və
yük daşımalarına verilmiş xüsusi
razılığın (lisenziyanın) qüvvəsini
aşağıdakı hallarda dayandırır:
15-1.1.1. lisenziya almış hüquqi
şəxs və ya fərdi sahibkar tərəfindən
müvafiq ərizə təqdim edildikdə;
15-1.1.2. lisenziya almış hüquqi
şəxsin və ya fərdi sahibkarın fəaliyyəti
dayandırıldıqda;
15-1.1.3. hüquqi şəxs və ya
fərdi sahibkar bu Qanunun 14.1-1-ci maddəsində
nəzərdə tutulmuş xüsusi razılığın
(lisenziyanın) şərtlərini pozduğuna görə il
ərzində azı beş dəfə inzibati məsuliyyətə
cəlb edildikdə.
15-1.2. Müvafiq icra hakimiyyəti
orqanı lisenziyanın qüvvəsinin
dayandırılması haqqında qərar qəbul etdiyi andan
5 gün müddətində yazılı şəkildə
lisenziya almış hüquqi şəxsə və ya
fərdi sahibkara, habelə müvafiq icra hakimiyyəti
orqanına məlumat göndərir. Lisenziyanın
qüvvəsinin dayandırılması müddəti
lisenziyanın qüvvədə olma müddətinə
təsir etmir.
15-1.3. Lisenziyanın qüvvəsinin
dayandırılmasına səbəb olan hallar aradan
qaldırıldıqdan sonra lisenziyanın qüvvəsi
lisenziya almış hüquqi şəxsin və ya fərdi
sahibkarın müraciətinə əsasən bərpa edilir.
Müvafiq icra hakimiyyəti orqanı lisenziyanın
qüvvəsinin bərpa edilməsi barədə qərar
qəbul etdiyi andan 5 gün müddətində yazılı
şəkildə lisenziya almış hüquqi
şəxsə və ya fərdi sahibkara, habelə müvafiq
icra hakimiyyəti orqanına məlumat göndərir.
15-1.4. Müvafiq icra hakimiyyəti
orqanı avtomobil nəqliyyatı ilə sərnişin və
yük daşımalarına verilmiş xüsusi
razılığı (lisenziyanı) aşağıdakı
hallarda ləğv edir:
15-1.4.1. lisenziya almış hüquqi
şəxs və ya fərdi sahibkar tərəfindən
müvafiq ərizə təqdim edildikdə;
15-1.4.2. məhkəmənin müvafiq
qərarı olduqda;
15-1.4.3. lisenziya almış hüquqi
şəxs ləğv edildikdə və ya fərdi sahibkar
vəfat etdikdə;
15-1.4.4. lisenziya verilməsi
üçün təqdim edilən sənədlərdə
yanlış məlumat aşkar edildikdə;
15-1.4.5. lisenziya almış hüquqi
şəxs və ya fərdi sahibkarın
müflisləşməsi faktı “Müflisləşmə
və iflas haqqında” Azərbaycan Respublikasının Qanununa
uyğun olaraq təsdiq edildikdə.
15-1.5. Müvafiq icra hakimiyyəti
orqanı lisenziyanın ləğv edilməsi haqqında
qərar qəbul etdiyi andan 5 gün müddətində
yazılı şəkildə lisenziya almış hüquqi
şəxsə və ya fərdi sahibkara, habelə müvafiq
icra hakimiyyəti orqanına məlumat göndərir.
15-1.6. Hüquqi
şəxs və ya fərdi sahibkar bu Qanunun 15-1-ci
maddəsinə əsasən qəbul edilmiş qərarlardan
inzibati və məhkəmə qaydasında şikayət
etmək hüququna malikdir.
3 mart 2026-cı il tarixli 375-VIIQD nömrəli Azərbaycan Respublikasının
Qanunu (Azərbaycan Dövlət İnformasiya Agentliyinin
(AZƏRTAC-ın) rəsmi internet saytı,
31 mart 2026-cı il, “Azərbaycan” qəzeti, 1 aprel 2026-cı il, ¹ 53, Azərbaycan Respublikasının Qanunvericilik Toplusu,
2026-cı il, ¹ 3, maddə 213) ilə 15-1.2-ci maddədən ikinci halda
“ya” sözü çıxarılmışdır.
[38] 14 iyul 2023-cü il tarixli 973-VIQD nömrəli Azərbaycan Respublikasının Qanunu (Azərbaycan Dövlət
İnformasiya Agentliyinin (AZƏRTAC-ın) rəsmi internet
saytı, 18 avqust 2023-cü il, “Azərbaycan”
qəzeti, 20 avqust 2023-cü il, ¹ 177, Azərbaycan
Respublikasının Qanunvericilik Toplusu, 2023-cü il, ¹ 8, I
kitab, maddə 1121) ilə
20.1-ci maddə yeni redaksiyada verilmişdir.
əvvəlki
redaksiyada deyilirdi:
20.1.
Taksi minik avtomobilləri ilə sərnişin
daşımaları xüsusi razılığa (lisenziyaya)
malik olan daşıyıcılar tərəfindən metroloji
yoxlamadan keçmiş taksometrin göstəriciləri üzrə,
ödəniş əsasında yerinə yetirilir.
[39]
14 iyul 2023-cü il tarixli 973-VIQD
nömrəli Azərbaycan
Respublikasının Qanunu (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 18 avqust 2023-cü il, “Azərbaycan” qəzeti, 20 avqust
2023-cü il, ¹ 177, Azərbaycan
Respublikasının Qanunvericilik Toplusu, 2023-cü il, ¹ 8, I
kitab, maddə 1121) ilə 20.2-ci maddəyə “daşımaları”
sözündən sonra “buraxılış
kartında” sözləri əlavə edilmişdir.
[40] 15 dekabr 2017-ci il tarixli 952-VQD nömrəli Azərbaycan
Respublikasının Qanunu (“Azərbaycan”
qəzeti, 19 yanvar 2018-ci il, ¹ 13, Azərbaycan Respublikasının
Qanunvericilik Toplusu, 2018-ci il, ¹ 1, maddə 22) ilə 20.3-cü maddədə “avtonəqliyyat
vasitələri üçün müəyyən olunmuş
dayanacaqlardan” sözləri “xüsusi
olaraq müəyyən edilmiş və müvafiq qaydada
işarələnmiş taksi minik avtomobillərinin duracaq
yerlərindən” sözləri ilə əvəz
edilmişdir.
[41]
14 iyul 2023-cü il tarixli 973-VIQD
nömrəli Azərbaycan
Respublikasının Qanunu (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 18 avqust 2023-cü il, “Azərbaycan” qəzeti, 20 avqust
2023-cü il, ¹ 177, Azərbaycan
Respublikasının Qanunvericilik Toplusu, 2023-cü il, ¹ 8, I
kitab, maddə 1121) ilə 21.2-ci maddəyə yeni
məzmunda ikinci cümlə əlavə edilmişdir.
[42]
14 iyul 2023-cü il tarixli 973-VIQD
nömrəli Azərbaycan
Respublikasının Qanunu (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 18 avqust 2023-cü il, “Azərbaycan” qəzeti, 20 avqust
2023-cü il, ¹ 177, Azərbaycan
Respublikasının Qanunvericilik Toplusu, 2023-cü il, ¹ 8, I
kitab, maddə 1121) ilə yeni məzmunda 21.8-ci və 21.9-cu
maddələr əlavə edilmişdir.
[43] 29 may 2015-ci il tarixli 1303-IVQD nömrəli Azərbaycan Respublikasının Qanunu (“Respublika” qəzeti, 11 avqust 2015-ci il, ¹ 171, Azərbaycan Respublikasının
Qanunvericilik Toplusu, 2015-ci il, ¹ 8, maddə 903) ilə yeni məzmunda 21-1-ci maddə
əlavə edilmişdir.
[44]
31 oktyabr 2025-ci il tarixli 280-VIIQD
nömrəli Azərbaycan
Respublikasının Qanunu (Azərbaycan Dövlət İnformasiya
Agentliyinin (AZƏRTAC-ın) rəsmi internet saytı, 28 noyabr 2025-ci il, “Azərbaycan” qəzeti, 29 noyabr
2025-ci il, ¹ 253, Azərbaycan
Respublikasının Qanunvericilik Toplusu, 2025-ci il, ¹ 11, maddə
1010) ilə 21-1.3.2-ci maddədə “dayanacaqlarda” sözü “dayanacaq
məntəqələrində” sözləri ilə
əvəz edilmişdir.
[45]
14 iyul 2023-cü il tarixli 973-VIQD
nömrəli Azərbaycan
Respublikasının Qanunu (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 18 avqust 2023-cü il, “Azərbaycan” qəzeti, 20 avqust
2023-cü il, ¹ 177, Azərbaycan
Respublikasının Qanunvericilik Toplusu, 2023-cü il, ¹ 8, I kitab,
maddə 1121) ilə 22.2-ci maddədə “müvafiq formada tərtib
edilən” sözləri “müvafiq
icra hakimiyyəti orqanının müəyyən etdiyi
orqanın (qurumun) informasiya sistemində elektron qaydada doldurulan
elektron” sözləri ilə əvəz edilmişdir.
[46] 31 oktyabr 2017-ci il tarixli 843-VQD nömrəli Azərbaycan
Respublikasının Qanunu (“Azərbaycan”
qəzeti, 13 dekabr 2017-ci il, ¹ 275, Azərbaycan Respublikasının
Qanunvericilik Toplusu, 2017-ci il, ¹ 12, I kitab maddə 2211) ilə 22.3-cü maddənin birinci cümləsinə “(biletə)” sözündən
sonra “(gediş haqqının
elektron qaydada ödənildiyi hallar istisna olmaqla)”
sözləri əlavə edilmişdir.
[47]
14 iyul 2023-cü il tarixli 973-VIQD
nömrəli Azərbaycan
Respublikasının Qanunu (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 18 avqust 2023-cü il, “Azərbaycan” qəzeti, 20 avqust
2023-cü il, ¹ 177, Azərbaycan
Respublikasının Qanunvericilik Toplusu, 2023-cü il, ¹ 8, I
kitab, maddə 1121) ilə yeni məzmunda 22.3-1-ci maddə
əlavə edilmişdir.
[48] 14 iyul 2023-cü il tarixli 973-VIQD nömrəli Azərbaycan Respublikasının Qanunu (Azərbaycan Dövlət
İnformasiya Agentliyinin (AZƏRTAC-ın) rəsmi internet
saytı, 18 avqust 2023-cü il, “Azərbaycan”
qəzeti, 20 avqust 2023-cü il, ¹ 177, Azərbaycan
Respublikasının Qanunvericilik Toplusu, 2023-cü il, ¹ 8, I
kitab, maddə 1121) ilə
22.4-cü maddə yeni redaksiyada verilmişdir.
əvvəlki
redaksiyada deyilirdi:
22.4.
Qeyri-müntəzəm sərnişin daşınması
müvafiq formada tərtib edilən formulyar
(sərnişinlərin siyahısı) ilə
rəsmiləşdirilə bilər.
[49]
14 iyul 2023-cü il tarixli 973-VIQD
nömrəli Azərbaycan
Respublikasının Qanunu (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 18 avqust 2023-cü il, “Azərbaycan” qəzeti, 20 avqust
2023-cü il, ¹ 177, Azərbaycan
Respublikasının Qanunvericilik Toplusu, 2023-cü il, ¹ 8, I
kitab, maddə 1121) ilə 22.5-ci maddəyə “əmtəə-nəqliyyat”
sözlərindən əvvəl “elektron” sözü əlavə edilmişdir.
[50] 4 aprel 2014-cü il tarixli 936-IVQD nömrəli
Azərbaycan Respublikasının Qanunu (“Azərbaycan” qəzeti, 4 may 2014-cü il, ¹ 92, Azərbaycan Respublikasının Qanunvericilik Toplusu,
2014-cü il, ¹ 04, maddə 342) ilə 25.2-ci, 25.3-cü və 25.4-cü
maddələr yeni redaksiyada verilmişdir.
əvvəlki redaksiyada deyilirdi:
25.2. Avtomobil
nəqliyyatı ilə daşınan sərnişinlər
“Sərnişinlərin icbari sığortası haqqında”
Azərbaycan Respublikası Qanunu ilə müəyyən
olunmuş qaydada icbari sığorta olunmalıdırlar.
25.3. Yol-nəqliyyat
hadisələri nəticəsində şəxslərin
sağlamlığına və əmlakına vurulmuş
zərərə görə avtonəqliyyat vasitələri
sahiblərinin mülki məsuliyyətinin icbari
sığortası “Azərbaycan Respublikasında nəqliyyat
vasitələri sahiblərinin mülki məsuliyyətinin
icbari sığortası haqqında” Azərbaycan
Respublikasının Qanununa uyğun olaraq aparılır.
25.4. Sərnişinlərin, avtomobil nəqliyyatı
ilə daşımaların yerinə yetirilməsi ilə
əlaqədar olan heyət üzvlərinin
həyatının, sağlamlığının və
əmlakının, baqajın, yükün, avtonəqliyyat
vasitəsinin və kommersiya risklərinin, habelə
daşıyıcının məsuliyyətinin
sığortalanması müvafiq sığorta
müqavilələri əsasında həyata keçirilir.
[51] 26 noyabr 2020-ci il tarixli 209-VIQD
nömrəli Azərbaycan
Respublikasının Qanunu (“Azərbaycan” qəzeti, 12 yanvar
2021-ci il, ¹ 6,
Azərbaycan Respublikasının Qanunvericilik Toplusu, 2021-ci il, ¹
1, maddə 1) ilə 26.4-cü maddəsində “müvafiq icra hakimiyyəti
orqanı” sözləri “müvafiq
icra hakimiyyəti orqanının müəyyən etdiyi orqan
(qurum)” sözləri ilə əvəz edilmişdir.
[52] 29 dekabr 2020-ci il tarixli 245-VIQD
nömrəli Azərbaycan
Respublikasının Qanunu (“Azərbaycan” qəzeti, 14 yanvar
2021-ci il, ¹ 8,
Azərbaycan Respublikasının Qanunvericilik Toplusu, 2021-ci il, ¹
1, maddə 10) ilə
27-ci maddənin adında “Sərnişin
avtomobil nəqliyyatı” sözləri “Avtonəqliyyat” sözü ilə əvəz
edilmişdir.
[53] 30 sentyabr 2010-cu il tarixli 1084-IIIQD
nömrəli Azərbaycan
Respublikasının Qanunu
(“Azərbaycan” qəzeti, 21 sentyabr 2010-cu il, ¹ 229, Azərbaycan
Respublikasının Qanunvericilik Toplusu, 2010-cu il, ¹ 10, maddə 841)
ilə 27.1-ci maddədə "yaşı 21-dən" sözlərindən sonra
", "DE" kateqoriyası
üzrə nəqliyyat vasitələrini idarə etmək
hüququnu təsdiq edən sürücülük
vəsiqəsi olan, yaşı 24-dən" sözləri
əlavə edilmişdir.
12 fevral 2016-cı il tarixli 127-VQD nömrəli
Azərbaycan Respublikasının Qanunu (“Azərbaycan” qəzeti, 6 mart 2016-cı
il, ¹ 52; Azərbaycan Respublikasının Qanunvericilik Toplusu,
2016-cı il, ¹ 02, II kitab, maddə 221) ilə 27.1-ci maddəsi yeni redaksiyada
verilmişdir.
əvvəlki redaksiyada deyilirdi:
27.1. Avtobuslarla sərnişin daşımalarına “D”
kateqoriyası üzrə nəqliyyat vasitələrini
idarə etmək hüququnu təsdiq edən
sürücülük vəsiqəsi olan, yaşı
21-dən , "DE" kateqoriyası üzrə nəqliyyat
vasitələrini idarə etmək hüququnu təsdiq
edən sürücülük vəsiqəsi olan, yaşı
24-dən və avtonəqliyyat vasitələrini idarə
etmək sahəsində təcrübəsi üç
ildən az olmayan sürücülər buraxılır.
[54] 1 fevral 2019-cu il tarixli 1476-VQD
nömrəli Azərbaycan Respublikasının Qanunu (“Azərbaycan” qəzeti,
15 mart 2019-cu il, ¹ 60, Azərbaycan Respublikasının
Qanunvericilik Toplusu, 2019-cu il, ¹ 3, maddə 374) ilə 27.1.1-ci maddəyə “kateqoriyası”
sözündən sonra “və
“D1” altkateqoriyası” sözləri, “avtonəqliyyat vasitələrini”
sözlərindən əvvəl “B”,
“C” kateqoriyalarına və ya “C1” altkateqoriyasına daxil olan”
sözləri əlavə edilmişdir.
[55] 1 fevral 2019-cu il tarixli 1476-VQD
nömrəli Azərbaycan Respublikasının Qanunu (“Azərbaycan” qəzeti,
15 mart 2019-cu il, ¹ 60, Azərbaycan Respublikasının
Qanunvericilik Toplusu, 2019-cu il, ¹ 3, maddə 374) ilə yeni məzmunda 27.1.1-1-ci maddə əlavə
edilmişdir.
[56] 30 sentyabr 2010-cu il tarixli 1084-IIIQD
nömrəli Azərbaycan Respublikasının Qanunu (“Azərbaycan” qəzeti, 21
sentyabr
2010-cu il, ¹ 229, Azərbaycan Respublikasının
Qanunvericilik Toplusu, 2010-cu il, ¹ 10, maddə 841) ilə 27.2-ci
maddədə "B"
kateqoriyası" sözləri "B" və ya "BE" kateqoriyaları"
sözləri ilə əvəz edilmişdir.
20 oktyabr 2015-ci il tarixli 1405-IVQD
nömrəli Azərbaycan Respublikasının Qanunu (“Respublika” qəzeti, 23 dekabr 2015-ci
il, ¹ 283, Azərbaycan Respublikasının Qanunvericilik Toplusu,
2015-ci il, ¹ 12, maddə 1439) ilə 27.2-ci maddədə “19-dan və avtonəqliyyat
vasitələrini idarə etmək sahəsində
təcrübəsi bir ildən az olmayan” sözləri “21-dən az olmayan, iki ildən
artıq müddətdə mülkiyyətində və ya
digər qanuni əsaslarla istifadəsində (icarə,
etibarnamə və s.) olan avtonəqliyyat vasitəsini idarə
edən” sözləri ilə əvəz edilmişdir.
24 aprel 2020-ci il tarixli 60-VIQD
nömrəli Azərbaycan
Respublikasının Qanunu (“Azərbaycan” qəzeti, 3 iyun 2020-ci
il, ¹ 104,
Azərbaycan Respublikasının Qanunvericilik Toplusu, 2020-ci il, ¹
6, maddə 663) ilə 27.2-ci maddədə “və
ya digər qanuni əsaslarla istifadəsində (icarə,
etibarnamə və s.)” sözləri “, icarəsində və ya istifadəsində”
sözləri ilə əvəz edilmişdir.
3 mart 2026-cı il tarixli 375-VIIQD
nömrəli Azərbaycan
Respublikasının Qanunu (Azərbaycan Dövlət İnformasiya
Agentliyinin (AZƏRTAC-ın) rəsmi internet saytı, 31 mart 2026-cı il, “Azərbaycan” qəzeti, 1 aprel 2026-cı il, ¹ 53, Azərbaycan Respublikasının
Qanunvericilik Toplusu, 2026-cı il, ¹ 3, maddə 213) ilə 27.2-ci
maddəyə “avtomobilləri
ilə” sözlərindən sonra “, habelə qeyri-müntəzəm” sözləri
əlavə edilmişdir.
[57] 20 oktyabr 2015-ci il tarixli 1405-IVQD
nömrəli Azərbaycan Respublikasının Qanunu (“Respublika” qəzeti, 23 dekabr 2015-ci
il, ¹ 283, Azərbaycan Respublikasının Qanunvericilik Toplusu,
2015-ci il, ¹ 12, maddə 1439) ilə 27.3-cü maddədən
“, o cümlədən taksi minik
avtomobillərinin” sözləri
çıxarılmışdır və yeni məzmunda ikinci
– dördüncü cümlələr əlavə
edilmişdir.
16 dekabr 2016-cı il tarixli 469-VQD nömrəli Azərbaycan
Respublikasının Qanunu (“Azərbaycan”
qəzeti, 5 fevral 2017-ci il, ¹ 26, Azərbaycan Respublikasının
Qanunvericilik Toplusu, 2017-ci il, ¹ 02, maddə 140) ilə 27.3-cü maddənin birinci cümləsində “sərnişin avtonəqliyyat
vasitələrinin sürücüləri Azərbaycan
Respublikasının müvafiq icra hakimiyyəti orqanı
tərəfindən peşə fəaliyyətinə və
davranışına” sözləri “avtomobil nəqliyyatı ilə beynəlxalq və
ölkədaxili sərnişin və yük
daşımalarını yerinə yetirən
sürücülər Azərbaycan Respublikasının müvafiq
icra hakimiyyəti orqanı tərəfindən peşə
fəaliyyətinə və davranışına, habelə
iş və istirahət rejiminin xüsusiyyətlərinə”
sözləri ilə, “sərnişin
daşımalarını” sözləri “yük və sərnişin daşımalarını”
sözləri ilə əvəz edilmişdir.
30 noyabr 2018-ci il tarixli 1375-VQD nömrəli Azərbaycan
Respublikasının Qanunu (“Azərbaycan”
qəzeti, 29 dekabr 2018-ci il, ¹ 295, Azərbaycan Respublikasının
Qanunvericilik Toplusu, 2018-ci il, ¹ 12, I kitab, maddə 2510) ilə 27.3-cü maddənin dördüncü
cümləsində və 59-cu maddədə “müvafiq icra hakimiyyəti orqanı” sözləri “müvafiq icra hakimiyyəti
orqanının müəyyən etdiyi orqan (qurum)”
sözləri ilə əvəz edilmişdir.
29 dekabr 2020-ci il tarixli 245-VIQD
nömrəli Azərbaycan
Respublikasının Qanunu (“Azərbaycan” qəzeti, 14 yanvar
2021-ci il, ¹ 8,
Azərbaycan Respublikasının Qanunvericilik Toplusu, 2021-ci il, ¹
1, maddə 10) ilə
27.3-cü maddənin birinci cümləsindən “beynəlxalq və”
sözləri çıxarılmışdır.
14 iyul 2023-cü il tarixli 973-VIQD nömrəli Azərbaycan Respublikasının Qanunu (Azərbaycan Dövlət
İnformasiya Agentliyinin (AZƏRTAC-ın) rəsmi internet
saytı, 18 avqust 2023-cü il, “Azərbaycan”
qəzeti, 20 avqust 2023-cü il, ¹ 177, Azərbaycan
Respublikasının Qanunvericilik Toplusu, 2023-cü il, ¹ 8, I
kitab, maddə 1121) ilə 27.3-cü maddənin dördüncü
cümləsi yeni redaksiyada verilmişdir.
əvvəlki redaksiyada deyilirdi:
Xüsusi
hazırlıq müvafiq icra hakimiyyəti
orqanının müəyyən etdiyi orqan (qurum)
tərəfindən təşkil edilir və keçirilir.
[58]
14 iyul 2023-cü il tarixli 973-VIQD
nömrəli Azərbaycan
Respublikasının Qanunu (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 18 avqust 2023-cü il, “Azərbaycan” qəzeti, 20 avqust
2023-cü il, ¹ 177, Azərbaycan
Respublikasının Qanunvericilik Toplusu, 2023-cü il, ¹ 8, I
kitab, maddə 1121) ilə yeni məzmunda 27.4-cü maddə
əlavə edilmişdir.
[59] 31 oktyabr 2017-ci il tarixli 843-VQD nömrəli Azərbaycan
Respublikasının Qanunu (“Azərbaycan”
qəzeti, 13 dekabr 2017-ci il, ¹ 275, Azərbaycan Respublikasının
Qanunvericilik Toplusu, 2017-ci il, ¹ 12, I kitab maddə 2211) ilə 28.2-ci maddəyə “baqaj
qəbzi ilə” sözlərindən sonra “, yaxud gediş haqqının ödəniş
alətindən istifadə etməklə ödənilməsi
ilə” sözləri əlavə edilmişdir.
[60] 31 oktyabr 2017-ci il tarixli 843-VQD nömrəli Azərbaycan
Respublikasının Qanunu (“Azərbaycan”
qəzeti, 13 dekabr 2017-ci il, ¹ 275, Azərbaycan Respublikasının
Qanunvericilik Toplusu, 2017-ci il, ¹ 12, I kitab maddə 2211) ilə 28.3-cü maddəyə “(biletlərin)”
sözündən sonra “və
ödəniş alətinin” sözləri, “satışı”
sözündən sonra “, o
cümlədən ödəniş alətinə vəsaitin
yüklənilməsi imkanı” sözləri əlavə
edilmişdir.
[61] 31 oktyabr 2017-ci il tarixli 843-VQD nömrəli Azərbaycan
Respublikasının Qanunu (“Azərbaycan”
qəzeti, 13 dekabr 2017-ci il, ¹ 275, Azərbaycan Respublikasının
Qanunvericilik Toplusu, 2017-ci il, ¹ 12, I kitab maddə 2211) ilə 31.0.1-ci maddəyə “əldə
etmək” sözlərindən sonra “(gediş haqqı ödəniş aləti ilə
ödənildiyi hallar istisna olmaqla)” sözləri
əlavə edilmişdir və həmin maddədə “isə” sözü “, yaxud gediş haqqı
ödəniş aləti vasitəsilə
ödənildikdə” sözləri ilə əvəz
edilmişdir.
[62] 31 oktyabr 2017-ci il tarixli 843-VQD nömrəli Azərbaycan
Respublikasının Qanunu (“Azərbaycan”
qəzeti, 13 dekabr 2017-ci il, ¹ 275, Azərbaycan Respublikasının
Qanunvericilik Toplusu, 2017-ci il, ¹ 12, I kitab maddə 2211) ilə yeni məzmunda 31.0.1-1-ci maddə əlavə
edilmişdir.
[63] 31 oktyabr 2017-ci il tarixli 843-VQD nömrəli Azərbaycan
Respublikasının Qanunu (“Azərbaycan”
qəzeti, 13 dekabr 2017-ci il, ¹ 275, Azərbaycan Respublikasının
Qanunvericilik Toplusu, 2017-ci il, ¹ 12, I kitab maddə 2211) ilə 31.0.2-ci maddəyə “marşrutlarında”
sözündən sonra “(şəhərdaxili
(rayondaxili) avtobuslar istisna olmaqla)” sözləri
əlavə edilmişdir.
[64] 31 oktyabr 2017-ci il tarixli 843-VQD nömrəli Azərbaycan
Respublikasının Qanunu (“Azərbaycan”
qəzeti, 13 dekabr 2017-ci il, ¹ 275, Azərbaycan Respublikasının
Qanunvericilik Toplusu, 2017-ci il, ¹ 12, I kitab maddə 2211) ilə yeni məzmunda 31.0.2-1-ci maddə əlavə
edilmişdir.
[65] 4 aprel 2014-cü il tarixli 936-IVQD nömrəli
Azərbaycan Respublikasının Qanunu (“Azərbaycan” qəzeti, 4 may 2014-cü il, ¹ 92, Azərbaycan Respublikasının Qanunvericilik Toplusu,
2014-cü il, ¹ 04, maddə 342) ilə 31.0.9-cu maddənin sonunda nöqtə
işarəsi nöqtəli vergül işarəsi ilə
əvəz edilmişdir və yeni məzmunda 31.0.10-cu maddə
əlavə edilmişdir.
[66] 31 oktyabr 2017-ci il tarixli 843-VQD nömrəli Azərbaycan
Respublikasının Qanunu (“Azərbaycan”
qəzeti, 13 dekabr 2017-ci il, ¹ 275, Azərbaycan Respublikasının
Qanunvericilik Toplusu, 2017-ci il, ¹ 12, I kitab maddə 2211) ilə 32.0.3-cü maddəyə “almaq” və “müvafiq
sənədlərə” sözlərindən sonra “(gediş haqqı
ödəniş aləti ilə ödənildiyi hallar istisna
olmaqla)” sözləri əlavə edilmişdir.
[67] 4 aprel 2014-cü il tarixli 936-IVQD nömrəli
Azərbaycan Respublikasının Qanunu (“Azərbaycan” qəzeti, 4 may 2014-cü il, ¹ 92, Azərbaycan Respublikasının Qanunvericilik Toplusu,
2014-cü il, ¹ 04, maddə 342) ilə 34.0.2-ci maddədə “Azərbaycan Respublikasının normativ hüquqi
aktları” sözləri “İcbari
sığortalar haqqında” Azərbaycan Respublikasının
Qanunu” sözləri ilə əvəz edilmişdir.
[68] 31 oktyabr 2017-ci il tarixli 843-VQD
nömrəli Azərbaycan Respublikasının Qanunu (“Azərbaycan” qəzeti, 13 dekabr
2017-ci il, ¹ 275, Azərbaycan Respublikasının Qanunvericilik
Toplusu, 2017-ci il, ¹ 12, I kitab maddə 2211) ilə 36.0.6-cı
maddəyə “aşkar
edildikdə” sözlərindən sonra “, yaxud sərnişin gediş haqqını müəyyən
edilmiş qaydada ödəmədikdə” sözləri
əlavə edilmişdir.
[69] 24 aprel 2020-ci il tarixli 60-VIQD
nömrəli Azərbaycan
Respublikasının Qanunu (“Azərbaycan” qəzeti, 3 iyun 2020-ci
il, ¹ 104,
Azərbaycan Respublikasının Qanunvericilik Toplusu, 2020-ci il, ¹
6, maddə 663) ilə 37.1-ci maddəyə “təyinat
məntəqəsinə” sözlərindən əvvəl
“haqq müqabilində olduğu
yerdən” sözləri əlavə edilmişdir və həmin maddədə “yükgöndərən isə, müqavilədə başqa
hal nəzərdə tutulmamışdırsa,”
sözləri “yükgöndərən,
yükalan və ya onların səlahiyyətləndirdiyi
digər şəxs isə” sözləri ilə
əvəz edilmişdir.
[70]
14 iyul 2023-cü il tarixli 973-VIQD nömrəli Azərbaycan Respublikasının Qanunu (Azərbaycan Dövlət
İnformasiya Agentliyinin (AZƏRTAC-ın) rəsmi internet
saytı, 18 avqust 2023-cü il, “Azərbaycan”
qəzeti, 20 avqust 2023-cü il, ¹ 177, Azərbaycan
Respublikasının Qanunvericilik Toplusu, 2023-cü il, ¹ 8, I
kitab, maddə 1121) ilə 40.1-ci maddənin birinci cümləsi
yeni redaksiyada verilmişdir və ikinci cümləsinə “əmtəə-nəqliyyat”
sözlərindən əvvəl “elektron” sözü əlavə edilmişdir.
birinci cümləsinin əvvəlki
redaksiyada deyilirdi:
Avtomobil nəqliyyatı ilə
əmtəə təyinatlı yüklərin
daşınması əmtəə-nəqliyyat qaiməsi
ilə rəsmiləşdirilir.
[71]
14 iyul 2023-cü il tarixli 973-VIQD
nömrəli Azərbaycan
Respublikasının Qanunu (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 18 avqust 2023-cü il, “Azərbaycan” qəzeti, 20 avqust
2023-cü il, ¹ 177, Azərbaycan
Respublikasının Qanunvericilik Toplusu, 2023-cü il, ¹ 8, I
kitab, maddə 1121) ilə 40.2-ci maddənin birinci
cümləsində “Əmtəə-nəqliyyat”
sözləri “Elektron
əmtəə-nəqliyyat” sözləri ilə
əvəz edilmişdir və həmin maddənin ikinci
cümləsinə “əmtəə-nəqliyyat”
sözlərindən əvvəl “elektron” sözü əlavə edilmişdir.
[72]
14 iyul 2023-cü il tarixli 973-VIQD
nömrəli Azərbaycan
Respublikasının Qanunu (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 18 avqust 2023-cü il, “Azərbaycan” qəzeti, 20 avqust
2023-cü il, ¹ 177, Azərbaycan
Respublikasının Qanunvericilik Toplusu, 2023-cü il, ¹ 8, I
kitab, maddə 1121) ilə 40.3-cü maddənin birinci
abzasında “Əmtəə-nəqliyyat”
sözləri “Elektron
əmtəə-nəqliyyat” sözləri ilə
əvəz edilmişdir.
[73]
14 iyul 2023-cü il tarixli 973-VIQD
nömrəli Azərbaycan
Respublikasının Qanunu (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 18 avqust 2023-cü il, “Azərbaycan” qəzeti, 20 avqust
2023-cü il, ¹ 177, Azərbaycan
Respublikasının Qanunvericilik Toplusu, 2023-cü il, ¹ 8, I
kitab, maddə 1121) ilə 40.4-cü, 40.5-ci maddələrə və 40.8-ci
maddənin birinci cümləsinə “əmtəə-nəqliyyat” sözlərindən
əvvəl “elektron”
sözü əlavə edilmişdir.
[74]
31 oktyabr 2025-ci il tarixli 280-VIIQD
nömrəli Azərbaycan
Respublikasının Qanunu (Azərbaycan Dövlət
İnformasiya Agentliyinin (AZƏRTAC-ın) rəsmi internet
saytı, 28 noyabr 2025-ci il, “Azərbaycan”
qəzeti, 29 noyabr 2025-ci il, ¹ 253,
Azərbaycan Respublikasının Qanunvericilik Toplusu, 2025-ci il, ¹
11, maddə 1010) ilə 40.6-cı maddəyə “qaiməsi” sözündən
sonra “və ya elektron
əmtəə-nəqliyyat qaiməsi” sözləri
əlavə edilmişdir.
[75]
14 iyul 2023-cü il tarixli 973-VIQD
nömrəli Azərbaycan
Respublikasının Qanunu (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 18 avqust 2023-cü il, “Azərbaycan” qəzeti, 20 avqust
2023-cü il, ¹ 177, Azərbaycan
Respublikasının Qanunvericilik Toplusu, 2023-cü il, ¹ 8, I
kitab, maddə 1121) ilə 43.1-ci, 43.2-ci, 43.5-ci
maddələrə və 43.10-cu maddənin ikinci
cümləsinə “əmtəə-nəqliyyat”
sözlərindən əvvəl “elektron” sözü əlavə edilmişdir.
[76]
14 iyul 2023-cü il tarixli 973-VIQD
nömrəli Azərbaycan
Respublikasının Qanunu (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 18 avqust 2023-cü il, “Azərbaycan” qəzeti, 20 avqust
2023-cü il, ¹ 177, Azərbaycan
Respublikasının Qanunvericilik Toplusu, 2023-cü il, ¹ 8, I
kitab, maddə 1121) ilə 43.6-cı maddədə “Əmtəə-nəqliyyat”
sözləri “Elektron
əmtəə-nəqliyyat” sözləri ilə
əvəz edilmişdir və həmin maddəyə “əmtəə-nəqliyyat”
sözlərindən əvvəl “elektron” sözü əlavə edilmişdir.
[77]
14 iyul 2023-cü il tarixli 973-VIQD
nömrəli Azərbaycan
Respublikasının Qanunu (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 18 avqust 2023-cü il, “Azərbaycan” qəzeti, 20 avqust
2023-cü il, ¹ 177, Azərbaycan
Respublikasının Qanunvericilik Toplusu, 2023-cü il, ¹ 8, I
kitab, maddə 1121) ilə 41.1-ci, 44.4-cü, 44.5-ci, 45.2-ci,
46.2-ci, 46.3-cü, 46.4-cü və 47.2-ci maddələrə “əmtəə-nəqliyyat”
sözlərindən əvvəl “elektron” sözü əlavə edilmişdir.
[78] 24 fevral 2023-cü il tarixli 831-VIQD nömrəli
Azərbaycan Respublikasının Qanunu (Azərbaycan Dövlət İnformasiya Agentliyinin
(AZƏRTAC-ın) rəsmi internet saytı, 11 aprel 2023-cü
il, “Azərbaycan” qəzeti, 12 aprel
2023-cü il, ¹ 75, Azərbaycan
Respublikasının Qanunvericilik Toplusu, 2023-cü il, ¹ 4,
maddə 462) ilə 48.1-ci
maddədə “əvvəlcədən təyin edilmiş xüsusi marşrut üzrə, müvafiq icra hakimiyyəti orqanının” sözləri “bu Qanunun 48.2-ci maddəsində nəzərdə
tutulmuş qaydaya uyğun olaraq müəyyən edilmiş hərəkət marşrutu üzrə müvafiq icra hakimiyyəti orqanının müəyyən etdiyi orqanın (qurumun)” sözləri ilə əvəz
edilmişdir.
[79] 24 fevral 2023-cü il tarixli 831-VIQD nömrəli
Azərbaycan Respublikasının Qanunu (Azərbaycan Dövlət İnformasiya Agentliyinin
(AZƏRTAC-ın) rəsmi internet saytı, 11 aprel 2023-cü
il, “Azərbaycan” qəzeti, 12 aprel
2023-cü il, ¹ 75, Azərbaycan
Respublikasının Qanunvericilik Toplusu, 2023-cü il, ¹ 4,
maddə 462) ilə yeni məzmunda 48.1-1
– 48.1-6-cı maddələr əlavə edilmişdir.
[80] 24 fevral 2023-cü il tarixli 831-VIQD nömrəli
Azərbaycan Respublikasının Qanunu (Azərbaycan Dövlət İnformasiya Agentliyinin
(AZƏRTAC-ın) rəsmi internet saytı, 11 aprel 2023-cü
il, “Azərbaycan” qəzeti, 12 aprel
2023-cü il, ¹ 75, Azərbaycan
Respublikasının Qanunvericilik Toplusu, 2023-cü il, ¹ 4,
maddə 462) ilə 48.2-ci
maddədən “xüsusi” sözü və “, habelə iriqabaritli və ağırçəkili avtonəqliyyat
vasitələrinin hərəkət etməsinə görə ödənişlərin dərəcələri” sözləri çıxarılmışdır, həmin
maddədə “Azərbaycan Respublikasının müvafiq icra hakimiyyəti orqanı” sözləri “müvafiq icra hakimiyyəti orqanının müəyyən etdiyi orqan
(qurum)” sözləri ilə əvəz
edilmişdir.
[81] 12 iyul 2019-cu il tarixli 1657-VQD
nömrəli Azərbaycan Respublikasının Qanunu (“Azərbaycan” qəzeti,
1 sentyabr 2019-cu il, ¹ 191, Azərbaycan Respublikasının
Qanunvericilik Toplusu, 2019-cu il, ¹8, maddə 1379)
ilə 50.1-ci
maddəyə “uyğun olaraq” sözlərindən
sonra “operator
tərəfindən” sözləri və yeni məzmunda
ikinci cümlə əlavə edilmişdir.
12 iyul 2019-cu il tarixli 1657-VQD
nömrəli Azərbaycan Respublikasının Qanunu (“Azərbaycan” qəzeti,
1 sentyabr 2019-cu il, ¹ 191, Azərbaycan Respublikasının
Qanunvericilik Toplusu, 2019-cu il, ¹8, maddə 1379)
ilə 50.4-cü
maddədə “daşıyıcılar”
sözü “daşıyıcıları”
sözü ilə əvəz edilmişdir.
12 iyul 2019-cu il tarixli 1657-VQD
nömrəli Azərbaycan Respublikasının Qanunu (“Azərbaycan” qəzeti,
1 sentyabr 2019-cu il, ¹ 191, Azərbaycan Respublikasının
Qanunvericilik Toplusu, 2019-cu il, ¹8, maddə 1379)
ilə 50.5-ci
maddə yeni redaksiyada verilmişdir.
əvvəlki redaksiyada deyilirdi:
50.5. Beynəlxalq yük daşımalarında
istifadə edilən avtonəqliyyat vasitələrinin
sürücüləri beynəlxalq yük
daşımalarına dair beynəlxalq konvensiyalar, sazişlər
və digər sənədlər, habelə bu
daşımaların xüsusiyyətləri barədə
zəruri biliklərə malik olmaq üçün müvafiq
icra hakimiyyəti orqanı tərəfindən təsdiq olunmuş
proqram üzrə xüsusi hazırlıq
keçməlidirlər.
12 iyul 2019-cu il tarixli 1657-VQD
nömrəli Azərbaycan Respublikasının Qanunu (“Azərbaycan” qəzeti,
1 sentyabr 2019-cu il, ¹ 191, Azərbaycan Respublikasının
Qanunvericilik Toplusu, 2019-cu il, ¹8, maddə 1379)
ilə yeni
məzmunda 50.6-cı maddə əlavə edilmişdir.
14 iyul 2023-cü il tarixli 973-VIQD
nömrəli Azərbaycan
Respublikasının Qanunu (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 18 avqust 2023-cü il, “Azərbaycan” qəzeti, 20 avqust
2023-cü il, ¹ 177, Azərbaycan
Respublikasının Qanunvericilik Toplusu, 2023-cü il, ¹ 8, I
kitab, maddə 1121) ilə 50-ci maddə yeni redaksiyada verilmişdir.
əvvəlki redaksiyada deyilirdi:
Maddə 50.
Avtomobil nəqliyyatı ilə beynəlxalq
daşımaların təşkili
50.1. Avtomobil
nəqliyyatı ilə beynəlxalq sərnişin və
yük daşımaları, o cümlədən tranzit
daşımaları Azərbaycan Respublikasının
qanunvericiliyinə və Azərbaycan Respublikasının
tərəfdar çıxdığı beynəlxalq
müqavilələrə uyğun olaraq operator tərəfindən yerinə yetirilir. Operator işgüzar nüfuz, maliyyə
vəziyyəti və peşəkarlıq səriştəsi
ilə bağlı meyarlara, operatorun sürücüsü
(sürücüləri) isə hazırlıq
səviyyəsinə dair tələblərə cavab
verməlidir.
50.2. Avtomobil
nəqliyyatı ilə beynəlxalq sərnişin və
yük daşımaları sahəsində Azərbaycan
Respublikasının tərəfdar çıxdığı
beynəlxalq müqavilələrin şərtlərinin
Azərbaycan Respublikasının ərazisində yerinə
yetirilməsini müvafiq icra hakimiyyəti orqanı
aidiyyəti dövlət orqanları ilə birlikdə
təmin edir.
50.3. Barəsində icazə
sistemi tətbiq edilən xarici dövlətlərə
yerinə yetirilən beynəlxalq daşımalar müvafiq
icra hakimiyyəti orqanı tərəfindən verilən
“İcazə” blankları əsasında yerinə yetirilir.
50.4. Azərbaycan
Respublikasının ərazisində xarici avtomobil daşıyıcıları tərəfindən
ölkədaxili daşımalarının yerinə
yetirilməsinə yol verilmir.
50.5. Operatorun məsul şəxsi
(şəxsləri), habelə beynəlxalq sərnişin
və yük daşımalarını həyata
keçirən sürücülər müvafiq icra hakimiyyəti
orqanı tərəfindən peşəkarlıq
səriştəsinə dair təsdiq olunmuş proqram
üzrə hazırlıq və yenidən hazırlıq
keçməlidir. Hazırlığın keçirilməsi
qaydası və müddəti müvafiq icra hakimiyyəti orqanı
tərəfindən müəyyən edilir. Hazırlıq
müvafiq icra hakimiyyəti orqanı tərəfindən
təşkil edilir və keçirilir. Tədrisin nəticələrinə
əsasən operatorun məsul şəxsinə və ya
sürücüyə forması müvafiq icra hakimiyyəti
orqanı tərəfindən təsdiq edilmiş sənəd verilir.
50.6.
Operatorun işgüzar nüfuz, maliyyə vəziyyəti
və peşəkarlıq səriştəsi ilə
bağlı meyarlar, sürücülərin hazırlıq
səviyyəsinə dair tələblər, habelə
operatorların uçotunun aparılması müvafiq icra
hakimiyyəti orqanı tərəfindən təsdiq edilən
avtomobil nəqliyyatı ilə beynəlxalq sərnişin
və yük daşımalarına buraxılış
qaydaları ilə müəyyən edilir.
[82]
25
iyun 2024-cü il tarixli 1186-VIQD
nömrəli Azərbaycan
Respublikasının Qanunu (Azərbaycan Dövlət
İnformasiya Agentliyinin (AZƏRTAC-ın) rəsmi internet
saytı, 15 avqust 2024-cü il, “Azərbaycan” qəzeti, 16 avqust
2024-cü il, ¹ 174,
Azərbaycan Respublikasının Qanunvericilik Toplusu, 2024-cü
il, ¹ 8, maddə 932) ilə 53.2-ci maddəyə “orqanları”
sözündən sonra “(qurumları)”
sözü əlavə edilmişdir.
[83] 18 dekabr 2018-ci il tarixli 1399-VQD
nömrəli Azərbaycan Respublikasının Qanunu (“Azərbaycan” qəzeti,
30 dekabr 2018-ci il, ¹ 296, Azərbaycan Respublikasının
Qanunvericilik Toplusu, 2018-ci il, ¹ 12, I kitab, maddə 2517) ilə yeni məzmunda 57-1-ci maddə əlavə
edilmişdir.
14 iyul 2023-cü il tarixli 973-VIQD
nömrəli Azərbaycan
Respublikasının Qanunu (Azərbaycan
Dövlət İnformasiya Agentliyinin (AZƏRTAC-ın)
rəsmi internet saytı, 18 avqust 2023-cü il, “Azərbaycan” qəzeti, 20 avqust
2023-cü il, ¹ 177, Azərbaycan
Respublikasının Qanunvericilik Toplusu, 2023-cü il, ¹ 8, I
kitab, maddə 1121) ilə 57-1-ci maddə yeni redaksiyada verilmişdir.
əvvəlki redaksiyada deyilirdi:
Maddə
57-1. Beynəlxalq və
ölkədaxili (şəhərlərarası və
rayonlararası) sərnişin və yük
daşımalarında taxoqrafdan istifadə ilə bağlı
daşıyıcıların və sürücülərin
vəzifələri
Beynəlxalq və
ölkədaxili (şəhərlərarası və rayonlararası)
sərnişin və yük daşımalarını
təşkil edən daşıyıcılar həmin
daşımaları həyata keçirən yük
avtonəqliyyat vasitələrini və ümumi
istifadədə olan sərnişin avtonəqliyyat
vasitələrini taxoqrafla təchiz etməlidirlər.
Həmin daşımaları təşkil edən daşıyıcılar
və yerinə yetirən sürücülər müvafiq
daşımaların taxoqraf olmadan, habelə taxoqrafın
yoxlanması haqqında şəhadətnamə və ya
müvafiq möhür olmadan, yaxud yoxlanma müddəti
bitmiş və ya plomblanması pozulmuş, tamamilə və
ya hər hansı funksiyası işləməyən
taxoqrafla, taxoqrafın qeydiyyata aldığı məlumatlar
saxtalaşdırılmaqla yerinə yetirilməsinə
görə qanunla müəyyən edilmiş qaydada
məsuliyyət daşıyırlar.
[84] 4 aprel 2014-cü il tarixli 936-IVQD nömrəli
Azərbaycan Respublikasının Qanunu (“Azərbaycan” qəzeti, 4 may 2014-cü il, ¹ 92, Azərbaycan Respublikasının Qanunvericilik Toplusu,
2014-cü il, ¹ 04, maddə 342) ilə 58-ñi maddənin adında “pretenziya və iddialar”
sözləri “pretenziyalar”
sözü ilə əvəz edilmişdir.
[85] 24 aprel 2020-ci il tarixli 60-VIQD
nömrəli Azərbaycan
Respublikasının Qanunu (“Azərbaycan” qəzeti, 3 iyun 2020-ci
il, ¹ 104,
Azərbaycan Respublikasının Qanunvericilik Toplusu, 2020-ci il, ¹
6, maddə 663) ilə 58.1-ci maddəyə “əvvəl” sözündən sonra “Azərbaycan Respublikasının Mülki
Məcəlləsinin 861-ci maddəsi,” sözləri
əlavə edilmişdir.
[86] 4 aprel 2014-cü il tarixli 936-IVQD nömrəli
Azərbaycan Respublikasının Qanunu (“Azərbaycan” qəzeti, 4 may 2014-cü il, ¹ 92, Azərbaycan Respublikasının Qanunvericilik Toplusu,
2014-cü il, ¹ 04, maddə 342) ilə 58.2-ci və 58.3-cü maddələr
ləğv edilmişdir.
[87] 4 aprel 2014-cü il tarixli 936-IVQD nömrəli
Azərbaycan Respublikasının Qanunu (“Azərbaycan” qəzeti, 4 may 2014-cü il, ¹ 92, Azərbaycan Respublikasının Qanunvericilik Toplusu,
2014-cü il, ¹ 04, maddə 342) ilə 60-cı maddədə “qanunvericiliyi ilə müəyyən edilmiş qaydada”
sözləri “Mülki,
İnzibati Xətalar və Cinayət
məcəllələrində nəzərdə tutulmuş
hallarda” sözləri ilə əvəz edilmişdir.