Azərbaycan Respublikası Hesablama Palatasının 2007-ci il üçün xərclər smetası haqqında

AZƏRBAYCAN RESPUBLİKASI MİLLİ MƏCLİSİNİN QƏRARI

2007-ci ildə Azərbaycan Respublikası Hesablama Palatasının və onun aparatının fəaliyyətinin səmərəliliyini təmin etmək məqsədi ilə «Hesablama Palatası haqqında» Azərbaycan Respublikası Qanununun 13-cü maddəsinə əsasən Azərbaycan Respublikasının Milli Məclisi qərara alır:

Azərbaycan Respublikası Hesablama Palatasının 2007-ci il üçün xərclər smetası 1.813.025 (bir milyon səkkiz yüz on üç min iyirmi beş) manat məbləğində təsdiq edilsin.

2. Azərbaycan Respublikası Hesablama Palatasının 2007-ci il üçün xərclər smetası aşağıdakı qaydada bölüşdürülsün:

2.1. Əməyin ödənişi	1.456.129 (bir milyon dörd yüz əlli altı min yüz iyirmi doqquz) manat.
2.1.1. Hesablama Palatası üzvlərinin əmək haqqı	124.344 (yüz iyirmi dörd min üç yüz qırx dörd) manat.
2.1.2. Hesablama Palatası işçilərinin əmək haqqı	424.008 (dörd yüz iyirmi dörd min səkkiz) manat.
2.1.3. Ştatdankənar işçilərin əmək haqqı	94.800 (doxsan dörd min səkkiz yüz) manat.
2.1.4. Əməyin ödənilməsi ilə bağlı sair pul ödəmələri	178.362 (yüz yetmiş səkkiz min üç yüz altmış iki) manat.
2.1.5. Əməyin ödənişi üzrə nəzərdə tutulan artım	363.357 (üç yüz altmış üç min üç yüz əlli yeddi) manat.
2.1.6. Dövlət Sosial Müdafiə Fonduna ayırmalar	260.672 (iki yüz altmış min altı yüz yetmiş iki) manat.
2.1.7. İcbari dövlət sığortası	10.586 (on min beş yüz səksən altı) manat.
2.2. Malların (işlərin və xidmətlərin) satın alınması	271.707 (iki yüz yetmiş bir min yeddi yüz yeddi) manat.
2.2.1. Dəftərxana və təsərrüfat xərcləri	21.570 (iyirmi bir min beş yüz yetmiş) manat.
2.2.2. Mətbəə xərcləri	1.800 (min səkkiz yüz) manat.
2.2.3. İdarənin digər xərcləri	19.348 (on doqquz min üç yüz qırx səkkiz) manat.
2.2.4. Cari təmir	20.000 (iyirmi min) manat
2.2.5. Gündəlik yemək xərcləri (ölkə daxili)	7.300 (yeddi min üç yüz) manat.
2.2.6. Mehmanxana (mənzil) və yol xərcləri (ölkə daxili)	16.929 (on altı min doqquz yüz iyirmi doqquz) manat.
2.2.7. Gündəlik yemək xərcləri (ölkə xarici)	18.000 (on səkkiz min) manat.
2.2.8. Mehmanxana (mənzil) və yol xərcləri (ölkə xarici)	69.000 (altmış doqquz min) manat.
2.2.9. Yanacaq və sürtkü materiallarının alınması	21.294 (iyirmi bir min iki yüz doxsan dörd) manat.
2.2.10. Digər nəqliyyat xidmətləri	5.766 (beş min yeddi yüz altmış altı) manat.
2.2.11. Elektrik enerjisi haqqının ödənilməsi	500 (beş yüz) manat.
2.2.12. Qaz haqqının ödənilməsi	500 (beş yüz) manat.
2.2.13. Su haqqının ödənilməsi	400 (dörd yüz) manat.
2.2.14. İstilik enerjisi (yanacaq) haqqının ödənilməsi	1.000 (bir min) manat.
2.2.15. Kanalizasiya xidmətləri haqqının ödənilməsi	100 (bir yüz) manat.
2.2.16. Ölkə daxili telefon danışıq haqlarının ödənilməsi	9.400 (doqquz min dörd yüz) manat
2.2.17. Beynəlxalq telefon danışıq haqlarının ödənilməsi	10.000 (on min) manat.
2.2.18. Poçt xidmətlərinin ödənilməsi	600 (altı yüz) manat.
2.2.19. İnternet xidməti haqqının ödənilməsi	2.200 (iki min iki yüz) manat.
2.2.20. İnventarın alınması	9.000 (doqquz min) manat.
2.2.21. Avadanlığın alınması	5.000 (beş min) manat.
2.2.22. Digər alışlar və xidmətlər	20.000 (iyirmi min) manat.
2.2.23. İş qabiliyyətini müvəqqəti itirməyə görə verilən müavinətlər	12.000 (on iki min) manat.
2.3. Digər xərclər	85.189 (səksən beş min yüz səksən doqquz) manat.
2.3.1. İcarə və muzdlu xidmətlər	37.726 (otuz yeddi min yeddi yüz iyirmi altı) manat.
2.3.2. Sair xərclər	20.687 (iyirmi min altı yüz səksən yeddi) manat.
2.3.3. Bank xərcləri	6.776 (altı min yeddi yüz yetmiş altı) manat.
2.3.4. Digər maşın və avadanlıqların alınması	20.000 (iyirmi min) manat.

Azərbaycan Respublikası Milli Məclisinin Sədri

O.ƏSƏDOV

Bakı şəhəri, 28 noyabr 2006-cı il

№ 188-IIIQR.