|
TƏSDİQ
EDİRƏM Azərbaycan Respublikası Tələbə Qəbulu üzrə Dövlət
Komissiyasının Sədri ______________ M. Abbaszadə "28"
mart 2006-cı il |
AZƏRBAYCAN
RESPUBLİKASININ ALİ MƏKTƏBLƏRİNİN
MAGİSTRATURA PİLLƏSİNƏ QƏBUL QAYDALARI
(2006/2007-ci tədris
ili üçün)
Tələbə Qəbulu üzrə
Dövlət Komissiyası (TQDK) 2006/2007-ci tədris ili üçün Azərbaycan
Respublikasının dövlət və qanunvericilikdə müəyyən
olunmuş qaydada qeydiyyatdan keçmiş qeyri-dövlət ali təhsil
müəssisələrinin magistratura pilləsinə qəbulu mərkəzləşdirilmiş
şəkildə test üsulu ilə aşağıdakı
qaydalara əsasən həyata keçirir:
1. Ali məktəblərin magistratura pilləsinə qəbul
olmaq hüququna ali təhsilin əsas peşə təhsili
proqramı üzrə təhsilmi başa vurmuş və ali təhsil
haqqında diplomu olan şəxslər malikdirlər.
Xarici
dövlətlərin vətəndaşları, qüvvədə olan
qanunvericilikdə və dövlətlərarası
razılaşmalara digər hallar nəzərdə
tutulmayıbsa, magistraturaya yalnız ödənişli əsaslarla
qəbul oluna bilərlər.
2. Sənədlərin qəbulu
TQDK tərəfindən yaradılmış Sənəd Qəbulu
Komissiyalarında
aparılır.
3. Magistratura pilləsinə qəbul olmaq istəyən
şəxslər (bundan sonra
bakalavrlar) Sənəd Qəbulu
Komissiyasına aşağıdakı sənədləri təqdim
edərək "Bakalavrın ərizəsi"
formasını şəxsən doldurmalıdırlar:
- bakalavr təhsilini bitirmək haqqında diplomu;
- məzunu olduqları təhsil müəssisəsindən
bitirdikləri ixtisasın və onun aid olduğu istiqamətin
şifrini, həmçinin orta qiymət balını göstərən
arayışı;
- şəxsiyyət vəsiqəsini;
- hərbi bilet və ya çağırışçı
şəhadətnaməsini;
- yeni çəkilmiş, hamısı eyni olan 3x4 sm ölçüdə
dörd ədəd fotoşəkli.
Xarici
ölkələrin vətəndaşlar və xaricdə ali təhsil
almış Azərbaycan Respublikasının vətəndaşları
Təhsil Nazirliyindən diplomlarının
tanınmasını təsdiq edən, aldıqları
ixtisasın və onun aid olduğu istiqamətin şifri, həmçinin
orta qiymət balı göstərilmiş arayış təqdim
etməlidirlər.
4. Qəbul imtahanlarında bakalavr test üsulu ilə məntiqi
təfəkkürü, qəbul olmaq istədiyi ixtisas və xarici dil
üzrə bilik səviyyəsi yoxlanılır.
Bakalavrlara
məntiqi təfəkkürü yoxlanılması üzrə 50, xarici
dil fənni üzrə 20, ixtisas üzrə 30 test
tapşırığı təqdim olunur.
Dil fənni
blokunda Azərbaycan bölməsinin bakalavrlarına ingilis, alman,
fransız və rus dili, rus bölməsinin bakalavrlarına isə
ingilis, alman, dünyagörüşünün yoxlanılması üçün nəzərdə
tutulmuşdur.
Rus
bölməsinin abituriyentləri "Azərbaycan Respublikasında
Dövlət dili haqqında" Azərbaycan Respublikasının
qanununa əsasən rus dili və ədəbiyyat fənni ilə
yanaşı Azərbaycan dili fənnindən də imtahan
verirlər.
Xüsusi
təyinatlı ali təhsil müəssisələrinə daxil
olmaq istəyən abituriyentlər seçdikləri ixtisaslara
uyğun olaraq müvafiq nazirlik və idarələrin müəyyən
etdikləri fənlərdən imtahan verirlər.
5. Abituriyentlər dövlət və qeyri-dövlət ali məktəblərinin
təhsil forması ödənişsiz və ödənişli olan
eyni ixtisas qrupuna aid 8-dək ixtisas kodunu (ali təhsilli
abituriyentlər yalnız təhsili ödənişli əsaslarla
olan ixtisasları) seçə bilərlər. İxtisasların
ardıcıllığı abituriyent tərəfindən müəyyənləşdirilir.
Seçilmiş ixtisasların "Abituriyentin ərizəsi"
formasında göstərilən ardıcıllığı
müsabiqə zamanı hüquqi əsas kimi nəzərə
alınır və abituriyent topladığı ballara əsasən
müsabiqədən keçdiyi ixtisasların birincisinə yerləşdirilir.
6.
Xüsusi qabiliyyət tələb edən ixtisasları seçən
abituriyentlər test imtahanlarından əvvəl qabiliyyət
imtahanı verməlidirlər. Qabiliyyət imtahanları TQDK tərəfindən
mərkəzləşdirilmiş qaydada keçirilir.
Xüsusi
qabiliyyət tələb edən ixtisasları ərizələrində
qabiliyyət imtahanından müvəffəq qiymət alan
abituriyentlər göstərə bilərlər.
Abituriyentlərə
xüsusi qabiliyyət tələb edən ixtisaslarla yanaşı,
həmin ixtisas qrupuna daxil olan digər ixtisasları da seçmək
imkanı verilir.
7.
Seçdiyi ixtisasların hər hansı biri üzrə müsabiqədə
iştirak etmək üçün abituriyentin topladığı ümumi
balı ilə yanaşı, onun imtahan verdiyi hər bir fənn
üzrə ayrılıqda topladığı nisbi balı da TQDK
tərəfindən müəyyən edilmiş tələblərə
uyğun olmalıdır.
Ümumi
balı eyni olan iki və daha çox abituriyentin hamısını
qəbul planı çərçivəsində yerləşdirmək
mümkün olmadıqda, aşağıda qeyd edilən
ardıcıllıqda əlavə göstəricilər nəzərə
alınır:
- fənlərin
üstünlük dərəcəsini nəzərə almaqla həmin fənlərdən
ayrılıqda toplanılan
nisbi balların miqdar;
- bütün fənlər üzrə bütövlükdə abituriyentin
düzgün cavablarının sayı;
- fənlərin üstünlük dərəcəsini nəzərə
almaqla ayrılıqda həmin fənlər üzrə abituriyentin
düzgün cavablarının sayı.
8. Qəbul imtahanlarının nəticələri
imtahan keçirildiyi gündən bir ay ərzində elan edilir.
Təhsil formasından asılı olmayaraq hər hansı bir
ixtisasa yerləşdirilmiş abituriyent tələb olunan
sənədləri müəyyən edilmiş müddətdə təhsil
müəssisəsinə təqdim
etməklə qeydiyyatdan
keçməlidir. Müəyyən edilmiş müddətdə təhsil
müəssisəsində qeydiyyatdan keçməmək abituriyentin
müvafiq ixtisasa yerləşdirilməsindən imtina etməsi
kimi qiymətləndirilir.
9. Nəticələr elan olunduqdan sonra boş qalan yerlərə
əlavə yerləşdirmə aparıla bilər.
10. Ali məktəblərə qəbul olunmayan
abituriyentlər topladıqları ballar əsasında orta
ixtisas məktəblərinin ixtisaslarının (xüsusi qabiliyyət
tələb edən ixtisaslar istisna olmaqla) müsabiqəsində
iştirak edə bilərlər.
11. Abituriyentlər imtahan nəticələri ilə əlaqədar
müəyyən olunmuş müddətdə TQDK tərəfindən
yaradılan apellyasiya komissiyalarına müraciət edə bilərlər.
Bir ali
məktəbdən digərinə köçürülmək, təhsil
formasını və ya ixtisası dəyişdirmək və
təhsil haqqını ödəməklə bağlı müraciətlərə
baxılmır.
12. Qəbul
kampaniyası TQDK tərəfindən hazırlanmış
normativ sənədlərlə nizamlanır.
Abituriyent öz üzərinə götürdüyü öhdəlikləri pozduqda və
ya xüsusi araşdırmalar nəticəsində müəyyən
pozuntular (saxta sənəd təqdimetmə, köçürtmə, imtahana
öz yerinə başqasını göndərmə, qaydalara zidd hərəkətlərə
və digər saxtakarlığa yolvermə) aşkar edildikdə
onun imtahan nəticələri
TQDK tərəfindən ləğv edilir.