Azərbaycan Respublikası Nazirlər Kabineti yanında Yetkinlik yaşına çatmayanların işləri və hüquqlarının müdafiəsi üzrə komissiyanın təşkil edilməsi haqqında

AZƏRBAYCAN RESPUBLİKASININ NAZİRLƏR KABİNETİNİN QƏRARI

“Yetkinlik yaşına çatmayanların işləri və hüquqlarının müdafiəsi üzrə komissiyalar haqqında” Əsasnamənin təsdiq edilməsi barədə” Azərbaycan Respublikası Qanunun tətbiq edilməsi haqqında” Azərbaycan Respublikası Prezidentinin 2002-ci il 25 iyul tarixli 735 nömrəli Fərmanı ilə əlaqədar Azərbaycan Respublikasının Nazirlər Kabineti qərara alır: [1]

1. Azərbaycan Respublikası Nazirlər Kabineti yanında Yetkinlik yaşına çatmayanların işləri və hüquqlarının müdafiəsi üzrə Komissiya aşağıdakı tərkibdə (əlavə olunur) təşkil edilsin. [2]

2. Rayon və şəhər icra hakimiyyəti orqanları, aidiyyəti nazirlik, komitə, idarə və təşkilatlar Əsasnamədə nəzərdə tutulmuş məsələlərin həlli üçün lazımi tədbirlər görsünlər.

3. Azərbaycan Respublikası Nazirlər Kabinetinin 1993-cü il 30 sentyabr tarixli 526 №-li qərarının I bəndi və 1995-ci il 6 mart tarixli 48 №- li qərarı qüvvəsini itirmiş hesab edilsin.

Azərbaycan Respublikasının Baş naziri A. RASİZADƏ

Bakı şəhəri, 29 aprel 1997-ci il

№ 32

Azərbaycan Respublikası Nazirlər Kabinetinin

1997-ci il 29 aprel tarixli 32 nömrəli qərarına

Əlavə

Azərbaycan Respublikası Nazirlər Kabineti yanında Yetkinlik yaşına çatmamışların işləri və hüquqlarının müdafiəsi üzrə komissiyanın [3]

T Ə R K İ B İ

Komissiyanın sədri
E. Əfəndiyev	- Baş nazirin müavini
Komissiyanın üzvləri:
M. Mərdanov	- təhsil naziri [4]
Ə. İnsanov	- səhiyyə naziri
Ə. Qarayev	- mədəniyyət və turizm naziri
Ə. Nağıyev	- əmək və əhalinin sosial müdafiəsi naziri
A. Rəhimov	- gənclər və idman naziri [5]
T. Musayev	- ədliyyə nazirinin müavini
Z. Dünyamalıyev	- daxili işlər nazirinin I müavini
N. Xudiyev	- Dövlət Teleradio Verilişləri Şirkətinin sədri
R. İbrahimbəyova	- Nazirlər Kabineti İşlər İdarəsinin elm, mədəniyyət və xalq təhsil şöbəsi müdirinin müavini
F. Hüseynova	- Bakı şəhər İcra Hakimiyyəti başçısının müavini
İ. İbrahimov	- Azərbaycan Uşaq Fondunun sədri
Ə. Bayramov	- Bakı Dövlət Universitetinin psixologiya kafedrasının müdiri, Psixoloqlar Cəmiyyətinin sədri
N. Əhmədov	- Xüsusi şəraitdə tərbiyə almağa ehtiyacı olan uşaq və yeniyetmələr məktəbinin direktoru

Azərbaycan Respublikası Nazirlər Kabinetinin İşlər müdiri A. HACIYEV

İSTİFADƏ OLUNMUŞ MƏNBƏ SƏNƏDLƏRİNİN SİYAHISI

1. 25 oktyabr 2001-ci il tarixli 168 nömrəli Azərbaycan Respublikasının Nazirlər Kabinetinin Qərarı (Azərbaycan Respublikasının Qanunvericilik Toplusu, 2001-ci il, № 10, maddə 663)

2. 11 aprel 2002-ci il tarixli 62 nömrəli Azərbaycan Respublikasının Nazirlər Kabinetinin Qərarı (Azərbaycan Respublikasının Qanunvericilik Toplusu, 2002-ci il, № 4, maddə 206)

3. 10 sentyabr 2002-ci il tarixli 144 nömrəli Azərbaycan Respublikasının Nazirlər Kabinetinin Qərarı (Azərbaycan Respublikasının Qanunvericilik Toplusu, 2002-ci il, № 9, maddə 574)

4. 2 may 2006-cı il tarixli 119 nömrəli Azərbaycan Respublikasının Nazirlər Kabinetinin Qərarı (Azərbaycan Respublikasının Qanunvericilik Toplusu, 2006-cı il, № 5, maddə 463)

5. 1 aprel 2008-ci il tarixli 82 nömrəli Azərbaycan Respublikasının Nazirlər Kabinetinin Qərarı (Azərbaycan Respublikasının Qanunvericilik Toplusu, 2008-ci il, № 4, maddə 305)

QƏRARA EDİLMİŞ DƏYİŞİKLİK VƏ ƏLAVƏLƏRİN SİYAHISI

---

[1] 10 sentyabr 2002-ci il tarixli 144 nömrəli Azərbaycan Respublikasının Nazirlər Kabinetinin Qərarı (Azərbaycan Respublikasının Qanunvericilik Toplusu, 2002-ci il, № 9, maddə 574) ilə qərarın adı yeni redaksiyada verilmişdir və qərarın preambulası yeni redaksiyada verilmişdir.

əvvəlki redaksiyada deyilirdi:

"Azərbaycan Respublikası Nazirlər Kabineti yanında Yetkinlik Yaşına Çatmamışların İşləri üzrə Komissiyanın təşkil edilməsi haqqında"

[2] 10 sentyabr 2002-ci il tarixli 144 nömrəli Azərbaycan Respublikasının Nazirlər Kabinetinin Qərarı (Azərbaycan Respublikasının Qanunvericilik Toplusu, 2002-ci il, № 9, maddə 574) ilə 1-ci bənddə "Yetkinlik Yaşına Çatmamışların İşləri üzrə Komissiya" sözləri "Yetkinlik yaşına çatmayanların işləri və hüquqlarının müdafiəsi üzrə komissiya" sözləri ilə əvəz edilmişdir.

1 aprel 2008-ci il tarixli 82 nömrəli Azərbaycan Respublikasının Nazirlər Kabinetinin Qərarı (Azərbaycan Respublikasının Qanunvericilik Toplusu, 2008-ci il, № 4, maddə 305) ilə qərarının 1-ci bəndi qüvvədən düşmüş hesab edilmişdir.

[3] 10 sentyabr 2002-ci il tarixli 144 nömrəli Azərbaycan Respublikasının Nazirlər Kabinetinin Qərarı (Azərbaycan Respublikasının Qanunvericilik Toplusu, 2002-ci il, № 9, maddə 574) ilə qərara əlavədə "Azərbaycan Respublikası Nazirlər Kabineti yanında Yetkinlik Yaşına Çatmamışların İşləri üzrə Komissiyanın tərkibi" sözləri "Azərbaycan Respublikası Nazirlər Kabineti yanında Yetkinlik yaşına çatmayanların işləri və hüquqlarının müdafiəsi üzrə komissiyanın" sözləri ilə əvəz edilmişdir.

[4] 11 aprel 2002-ci il tarixli 62 nömrəli Azərbaycan Respublikasının Nazirlər Kabinetinin Qərarı (Azərbaycan Respublikasının Qanunvericilik Toplusu, 2002-ci il, № 4, maddə 206) ilə Azərbaycan Respublikası Nazirlər Kabineti yanında Yetkinlik Yaşına Çatmamışların İşləri üzrə Komissiyanın tərkibindən L.Rəsulova, S.Təbrizli, A.Rəfiyev, F.Axundov çıxarılmışlar və Komissiyanın tərkibinə bir sıra üzvlər daxil edilmişlər.

[5] 25 oktyabr 2001-ci il tarixli 168 nömrəli Azərbaycan Respublikasının Nazirlər Kabinetinin Qərarı (Azərbaycan Respublikasının Qanunvericilik Toplusu, 2001-ci il, № 10, maddə 663) ilə «Azərbaycan Respublikası Nazirlər Kabineti yanında Yetkinlik Yaşına Çatmamışların İşləri üzrə Komissiyanın Tərkibi»ndə «Gənclər və İdman» sözləri «Gənclər, İdman və Turizm» sözləri ilə əvəz edilmişdir.

2 may 2006-cı il tarixli 119 nömrəli Azərbaycan Respublikasının Nazirlər Kabinetinin Qərarı (Azərbaycan Respublikasının Qanunvericilik Toplusu, 2006-cı il, № 5, maddə 463) ilə “Azərbaycan Respublikası Nazirlər Kabineti yanında Yetkinlik yaşına çatmayanların işləri və hüquqlarının müdafiəsi üzrə komissiya”nın beşinci abzasında “P. Bülbüloğlu - mədəniyyət naziri” sözləri “Ə. Qarayev - mədəniyyət və turizm naziri” sözləri ilə, yeddinci abzasında isə “Ə. Qarayev - gənclər, idman və turizm naziri” sözləri “A. Rəhimov - gənclər və idman naziri” sözləri ilə əvəz edilmişsdir.