“Ərazi quruluşu və inzibati ərazi bölgüsü haqqında”  Azərbaycan Respublikasının Qanununa dəyişikliklər və əlavələr edilməsi barədə

AZƏRBAYCAN RESPUBLİKASININ Q A N U N U

Azərbaycan Respublikasının Milli Məclisi  q ə r a r a   a l ı r :

I. “Ərazi quruluşu və inzibati ərazi bölgüsü haqqında” Azərbaycan Respublikasının Qanununa (Azərbaycan Respublikasının Qanunvericilik Toplusu, 2000-ci il, № 10, maddə 709; 2004-cü il, № 1, maddə 6) aşağıdakı dəyişikliklər və əlavələr edilsin:

1. 2-ci maddə aşağıdakı redaksiyada verilsin:

“Maddə 2. Bu Qanunda istifadə olunan əsas anlayışlar

2.1. Ərazi quruluşu - Azərbaycan Respublikası Konstitusiyasının 7-ci və 11-ci maddələrinə və bu Qanunda nəzərdə tutulmuş meyarlara əsasən Azərbaycan Respublikasının unitar, vahid əraziyə malik olan dövlət kimi müvafiq hissələrə bölünməsidir.

2.2. İnzibati ərazi bölgüsü - idarəetmənin, qanunçuluğun, vətəndaşların hüquqlarının, azadlıqlarının və qanuni mənafelərinin dövlət hakimiyyəti orqanları tərəfindən təmin edilməsinin səmərəli təşkili məqsədi ilə Azərbaycan Respublikasının ərazisinin unitar dövlət kimi müəyyən hissələrə bölünməsidir.

2.3. Yaşayış məntəqəsi - əhalinin yığcam məskunlaşdığı və yaşayış yeri üzrə qeydiyyatda olduğu (bundan sonra - daimi yaşadığı), onların həyat fəaliyyətinin təmin edilməsi üçün zəruri olan yaşayış və digər bina və qurğulara, xüsusi ada və qanunvericiliklə müəyyən olunmuş ərazi hüduduna malik olan Azərbaycan Respublikası ərazisinin hissəsidir (şəhər, qəsəbə, kənd).

2.4. Ərazi vahidi - müəyyən sərhədlərlə məhdudlaşan Azərbaycan Respublikası ərazisinin bir hissəsidir (rayon, şəhər, şəhər rayonu, qəsəbə, kənd).

2.5. İnzibati ərazi vahidi - hüdudlarında dövlət hakimiyyəti orqanlarının yaradıldığı ərazi vahididir (rayon, şəhər, şəhər rayonu).

2.6. İnzibati ərazi dairəsi - bir və ya daha çox şəhər, qəsəbə və ya kənddən ibarət olan, hüdudlarında yerli dövlət hakimiyyəti orqanlarının yaradıldığı ərazi vahididir (şəhər, qəsəbə, kənd).

2.7. Rayon - Azərbaycan Respublikasının ümumi ərazisinin idarə edilməsinin mərkəzləşdirilməsi, dövlət funksiyalarının həyata keçirilməsinin səmərəliləşdirilməsi, habelə dövlət hakimiyyəti orqanlarının əhaliyə mümkün qədər yaxınlaşdırılması məqsədi ilə tarixən yaranmış, sabit və davamlı iqtisadi, mədəni və sosial əlaqələri olan ərazilərdən təşkil edilmiş, bir neçə inzibati ərazi dairələrini birləşdirən Azərbaycan Respublikasının inzibati ərazi vahididir.

2.8. Şəhər - əhalisinin sayı 15.000 nəfərdən yuxarı və onun əksəriyyəti sənayedə, iqtisadi, sosial və ya qeyri-istehsalat sahələrində (dövlət və ya bələdiyyə qulluğunda, kommunal təsərrüfatda, ictimai iaşə, mədəni və ya tarixi obyektlərdə və s.) məşğul olan, ətrafındakı ərazi vahidlərinin inzibati, iqtisadi və ya mədəni mərkəzləri olan inzibati ərazi vahididir.

2.9. Şəhər rayonu - böyük ərazilərə malik olan şəhərlərin idarə edilməsinin səmərəliləşdirilməsi, o cümlədən əhalinin sosial-mədəni və məişət ehtiyaclarının ödənilməsi və qanunçuluğun təmin edilməsi ilə bağlı olan qərarların icrasının təşkil edilməsi məqsədilə həmin şəhərlərin ərazilərinin müəyyən hissələrə bölünməsi əsasında yaradılan inzibati ərazi vahididir.

2.10. Qəsəbə - əhalisinin əksəriyyəti iqtisadi, sənaye, sosial, kommunal təsərrüfatı, ictimai-iaşə, tarixi, mədəni, kurort obyektlərində, dövlət idarəetmə və ya inzibati orqanlarında və s. sahələrdə işləyən ərazi vahididir.

2.11. Kənd - əhalisinin əksəriyyəti kənd təsərrüfatı ilə məşğul olan ərazi vahididir.”.

2. 6-cı maddə aşağıdakı redaksiyada verilsin:

“Maddə 6. Azərbaycan Respublikasının ərazi quruluşu və inzibati ərazi bölgüsünə dair məlumatların nəşr edilməsi

Azərbaycan Respublikasının Milli Məclisi tərəfindən on ildə bir dəfə “Azərbaycan Respublikasının inzibati ərazi bölgüsü”nə dair məlumatları əks etdirən toplu nəşr olunur.”.

3. 5-ci maddəyə aşağıdakı əlavə və dəyişiklik edilsin:

Aşağıdakı redaksiyada yeni 5.5-ci maddə əlavə edilsin və 5.5-ci, 5.6-cı,  5.7-ci və 5.8-ci maddələr müvafiq olaraq 5.6-cı, 5.7-ci, 5.8-ci və 5.9-cu maddələr hesab edilsin:

“5.5. Ayrı-ayrı hallarda əhalisinin sayı 15.000 nəfərdən az, lakin 12.000 nəfərdən yuxarı olan, inkişaf etmiş istehsalat və sosial infrastruktura, ərazisində ümumdövlət əhəmiyyətli müəssisələr və ya xüsusi əhəmiyyətli tarixi və mədəni abidələr yerləşən, habelə gələcək inkişaf və əhalisinin sayının artması perspektivinə malik olan böyük inzibati, iqtisadi və mədəni mərkəzlər şəhərlər kateqoriyasına aid edilə bilər.”.

4. 7.4.2-ci maddədən “inzibati ərazi vahidi və ya” sözləri çıxarılsın.

5. 7.4.3-cü maddədə “mərkəzinədək, yaxın dəmiryol stansiyasınadək, poçt şöbəsinədək” sözləri “mərkəzinədək (poçt şöbəsinədək), yaxın dəmiryol stansiyasınadək” sözləri ilə əvəz edilsin.

6. 7.4.5-ci maddədə “1:5000 və ya 1:10000 miqyasında sxematik xəritə” sözləri “, onların ərazisindən asılı olaraq sahəsi 4 kv.km-ə qədər olduqda - 1:5000, 4 kv.km-dən 25 kv.km-ə qədər olduqda - 1:10000, 25 kv.km-dən 100 kv.km-ə qədər olduqda - 1:25000, 100 kv.km-dən artıq olduqda - 1:50000 miqyaslı, döngə nöqtələrinin koordinatları göstərilməklə xəritə” sözləri ilə əvəz edilsin.

7. 7.5.2-ci maddədən “inzibati ərazi vahidi və ya” sözləri çıxarılsın.

8. 7.6-cı maddədə “1:5000 və ya 1:10000 miqyasında sxematik xəritə” sözləri “, onların ərazisindən asılı olaraq sahəsi 4 kv.km-ə qədər olduqda - 1:5000, 4 kv.km-dən 25 kv.km-ə qədər olduqda - 1:10000, 25 kv.km-dən 100 kv.km-ə qədər olduqda - 1:25000, 100 kv.km-dən artıq olduqda - 1:50000 miqyaslı, döngə nöqtələrinin koordinatları göstərilməklə xəritə” sözləri ilə əvəz edilsin, “əhalisinin” sözündən sonra “(səsvermə hüququna malik olan şəxslərin sayı göstərilməklə) sayı və onların” sözləri əlavə edilsin.

9. 8.4.2-ci maddədən “inzibati ərazi vahidi və ya” sözləri çıxarılsın.

10. 8.4.4-cü maddədən “və onların hər birində işləyən şəxslərin” sözləri çıxarılsın.

11. 8.4.5-ci maddədə “1:5000 və ya 1:10000 miqyasında sxematik xəritə” sözləri “, onların ərazisindən asılı olaraq sahəsi 4 kv.km-ə qədər olduqda - 1:5000, 4 kv.km-dən 25 kv.km-ə qədər olduqda - 1:10000, 25 kv.km-dən 100 kv.km-ə qədər olduqda - 1:25000, 100 kv.km-dən artıq olduqda - 1:50000 miqyaslı, döngə nöqtələrinin koordinatları göstərilməklə xəritə” sözləri ilə əvəz edilsin.

12. 8-ci maddəyə aşağıdakı redaksiyada yeni 8.5-ci maddə əlavə edilsin və 8.5-ci maddə 8.6-cı maddə hesab edilsin:

“8.5. Ərazi vahidinin inzibati tabeliyi dəyişdikdə (başqa rayona və ya şəhərə verildikdə) bu Qanunun 8.4-cü maddəsində göstərilmiş sənədlərə inzibati tabeliyi dəyişən ərazi vahidində yaşayan əhalinin (səsvermə hüququna malik olan şəxslərin sayı göstərilməklə) sayı və onların ümumi yığıncağının qərarı əlavə olunur.”.

13. 9.6.2-ci maddədən “inzibati ərazi vahidi və ya” sözləri çıxarılsın.

14. 10.2-ci maddənin ikinci cümləsi çıxarılsın və aşağıdakı redaksiyada 10.3-cü maddə əlavə edilsin:

“10.3. Ərazi vahidlərinin statusunun dəyişdirilməsi üçün Azərbaycan Respublikasının müvafiq icra hakimiyyəti orqanının və ya Naxçıvan Muxtar Respublikası Ali Məclisinin vəsatətinə aşağıdakı sənədlər əlavə olunur:

10.3.1. müvafiq icra hakimiyyəti orqanının ərazi vahidinin statusunun dəyişdirilməsinə dair qərarı;

10.3.2. müvafiq icra hakimiyyəti orqanının ayrı-ayrı inzibati ərazi dairəsi üzrə nümayəndəliyinin vəsatəti;

10.3.3. ərazi vahidinin harada yerləşməsi, onun statusunun dəyişdirilməsinin əsaslandırılması (bu Qanunun 5.3-cü maddəsində göstərilmiş meyarlara müvafiq olaraq), əhalisinin sayı və əsas məşğuliyyətə görə tərkibi barədə müvafiq icra hakimiyyəti orqanının izahat məktubu;

10.3.4. statusunun müəyyən edilməsi və dəyişdirilməsi təklif olunan ərazi vahidinin qonşu ərazi vahidləri ilə sərhədlərinin təsvirini verən, ərazi vahidinin inkişafına dair baş plana görə mövcud və perspektiv sərhədləri göstərən müvafiq icra hakimiyyəti orqanında təsdiq edilmiş, onların ərazisindən asılı olaraq sahəsi 4 kv.km-ə qədər olduqda - 1:5000, 4 kv.km-dən 25 kv.km-ə qədər olduqda - 1:10000, 25 kv.km-dən 100 kv.km-ə qədər olduqda - 1:25000, 100 kv.km-dən artıq olduqda - 1:50000 miqyaslı, döngə nöqtələrinin koordinatları göstərilməklə xəritə.”.

15. 11-ci maddədə aşağıdakı dəyişikliklər edilsin:

1) 11.2-ci maddənin ikinci cümləsində “verilən və müvafiq icra hakimiyyəti orqanında təsdiq edilmiş sxematik xəritə 1:5000 və ya 1:10000 miqyasda” sözləri “müvafiq icra hakimiyyəti orqanında təsdiq edilmiş, onların ərazisindən asılı olaraq sahəsi 4 kv.km-ə qədər olduqda - 1:5000, 4 kv.km-dən  25 kv.km-ə qədər olduqda - 1:10000, 25 kv.km-dən 100 kv.km-ə qədər olduqda - 1:25000, 100 kv.km-dən artıq olduqda - 1:50000 miqyaslı, döngə nöqtələrinin koordinatları göstərilməklə xəritə” sözləri ilə əvəz edilsin.

2) 11.3-cü maddənin birinci cümləsində “kənd və ya qəsəbə” sözləri “şəhər, qəsəbə və ya kənd” sözləri ilə, ikinci cümləsində “mərkəzi olan kənd və ya qəsəbənin” sözləri “mərkəzinin” sözləri ilə əvəz edilsin.

16. 12-ci maddəyə aşağıdakı dəyişikliklər və əlavə edilsin:

1) Maddənin adında “şəhərlərdə rayonların” sözləri “şəhər rayonlarının” sözləri ilə əvəz edilsin.

2) 12.1-ci maddədə “şəhərlərdə rayonların” sözləri “şəhər rayonlarının” sözləri ilə əvəz edilsin.

3) 12.2-ci maddədə “şəhərlərdə rayonların” sözləri “şəhər rayonlarının” sözləri ilə əvəz edilsin.

4) 12.3-cü maddədə “şəhərlərdə rayonlar” sözləri “şəhər rayonları” sözləri ilə əvəz edilsin.

5) 12.3.1-ci maddədə “rayonun” sözündən sonra “və şəhər rayonunun” sözləri əlavə edilsin, “onların hər birində işləyənlərin sayı,” sözləri çıxarılsın və “rayon mərkəzindən” sözləri “rayon və şəhər rayonu mərkəzindən (poçt şöbəsindən)” sözləri ilə əvəz edilsin.

6) 12.3.2-ci maddədə hər iki halda “rayonun” sözündən sonra “və şəhər rayonunun” sözləri əlavə edilsin və “1:5000 və ya 1:10000 miqyasında sxematik xəritə” sözləri “, onların ərazisindən asılı olaraq sahəsi 4 kv.km-ə qədər olduqda - 1:5000, 4 kv.km-dən 25 kv.km-ə qədər olduqda - 1:10000, 25 kv.km-dən 100 kv.km-ə qədər olduqda - 1:25000, 100 kv.km-dən artıq olduqda - 1:50000 miqyaslı, döngə nöqtələrinin koordinatları göstərilməklə xəritə” sözləri ilə əvəz edilsin.

17. 13.2-ci maddədə “onların statusunu müəyyən edən qanunun nüsxəsi,” sözləri çıxarılsın və “1:5000 və ya 1:10000 miqyasında sxematik xəritə” sözləri “, onların ərazisindən asılı olaraq sahəsi 4 kv.km-ə qədər olduqda - 1:5000, 4 kv.km-dən 25 kv.km-ə qədər olduqda - 1:10000, 25 kv.km-dən 100 kv.km-ə qədər olduqda - 1:25000, 100 kv.km-dən artıq olduqda - 1:50000 miqyaslı, döngə nöqtələrinin koordinatları göstərilməklə xəritə” sözləri ilə əvəz edilsin.

18. 15.2-ci maddənin birinci cümləsində “2.10-cu və 2.11-ci” sözləri “2.8-ci və 5.5-ci” sözləri ilə əvəz edilsin.

II. Bu Qanun dərc edildiyi gündən qüvvəyə minir.

İlham Əliyev,
Azərbaycan Respublikasının Prezidenti

Bakı şəhəri, 17 aprel 2007-ci il
№ 321-IIIQD