«Qeyri-dövlət (özəl) mühafizə fəaliyyəti haqqında» Azərbaycan Respublikası Qanununun tətbiqi ilə əlaqədar bəzi normativ hüquqi aktların təsdiq edilməsi barədə

Xüsusi vasitənin adı

Şəhadətnamənin

nömrəsi

Xüsusi vasitənin

alındığı

müəssisənin adı

Alınma tarixi

«Qeyri-dövlət (özəl) mühafizə fəaliyyəti haqqında» Azərbaycan Respublikası Qanununun tətbiqi ilə əlaqədar bəzi normativ hüquqi aktların təsdiq edilməsi barədə

AZƏRBAYCAN RESPUBLİKASININ NAZİRLƏR KABİNETİNİN QƏRARI

«Qeyri-dövlət (özəl) mühafizə fəaliyyəti haqqında» Azərbaycan Respublikası Qanununun tətbiq edilməsi barədə» Azərbaycan Respublikası Prezidentinin 2007-ci il 21 iyun tarixli 596 nömrəli Fərmanının 1.5-ci və 1.6-cı bəndlərinə uyğun olaraq Azərbaycan Respublikasının Nazirlər Kabineti qərara alır:

1. «Özəl mühafizə müəssisəsi və ya hüquqi şəxsin mühafizə bölməsi tərəfindən xüsusi vasitənin əldə olunması, saxlanılması və ondan təyinatı üzrə istifadə edilməsi hüququnu təsdiq edən şəhadətnamənin forması», «Özəl mühafizə müəssisəsi və ya hüquqi şəxsin mühafizə bölməsi tərəfindən xüsusi vasitənin əldə olunması, saxlanılması və ondan təyinatı üzrə istifadə edilməsi hüququnu təsdiq edən şəhadətnamənin verilməsi Qaydası», «Özəl mühafizə müəssisələri və ya hüquqi şəxslərin mühafizə bölmələri tərəfindən əldə oluna, saxlanıla və təyinatı üzrə istifadə edilə bilən xüsusi vasitələrin Siyahısı» və «Xüsusi vasitənin özəl mühafizə müəssisəsi və ya hüquqi şəxsin mühafizə bölməsi tərəfindən əldə olunması, saxlanılması və ondan təyinatı üzrə istifadə edilməsi üçün mühafizəçilərə verilməsi Qaydaları» təsdiq edilsin (əlavə olunur).

2. Bu qərar imzalandığı gündən qüvvəyə minir.

Azərbaycan Respublikasının Baş naziri A. RASİZADƏ

Bakı şəhəri, 13 avqust 2007-ci il

№ 127

Azərbaycan Respublikası Nazirlər Kabinetinin

2007-ci il 13 avqust tarixli 127 nömrəli qərarı ilə

TƏSDİQ EDİLMİŞDİR

Özəl mühafizə müəssisəsi və ya hüquqi şəxsin mühafizə bölməsi tərəfindən xüsusi vasitənin əldə olunması, saxlanılması və ondan təyinatı üzrə istifadə edilməsi hüququnu təsdiq edən şəhadətnamənin

FORMASI

Gerb

A Z Ə R B A Y C A N R E S P U B L İ K A S I N I N

D a x i l i İ ş l ə r N a z i r l i y i

_________________________________________________________________________

(şəhadətnaməni verən strukturun adı)

_____________ №-li Ş Ə H A D Ə T N A M Ə

«________»________________________20______-ci ildə verilib

___________________________________________________________________________________________________________________

(özəl mühafizə müəssisəsinin, hüquqi şəxsin

___________________________________________________________________________________________________________________

mühafizə bölməsinin adı və ünvanı)

___________________________________________________________________________________________________________________

(xüsusi vasitələrin adları)

əldə olunması, saxlanılması və təyinatı üzrə istifadə edilməsi hüququnu verir.

[1]Lisenziyanın nömrəsi və verilmə tarixi_________________________

____________________________________________________________________________

[2]~~Etibarlılıq müddəti~~ ~~__________________________~~

Rəis ______________________________________________

M.Y.

Azərbaycan Respublikası Nazirlər Kabinetinin

2007-ci il 13 avqust tarixli 127 nömrəli qərarı ilə

TƏSDİQ EDİLMİŞDİR

Q A Y D A S I

1. Bu Qayda «Qeyri-dövlət (özəl) mühafizə fəaliyyəti haqqında» Azərbaycan Respublikası Qanununun tətbiq edilməsi barədə» Azərbaycan Respublikası Prezidentinin 2007-ci il 21 iyun tarixli 596 nömrəli Fərmanının 1.5-ci bəndinə əsasən hazırlanmışdır və özəl mühafizə müəssisəsi və ya hüquqi şəxsin mühafizə bölməsi tərəfindən xüsusi vasitənin əldə olunması, saxlanılması və ondan təyinatı üzrə istifadə edilməsi hüququnu təsdiq edən şəhadətnamənin verilməsi qaydasını müəyyən edir.

2. Özəl mühafizə müəssisəsi və ya mühafizə bölməsi yaradan hüquqi şəxslər xüsusi vasitələrin əldə olunması, saxlanılması və onlardan təyinatı üzrə istifadə edilməsi hüququnu təsdiq edən şəhadətnamənin alınması məqsədi ilə Azərbaycan Respublikası Daxili İşlər Nazirliyinin müvafiq strukturlarına ərizə ilə müraciət edirlər.

2.1. Ərizə ilə birlikdə aşağıdakı sənədlər təqdim olunur:

2.1.1. hüquqi şəxslər - Azərbaycan Respublikasının Daxili İşlər Nazirliyi tərəfindən verilmiş lisenziyanın və Azərbaycan Respublikasının Ədliyyə Nazirliyində və ya Azərbaycan Respublikasının Vergilər Nazirliyində dövlət qeydiyyatından keçməsi barədə şəhadətnamənin surətləri;[3]

2.1.2. mühafizə bölməsi yaradan: Azərbaycan Respublikasının ərazisində xarici hüquqi şəxslər və ya əcnəbi və ya vətəndaşlığı olmayan şəxslər tərəfindən təsis edilmiş hüquqi şəxslər, o cümlədən birbaşa və ya dolayı yolla xarici kapitalın iştirakı ilə yaradılmış hüquqi şəxslər - Azərbaycan Respublikasının Dövlət Təhlükəsizliyi Xidməti tərəfindən verilmiş lisenziyanın surəti;[4]

2.1.3. mühafizə bölməsi yaradan digər hüquqi şəxslər - Azərbaycan Respublikasının Daxili İşlər Nazirliyi tərəfindən verilmiş lisenziyanın surəti.[5]

3. Şəhadətnamələr Azərbaycan Respublikası Daxili İşlər Nazirliyinin müvafiq strukturları tərəfindən özəl mühafizə müəssisəsinə və yaxud mühafizə bölməsi yaradan hüquqi şəxslərə müraciət daxil olduğu vaxtdan 3 iş günü müddətində verilir.

~~4. Şəhadətnamə özəl mühafizə fəaliyyətinin həyata keçirilməsi üçün verilmiş xüsusi razılığın (lisenziyanın) qüvvədə olduğu müddətdə etibarlıdır.~~[6]

Azərbaycan Respublikası Nazirlər Kabinetinin

2007-ci il 13 avqust tarixli 127 nömrəli qərarı ilə

TƏSDİQ EDİLMİŞDİR

Özəl mühafizə müəssisələri və ya hüquqi şəxslərin mühafizə bölmələri tərəfindən əldə oluna, saxlanıla və təyinatı üzrə istifadə edilə bilən xüsusi vasitələrin

S İ Y A H I S I

1. Əl-qolu bağlama vasitəsi – qandal. 2. Rezin dəyənək. 3. Canqoruyucu jilet

Azərbaycan Respublikası Nazirlər Kabinetinin

2007-ci il 13 avqust tarixli 127 nömrəli qərarı ilə

TƏSDİQ EDİLMİŞDİR

Xüsusi vasitənin özəl mühafizə müəssisəsi və ya hüquqi şəxsin mühafizə bölməsi tərəfindən əldə olunması, saxlanılması və ondan təyinatı üzrə istifadə edilməsi üçün mühafizəçilərə verilməsi

Q A Y D A L A R I

1. Bu Qaydalar «Qeyri-dövlət (özəl) mühafizə fəaliyyəti haqqında» Azərbaycan Respublikası Qanununun tətbiq edilməsi barədə» Azərbaycan Respublikası Prezidentinin 2007-ci il 21 iyun tarixli 596 nömrəli Fərmanının 1.6-cı bəndinə əsasən hazırlanmışdır və xüsusi vasitənin özəl mühafizə müəssisəsi və ya hüquqi şəxsin mühafizə bölməsi tərəfindən əldə olunması, saxlanılması və ondan təyinatı üzrə istifadə edilməsi üçün mühafizəçilərə verilməsi qaydalarını müəyyən edir.

2. Özəl mühafizə müəssisəsi və mühafizə bölməsi yaradan hüquqi şəxslər xüsusi vasitələri birbaşa istehsalçıdan və yaxud qanunvericiliklə müəyyən olunmuş qaydada xüsusi vasitələrin satışı ilə məşğul olan müəssisələrdən ala bilərlər.

3. Xüsusi vasitələr siqnalizasiya sistemləri ilə təchiz olunmuş, bu məqsədlə nəzərdə tutulmuş xüsusi otaqlarda, dəmir şkaflarda saxlanılır.

4. Xüsusi vasitələrin uçotu və qeydiyyatı özəl mühafizə müəssisəsinin və yaxud mühafizə bölməsinin məsul işçisi tərəfindən ayrıca kitabda bu Qaydaların 1 nömrəli əlavəsinə uyğun aparılır.

5. Xüsusi vasitələr xidmətə başlayan mühafizəçiyə bu Qaydaların 2 nömrəli əlavəsinə uyğun olaraq «Xüsusi vasitələrin mühafizəçilərə verilib-alınmasının qeydiyyatı jurnalı»nda imza etdikdən sonra verilir və yalnız xidmət aparılan ərazidə istifadə olunur.

6. Xidmət başa çatdıqdan sonra mühafizəçilər xüsusi vasitələri özəl mühafizə xidmətinin məsul işçisinə təhvil verirlər.

7. Özəl mühafizə müəssisəsinin və hüquqi şəxsin mühafizə bölməsinin işçilərinə aşağıdakılar qadağandır:

7.1. xüsusi vasitələri mühafizə olunan obyektin hüdudlarından kənara çıxartmaq;

7.2. xidməti istifadə üçün verilmiş xüsusi vasitələri kənar şəxslərə vermək.

8. Xüsusi vasitələrin tətbiq edildiyi hər bir halda bu barədə dərhal Azərbaycan Respublikasının Daxili İşlər Nazirliyinə və prokurorluq orqanlarına məlumat verilməlidir.

9. Xüsusi vasitələrin tətbiq edildiyi hər bir hal barədə özəl mühafizə müəssisəsinin və ya hüquqi şəxsin mühafizə bölməsinin rəhbəri xidməti yoxlama aparmalı, xüsusi vasitənin tətbiqinin qanunauyğun olub-olmaması barədə müvafiq rəy hazırlamalıdır. Xüsusi vasitələrin tətbiqinin qanunauyğun olub-olmaması barədə müvafiq rəy özəl mühafizə müəssisəsinin və ya hüquqi şəxsin mühafizə bölməsinin rəhbəri tərəfindən 3 gün müddətində Azərbaycan Respublikasının Daxili İşlər Nazirliyinə və prokurorluq orqanlarına, Azərbaycan Respublikasının ərazisində xarici hüquqi şəxslər və ya əcnəbi və ya vətəndaşlığı olmayan şəxslər tərəfindən təsis edilmiş hüquqi şəxslər, o cümlədən birbaşa və ya dolayı yolla xarici kapitalın iştirakı ilə yaradılmış hüquqi şəxslər isə Azərbaycan Respublikasının Dövlət Təhlükəsizliyi Xidmətinə və prokurorluq orqanlarına təqdim edilməlidir. [7]

10. Xüsusi vasitə itirildikdə, bu barədə dərhal Azərbaycan Respublikasının Daxili İşlər Nazirliyinə məlumat verilməlidir.

«Xüsusi vasitənin özəl mühafizə müəssisəsi və ya hüquqi şəxsin mühafizə bölməsi tərəfindən əldə olunması, saxlanılması və ondan təyinatı üzrə istifadə edilməsi üçün mühafizəçilərə verilməsi Qaydaları»na

1 nömrəli ƏLAVƏ

(üz qabığı)

_____________________________________________________________________________________

(özəl mühafizə müəssisəsinin və ya hüquqi şəxsin mühafizə bölməsinin adı)

XÜSUSİ VASİTƏLƏRİN UÇOTU VƏ QEYDİYYATI

J U R N A L I

Başlanılıb «______»______________20_____il

Qurtarıb «______»______________20_____il

(səhifələri)

2 nömrəli Əlavə

(üz qabığı)

_____________________________________________________________________________________

(özəl mühafizə müəssisəsinin və ya hüquqi şəxsin mühafizə bölməsinin adı)

XÜSUSİ VASİTƏLƏRİN MÜHAFİZƏÇİLƏRƏ

VERİLİB-ALINMASININ QEYDİYYATI

J U R N A L I

Başlanılıb «______»____________20_____il

Qurtarıb «______»____________20_____il

(səhifələri)

Sıra №-si	Mühafizəçilərin soyadı, adı	Xüsusi vasitənin adı	Xüsusi vasitənin alınma tarixi və saatı	Xüsusi vasitəni alan mühafizəçinin imzası	Xüsusi vasitənin geri qaytarılma tarixi və saatı	Xüsusi vasitəni geri alan məsul şəxsin imzası

QƏRARA EDİLMİŞ DƏYİŞİKLİK VƏ ƏLAVƏLƏRİN SİYAHISI

1. 4 sentyabr 2008-ci il tarixli 202 nömrəli Azərbaycan Respublikası Nazirlər Kabinetinin Qərarı (Azərbaycan Respublikasının Qanunvericilik Toplusu, 2008-ci il, № 9, maddə 853)

2. 22 sentyabr 2016-cı il tarixli 360 nömrəli Azərbaycan Respublikası Nazirlər Kabinetinin Qərarı (“Azərbaycan” qəzeti 30 sentyabr 2016-cı il, № 214, Azərbaycan Respublikasının Qanunvericilik Toplusu, 2016-cı il, № 9, maddə 1585)

6 oktyabr 2016-cı il tarixli 392 nömrəli Azərbaycan Respublikası Nazirlər Kabinetinin Qərarı (“Azərbaycan” qəzeti, 9 oktyabr 2016-cı il, № 222, Azərbaycan Respublikasının Qanunvericilik Toplusu, 2016-cı il, № 10, maddə 1710)

İSTİFADƏ OLUNMUŞ MƏNBƏ SƏNƏDLƏRİNİN SİYAHISI