|
"Qeydə alınmışdır" Azərbaycan Respublikası Ədliyyə Nazirliyi Qeydiyyat ¹ 28 " 19 " fevral 1997-ci il Nazir əvəzi S.HƏSƏNOVA |
"Təsdiq edilmişdir" Azərbaycan Respublikası Dövlət Əmlak Komitəsi Sərəncam ¹ 29 " 06 " fevral 1997-ci il Sədr N.NƏSİBOV |
DÖVLƏT MÜƏSSİSƏLƏRİNİN
ÇEVRİLMƏSİ
NƏTİCƏSİNDƏ YARADILAN SƏHMDAR
CƏMİYYƏTLƏRİN NÜMUNƏVİ
N İ Z A M N A M
Ə S İ
Səhmdar cəmiyyətlərin
(sonradan "Cəmiyyət" adlandırılır)
Nümunəvi Nizamnaməsi.
"Azərbaycan Respublikasında 1995-1998-cı illərdə
Dövlət mülkiyyətinin özəlləşdirilməsinin dövlət proqramı"
təsdiq edilməsi haqqında Azərbaycan Respublikası
qanununa, "Dövlət müəssisəsinin səhmdar
cəmiyyətinə çevrilməsinin qaydaları
haqqında Əsasnamə"yə və digər
normativ-hüquqi aktlara uyğun olaraq tərtib edilmişdir.
Maddə 1. Cəmiyyətin adı və hüquqi
ünvanı.
1.1. Cəmiyyətin tam rəsmi
adı “______________________________________________________
________________________________________________________________________________”
Cəmiyyətin
qısaldılmış adı”___________________________________________________________”
1.2. Cəmiyyətin hüquqi ünvanı________________________________________________________”
Maddə 2. Cəmiyyətin
hüquqi statusu.
2.1. Cəmiyyət dövlət qeydiyyatına
alındığı vaxtdan hüquqi şəxs hüquqlarına
və
vəzifələrinə sahib olur.
Cəmiyyətin üzərində öz adı
yazılmış möhürü, firma nişanı
(rəmzi), bankda manatla
və xarici valyuta ilə hesablaşma və digər
hesabları vardır.
2.2. Cəmiyyətin
təsisçisi (təsisçilər) ____________________________
________________________________________________________________________________
2.3. Cəmiyyət öz öhdəliklərinin yerinə
yetirilməsinə və borclarına görə bütün
əmlakı ilə məsuliyyət daşıyır.
Səhmdarlar cəmiyyətin öhdəliklərinə və borclarına görə yalnız
öz səhmləri həcmində məsuliyyət
daşıyırlar.
Cəmiyyət öz
səhmdarlarının öhdəliklərinə görə
cavabdeh deyildir.
2.4. Cəmiyyət___________________________________________________________________
(müəssisənin adı)
dövlət müəssisəsinin
(birliyinin) bazasında yaradılır və onun hüquqi
varisidir.
2.5.Cəmiyyət öz fəaliyyətini Azərbaycan
Respublikasının qüvvədə olan normativ-hüquqi aktlarına uyğun
olaraq həyata keçirir.
2.6.Cəmiyyətə qadağan olunur:
- Cəmiyyətin Nizamnamə
kapitalında dövlətin payı 25 faizdən çox
olarsa, özəlləşdirilməsi prosesində digər
dövlət əmlakının alıcısı kimi
çıxış etmək.
2.7.Cəmiyyətin səhmlərinin dövlət
mülkiyyətində olduğu bütün dövr
ərzində Cəmiyyətin
İdarəetmə orqanlarında iştirak etmək
üçün dövlətin nümayəndəsini qanunvericiliklə müəyyən
edilmiş qaydada mərkəzi icra hakimiyyəti orqanları
təyin edir.
2.8.Cəmiyyət səhmdarlar və digər hüquqi
və fiziki şəxslər arasında yaymaq məqsədi ilə istiqraz
vərəqələri buraxmaq hüququna malikdir.
2.9.Nümunəvi nizamnamə açıq və qapalı
tipli səhmdar cəmiyyətlərin nizamnaməsi hazırlanarkən
istifadə olunur.
Dövlət və icarə
müəssisələri əsasında yaradılan qapalı
tipli səhmdar Cəmiyyətlərin nizamnaməsində
onların hüquqi statusunu xarakterizə edən əlavə
normalar nəzərdə tutula bilər, bu şərtlə ki,
onlar Azərbaycan Respublikasının normativ-hüquqi aktlarına zidd olmasın.
2.10. Cəmiyyət dövlət
qeydiyyatına alındığı andan nazirliklərin,
dövlət Komitələrinin,
konsernlərin, şirkətlərin, birliklərin, digər
sahə idarəetmə və yerli
icra hakimiyyəti orqanlarının tabeliyindən
çıxır (səhmlərin nəzarət zərfi dövlətin mülkiyyətində
saxlanılan hallar istisna edilməklə).
2.11. Cəmiyyət
məhkəmə və iqtisad məhkəməsində
iddiaçı və cavabdeh kimi çıxış edir.
Maddə 3. Cəmiyyətin
məqsədi və fəaliyyətinin predmeti.
3.1.
Cəmiyyətin əsas
məqsədi mənfəət əldə etməkdir.
3.2.Səhmdar
cəmiyyətin əsas fəaliyyət növləri:
______________________________________________________________________________________
______________________________________________________________________________________
______________________________________________________________________________________
(konkret fəaliyyət növləri göstərilir)
Azərbaycan Respublikası
qanunvericiliyi ilə qadağan edilməyən digər
fəaliyyət növünü həyata keçirir.
Maddə 4. Cəmiyyətin
nizamnamə kapitalı və əmlakı.
4.1. Dövlət müəssisəsi
dövlət qeydiyyatına alındığı andan onun
əmlakı səhmdar
cəmiyyətin balansına verilmiş hesab edilir.
Cəmiyyətin balansına onun
nizamnamə kapitalını təşkil edən dövlət
müəssisəsinin əmlakı verilir.
4.2. Cəmiyyətin əmlakı:
- təsisçilərin ona verdiyi əmlak;
- təsərrüfat
fəaliyyəti nəticəsində istehsal olunmuş
məhsul (iş, xidmət);
- əldə edilmiş
gəlirlər;
- qanunvericiliklə müəyyən
edilmiş qaydada əldə edilmiş digər əmlak.
4.3.Cəmiyyət
ehtiyat, sığorta və digər fondlar yaradır. Bu
fondların tərkibi, təyinatı,
həcmi, maliyyə mənbələri və istifadə
qaydaları Müşahidə Şurası (Direktorlar
Şurası) tərəfindən müəyyən edilir.
4.4.Cəmiyyət Nizamnamə kapitalının 25 faizi
həcmində ehtiyat fondu yaradır,
yəni
_____ min
manat həcmində.
Ehtiyat fondu bu Nizamnamədə
nəzərdə tutulan həcmə çatana qədər
hər il balans
mənfəətinin 10 faizə qədəri həddində
ayırmalar hesabına yaradılır.
4.5.Cəmiyyət, öhdəliklərinə görə
qanunla müəyyən edilmiş
qaydada məcburi müsadirə
oluna bilən əmlakı ilə məsuliyyət
daşıyır.
4.6.Nizamnamə kapitalı yeni səhmlərin
buraxılması, istiqraz vərəqələrinin səhmlərə
dəyişdirilməsi və səhmlərin nominal
dəyərinin artırılması yolu ilə artırıla bilər.
4.7.Cəmiyyətin nizamnamə kapitalı səhmlərin
nominal dəyərinin azaldılması və Cəmiyyətin səhmlərinin
ümumi sayını azaltmaq məqsədi ilə
yerləşdirilmiş səhmlərin bir hissəsinin geri
alınması və ləğv edilməsi yolu ilə
azaldıla bilər.
4.8.Cəmiyyətin nizamnamə kapitalı____________ manat
və ya
________________________________________ ədəd səhmdir.
4.9. Açıq
tipli səhmdar Cəmiyyət dövlət qeydiyyatına
alındığı kündən 30
(otuz) gün ərzində:
-eyni nominal qiyməti olan
aşağıdakı növ səhm buraxır:
1. Güzəştlə əmək
kollektivinə satılan adi səhmlər___ ədəd və ya nizamnamə
kapitalının____faizi.
2. Çek auksionlarına
yönəldilən adi səhmlər_____ ədəd və ya nizamnamə kapitalının _____faizi.
3. Dövlət mülkiyyətində
saxlanılan adi səhmlər ______ ədəd və ya Nizamnamə kapitalının _____faizi (özəlləşdirmə planında
nəzərdə tutulduğu halda).
o cümlədən:
4.
İxtisaslaşdırılmış
dövlət investisiya fondlarına yönəldilən
adi səhmlər________ ədəd və ya nizamnamə
kapitalının ___ faizi.
5.
Pul
auksionları, investisiya müsabiqələri və
hərracları vasitəsilə satılan adi səhmlər_____ ədəd
və ya Nizamnamə kapitalının _____faizi.
Bir səhmin nominal dəyəri___________________________ manatdır.
(sözlə)
Adi səhmlərin ümumi sayı____ ədəd
və ya nizamnamə kapitalının____faizi.
6. "Qızıl
səhm" - bir ədəd (özəlləşdirmə
planında nəzərdə tutulan hallarda).
- səhmdarların reyestrinin aparılmasını
müvəkkil depozitara həvalə edir.
4.10. Qapalı tipli səhmdar
cəmiyyətlərində səhmlərin satış
növləri üzrə bölüşdürülməsi
özəlləşdirmə komissiYasının
təklifləri nəzərə alınmaqla Dövlət
Əmlak Komitəsi tərəfindən müəyyən
edilir.
4.11. Cəmiyyətin dövlət
mülkiyyətində saxlanılan səhmlərinin
satış vaxtı, forması və qaydası Dövlət
Əmlak Komitəsinin təqdimatı əsasında Azərbaycan Respublikası Prezidentinin qərarı ilə
müəyyən edilir.
4.12. Cəmiyyətin
mütəşəkkil qiymətli kağızlar bazarında
öz səhmlərini yenidən
satmaq məqsədi ilə hər dəfə həmin
səhmlərin Nizamnamə kapitalının 10 faizindən çox olmayan hissəsini
almaq hüququ vardır (Komitə və onun
nümayəndəsinin
satdığı səhmlərdən başqa).
Geri alınmış
səhmlər Cəmiyyətin balansında bir ilə
qədər saxlanıla bilər.
Onlar mənfəətin
bölüşdürülməsində, habelə
səhmdarların yığıncağında yetərsayın müəyyən
edilməsində və səsvermədə nəzərə
alınmırlar. Bir il ərzində satılmayan səhmlər ləğv edilir və
müvafiq surətdə Cəmiyyətin Nizamnamə
kapitalı azaldılır.
Dövlət
mülkiyyətində Cəmiyyətin nizamnamə
kapitalının 25 və daha çox faizi olduğu
dövrdə həmin səhmlər o şəxslərə
satıla bilər ki, onlar Azərbaycan Respublikasının "Dövlət mülkiyyətinin
özəlləşdirilməsi haqqında" qanunun 5-ci maddəsinə uyğun olaraq
alıcı kimi tanınsınlar.
4.13.Cəmiyyət özünün qiymətli
kağızlarının yerləşdirilməsini,
satışını, qiymətini
qanunvericilikdə müəyyən edilmiş qaydada həyata
keçirir.
4.14.Səhmdarın yazılı ərizəsinə
əsasən ona səhmdarların reyestrindən çıxarış verilir. hər bir
səhmdarın hüququ var ki, özünün reyestrə
salındığına əmin olmaq üçün ona baxsın, depozitar isə
reyestrdə qeydiyyat haqqında yazını səhmdara göstərməlidir.
4.15.Güzəştli səhmlər onu almaq hüququ olan
vətəndaşlara onların təqdim etdikləri
özəlləşdirmə çeklərinin sayı
əsasında qanunvericiliklə müəyyən edilmiş qaydada satılır.
4.16. Güzəştlə satılan
səhmlərə abunə yazılışı
müddətində satılmayan səhmlər Dövlət Əmlak Komitəsinin
qərarı əsasında, Dövlət Proqramına
uyğun olaraq, Komitənin
müəyyən etdiyi qaydada istifadə olunur.
4.17. Cəmiyyətdə Azərbaycan
Respublikasının bir hüquqi və ya fiziki şəxsinə
(səhmdara), habelə xarici investora məxsus olan
səhmlərin sayına məhdudiyyət qanunvericiliklə müəyyən edildiyi hallarda qoyula
bilər.
Maddə 5. Səhmdarların
hüquq və vəzifələri.
5.1. İmtiyazlı səhmlərin,
habelə adi səhmlərin hər bir sahibin səhmdarların
yığıncağında şəxsən və ya
səlahiyyətli nümayəndənin vasitəsilə
iştirak etmək və bu Nizamnaməyə uyğun olaraq
baxılmaq üçün təklif vermək hüququ
vardır.
5.2. Açıq tipli səhmdar
cəmiyyətdə imtiyazlı və adi səhmlərin
sahibinin qanunvericilikdə
nəzərdə tutulan qaydada səhmləri özgəninkiləşdirmək
hüququ vardır.
5.3. Qapalı tipli səhmdar cəmiyyətdə
səhmdarın öz payını (səhmini) cəmiyyətin səhmdarlarına digər
səhmdarların əksəriyyətinin
razılığı ilə satmaq hüququ var.
Səhmdarlar imtina etdikdə
həmin səhmləri Cəmiyyət sonradan qanunvericiliklə
müəyyən edilmiş qaydada satmaq və ya
dövriyyədən çıxarmaq məqsədi ilə
özü geri alır və dəyərini
səhmdara ödəyir.
5.4. Səhmlərin
bütün kateqoriya və növləri üzrə dividendlər
(müvəqqəti şəhadətnamələr də daxil
olmaqla) yalnız yerləşdirilmiş səhmlər
müqabilində ildə
bir dəfə və ya
rüblər üzrə verilə bilər.
Dividendlərin (imtiyazlı
səhmlərdən başqa) verilmə tarixi
Müşahidə Şurası
(Direktorlar Şurası) tərəfindən
müəyyənləşdirilir.
5.5. İmtiyazlı
səhm sahiblərinin hüquqları.
(Bu maddənin 5.5 bəndi
özəlləşdirmə planında imtiyazlı səhm
buraxılması nəzərdə tutulan hallarda
cəmiyyətin nizamnaməsində saxlanılır.)
İmtiyazlı səhm sahiblərinin
hər il əvvəlcədən müəyyən edilmiş
dividend almaq hüququ vardır. Hər bir imtiyazlı səhm üzrə verilən dividend
Cəmiyyətin səhmdarlarının ümumi
yığıncağının
qərarı ilə müəyyən edilir və
mənfəətdən ümumi yığıncağın
müəyyən etdiyi məbləğdə
ödənilir.
Əgər ildə bir adi
səhmə verilən dividendin məbləği imtiyazlı
səhmin hər birinə
verilən dividenddən çox olarsa, sonuncular üzrə dividendin
məbləği adi səhmlərin
dividendin məbləğinə qədər
artırılmalıdır.
İmtiyazlı səhm
sahiblərinə dividendlər hər il və ya rüblər
üzrə əvvəlcədən müəyyən edilmiş vaxtda verilir. Bu bəndə
uyğun olaraq imtiyazlı səhmlər üzrə dividend
artırıldığı hallarda əlavə dividend adi
səhmlərlə eyni vaxtda verilir. İmtiyazlı səhmlərin o sahiblərinə
dividend verilir ki, onlar Müşahidə Şurasının (Direktorlar
Şurasının) dividendlərin verilməsini elan etdiyi
vaxtda 30 (otuz) gündən gec olmaYan
müddətdə səhmdarların reyestrində qeyd
olunsunlar.
İmtiyazlı səhm
sahiblərin səhmdarların yığıncağında,
aşağıdakı hallar istisna olmaqla, səsvermə hüququ yoxdur:
bu Nizamnaməyə
dəyişikliklər və ya əlavələr, Cəmiyyətin
yenidən təşkili və
ya ləğvi, imtiyazlı səhmlər üzrə dividend
məbləğinin dəyişdirilməsi, bu
Nizamnamədə göstərilənlərdən daha geniş
hüquqa malik olan imtiyazlı səhmlərin buraxılması. Bütün bu
hallarda imtiyazlı səhm sahiblərinin dörddə
üçü qərarı bəyənməlidirlər.
5.6.Cəmiyyət imtiyazlı səhmlər üzrə dividendi
pul formasından başqa, digər formalarda vermək
hüququna malik deyil.
5.7.Cəmiyyətin bu Nizamnamə ilə müəyyən
edilmiş qaydadan fərqli olaraq imtiyazlı səhmlər üzrə dividend vermək
hüququ yoxdur.
5.8.Cəmiyyətin imtiyazlı səhmlərin dividendini
verənə qədər adi səhmlər
üzrə dividend vermək hüququ yoxdur.
5.9.Səhmdarların yığıncağında bir adi
səhm sahibi bir səs hüququna malikdir.
5.10. Səhmlər sahiblərinə qapalı abunə
üzrə bütün öhdəlikləri tam yerinə yetirdikdən sonra verilir.
Maddə 6. "Qızıl səhm"
sahibinin hüquqları.
(Özəlləşdirmə
planında "Qızıl səhm"in buraxılması
nəzərdə tutulan hallarda
Nizamnaməyə daxil edilir.)
6.1."Qızıl səhm" dövlət
mülkiyyətində saxlanılır, onun girov qoyulmasına
və idarəetməyə verilməsinə icazə verilmir.
Dövlət Əmlak Komitəsinin təqdimatı əsasında Azərbaycan
Respublikası Prezidentinin qərarı ilə "Qızıl
səhm"in fəaliyyət
müddəti növbəti üç ilə uzadıla
bilər və əlavə tədavül şərtləri
müəyyən edilə bilər.
6.2."Qızıl səhm" onun sahibinə adi səhm
sahibinin bütün səlahiyyətlər ilə
yanaşı, cəmiyyətin
qanunvericiliklə dörddə üç səs
çoxluğu ilə qəbul edilə bilən qərarlarına “veto" qoymaq
hüququ verir.
Maddə 7. Cəmiyyətin törəmə
müəssisələrlə və digər struktur bölmələrlə
qarşılıqlı münasibəti.
(Maddə 7
müəssisələrin birlikləri səhmdar
cəmiyyətə çevrildikdə istifadə edilir.)
7.1.
Cəmiyyətin
törəmə müəssisələrlə və digər
bölmələrlə qarşılıqlı münasibəti Azərbaycan
Respublikası qanunlarına və normativ aktlarına, bu Nizamnaməyə, Cəmiyyət
tərəfindən təsdiq edilən müəssisə
Nizamnaməsinə uyğun olaraq tənzimlənir.
7.2.
Müəssisələr borcludurlar:
" - bu Nizamnaməyə
riayət etmək, Cəmiyyətin idarə edilməsində
iştirak etmək, onun
rəhbər orqanlarının qərarlarını yerinə
yetirmək, vəzifələrini yerinə yetirmək üçün
Cəmiyyətə köməklik göstərmək;
- Müşahidə
Şurasının (Direktorlar Şurasının)
müəyyən etdiyi normativlər əsasında
öz xalis mənfəətindən
mərkəzləşdirilmiş fondlara ayırmalar etmək.
7.3. Müəssisələrin
hüquqları:
- Cəmiyyətin rəhbər
orqanlarında baxılmaq üçün özünün
və digər müəssisələrin təsərrüfat fəaliyyətinə aid
məsələlər üzrə təkliflər vermək,
.Cəmiyyətin rəhbər
orqanlarının iclasında bu məsələlərin
müzakirəsində iştirak etmək;
- Cəmiyyətin fəaliyyətinin
yekunlarına baxılmasında iştirak etmək;
- bu Nizamnamənin 15.10 bəndinə
uyğun olaraq səhmdarların ümumi
yığıncağının qərarı ilə
törəmə səhmdar cəmiyyət və ya
asılı səhmdar cəmiyyət formasında hüquqi şəxs statusu ilə fəaliyyət
göstərmək,
Belə cəmiyyətlərin
Nizamnamə kapitalının formalaşdırılması
və onun təsisçilər arasında paylara
bölünmə qaydası ümumi yığıncaq
tərəfindən qanunvericiliyə
uyğun olaraq müəyyən edilir.
- özünün xalis
mənfəəti azlıq etdikdə Cəmiyyətin birgə
fəaliyyət nəticəsində
yaranan xalis mənfəətindən dividend vermək
üçün pay almaq;
- hüquqi şəxs kimi
maliyyə nəticələrini formalaşdırmaq,
mərkəzləşdirilmiş fondlara ayırmalardan sonra
sərəncamında qalan xalis mənfəətdən müstəqil
surətdə istifadə etmək.
7.4.
Əsas
səhmdar cəmiyyət törəmə səhmdar
cəmiyyətlər tərəfindən qəbul edilən qərarları
müəyyən etmək və onlara icrası məcburi olan
göstərişlər vermək hüququna malikdir. Bu hüquq törəmə səhmdar
cəmiyyətlə bağlanılan müqavilədə
və ya onun nizamnaməsində
nəzərdə tutulduqda həyata keçirilir.
7.5.
Cəmiyyətin
payı törəmə səhmdar cəmiyyətin
Nizamnamə kapitalında üstünlük təşkil edə bilər. Onun həcmi
əsas cəmiyyətin təsis
payından asılı olaraq müəyyən edilir.
7.6.
Cəmiyyət
asılı cəmiyyətin səsvermə hüququ olan
səhmlərinin 20 faizindən
çoxunun sahibidir.
7.7.
Törəmə
və asılı səhmdar cəmiyyətlərin
yaradılması müəssisəsini yenidən təşkilinin ayrılma
forması tətbiq edilməklə həyata keçirilir.
Əsas səhmdar cəmiyyətin səhmdarlarının
ümumi yığıncağı
bölüşdürücü aktı (balasını) təsdiq edir.
7.8. Törəmə
səhmdar cəmiyyətin və asılı səhmdar
cəmiyyətin yaradılması qaydaları və
şərtləri Azərbaycan Respublikası müvafiq
normativ-hüquqi aktları, bu Nizamnamə
və səhmdarların ümumi
yığıncağının qərarı ilə
tənzimlənir.
Maddə 8. Səhmdarların
ümumi yığıncağı.
8.1. Səhmdarların
yığıncağı Cəmiyyətin ali idarəetmə
orqanıdır. Cəmiyyət
ildə bir dəfə səhmdarların illik
yığıncağını keçirir. İllik
yığıncaqla yanaşı növbədənkənar
yığıncaq keçirilə bilər. Səhmdarların
növbədən-kənar
yığıncaqları Cəmiyyətin İdarə
heyətinin sədri (Baş direktoru, Prezidenti) tərəfindən
Müşahidə Şurası və Təftiş
Komissiyası üzvlərinin əksəriyyətinin və ya Cəmiyyətin adi
səhmlərinin ən azı 10 (on) faizinin sahibi olan səhm-darların yazılı formada
verilmiş tələbi əsasında
çağırmağa borcludur. Bu tələbnamədə
yığıncağın keçirilməsi məqsədi
əks etdirilməlidir.
Səhmdarların
yığıncağının keçirilməsi və onun
gündəliyi haqqında yazılı bildiriş yığıncağın
çağırılmasına ən azı qırx beş
gün qalmış hər bir səhmdara sifarişli məktubla səhmdarların reyestrində
göstərilmiş ünvana göndərilməlidir. Bildiriş və
yığıncağın gündəliyi haqqında
məlumat yığıncağın qərarı ilə müəyyən olunmuş
qəzetdə elan dərc etmək yolu ilə də həyata
keçirilə bilər, bildirişdən sonra
yığıncağın gündəliyi dəyişdirilə
bilməz.
8.2. Mövcud qanunvericilikdə
nəzərdə tutulmuş hallar istisna olmaqla bütün yığıncaqların
keçirilməsi üçün tələb olunan
yetərsay Cəmiyyətin səhmdarlarının və ya onların
səlahiyyətli nümayəndələrinin ən azı 60
faizinin iştirakı ilə təmin edilir, bu şərtləki onlar Cəmiyyətin
adi səhmlərinin ən azı əlli bir faizinin sahibi
olsunlar. Yetərsay olmadıqda yeni yığıncağın
vaxtı təyin edilir. Bu halda
qərar səhmdarların əksəriyyətinin səs
çoxluğu ilə qəbul edilir.
8.3.
Səhmdarların
ümumi yığıncağının müstəsna
səlahiyyətinə aşağıdakı məsələlər daxildir:
1.
Nizamnaməyə
dəyişikliklər və əlavələr edilməsi;
2.
Nizamnamə
kapitalının dəyişdirilməsi;
3.
Direktorlar
Şurası (Müşahidə Şurası) və
İdarə heyəti üzvlərinin daxili intizam qaydalarının qəbul edilməsi.
(Cəmiyyətdə Direktorlar
Şurası və Müşahidə Şurasının
yaradılmasının məqsədəuyğunluğu
idarəetmə funksiyalarının ümumi
yığıncaq, İdarə heyətinin sədri (Baş direktor, Prezident) və
Direktorlar Şurası və ya Müşahidə
Şurası arasında bölüşdürülmə
səviyyəsindən, müəssisənin iqtisadi, maliyyə
və texnoloji əlaqələrindən
və digər amillərdən asılı olaraq,
Dövlət Əmlak Komitəsi tərəfindən müəyyən edilir);
4.
Balansın
mənfəət və zərər hesablarının,
İdarə heyəti sədrinin (Baş direktorun, Prezidentin) və Təftiş komissiyası hesabatının,
habelə auditorun hesabatının
təsdiq edilməsi;
5.
Səhmlərə
verilən dividendin məbləğinin təsdiq edilməsi. Dividendin
miqdarı Müşahidə
Şurasının (Direktorlar Şurasının) tövsiyyə
etdiyindən çox ola bilməz;
6.
Təftiş
komissiyası üzvlərinin və müstəqil kənar
auditorların təyini, habelə
onların fəaliyyət dairəsinin və
mükafatlandırılmasının müəyyən
edilməsi;
7.
Filialların,
nümayəndəliklərin və digər
bölmələrin mövcud qanunvericiliyə uyğun olaraq yaradılması və fəaliyyətinin
dayandırılması;
8.
İstiqraz
vərəqələrinin buraxılması, alınması,
satılması və növləri haqqında
qərarların qəbul edilməsi;
9.
Cəmiyyət
üçün öhdəlik yaradan və Müşahidə
Şurası (Direktorlar Şurası)
səlahiyyətlərindən kənara çıxan
saziş və digər əməliyyatların təsdiq
edilməsi;
10. Sazişin həcmi və ya
sazişin predmetini təşkil edən əmlakın
dəyəri Cəmiyyətin
aktivlərini 10 (on) faizindən çox olan hallarda, onun
daşınmaz və ya istənilən
əmlakını girov qoymaq, icarəyə vermək, satmaq,
dəyişdirmək, balansdan vermək və ya digər
formalarda özgəninkiləşdirmək haqqında
qərarların qəbul edilməsi;
11. Törəmə və asılı səhmdar
cəmiyyətlərin yaradılması, Cəmiyyətin
digər müəssisə və
birliklərdə iştirak etməsi haqqında qərarların
qəbul edilməsi;
12. Cəmiyyətin
birləşməsi, bölünməsi, ayrılması
və digər təşkilatı - hüquqi formaya
çevrilməsi haqqında qərarların qəbul
edilməsi;
13. Cəmiyyətin ləğvi,
ləğvetmə komissiyası yaradılması və onun
hesabatının təsdiq
edilməsi haqqında qərarların qəbul edilməsi;
14. Direktorlar Şurası
(Müşahidə Şurası) üzvlərinin,
İdarə heyəti üzvlərinin
seçilməsi, geri çağrılması;
Cəmiyyətin İdarə heyətinin sədrinin (Baş direktorunun və ya Prezidentinin) təyin
edilməsi;
Cəmiyyətin bu Nizamnamənin
8.3 bəndini pozan vəzifəli şəxslərinin
hərəkəti onların
qanunvericiliklə müəyyən edilmiş qaydada əmlak
məsuliyyətinə cəlb edilməsi üçün əsasdır.
15. Cəmiyyətin
vəzifəli şəxslərinin əmlak
məsuliyyətinə cəlb edilməsi haqqında qərarların
çıxarılması.
8.4.
Bu
maddənin 8.6 bəndində nəzərdə tutulan
məsələlər istisna olmaqla, qalan
məsələlər üzrə qərar
yığıncaqda iştirak edən adi səhmlərin sahibi
olan səhmdarların səs
çoxluğu ilə qəbul olunur.
8.5.
Cəmiyyət
dövlət qeydiyyatına alındığı vaxtdan
səhmdarların birinci ümumi
yığıncağı keçirilənədək, bu
maddənin 8.3 bəndinin 14-cü hissəsində nəzərdə tutulan səlahiyyətlər
aşağıdakı qaydada həyat keçirilir:
a) Cəmiyyətin
İdarə heyətinin sədri (Baş direktor və ya
Prezident) Dövlət Proqramına
müvafiq olaraq müəssisənin səhmdar
cəmiyyətinə çevrilməsi haqqında qərar qəbul etmiş, müvafiq
icra hakimiyyəti orqanı tərəfindən təyin olunur;
b) Cəmiyyətin daimi İdarə heyətinin
üzvləri Nazirlər Kabineti tərəfindən təyin olunur;
v) Cəmiyyətin Müşahidə
Şurasının (Direktorlar Şurasının)
səlahiyyətlərini
Dövlət Əmlak Komitəsi həyata keçirir.
8.6.
Bu
maddənin 8.3 bəndinin 1, 2, 7, 10, 11, 12, 13 və 14-cü
hissələrində nəzərdə
tutulan məsələlər üzrə qərar
yığıncaqda şəxsən və ya
səlahiyyətli nümayəndələr vasitəsi ilə
iştirak edən adi səhmlərin dörddə
üçünün sahiblərinin razılığı ilə qəbul
olunur.
8.7.Cəmiyyətin səhmlərinin bir hissəsi
dövlətdə qaldıqda cəmiyyətin ümumi yığıncağında
iştirak etmək üçün dövlət
nümayəndəsi Azərbaycan Respublikasının
müvafiq normativ-hüquqi aktlarına uyğun olaraq təyin
edilir.
8.8.
Səhmdarı
olduğu bütün dövr ərzində Cəmiyyətin
təşkilatı-hüququ formasının dəyişdirilməsinə Dövlət
Əmlak Komitəsinin razılığı olmadan yol verilir.
8.9.
Bu
maddənin 8.3 bəndinin 10, 11, 12
hissələrində nəzərdə tutulan
məsələlər üzrə qərar qəbul
edilərkən Dövlət Əmlak Komitəsinin
əvvəlcədən razılıq alınır.
8.10. Cəmiyyətin
səhmdarlarının birinci ümumi
yığıncağı səhmdar cəmiyyəti dövlət qeydiyyatına
alındığı kündən 12 (on iki) ay
müddətindən gec olmayaraq keçirilir və həmin
yığıncaqda mövcud normativ-hüquqi aktlara uyğun
olaraq onun idarəetmə
orqanları seçilir.
Maddə 9. Müşahidə Şurası
(Direktorlar Şurası) və İdarə heyəti
9.1. Direktorlar Şurası və İdarə heyəti
üzvlərinin əsas vəzifəsi Cəmiyyətin mənfəətinin
artırılması məqsədi ilə siyasət
işləyib hazırlamaq, Cəmiyyətin Özəlləşdirmə
planının yerinə yetirilməsini təmin etməkdir.
Müşahidə
Şurasının (Direktorlar Şurasının)
üzvləri Cəmiyyətin səhmdarlarından
qanunvericiliklə müəyyən edilmiş qaydada
dövlət icra hakimiyyəti orqanlarının, azsaylı səhm sahiblərinin
nümayəndələrindən və digər kənar
şəxslərdən seçilə
bilər.
9.2. Müşahidə
Şurası (Direktorlar Şurası) üzvləri və
İdarə heyəti üzvləri
Cəmiyyətə loyal münasibət göstərməli,
yəni qanun dairəsində hərəkət etməlidirlər.
Müşahidə Şurası
(Direktorlar Şurası) və İdarə heyəti
üzvünün tərəflərdən biri Cəmiyyət olan və ya
olmağı nəzərdə tutulan sazişlərdə
maliyyə marağı olarsa,
həmçinin mövcud və ya güman edilən
sazişlərdə göstərilən şəxsin və
Cəmiyyətin maraqları
arasında ziddiyyətlər olarsa:
O, saziş bağlanana qədər
öz marağı haqqında Müşahidə
Şurasına (Direktorlar
Şurasına) xəbər verməlidir;
Saziş maliyyə marağı
olmayan Müşahidə Şurası (Direktorlar Şurası)
üzvlərinin və ya səhmdarların
əksəriyyəti tərəfindən
bəyənilməlidir.
Özünün maliyyə
marağı və ya digər ziddiyyətlər haqqında
yuxarıda göstərilən qaydada Müşahidə Şurasına (Direktorlar
Şurasına) xəbər verən Müşahidə
Şurası (Direktorlar Şurası) üzvü və
İdarə heyəti üzvü belə sazişlərin
müzakirəsində
və səsverməsində iştirak edə bilməz.
Şəxsi maliyyə maraqlı Müşahidə Şurası (Direktorlar Şurası)
üzvü və İdarə heyəti üzvü o
şəxslərdir ki, onlar aşağıda göstərilən hüquqi və ya fiziki
şəxslərlə əmək münasibətində
olsunlar, sahibkar və kreditor
hüquqlarına malik olsunlar; Cəmiyyətə mal
göndərir və ya xidmət
göstərir; Cəmiyyətin istehsal etdiyi məhsulun və
Ya xidmətin əsas istehlakçısıdır: Cəmiyyətin əmlakına
sərəncam verməklə qazanc əldə edirlər;
əmlakı tamamilə və ya qismən
Cəmiyyət tərəfindən yaradılıb;
9.3. Müşahidə
Şurası (Direktorlar Şurası) üzvləri və
İdarə heyəti üzvləri bu nizamnamənin 9.1
bəndində nəzərdə tutulan
məqsədlərdən başqa digər məqsədlər üçün
Cəmiyyətin imkanlarından istifadə etməməli
və ya istifadə olunma sına
yol verməməlidirlər.
"Cəmiyyətin
imkanları" termini dedikdə bu maddədə
aşağıdakılar əhatə olunur:
- Cəmiyyətə məxsus olan
bütün əmlak və qeyri-əmlak hüquqları;
- Təsərrüfat fəaliyyəti
sahəsində imkanlar;
- Cəmiyyətin fəaliyyəti və planları
haqqında məlumatlar;
- Cəmiyyətin onun üçün maraq doğuran
istənilən hüquq və səlahiyyətləri.
9.4.Marağı olmayan Müşahidə Şurası
(Direktorlar Şurası) üzvlərinin və ya Cəmiyyətin adi
səhmlərinin əksəriyyətinin sahibi olan
səhmdarların icazə verdiyi hallar istisna olmaqla,
Müşahidə Şurası (Direktorlar Şurası)
üzvləri və İdarə
heyəti üzvləri bu funksiyaları icra etdikləri
dövr ərzində Cəmiyyətlə rəqabət aparan müəssisə təsis etmək
və ya müəssisədə iştirak etmək hüququ
yoxdur.
9.5.Müşahidə Şurası (Direktorlar Şurası)
üzvləri və İdarə heyəti üzvləri səhmdarların
yığıncağının müəyyən etdiyi
digər qaydalara da əməl etməlidirlər.
9.6.Müşahidə Şurası (Direktorlar Şurası)
üzvlərinin və İdarə heyəti üzvlərinin müşahidə
Şurası (Direktorlar Şurası) və İdarə
heyətinin qərar qəbul etməsinə
təsir göstərmək xidmətinə görə
dolayı yolla və ya bir başa mükafat almaq hüququ yoxdur.
Müşahidə Şurası
(Direktorlar Şurası) və İdarə heyəti
üzvləri bu maddənin
müddəalarını pozmaq nəticəsində
vurduqları ziyana görə Azərbaycan Respublikasının mövcud
qanunvericiliyinə uyğun olaraq məsuliyyət
daşıyırlar.
9.7.Müşahidə Şurası (Direktorlar Şurası)
üzvləri və İdarə heyəti üzvləri öz vəzifə
borclarını vicdanla və Cəmiyyətin marağını təmin
etmək üçün onların özlərinin hesab
etdikləri ən yaxşı səviyyədə yerinə
yetirməlidirlər.
9.8.Müşahidə Şurası (Direktorlar Şurası)
üzvləri və İdarə heyəti üzvləri Cəmiyyət qarşısında ona
vurduqları ziyana görə qanunvericiliklə
müəyyən edilmiş qaydada
məsuliyyət daşıyırlar:
bu Nizamnamə ilə
müəyyən edilmiş funksiyaları yerinə
yetirmədiyinə görə; bu nizamnamə ilə müəyyən edilmiş
funksiyaları qeyri-qənaətbəxş yerinə yetirdiyinə görə.
9.9. Müşahidə Şurası (Direktorlar Şurası)
üzvləri və İdarə heyəti üzvləri bu maddənin 9.1 - 9.8 bəndlərilə
müəyyən edilmiş vəzifələrə
əməl edilməməsindən Cəmiyyətə
dəyən zərəri tam həcmdə ödəmək
məsuliyyəti daşıyırlar. Onlar, Cəmiyyətin əldən
buraxılmış qazancını tam və ədalətli
bazar dəyəri ilə ödəməlidirlər.
Maddə 10. Müşahidə
Şurasının (Direktorlar Şurasının) iclası
10.1 Müşahidə
Şurasının (Direktorlar Şurasının) iclası,
ayda bir dəfədən gec olmayaraq, ehtiyac olunduqca
çağırılır. Şuranın bir iclası (illik
iclas) maliyyə ili qurtarandan sonra
üç aydan gec olmayaraq
Cəmiyyətin illik balansına, mənfəət və zərərin hesablarına
və auditorun hesabatına baxmaq üçün
çağırılır.
İllik iclası İdarə
heyətinin (Baş direktor, Prezident) sədri
çağırır və onun kündəliyini hazırlayır. İllik iclasda sədr
cari maliyyə vəziyyəti haqqında tam məlumatı, Cəmiyyətin əsas təsərrüfat
nəticələri və planları haqqında tam hesabatları Şuraya təqdim edir.
Şuranın
növbədənkənar iclasları onun istənilən iki
üzvünün tələbi əsasında çağırıla bilər.
10.2. Şuranın iclasları
haqqında bildiriş onun müəyyən etdiyi qaydaya
uyğun olaraq yazılı formada Şura
üzvlərinin hər birinə göndərilir.
Bildirişdə iclasın
gündəliyi göstərilir. Bildirişə
gündəliklə bağlı olan bütün
sənədlər əlavə
edilir. Şuranın iclasında gündəliyə daxil
edilməyən məsələyə baxıla bilməz. Lazımi hallarda, Şuranın,
iştirak edən bütün üzvlərinin
razılığı ilə, Şuranın
istənilən iclası təxirə salına bilər.
10.3. Şuranın qərarı onun
üzvlərinin adi səs çoxluğu ilə qəbul
edilir.
10.4. Bütünlükdə adi
səhmlərin ən azı 5 faizinə malik olan
səhmdarların, Şura üzvlərinin, Təftiş
komissiyasının və Cəmiyyətin İdarə
heyətinin sədrinin (Baş
direktorunun, Prezidentinin) təklif etdiyi məsələlər
baxılmaq üçün iclasın gündəliyinə daxil edilirlər.
10.5.
İclasların protokolları Şuranın müəyyən
etdiyi qaydaya uyğun olaraq aparılır.
10.6. İclasların protokolları
ilə Cəmiyyətin hüququ ünvanında və ya
Şuranın müəyyən etdiyi
yerdə səhmdarlar, Şuranın üzvləri və ya
nümayəndələri tanış ola bilərlər. Bütün protokollar iclasın
sədri və katibi tərəfindən imzalanmalıdır.
Maddə 11. Müşahidə
Şurasının (Direktorlar Şurasının)
səlahiyyətləri
11.1. Şura, səhmdarların
iclasının səlahiyyətinə daxil olan
məsələlər istisna
olmaqla, Cəmiyyətin fəaliyyəti və cari işlər
üzrə bütün məsələlər haqqında qərar qəbul etmək
hüququna malikdir.
11.2. Şura, Azərbaycan Respublikası
qanunvericiliyində və bu Nizamnamədə nəzərdə
tutulan hallar istisna olmaqla, öz səlahiyyətlərini
başqa şəxslərə və orqanlara vermək hüququ yoxdur.
11.3. Şura aşağıdakı
səlahiyyətlərə malikdir və onlar üzrə
qərar qəbul etməyə
borcludur:
- nizamnamə kapitalının
artırılması və ya azaldılmasının
miqdarı, şərtləri və qaydası haqqında
səhmdarların ümumi yığıncağına tövsiyyələr
verilməsi və yazılı şəkildə onları
əmin etmək ki, Nizamnamə kapitalının
artırılması (azaldılması) Cəmiyyətin
nizamnamə kapitalına qoyulan
(çıxarılan) əmanətin real bazar
dəyərinə bərabərdir;
- əvvəlki nominal
dəyərlə yeni səhmlərin buraxılması və
istiqraz vərəqələrinin səhmlərə dəyişdirilməsi Yolu
ilə Nizamnamə kapitalının artırılması, habelə səhmləri
dövriyyədən çıxarmaq və ləğv
etmək yolu ilə Nizamnamə kapitalının azaldılması haqqında
ümumi yığıncağa tövsiyyələr
verilməsi;
- İdarə heyətinin sədri
(Baş direktor, Prezident) tərəfindən təqdim olunan
"Səhmdar Cəmiyyətin İdarə heyəti
haqqında Əsasnamə"nin təsdiq edilməsi;
- Cəmiyyətin strukturunu və
daxili münasibətləri tənzimləyən normativ
sənədlərin təsdiq edilməsi;
- Cəmiyyətin strateji inkişaf
istiqamətlərinin və proqramlarının qəbul edilməsinin və həyata
keçirilməsinin təmin edilməsi;
- iştirakçısı bir
tərəfdən Cəmiyyət, digər tərəfdən
Nizamnamə kapitalının
ən azı 5 faizini təşkil edən səhmlərin
sahibi olan səhmdar Müşahidə Şurasının (Direktorlar
Şurasının) üzvü, İdarə heyətinin
üzvü və ya Cəmiyyətin vəzifəli şəxsləri iştirak edən
sazişlərin bağlanmasının təsdiqi və ya
onların dayandırılması;
- filiallar,
nümayəndəliklər, törəmə
cəmiyyətlər yaratmaq üçün səhmdarlara
tövsiyələr verilməsi;
- İdarə heyətinin sədrinin
(Baş direktorun, Prezidentin) təqdimatı əsasında İdarə heyətinin
vəzifəli şəxslərinin vəzifəyə
təsdiq və vəzifədən azad edilməsi;
- bütün hesabların,
hesabatların, ərizələrin, mənfəət və
zərərin hesablama sisteminin
(amortizasiya ayırmalarına aid qaydalarda daxil olmaqla) təqdim
edilməsi qaydalarının müəyyən olunması;
- ssudaların, borcların,
kreditlərin və zəmanətlərin alınması və
verilməsi üzrə
siyasətin müəyyənləşdirilməsi və
qərarın qəbul edilməsi;
- səhmdarlara verilən dividendlərin
məbləği haqqında tövsiyələr verilməsi;
- İdarə heyətinin
təqdimatına əsasən Cəmiyyətin əvvəlki
ildəki dövriyyəsinin 10
faizindən çoxunu təşkil edən investisiya
qoyuluşunu həyata keçirmək haqqında qərar qəbul edilməsi (birinci il
bazasında yaradıldığı dövlət
müəssisəsinin
dövriyyəsi əsas götürülür);
- Səhmdarların ümumi
yığıncağının müəyyən etdiyi
qaydada Cəmiyyətin əvvəlki rübdəki dövriyyəsinin 20 faizindən
çox olan sazişlərin bağlanmasının təsdiq edilməsi (dövlət
müəssisəsinin dövriyyəsini Cəmiyyətin
fəaliyyətinin birinci rübündə əsas
götürülür).
Maddə 12. Cəmiyyətin İdarə heyətinin
sədri (Baş direktor, Prezident)
12.1. İdarə heyətinin sədri
(Baş direktor, Prezident) Cəmiyyətin fəaliyyətinə
cari rəhbərliyi həyata keçirir və Azərbaycan
Respublikasının qanunçuluğuna uyğun
olaraq bu vəzifəni həyata keçirmək
üçün ona lazımi səlahiyyətlər verilir. İdarə heyətinin sədri
(Baş direktor, Prezident) öz fəaliyyətini Azərbaycan
Respublikasının
normativ-hüquqi aktlarına və
bu Nizamnaməyə ciddi riayət etməklə qurur,
istehsalda köməyin təhlükəsizliyi
üçün şərait yaradılmasına görə
müəyyən edilmiş qaydada
məsuliyyət daşıyır.
12.2. İdarə heyəti
Cəmiyyətin İcra orqanıdır. İdarə
heyətinin sədri (Baş direktor, Prezident) tərəfindən İdarə
heyətinin strukturu və ştatı formalaşdırılır və
Müşahidə Şurasının (Direktorlar
Şurasının) təsdiq etdiyi Əsasnaməyə uyğun olaraq
fəaliyyət göstərir.
12.3. Müşahidə
Şurasının (Direktorlar Şurasının) və
səhmdarların yığıncağında
İdarə heyətinin nöqteyi-nəzərini İdarə
heyətinin sədri (Baş direktor, Prezident) təqdim edir.
12.4.İdarə heyətinin sədri (Baş direktor, Prezident)
Cəmiyyət adından vəkalətnaməsiz
fəaliyyət göstərir, dövlət və digər
orqanlarda onu təmsil edir, banklarda hesablar
açır, icrası məcburi olan əmr və
göstərişlər verir, daxili intizam
qaydalarını müəyyən edir.
Maddə 13. Cəmiyyətdə
uçot və hesabatlar
13.1. Cəmiyyətin balansı,
mənfəət və zərərlərin hesabı manatla
tərtib edilir.
13.2 Cəmiyyətin birinci maliyyə ili onun
dövlət qeydiyyatından keçdiyi gündən
başlayır və cari ilin
dekabr ayının 31-də qurtarır. Sonrakı
maliyyə illəri yanvarın 1-dən başlayır və
dekabrın 31-də qurtarır.
13.3 Balans, mənfəət və
zərərin hesablanması, habelə hesabata aid olan digər maliyyə sənədləri
mövcud qanunvericiliyə uyğun olaraq tərtib edilir.
13.4. Cəmiyyətin
yerləşdiyi ünvanda tam sənədləşdirmə
aparılır, o cümlədən:
- Sonrakı dəyişikliklər
və əlavələrlə birlikdə Cəmiyyətin
təsis sənədləri,
Cəmiyyətdə daxili münasibətləri
tənzimləyən normativ sənədlər;
- Cəmiyyətin özünün
və həmçinin qanunvericiliyə uyğun olaraq
səlahiyyətli orqanların apardığı
təftişləri təmin edən bütün mühasibat
sənədləri;
- mövcud qanunvericiliyə uyğun
olaraq səhmdarların siyahısı;
- səhmdarların
iclaslarının, Müşahidə Şurasının
(Direktorlar Şurasının)
və Təftiş Komissiyasının iclaslarının
protokolları;
- Cəmiyyəti təmsil etmək üçün
etibarnaməsi olan şəxslərin siyahısı;
- Müşahidə
Şurasının (Direktorlar Şurasının) bütün
üzvlərinin və Cəmiyyətin müdiriyyətinin vəzifəli
şəxslərinin siyahısı;
- Səhmdarlar və onların
nümayəndələri bütün bu
sənədlərlə iş günü ərzində tanış ola
bilərlər.
Kommersiya sirlərinə aid olan
sənədlər istisna olmaqla, səhmdarların göstərilən sənədlərin
surətini çıxarmaq hüquqları var.
Maddə 14. Təftiş
Komissiyası
14.1. Təftiş Komissiyası
ən azı üç (3) nəfərdən ibarət
yaradılır və Cəmiyyətin adi səhmlərinin ən azı əlli (50 %)
faizinə sahib olan səhmdarların ümumi yığıncağında
seçilir. Müşahidə Şurasının (Direktorlar
Şurasının) xahişi ilə Təftiş Komissiyasının üzvləri
onun iclaslarında iştirak edə bilərlər.
14.2. Təftiş Komissiyası
səhmdarların yığıncaqlarına ən azı on
gün qalmış illik
yoxlamaların nəticələri haqqında hesabatı
Müşahidə Şurasına (Direktorlar Şurasına) təqdim edir. hesabat bu
Nizamnamənin 13-cü maddəsi əsasında müəyyən edilmiş
maliyyə hesabatı və mühasibat uçotunun
aparılması üsullarına və qaydalarına uyğun olaraq tərtib edilir.
Cəmiyyətin adi səhmlərinin ən azı on faizinə sahib olan
səhmdarların və ya Müşahidə
Şurasının (Direktorlar Şurasının), İdarə heyətinin
əksəriyyətinin yazılı sorğusu əsasında
növbədən kənar təftiş aparıla bilər.
Cəmiyyətin işçiləri Təftiş
Komissiyasını tələb olunan bütün məlumatlarla və sənədlərlə
vaxtında təmin etməlidirlər. Təftiş Komissiyasının rəyi olmadan
səhmdarların ümumi yığıncağı illik
balansı təsdiq edə bilməz.
Maddə 15. Cəmiyyətin ləğvi və
yenidən təşkili
15.1. Cəmiyyət
aşağıdakı hallarda ləğv oluna bilər:
- səhmdarların ümumi
yığıncağının qərarı ilə;
- iflas elan olunduqda;
- Azərbaycan Respublikasının
qanunvericiliyində nəzərdə tutulmuş hallarda iqtisad məhkəməsinin
qərarı ilə;
- Azərbaycan Respublikasının
qanunvericiliyində nəzərdə tutulan hallarda Dövlət Əmlak Komitəsinin
qərarı ilə.
15.2. Cəmiyyət ləğv
edilərkən, məhkəmənin qərarı ilə
ləğv etmə istisna olmaqla.
Müşahidə Şurası (Direktorlar Şurası) ləğvetmə
komissiyası yaradır, ləğvetmənin aparılma qaydasını və
müddətini təyin edir, kreditorlar üçün
ləğvetmə elan olunandan iki aydan az
və üç aydan çox olmamaq şərti ilə iddia
vermək müddətini
müəyyənləşdirir.
15.3. Ləğvetmə komissiyası
ləğvetməni aparır, ləğvetmə balansı
tərtib edir və Müşahidə Şurasına
(Direktorlar Şurasına) təqdim edir. Təyin olunduğu
gündən ləğvetmə komissiyası
Müşahidə Şurasının (Direktorlar
Şurasının), İdarə heyətinin və İdarə heyətinin sədrinin
(Baş direktorun, Prezidentin) funksiyalarının icrasını öz üzərinə
götürür. Həmin gündən ləğvetmə
komissiyası Cəmiyyətin fəaliyyəti
ilə bağlı bütün məsələlər
üzrə onun yeganə vəkil edilmiş nümayəndəsidir. Komissiya
yarandığı vaxtdan aşağıdakı
tədbirləri həyata keçirir:
Cəmiyyətin yerləşdiyi
ərazidə rəsmi mətbuatda onun ləğv edilməsi,
kreditorların iddia ərizəsinin
verilmə qaydası və müddəti haqqında elan
dərc edir. Komissiya
yarandığı vaxtdan bir həftədən gec olmayaraq
mətbuatda birinci elanın
verilməsini təmin etməli və bu elanın on dörd
gündən tez və qırx gündən gec olmamaq şərti ilə
təkrar edir. Ləğvetmə komissiyası Cəmiyyətin
debitor borclarının
alınması və kreditorların iddialarının
ödənilməsi üzrə işləri təşkil edir.
15.4. Ləğvetmə komissiyası
kreditorlarla hesablaşmaları Azərbaycan Respublikası "Səhmdar
cəmiyyəti haqqında
qanunla müəyyən edilmiş ardıcıllıqla və
qaydaya əməl etməklə həyata
keçirir.
15.5. Cəmiyyətin əmlakı ləğvetmə
komissiyası tərəfindən auksionda satılır. Onun satışından daxil
olan vəsaitlər kreditorların iddialarının
ödənilməsinə
yönəldilir. Qalan aktivlər qanunçuluqla
müəyyən edilmiş qaydada səhmdarlar arasında
bölüşdürülür.
15.6. Əgər vəsait bütün
kreditorlar qarşısında öhdəlikləri tam
ödəmək üçün
çatmazsa, Cəmiyyətin vəsaitləri kreditorlar
arasında onların iddialarına proporsional şəkildə qanunla müəyyən
edilmiş növbəyə uyğun olaraq
bölüşdürülür.
15.7. Cəmiyyət dövlət
reyestrindən çıxarıldığı vaxtdan
ləğv edilmiş hesab olunur.
15.8. Cəmiyyətin bölünməsi
və ayrılması haqqında qanunla müəyyən
edilmiş qaydada qərar
qəbul olunarkən onun aktivlərinin hissəsi yeni
yaradılan səhmdar cəmiyyətin
Nizamnamə kapitalına pay kimi verilir və müqabilində
onun səhmləri və qiymətli kağızları
alınır. Qanunvericiliyə uyğun olaraq Cəmiyyət
digər formalarda da
yenidən qurula bilər.
15.9. Yenidən təşkilin və
ləğvin bu Nizamnamə ilə nəzərdə tutulmayan
şərtləri və
qaydaları mövcud qanunvericiliklə tənzimlənir.
15.10. Cəmiyyətin yenidən təşkili haqqında
qərar səhmdarların ümumi yığıncağı tərəfindən Dövlət
Əmlak Komitəsi ilə razılaşdırılma əsasında
qəbul edilir.
15.11. Cəmiyyətin digər
törəmə və digər bölmələrinin
ləğvi və yenidən təşkili (birləşdirilməsi, bölünməsi,
ayrılması, çevrilməsi) mövcud qanunvericiliyə və bu Nizamnaməyə
uyğun olaraq həyata keçirilir.