Azərbaycan Respublikası Səhiyyə Nazirliyinin Məhkəmə-Tibbi Ekspertiza və Patoloji Anatomiya Elmi-Təcrübi və Tədris Birliyinin bəzi məsələləri haqqında

AZƏRBAYCAN RESPUBLİKASI NAZİRLƏR KABİNETİNİN QƏRARI

“Məhkəmə ekspertizası fəaliyyəti haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2000-ci il 15 yanvar tarixli, 252 nömrəli Fərmanının icrasını təmin etmək məqsədi ilə Azərbaycan Respublikasının Nazirlər Kabineti qərara alır: [1]

~~1. "Azərbaycan Respublikası Səhiyyə Nazirliyinin Məhkəmə-Tibbi Ekspertiza və Patoloji Anatomiya Elmi-Təcrübi və Tədris Birliyinin Əsasnaməsi" təsdiq edilsin (əlavə olunur).~~[2].

2. Azərbaycan Respublikası Səhiyyə Nazirliyinin Məhkəmə-Tibbi Ekspertiza və Patoloji Anatomiya Elmi-Təcrübi və Tədris Birliyinin əməkdaşlarına Azərbaycan Respublikası Səhiyyə Nazirliyinin mərkəzi aparatının əməkdaşlarının əməyinin ödənilməsi şərtləri və forması şamil edilsin. [3].

3. Azərbaycan Respublikasının Səhiyyə Nazirliyi Maliyyə Nazirliyi və Əmək və Əhalinin Sosial Müdafiəsi Nazirliyi ilə razılaşdırmaqla Azərbaycan Respublikası Səhiyyə Nazirliyinin Məhkəmə Tibbi Ekspertiza və Patoloji Anatomiya Elmi-Təcrübi və Tədris Birliyinin əməkdaşlarının vəzifə maaşlarını tabeliyində olduqları nazirliyin mərkəzi aparatının müvafiq vəzifə maaşları səviyyəsində təsdiq etsin.

4. Azərbaycan Respublikası Səhiyyə Nazirliyinin Məhkəmə-Tibbi Ekspertiza və Patoloji Anatomiya Elmi-Təcrübi və Tədris Birliyinin əməkdaşlarına ixtisas dərəcələrinə görə əlavələr aşağıdakı kimi müәyyәn edilsin:

yüksək dərəcəli ekspert – aylıq əmək haqqının 20 faiz məbləğində;

birinci dərəcəli ekspert – aylıq əmək haqqının 15 faizi məbləğində;

ikinci dərəcəli ekspert – aylıq əmək haqqının 10 faizi məbləğində.

5. Bu qərar 2003-cü il yanvar ayının 1-dən qüvvəyə minir.

Azərbaycan Respublikasının Baş naziri A. RASİZADƏ

Bakı şəhəri, 17 yanvar 2003-cü il
№ 8

~~Azərbaycan Respublikası Nazirlər Kabineti~~

~~2003-cü il 17 yanvar tarixli 8 nömrəli qərarı ilə TƏSDİQ EDİLMİŞDİR~~

~~Azərbaycan Respublikası Səhiyyə Nazirliyinin Məhkəmə-Tibbi Ekspertiza və Patoloji Anatomiya Elmi-Təcrübi və Tədris Birliyinin~~

~~ƏSASNAMƏSİ~~

~~1. ÜMUMİ MÜDDƏALAR~~

1.1. Azərbaycan Respublikasında məhkəmə-tibb ekspertizası səhiyyə sistemi nəzdində ədalət məhkəməsinin məqsəd və vəzifələrinə xidmət edir. Onun fəaliyyəti eyni zamanda əhaliyə müalicə xidməti keyfiyyətinin yaxşılaşdırılmasında və profilaktika tədbirlərinin həyata keçirilməsində səhiyyə orqanlarına hərtərəfli kömək göstərilməsinə yönəldilmişdir.

1.2. Məhkəmə-tibb ekspertizası Azərbaycan Respublikası və Naxçıvan Muxtar Respublikası Səhiyyə Nazirliyinin məhkəmə-tibbi ekspertizası müəssisələrində aparılır. Azərbaycan Respublikası Səhiyyə Nazirliyinin Məhkəmə-Tibbi Ekspertizası və Patoloji Anatomiya Elmi-Təcrübi və Tədris Birliyi inzibati-təsərrüfat cəhətdən Azərbaycan Respublikasının Səhiyyə Nazirliyinə tabedir.

1.3. Azərbaycan Respublikası Səhiyyə Nazirliyinin Məhkəmə-Tibbi Ekspertizası və Patoloji Anatomiya Elmi-Təcrübi və Tədris Birliyi (bundan sonra - Birlik) Azərbaycan Respublikasında Məhkəmə-tibbi ekspertiza fəaliyyətini həyata keçirən idarədir. Azərbaycan Respublikasında məhkəmə-tibb ekspertizası fəaliyyətinin maddi-texniki, elmi-metodik və təşkilati təminatı Səhiyyə Nazirliyi tərəfindən həyata keçirilir.

1.4. Birlik öz fəaliyyətində Azərbaycan Respublikasının Konstitusiyasını, "Dövlət Məhkəmə Ekspertizası fəaliyyəti haqqında" Azərbaycan Respublikasının Qanununu, Azərbaycan Respublikasının cinayət-prosessual məcəllələrini, "əhalinin sağlamlığının qorunması haqqında" Azərbaycan Respublikasının Qanununu, Azərbaycan Respublikasının digər qanunlarını, Azərbaycan Respublikası Prezidentinin fərman və sərəncamlarını, Azərbaycan Respublikası Nazirlər Kabinetinin qərar və sərəncamlarını, Azərbaycan Respublikası Səhiyyə Nazirliyinin normativ hüquqi aktlarını, bu Əsasnaməni rəhbər tutur və onların icrasını təmin edir.

1.5. Birlik hüquqi şəxsdir, dövlət büdcəsinin vəsaiti və qanunvericiliklə qadağan edilməyən digər mənbələr hesabına maliyyələşdirilir, əmlaka, müstəqil balansa, müvafiq xəzinə hesablarına malikdir, öz adından müqavilələr bağlaya bilər.

~~1.6. Birliyin Azərbaycan Respublikasının Dövlət gerbinin təsviri və öz adı olan möhürü, habelə müəyyən olunmuş nümunəvi blankları vardır.~~

~~2. BİRLİYİN MƏQSƏD VƏ VƏZİFƏLƏRİ~~

2.1. Birliyin fəaliyyəti insan və vətəndaş hüquqlarının və azadlıqlarının qorunması, qanunçuluğun təmin edilməsi, ekspertlərin müstəqilliyi, elm və texnikanın müasir nailiyyətlərindən istifadə edilməklə həyata keçirilən tədqiqatların obyektivliyi, hərtərəfliliyi və tamlığı prinsiplərinə əsaslanır.

~~2.2. Birliyin əsas vəzifələri aşağıdakılardır:~~

~~zorakı ölüm hallarında meyitlərin ekspertizası;~~

~~zorakı ölümlərə şübhə olarkən və meyitin məhkəmə-tibb qaydasında müayinəsinin vacibliyini şərtləndirən digər hallarda meyitlərin məhkəmə-tibbi ekspertizası;~~

sağlamlığa zərər vurmanın xarakterinin və ağırlıq dərəcəsinin, yaşın, cinsi vəziyyətlərin müəyyənləşdirilməsi, həmçinin məhkəmə təbabəti sahəsində bilik tələb edən digər məsələlərin həlli üçün canlı şəxslərin (zərərçəkən, təqsirləndirilən və digər şəxslər) ekspertizasının keçirilməsi və rəy verilməsi;

~~laborator müayinə üsullarının tətbiqi ilə ekspertiza etmək;~~

~~cinayət və mülki iş materialları üzrə məhkəmə-tibbi ekspertiza;~~

ilkin və digər istintaq hərəkətlərində (hadisə yerində meyitlərin müayinəsində, ekshumasiyada, istintaq eksperimentlərində, ifadələrin yerində yoxlanılmasında, müqayisə tədqiqat üçün nümunə götürülməsində) məhkəmə-tibb ekspertlərinin mütəxəssis kimi iştirakı;

~~xəstə orqanizmdə baş verən patoloji proseslərin xarakterinin müalicə və diaqnostika işlərində buraxılmış səhvlərin təhlil edilməsi;~~

məhkəmə təbabəti və patoloji anatomiya təcrübəsində yeni müayinə metodlarını vaxtında tətbiq etmək, keçirilən ekspertizaların və müayinәlәrin keyfiyyətini yüksəltmək və onların icra müddətlərini qısaltmaq məqsədi ilə görülən işləri daim təkmilləşdirmək;

vətəndaşların ərizə və şikayətlərinə əsasən müalicə-profilaktika müəssisələrinə tibbi sənədlər barədə müvafiq sorğu etmək və diaqnostika-müalicə işlərində buraxılan kobud səhvlərin aşkar edilməsi zamanı səhiyyə orqanları rəhbərliyinə vaxtında məlumat vermək, belə hallar üzrə kliniki məhkəmə-tibbi və kliniki patoloji anatomik konfranslar keçirmək;

qəfləti ölüm, iş yeri, küçə, məişət travmatizmi, zəhərlənmə və ölümün digər növləri üzrə məhkəmə-tibbi və patoloji-anatomik materialları təhlil edib səhiyyə orqanlarına profilaktik tədbirlərin işlənib hazırlanmasında kömək etmək;

~~iş yeri, küçə, məişət travmatizmi, zəhərlənmə, alkoqolizm, narkomaniya və digər aktual mәsәlәlәrin profilaktikası üzrə sanitar- maarif işləri aparmaq;~~

~~elmi tədqiqat işlərinin nəticələrinin səhiyyə təcrübəsində tətbiqini sürətləndirmək, tibbi elminin qabaqcıl nailiyyətlərinin təbliğini təmin etmək;~~

~~Səhiyyə Nazirliyinin əmr və xüsusi göstərişlərinə müvafiq olaraq kəskin yoluxucu və xüsusi təhlükəli xəstəlikləri aşkar etdikdə, səhiyyə orqanlarına təcili məlumat vermək.~~

2.3. Birlik məhkəmə-tibb ekspertizasının, kriminalistikanın və digər sahələrin elmi əsaslarını və yeni metodlarını hazırlamaq, elm və texnikanın müasir nailiyyətlərini nəzərə almaqla ekspert praktikasını təkmilləşdirmək sahəsində təkliflər hazırlayır, məhkəmə-tibbi, tibbi kriminalistik, tibbi bioloji, məhkəmə-kimyəvi ekspertizaları aparır və rəylər verir.

2.4. Məhkəmə-tibbi ekspertiza materialları üzrə elmi təcrübi işlərin aparılması (hadisələri həkim konfranslarında təhlil etmək, mətbuatda dərc etmək) istintaq sirinin yayılmasına səbəb olmadıqda və ya müstəntiqin, prokurorun, məhkəmənin icazəsi olduqda, ya da hökm qanuni qüvvəyə mindikdən sonra mümkündür.

2.5. Birlik idarəetmənin, planlaşdırmanın, maliyyələşdirmənin, kargüzarlığın, maddi və mənəvi həvəsləndirmənin, əməyin elmi təşkilinin təkmilləşdirilməsi üzrə tədbirlər işləyir və həyata keçirir.

~~3. BİRLİYİN İDARƏÇİLİYİ VƏ STRUKTURU~~

~~3.1. Birliyə Azərbaycan Respublikasının səhiyyə naziri tərəfindən vəzifə təyin edilən və vəzifədən azad olunan baş direktor rəhbərlik edir.~~

~~Birliyin baş direktorunun hüquq və vəzifələri aşağıdakılardır:~~

məhkəmə tibbi ekspertizasının təyin olunması haqqında qərarı (qərardadı aldıqdan sonra onun təşkil edilməsi və aparılması, ekspertin məhkəmə iclaslarında, istintaq və məhkəmə hərəkətlərində iştirakının təmin olunması üzrə müvafiq tədbirlər görmək;

Birlikdə konkret ixtisas üzrə ekspert, zəruri maddi-texniki baza və yaxud tədqiqat aparılması üçün xüsusi şərait olmadıqda, məhkəmə-tibb ekspertizası təyin olunması barədə qərarı (qərardadı) icra edilmədən tədqiqata təqdim edilmiş obyekt və işin materialları ilə birlikdə geri qaytarmaq;

~~məhkəmə-tibbi ekspertizasının təyin edilməsi haqqında qərarda (qərardadda) göstərilmiş digər idarələrin iştirakı ilə məhkəmə ekspertizası aparılmasını təşkil etmək;~~

rəy verilməsi üçün Birliyin əməkdaşı olmayan şəxslərin zəruri birliyinə ehtiyac yarandıqda, məhkəmə ekspertizasını təyin etmiş orqanla və ya şəxslə razılaşdırılmaqla, onları ekspert qismində məhkəmə ekspertizasının aparılmasına cəlb etmək;

~~ekspertlə (ekspertlərə) onların hüquq və vəzifələrini izah etmək;~~

eksperti bilə-bilə yalan rəy verməyə və rəy verməkdən imtina etməyə görə məsuliyyəti haqqında xəbərdar etmək və bu barədə ondan məhkəmə-tibbi ekspertizasını təyin etmiş orqana və ya şəxsə rəylə birlikdə göndərilməsi üçün müvafiq iltizam almaq;

~~qanunvericilikdə nəzərdə tutulmuş qaydada məhkəmə-tibbi ekspertizasının aparılması müddətini müəyyənləşdirmək və onun gözlənilməsinə nəzarət etmək;~~

~~ekspertin müstəqilliyi prinsipinə əməl olunmaqla aparılan tədqiqatların tamlığı və keyfiyyəti üzərində nəzarət etmək;~~

tədqiqatlar başa çatdıqdan sonra ekspertin rəyini tədqiqat obyektlərinə və iş üzrə materialların məhkəmə-tibbi ekspertizasını təyin etmiş orqana və ya şəxsə göndərilməsini təmin etmək;

~~bütün dövlət orqanlarında, idarələrində və təşkilatlarında Birliyi təmsil etmək;~~

~~öz səlahiyyəti çərçivəsində Birliyin maliyyə fəaliyyətinə dair məsələləri həyata keçirmək;~~

~~Birliyin fəaliyyətinə dair əmr və sərəncamlar vermək;~~

Birliyin işçilərinin işə qəbul və işdən azad edilməsini təmin etmək, əmək və icra intizamına əməl edilməsinə görə fərqlənmiş işçilərin mükafatlandırılmasını, habelə əmək və icra intizamının pozulmasına görə intizam məsuliyyətinə cəlb edilməsini həyata keçirmək;

~~qanunvericiliyə uyğun olaraq digər hüquq və vəzifələri həyata keçirmək.~~

3.2. Birliyin işi haqqında məsələlərə baxılması və onların həlli üçün, həmçinin məhkəmə-tibb və patoloji anatomiya xidmətlərinin fəaliyyətini müntəzəm təkmilləşdirmək və yaxşılaşdırmaqdan ötrü inzibati şura yaradılır. İnzibati şuraya Birliyin baş direktoru onun müavinləri, struktur şöbə və bölmələrinin rəhbərləri, həmkarlar təşkilatının nümayəndəsi və aparıcı mütəxəssislər daxil edilirlər.

~~3.3. Birliyin işi üzrə inzibati şuranın tərkibi baş direktor tərəfindən təsdiq edilir. Birliyin baş direktoru inzibati şuranın sədridir.~~

~~3.4. İnzibati şuranın qəbul etdiyi qərarlar birlik üzrə əmrlər vasitəsilə həyata keçirilir.~~

~~3.5. Birliyin struktur bölmələri barədə Əsasnamə Birliyin baş direktoru tərəfindən təsdiq edilir.~~

3.6. Birliyin baş direktorunun müavinləri onun təqdimatına əsasən səhiyyə naziri tərəfindən təyin olunurlar. Müavinlərin vəzifələrinin səlahiyyət bölgüsü Birliyin baş direktoru tərəfindən müəyyən edilir.

~~3.7. Birliyin strukturu Birliyin baş direktorunun təqdimatı əsasında səhiyyə naziri tərəfindən təsdiq edilir.~~

~~Birliyin ştat sayı və ştat cədvəli səhiyyə naziri tərəfindən təsdiq edilir.~~

~~4. BİRLİYİN YARADILMASI VƏ LƏĞV EDİLMƏSİ~~

~~Birliyin yaradılması və ləğv edilməsi Azərbaycan Respublikasının Nazirlər Kabineti tərəfindən həyata keçirilir.~~

İSTİFADƏ OLUNMUŞ MƏNBƏ SƏNƏDLƏRİNİN SİYAHISI

1. 27 yanvar 2005-ci il tarixli 8 nömrəli Azərbaycan Respublikası Nazirlər Kabinetinin Qərarı (Azərbaycan Respublikasının Qanunvericilik Toplusu, 2005-ci il, № 1, maddə 52)

2. 6 iyul 2006-cı il tarixli 166 nömrəli Azərbaycan Respublikası Nazirlər Kabinetinin Qərarı (Azərbaycan Respublikasının Qanunvericilik Toplusu, 2006-cı il, № 6, maddə 634)

3. 29 iyun 2020-ci il tarixli 229 nömrəli Azərbaycan Respublikası Nazirlər Kabinetinin Qərarı (“Xalq” qəzeti, 2 iyul 2020-ci il, № 125, Azərbaycan Respublikasının Qanunvericilik Toplusu, 2020-ci il, № 6, maddə 819)

QƏRARA EDİLMİŞ DƏYİŞİKLİK VƏ ƏLAVƏLƏRİN SİYAHISI