Azərbaycan
Respublikası ədliyyə orqanları işçilərinin
geyim formalarının verilmə qaydaları, normaları
və istifadə müddətlərinin təsdiq edilməsi
haqqında
AZƏRBAYCAN
RESPUBLİKASI NAZİRLƏR KABİNETİNİN QƏRARI
Azərbaycan Respublikası Prezidentinin 1999-cu il 28
sentyabr tarixli, 241 nömrəli Sərəncamının
icrasını təmin etmək məqsədi ilə
Azərbaycan Respublikasının Nazirlər Kabineti qərara
alır:
1. Azərbaycan Respublikası ədliyyə orqanları
işçilərinin geyim formalarının verilmə
qaydaları, normaları və istifadə müddətləri
təsdiq edilsin (əlavə edilir).
2. Müəyyən edilsin ki, ədliyyə
orqanları işçilərinə geyim formalarının
alınması üçün lazım olan vəsait
Azərbaycan Respublikası Ədliyyə Nazirliyinin
saxlanılması üçün büdcədə
müvafiq xərc yarımmaddəsində nəzərdə
tutulmuş vəsaitlər hesabına həyata keçirilir.
3. Azərbaycan Respublikasının Ədliyyə
Nazirliyinə tapşırılsın ki, Azərbaycan
Respublikasının Maliyyə Nazirliyi ilə
razılaşdırılmış formaya uyğun olaraq, bu
qərarla təsdiq edilmiş normalar üzrə
təminatın cari ilin dekabr ayının 31-i
vəziyyətinə dair hesabatı növbəti ilin fevral
ayının 15-dək Azərbaycan Respublikasının
Maliyyə Nazirliyinə təqdim etsin.[1]
4. Bu qərar imzalandığı gündən
qüvvəyə minir.
Azərbaycan Respublikasının Baş naziri A.
RASİZADƏ
Bakı şəhəri, 27 iyul 2000-ci il
¹ 131
|
Azərbaycan Respublikası Nazirlər
Kabinetinin 2000-ci il 27 iyul tarixli, 131 nömrəli
qərarı ilə TƏSDİQ EDİLMİŞDİR 1 NÖMRƏLİ
əlavə |
Azərbaycan Respublikası ədliyyə
orqanları işçilərinin geyim formalarının
verilmə
Qaydaları
1. Bu Qaydalar «Azərbaycan
Respublikasının ədliyyə orqanları
işçilərinin fərqlənmə nişanları
və geyim formasının təsvirinin təsdiq edilməsi
haqqında» Azərbaycan Respublikası Prezidentinin 1999-cu il 28
sentyabr tarixli, 241 nömrəli Sərəncamına
əsasən ədliyyə orqanları işçilərinin
geyim formalarının verilməsi qaydalarını
müəyyən edir.
2. Azərbaycan Respublikasının
Ədliyyə Nazirliyi «Ədliyyə işçilərinin xüsusi rütbələri
haqqında
Əsasnamə»yə uyğun olaraq, rütbə
dərəcələri olan ədliyyə orqanları
işçilərini geyim forması ilə təmin edir. [2]
3. Ədliyyə orqanları
işçilərinin geyim formaları dövlət
büdcəsindən Azərbaycan Respublikasının
Ədliyyə Nazirliyinə ayrılmış vəsait
hesabına verilir.
4. İşçilərin geyim
formaları ilə zəruri miqdarda və
ölçülər üzrə təmin olunması
üçün Azərbaycan Respublikasının
Ədliyyə Nazirliyinin mərkəzi aparatının
maliyyə-təsərrüfat xidməti, Naxçıvan
Muxtar Respublikasının ədliyyə naziri, Azərbaycan
Respublikası Ədliyyə Nazirliyinin tabeliyində olan
digər təşkilatların rəhbərləri, habelə
müvafiq məhkəmə sədrləri Azərbaycan
Respublikası Ədliyyə Nazirliyinin rəhbərliyi
qarşısında vəsatət qaldırırlar. Bu
vəsatətə əsasən, Azərbaycan
Respublikasının Ədliyyə Nazirliyi qanunvericiliklə
müəyyən edilmiş qaydada geyim formalarının
və fərqləndirici nişanlarının (paqonlar, emblem,
ulduzlar və düymələr) hazırlanması və
alınması üçün sifariş verir. Sifariş
üzrə hesablaşmalar köçürmə yolu ilə
həyata keçirilir.
5. Nazirlik geyim formalarını
və fərqlənmə nişanlarını müvafiq
müəssisələrdən aldıqdan sonra onları
ədliyyə orqanları işçilərinə
müəyyən olunmuş qaydada təqdim edir.
6. Ədliyyə orqanının
işçisi təsdiq olunmuş geyim formasına uyğun
olaraq onu fərdi qaydada sifariş edə bilər. Belə
hallarda işçiyə Ədliyyə Nazirliyi
tərəfindən formanın tikilməsi və
alınması üçün yalnız nağdsız qaydada pul
ayrılır, furajka və fərqləndirici nişanlar
isə yalnız Ədliyyə Nazirliyinin sifarişi
əsasında hazırlanır. [3]
7. Ədliyyə orqanları
işçilərinin geyim formaları predmetlərinin qeydi,
işçiyə geyim formaları və ya nağd pul vəsaitlərinin verildiyi
gündən, Azərbaycan Respublikası Ədliyyə
Nazirliyinin maliyyə-təsərrüfat xidməti
tərəfindən müəyyən olunmuş qaydada
aparılır. [4]
İSTİFADƏ
OLUNMUŞ MƏNBƏ SƏNƏDLƏRİNİN
SİYAHISI
1.
22 may
2006-cı il tarixli 127 nömrəli Qərarı (Azərbaycan Respublikasının
Qanunvericilik Toplusu, 2006-cı il, ¹ 5, maddə 470)
2.
15 yanvar
2010-cu il tarixli 9
nömrəli Azərbaycan Respublikası Nazirlər Kabinetinin
Qərarı (Azərbaycan
Respublikasının Qanunvericilik Toplusu, 2010-cu il, ¹ 01, maddə
55)
3.
26 may 2017-ci il tarixli 225 nömrəli Azərbaycan Respublikası Nazirlər Kabinetinin
Qərarı (“Xalq” qəzeti, 31
may 2017-ci il, ¹ 115, Azərbaycan
Respublikasının Qanunvericilik Toplusu, 2017-ci il, ¹ 5, maddə
996)
QƏRARA
EDİLMİŞ DƏYİŞİKLİK VƏ
ƏLAVƏLƏRİN SİYAHISI