“Azərbaycan
Respublikası Milli Məclisi deputatının statusu haqqında” Azərbaycan
Respublikasının Qanununa dəyişikliklər və
əlavələr edilməsi barədə” Azərbaycan
Respublikası Qanununun tətbiqi ilə əlaqədar
“Vətəndaşların pensiya təminatı haqqında” Azərbaycan
Respublikasının Qanununa dəyişikliklər və
əlavələr edilməsi barədə[1]
AZƏRBAYCAN
RESPUBLİKASININ QANUNU
Azərbaycan Respublikasının Milli Məclisi qərara alır:
I. “Vətəndaşların pensiya təminatı haqqında” Azərbaycan Respublikasının Qanununa (Azərbaycan
Respublikası Ali Sovetinin Məlumatı, 1992-ci il, № 18, maddə
814; 1994-cü il, № 15, maddə 177; 1995-ci il, № 22, maddə
354; Azərbaycan Respublikasının Qanunvericilik Toplusu, 1997-ci il,
№ 6, maddələr 453, 494; 1998-ci il, № 1, maddə 10;
1999-cu il, № 5, maddə 284; 2000-ci il, № 6, maddə 379;
2001-ci il, № 2, maddə 88, № 3, maddə 145, № 6,
maddə 363, № 12, maddə 736; 2002-ci il, № 5, maddə
246, № 6, maddə 328, № 8, maddələr 463, 464; 2003-cü
il, № 1, maddə 16; 2004-cü il, № 1, maddə 10, № 2,
maddə 60, № 3, maddə 133, № 6, maddə 397, № 8,
maddələr 596, 598) aşağıdakı dəyişikliklər və
əlavələr edilsin:
1. 17-ci
maddənin yeddinci hissəsi aşağıdakı redaksiyada verilsin:
“Məhkəmənin qanuni qüvvəyə
minmiş hökmü əsasında deputat mandatından məhrum edilmiş və
Azərbaycan Respublikası Milli Məclisinin iclaslarında üzrsüz
səbəbdən iştirak etmədiyinə görə deputat
səlahiyyətlərini itirmiş deputatlar istisna olmaqla, pensiya
yaşına çatmış sabiq deputat Azərbaycan Respublikası Milli Məclisinin
fəaliyyətdə olan deputatının orta aylıq əməkhaqqının
80 faizi məbləğində pensiya alır və deputatın orta aylıq
əməkhaqqının artımındakı sonrakı dəyişikliklər həmin
məbləğə şamil edilir. Pensiya yaşına çatmış sabiq deputat
səlahiyyət müddəti ərzində Azərbaycan
Respublikası Milli Məclisinin sədri, sədrin birinci müavini,
sədrin müavini, komissiya sədri və ya komissiya sədrinin
müavini vəzifəsinə seçilmişdirsə, o, pensiyaya çıxdıqda
müvafiq olaraq fəaliyyətdə olan Azərbaycan Respublikası Milli
Məclisi sədrinin, sədrin birinci müavininin, sədrin
müavininin, komissiya sədrinin və ya komissiya sədrinin
müavininin orta aylıq əməkhaqqının 80 faizi məbləğində
pensiya alır və həmin seçkili vəzifəyə görə aylıq
vəzifə maaşının artımındakı sonrakı dəyişikliklər pensiya
məbləğinə şamil edilir.”.
2. Qanuna
aşağıdakı məzmunda 47-1-ci maddə əlavə edilsin:
“M a d d ə 4 7-1. Azərbaycan Respublikası
Milli Məclisinin vəfat etmiş deputatının ailə üzvlərinin
pensiya təminatı
Azərbaycan Respublikası Milli Məclisinin
deputatı səlahiyyəti müddətində vəfat etdikdə
onun ailə üzvləri – dul arvadı (əri), anası (atası) və
himayəsində olmuş 22 yaşına çatmamış işləməyən
uşaqları həmin deputatın orta aylıq əməkhaqqının 80 faizi
məbləğində pensiya alırlar.
Pensiyaya çıxmış Azərbaycan Respublikası Milli
Məclisinin deputatı vəfat etdikdə onun ailə üzvləri -
dul arvadı (əri), anası (atası) və himayəsində olmuş 22
yaşına çatmamış işləməyən uşaqları onun pensiyasını alırlar.
Bu maddədə nəzərdə tutulan
pensiyanın məbləği deputatın ailə üzvləri arasında
bərabər bölünür.”.
3. 72-ci maddəyə aşağıdakı məzmunda
üçüncü hissə əlavə edilsin, üçüncü hissə dördüncü
hissə hesab edilsin:
“Azərbaycan Respublikası Milli Məclisi
deputatının orta aylıq əməkhaqqı onun son on iki ay ərzində
Azərbaycan Respublikasının Milli Məclisindən aldığı
vəzifə maaşının, müavinətlərin və vergi tutulan başqa
əlavə ödənişlərin cəminin 12-yə bölünməsi
yolu ilə müəyyən edilir.”.
II. Bu Qanun dərc edildiyi gündən
qüvvəyə minir.
İlham ƏLİYEV,
Azərbaycan Respublikasının Prezidenti
Bakı şəhəri, 15
aprel 2005-ci il
№ 889-IIQD
İSTİFADƏ
OLUNMUŞ MƏNBƏ SƏNƏDLƏRİNİN SİYAHISI
1. 6 mart 2007-ci il tarixli 260-IIIQD nömrəli Azərbaycan Respublikasının Qanunu (Azərbaycan Respublikasının
Qanunvericilik Toplusu, 2007-ci il, № 5, maddə 401)
QANUNA EDİLMİŞ DƏYİŞİKLİK VƏ
ƏLAVƏLƏRİN SİYAHISI
[1]
6 mart 2007-ci il tarixli 260-IIIQD nömrəli
Azərbaycan Respublikasının Qanunu (Azərbaycan Respublikasının Qanunvericilik Toplusu, 2007-ci il,
№ 5, maddə 401) ilə ləğv edilmişdir.