Azərbaycan Dövlət Teleradio Verilişləri Şirkətinin və Naxçıvan Muxtar Respublikası kütləvi informasiya vasitələrinin işçilərinə Azərbaycan Respublikasının fəxri adlarının verilməsi haqqında

AZƏRBAYCAN RESPUBLİKASI PREZİDENTİNİN FƏRMANI

Uzun illər səmərəli işlədiklərinə və sahənin inkişafında fəal iştirak etdiklərinə görə aşağıdakılara fəxri adlar verilsin:

“Azərbaycan Respublikasının xalq artisti”

1. Əzimov Nəriman Abbasqulu oğlu — S. Rüstəmov adına xalq çalğı alətləri orkestrinin rəhbəri.

2. Sənani Ofeliya Hacıağa qızı — televiziya verilişləri diktoru.

3. Tağıyeva Roza Murtuza qızı — televiziya verilişləri diktoru.

“Azərbaycan Respublikasının əməkdar artisti”

1. Ələkbərova Tamilla Ağasəlim qızı — televiziya verilişləri diktoru.

2. Hacıyeva Nərgiz Məmmədhüseyn qızı — Niyazi adına simfonik orkestrin violonçelçalanı.

“Azərbaycan Respublikasının əməkdar incəsənət xadimi”

1. Cəbiyev Pircan Ağahüseyn oğlu — televiziya operatoru.

2. Tağızadə Qarasim Əbdülhəsən oğlu — radio verilişləri diktoru.

“Azərbaycan Respublikasının əməkdar jurnalisti”

1. Əliyev Elxan Hacıağa oğlu — Naxçıvan Muxtar Respublikasının “Şərq qapısı” qəzeti redaktorunun müavini.

2. Bağırov Vahid həbib oğlu — Naxçıvan Muxtar Respublikası Dövlətteleradio Komitəsinin sədri.

3. Zahidov Altay Qulam oğlu — Moskva şəhərində xüsusi müxbir.

4. Səfərli Hidayət Əhməd oğlu — radio verilişlərinin Baş informasiya redaksiyası baş redaktorunun müavini.

Azərbaycan Respublikasının Prezidenti

A. MÜTƏLLİBOV.

Bakı şəhəri, 4 may 1991-ci il.

№ 200