“İşaxtaran və işsiz
şəxslərin peşə hazırlığının
təşkili Qaydası”nın təsdiq edilməsi haqqında
AZƏRBAYCAN RESPUBLİKASI
NAZİRLƏR KABİNETİNİN QƏRARI
“Məşğulluq haqqında”
Azərbaycan Respublikasının 2018-ci il 29 iyun tarixli 1196-VQ
nömrəli Qanununun tətbiqi barədə” Azərbaycan
Respublikası Prezidentinin 2018-ci il 24 avqust tarixli 233 nömrəli Fərmanının 1.2.3-cü yarımbəndinin
icrasını təmin etmək məqsədilə
Azərbaycan Respublikasının Nazirlər Kabineti qərara alır:
“İşaxtaran və işsiz şəxslərin
peşə hazırlığının təşkili
Qaydası” təsdiq edilsin (əlavə olunur).
Azərbaycan
Respublikasının Baş naziri Novruz MƏMMƏDOV
Bakı
şəhəri, 7 iyun 2019-cu il
¹ 261
|
Azərbaycan Respublikası Nazirlər
Kabinetinin 2019-cu il 7 iyun tarixli 261 nömrəli
Qərarı ilə təsdiq edilmişdir |
İşaxtaran və işsiz
şəxslərin peşə hazırlığının
təşkili
QAYDASI
1. Ümumi müddəalar
1.1. Bu Qayda “Məşğulluq haqqında”
Azərbaycan Respublikası Qanununun 20.4-cü maddəsinə
əsasən hazırlanmışdır, işaxtaran və
işsiz şəxslər üçün peşə
hazırlığının (bundan sonra – peşə
hazırlığı) təşkili qaydasını
müəyyən edir.[1]
1.2. İşaxtaran və işsiz şəxslər
peşə hazırlığına Azərbaycan
Respublikasının Əmək və Əhalinin Sosial
Müdafiəsi Nazirliyinin (bundan sonra – Nazirlik) tabeliyində
Dövlət Məşğulluq Agentliyinin (bundan sonra –
Agentlik) yerli qurumları və ya “DOST” mərkəzləri”
tərəfindən (bundan sonra – Mərkəz) cəlb
edilirlər.
1.3. Agentliyin yerli qurumları və ya Mərkəz
tərəfindən cəlb olunmuş işaxtaran və
işsiz şəxslərin peşə
hazırlığı Agentlik tərəfindən təşkil
olunur.
1.4. Agentlik əmək bazarının işçi
qüvvəsinə ehtiyacları üzrə proqnozlara uyğun
olaraq hər il üçün peşə və ixtisaslar
üzrə istiqamətləri, cəlb ediləcək
şəxslərin sayını müəyyən edir.
1.5. Dövlət orqanları,
bələdiyyələr, hüquqi və fiziki
şəxslər tərəfindən təsis edilən
əlavə təhsili həyata keçirən müəssisələr
(universitetlər, institutlar, mərkəzlər və s.)
peşə hazırlığını həyata
keçirə biləcəkləri ixtisası (ixtisasları)
göstərməklə, peşə hazırlığının
həmin müəssisədə təşkili barədə
Agentliyə müraciət edirlər.
1.6. Agentlik peşə hazırlığının
nəzəri və praktiki hissələrini, məzmununu,
müraciət etmiş müəssisələrin maddi-texniki
bazasını, infrastrukturunu, təhsilverənlərin
keyfiyyət göstəricilərini, müdavimlərin bilik,
bacarıq və vərdişlərinin səviyyəsini,
onların gələcək məşğulluq
imkanlarını nəzərə alaraq peşə
hazırlığını həyata keçirəcək
müəssisələri seçir.
1.7. “Təhsil haqqında” Azərbaycan Respublikası
Qanununun 24.2-ci maddəsinə və “Peşə təhsili
haqqında” Azərbaycan Respublikası Qanununun 9.9-cu
maddəsinə uyğun olaraq, peşə
hazırlığı işaxtaran və işsiz
şəxslərin əlavə təhsili, o
cümlədən peşənin öyrənilməsi,
ixtisasın artırılması, yenidən hazırlıq,
yaşlıların təhsili və digər təhsil
istiqamətləri üzrə təşkil edilir.
1.8. Bu Qaydanın 1.4-cü bəndinə uyğun olaraq
müəyyən edilmiş peşə və ixtisaslar
üzrə ixtisaslı kadr hazırlığının
keyfiyyətini yüksəltmək məqsədilə
təşkil edilən peşə hazırlığı
üzrə məşğələlər nəzəri
və praktik hissədən ibarət olmaqla aparılır.
Peşə hazırlığının nəzəri
hissəsi əyani və ya distant (məsafədən) formada
aşağıdakı təlim modulları üzrə
həyata keçirilir:
1.8.1. peşə fəaliyyətinin ümumi
əsasları üzrə təlim;
1.8.2. ixtisas sahələri üzrə təlim;
1.8.3. innovasiyalar üzrə təlim.
1.9. Peşə hazırlığının praktiki
hissəsində məşğələlər
yarım-qruplarda aparılır və peşə
hazırlığına cəlb edilmiş müdavimlər
peşə hazırlığını həyata
keçirən müəssisələrin təlim-istehsalat,
təsərrüfat sahələrində, o cümlədən
işəgötürənlərin istehsalat bazasında
istehsalat təlimi və təcrübəsi keçirlər.
1.10. Peşə hazırlığı üzrə
təşkil edilən kurslarda təhsil müddəti 6
(altı) aya qədərdir.
1.11. İşaxtaran və işsiz şəxslərin
peşə hazırlığı imtahan verməklə
başa çatır. Müdavimlərin biliyini peşə
hazırlığını həyata keçirən
müəssisə tərəfindən təşkil edilmiş
imtahan komissiyası qiymətləndirir və üç
nüsxədən ibarət protokol tərtib edir. Protokolun bir nüsxəsi
müdavimə, bir nüsxəsi Mərkəzə verilir, bir
nüsxəsi isə peşə hazırlığını
həyata keçirən müəssisədə qalır.
1.12. Peşə hazırlığını başa
çatdırmış və ixtisas imtahanını
müvəffəqiyyətlə vermiş müdavimlərə
əlavə təhsilin məzmununa uyğun olaraq peşə
hazırlığını həyata keçirən
müəssisə tərəfindən möhürlə
təsdiq edilmiş diplom, sertifikat və digər sənəd
verilir.
1.13. Peşə hazırlığının
təşkili zamanı “Məşğulluq haqqında”
Azərbaycan Respublikası Qanununun 20.3-cü maddəsində
nəzərdə tutulan şəxslər üstün
hüquqa malikdirlər.
1.14. Bu Qaydada istifadə olunan anlayışlar
Azərbaycan Respublikasının “Məşğulluq
haqqında”, “Təhsil haqqında” və “Peşə
təhsili haqqında” qanunları ilə müəyyən
edilmiş mənaları ifadə edir.
2. Peşə
hazırlığının təşkili
2.1. Agentlik:[2]
2.1.1. əmək bazarının
tələblərinə uyğun olaraq işaxtaran və
işsiz şəxslərin peşə
hazırlığına dair ehtiyaclarını
müəyyən edir;
2.1.2. işaxtaran və işsiz şəxslərin
peşə hazırlığının təşkili ilə
əlaqədar Agentliyin yerli
qurumlarının və Mərkəzin fəaliyyətini əlaqələndirir;[3]
2.1.3. peşə hazırlığına cəlb
olunmuş işaxtaran və işsiz şəxslərə
təhsil müəssisələrinə Nazirliyin
Mərkəzləşdirilmiş elektron informasiya sisteminin
(bundan sonra – MEİS) “Məşğulluq” altsistemi (bundan sonra
– MAS) vasitəsilə bu Qaydanın 1 nömrəli
əlavəsinə uyğun göndəriş verir;
2.1.4. peşə hazırlığının
təşkili məqsədilə 2 nömrəli
əlavəyə uyğun üçtərəfli (Xidmət
– təhsil müəssisəsi - müdavim) və ya 3
nömrəli əlavəyə uyğun dördtərəfli
(Xidmət – təhsili müəssisəsi -
işəgötürən - müdavim) müqavilələr
bağlayır;[4]
2.1.5. peşə hazırlığı
məqsədləri üçün ayrılmış
vəsaitlər çərçivəsində
maliyyələşdirməni təmin edir;
2.1.6. təhsil müəssisələri və
Mərkəz tərəfindən bu Qayda ilə
müəyyən olunmuş tədbirlərin həyata
keçirilməsinə nəzarət edir.
2.2. Agentliyin yerli
qurumları və ya Mərkəz MAS-da işaxtaran və ya
işsiz kimi qeydiyyatda olan şəxslərin lazımi
peşə və ya ixtisası olmadığına
görə onun üçün münasib işi
seçmək mümkün olmadıqda, əvvəlki
peşəsi (ixtisas) üzrə işləmək
qabiliyyətini itirdikdə peşə hazırlığına
cəlb edir.
2.3. Peşə hazırlığı Xidmətin
tabeliyindəki təhsil müəssisələrində,
dövlət təhsil müəssisələrində və
“Dövlət satınalmaları haqqında” Azərbaycan
Respublikasının Qanununa uyğun olaraq xidmətlərin
satınalınması yolu ilə özəl peşə
təhsili müəssisələrində təşkil edilir.[5]
2.4.
Aşağıdakı şəxslərin peşə
hazırlığı ödənişsiz təşkil edilir: [6]
2.4.1.
işsiz şəxslərin;
2.4.2.
“Məşğulluq haqqında” Azərbaycan Respublikası
Qanununun 4.1.3-cü maddəsində nəzərdə tutulan
mülkiyyətində kənd təsərrüfatına
yararlı torpaq payı olub, digər məşğulluğu
olmayan işaxtaran şəxslərin;
2.4.3. il
ərzində müvafiq inzibati ərazi vahidi üzrə peşə
hazırlığına cəlb olunan işsiz
şəxslərin 20 faizindən çox olmamaq
şərtilə işaxtaran şəxslərin.
2.5. Peşə hazırlığına cəlb
olunmuş işsiz, “Məşğulluq
haqqında”
Azərbaycan Respublikası
Qanununun 4.1.3-cü
maddəsində nəzərdə tutulan mülkiyyətində
kənd təsərrüfatına
yararlı
torpaq payı
olub, digər məşğulluğu
olmayan işaxtaran şəxslərə təhsil aldıqları
dövrdə “Məşğulluq haqqında” Azərbaycan
Respublikası Qanununun 29.1-ci maddəsinə uyğun olaraq
minimum aylıq əməkhaqqı məbləğində
təqaüd ödənilir. [7]
2.6. Agentliyin
təklifi ilə bir şəhər və (və ya) rayon
(şəhər rayonları istisna olmaqla) inzibati ərazi
vahidindən digərinə peşə kurslarına
göndərilməsi ilə əlaqədar şəxsin
çəkdiyi xərc (taksi xərcləri istisna olmaqla)
kompensasiya edilir.
2.7. “Məşğulluq
haqqında”
Azərbaycan Respublikası
Qanununun 20.2.2-ci maddəsi nəzərə alınmaqla
işaxtaranlara və işsizlikdən sığorta
ödənişini aldığı dövrdə peşə
hazırlığına cəlb olunan işsiz
şəxslərə təqaüd verilmir. [8]
2.8. Bu Qaydanın 2.4-cü
bəndi və “Məşğulluq
haqqında”
Azərbaycan Respublikası
Qanununun 20.2.2-ci və 20.2.3-cü
maddələri nəzərə alınmaqla,
işaxtaranların peşə hazırlığı ödənişli
həyata keçirilir. Bu məqsədlə Agentliyin yerli qurumlarının və ya
Mərkəzin vasitəçiliyi ilə təhsil
müəssisəsi və işaxtaran arasında müvafiq
müqavilə imzalanır. [9]
3. Peşə
hazırlığının maliyyələşdirilməsi
3.1. Peşə hazırlığı
aşağıdakı mənbələr hesabına
maliyyələşdirilir:
3.1.1. işsizlikdən sığorta fondunun vəsaiti;
3.1.2. işəgötürənlərin vəsaiti;
3.1.3. işaxtaran şəxslərin şəxsi
vəsaiti;
3.1.4. “Qrant haqqında” Azərbaycan
Respublikasının Qanununa uyğun olaraq verilən qrantlar,
ianələr və yardımlar;
3.1.5. qanunvericiliklə qadağan olunmayan digər
mənbələr.
3.2. Peşə
hazırlığının maliyyələşdirilməsi
bu məqsədlər üçün ayrılmış
vəsaitlər çərçivəsində
adambaşına maliyyələşdirmə prinsipi
əsasında həyata keçirilir.[10]
3.3. Ayrı-ayrı ixtisaslar
üzrə hər bir müdavimə düşən
peşə hazırlığı xərclərinin miqdarı
Nazirlik tərəfindən təsdiq edilir.
3.4. Nəzərdə
tutulmuş xərclərin maliyyələşdirilməsi
Agentlik tərəfindən peşə hazırlığı
müəssisəsinə tərəflər arasında bağlanılmış
müqavilələr və ödəniş
sənədləri (ödəmə hesabları/invoys,
qəbzlər, çeklər və s.) əsasında
həyata keçirilir.
3.5. Bir müdavimə müəyyən
edilmiş xərclər peşə hazırlığı
müəssisəsinə təqdim etdiyi rəsmi
ödəniş sənədləri və hesab-fakturalar
(invoyslar) əsasında tərəflər arasında
bağlanılmış müqaviləyə uyğun olaraq,
Agentlik tərəfindən vəsaitin birbaşa
müəssisənin xəzinədəki (bankdakı) müvafiq
hesabına köçürülməsi yolu ilə aylar
üzrə ödənilir.
|
“İşaxtaran və işsiz
şəxslərin peşə hazırlığının
təşkili Qaydası”na 1
nömrəli əlavə |
________________________________________________________________________________ (Dövlət
Məşğulluq Agentliyinin yerli qurumu)[11] Peşə
hazırlığına göndəriş ¹ _______ _______________________________________________________________________
rəhbərinə
(təhsil müəssisəsinin adı) ____ _______________ ___ il tarixli
______________________ ¹ li müqaviləyə uyğun olaraq şəxs
___________________________________________________________________________ (soyadı, adı, atasının
adı) ____ ______________ ___ ildən ____
_______________ ___ ildək ____________________ saat həcmində
__________________________________________________________________
üzrə (peşənin, ixtisasın adı) peşə
hazırlığını keçmək üçün
rəhbərlik etdiyiniz təhsil müəssisəsinə
göndərilir. Göndəriş _____ ______________ ___
il tarixində verilmişdir. ________________________________________________________________________________ (rəhbər şəxsin
vəzifəsi, soyadı, adı və atasının
adı) İmza ___________________ M.Y. |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
İSTİFADƏ OLUNMUŞ MƏNBƏ
SƏNƏDLƏRİNİN SİYAHISI
1. 25 fevral 2021-ci il tarixli 44 nömrəli Azərbaycan Respublikası Nazirlər
Kabinetinin Qərarı (“Xalq” qəzeti, 28 fevral 2021-ci il, ¹
46, Azərbaycan Respublikasının Qanunvericilik Toplusu,
2021-ci il, ¹ 2, maddə 209)
2. 5 mart 2021-ci il tarixli 58 nömrəli Azərbaycan Respublikası Nazirlər
Kabinetinin Qərarı (“Xalq” qəzeti,
12 mart 2021-ci il, ¹ 55, Azərbaycan
Respublikasının Qanunvericilik Toplusu, 2021-ci il, ¹ 3, maddə
277)
3. 20 may 2022-ci il tarixli 202 nömrəli Azərbaycan Respublikası Nazirlər Kabinetinin
Qərarı (“Xalq” qəzeti, 22
may 2022-ci il, ¹ 107, Azərbaycan
Respublikasının Qanunvericilik Toplusu, 2022-ci il, ¹ 5, maddə 564)
QƏRARA EDİLMİŞ DƏYİŞİKLİK
VƏ ƏLAVƏLƏRİN SİYAHISI
[1] 25 fevral 2021-ci
il tarixli 44 nömrəli Azərbaycan Respublikası Nazirlər Kabinetinin
Qərarı (“Xalq” qəzeti, 28 fevral 2021-ci il, ¹
46, Azərbaycan Respublikasının Qanunvericilik Toplusu,
2021-ci il, ¹ 2, maddə 209) ilə “İşaxtaran
və işsiz şəxslərin peşə
hazırlığının təşkili Qaydası”nın
1-ci hissənin mətni yeni redaksiyada verilmişdir.
Əvvəlki redaskiyada deyilirdi:
1.1. Bu Qayda “Məşğulluq
haqqında” Azərbaycan Respublikası Qanununun 20.4-cü
maddəsinə əsasən hazırlanmışdır və
işaxtaran və işsiz şəxslər üçün
peşə hazırlığının (bundan sonra –
peşə hazırlığı) təşkili
qaydasını müəyyən edir.
1.2. İşaxtaran və işsiz
şəxslər peşə hazırlığına
Azərbaycan Respublikasının Əmək və Əhalinin
Sosial Müdafiəsi Nazirliyi (bundan sonra – Nazirlik) yanında
Dövlət Məşğulluq Xidmətinin (bundan sonra –
Xidmət) şəhər, rayon məşğulluq
orqanları və ya “DOST” mərkəzləri”
tərəfindən (bundan sonra – Mərkəz) cəlb
edilirlər.
1.3. Xidmətin şəhər, rayon
məşğulluq orqanları və ya Mərkəz
tərəfindən cəlb olunmuş işaxtaran və
işsiz şəxslərin peşə hazırlığı
Xidmət tərəfindən təşkil olunur.
1.4. Peşə hazırlığı
Xidmətin göndərişi əsasında Xidmətin
tabeliyində olan təhsil müəssisəsi, qanunla
müəyyən olunmuş qaydada fəaliyyətinə
lisenziya verilmiş digər təhsil
müəssisələrində (bundan sonra – təhsil müəssisələri)
təşkil edilir.
1.5. Peşə hazırlığı
peşə təhsilinin dövlət standartlarına uyğun
həyata keçirilir.
1.6. Peşə hazırlığı
üzrə təşkil edilən kurslarda təhsil
müddəti 6 (altı) aya qədərdir.
1.7. Peşə
hazırlığını başa çatdırmış
və ixtisas imtahanını müvəffəqiyyətlə
vermiş müdavimlərə təhsil haqqında dövlət
sənədi (sertifikat) verilir.
1.8. Peşə
hazırlığının təşkili zamanı
“Məşğulluq haqqında” Azərbaycan Respublikası
Qanununun 20.3-cü maddəsində nəzərdə tutulan
şəxslər üstün hüquqa malikdirlər.
1.9. Bu Qaydada istifadə olunan anlayışlar
Azərbaycan Respublikasının “Məşğulluq
haqqında”, “Təhsil haqqında” və “Peşə təhsili
haqqında” qanunları ilə müəyyən edilmiş
mənaları ifadə edir.
[2]
5 mart 2021-ci il tarixli 58 nömrəli Azərbaycan Respublikası Nazirlər Kabinetinin
Qərarı (“Xalq” qəzeti, 12 mart
2021-ci il, ¹ 55, Azərbaycan Respublikasının
Qanunvericilik Toplusu, 2021-ci il, ¹ 3, maddə 277)
ilə “İşaxtaran
və işsiz şəxslərin peşə
hazırlığının təşkili Qaydası”nda 2.1-ci bəndin birinci abzasında
və 2.6-cı bənddə ismin müvafiq hallarında “Xidmət” sözü ismin
müvafiq hallarında “Agentlik”
sözü ilə əvəz edilmişdir.
[3]
5 mart 2021-ci il tarixli 58 nömrəli Azərbaycan Respublikası Nazirlər Kabinetinin
Qərarı (“Xalq” qəzeti, 12 mart
2021-ci il, ¹ 55, Azərbaycan Respublikasının
Qanunvericilik Toplusu, 2021-ci il, ¹ 3, maddə 277)
ilə “İşaxtaran
və işsiz şəxslərin peşə
hazırlığının təşkili Qaydası”nda
2.1.2-ci yarımbənddə, 2.2-ci bənddə və 2.8-ci
bəndin ikinci cümləsində ismin müvafiq hallarında
“Xidmətin şəhər,
rayon məşğulluq orqanları” sözləri ismin
müvafiq hallarında “Agentliyin
yerli qurumları” sözləri ilə əvəz
edilmişdir.
[4] 25 fevral 2021-ci
il tarixli 44 nömrəli Azərbaycan Respublikası Nazirlər Kabinetinin
Qərarı (“Xalq” qəzeti, 28 fevral 2021-ci il, ¹
46, Azərbaycan Respublikasının Qanunvericilik Toplusu,
2021-ci il, ¹ 2, maddə 209) ilə “İşaxtaran
və işsiz şəxslərin peşə
hazırlığının təşkili Qaydası”nın
2.1.4-cü yarımbəndi və Qaydaya 2 və 3
nömrəli əlavələr ləğv edilmişdir.
[5] 25 fevral 2021-ci
il tarixli 44 nömrəli Azərbaycan Respublikası Nazirlər Kabinetinin
Qərarı (“Xalq” qəzeti, 28 fevral 2021-ci il, ¹
46, Azərbaycan Respublikasının Qanunvericilik Toplusu,
2021-ci il, ¹ 2, maddə 209) ilə “İşaxtaran
və işsiz şəxslərin peşə
hazırlığının təşkili Qaydası”nın
2.3-cü bəndi ləğv edilmişdir.
[6] 25 fevral 2021-ci
il tarixli 44 nömrəli Azərbaycan Respublikası Nazirlər Kabinetinin
Qərarı (“Xalq” qəzeti, 28 fevral 2021-ci il, ¹
46, Azərbaycan Respublikasının Qanunvericilik Toplusu,
2021-ci il, ¹ 2, maddə 209) ilə “İşaxtaran
və işsiz şəxslərin peşə
hazırlığının təşkili Qaydası”nın
2.4-cü bəndinə “İşsiz
şəxslərin”
sözlərindən sonra “,
habelə il ərzində müvafiq inzibati ərazi vahidi
üzrə peşə hazırlığına cəlb olunan
işsiz şəxslərin 20 faizindən çox olmamaq
şərtilə işaxtaran şəxslərin”
sözləri əlav edilmişdir.
20 may 2022-ci il tarixli 202
nömrəli Azərbaycan Respublikası Nazirlər
Kabinetinin Qərarı (“Xalq”
qəzeti, 22 may 2022-ci il, ¹
107, Azərbaycan Respublikasının
Qanunvericilik Toplusu, 2022-ci il, ¹ 5, maddə 564) ilə “İşaxtaran
və işsiz şəxslərin peşə hazırlığının təşkili Qaydası”nın 2.4-cü bəndi
yeni redaksiyada verilmişdir.
əvvəlki redaksiyada deyilirdi:
2.4. İşsiz şəxslərin, habelə il ərzində
müvafiq inzibati ərazi vahidi üzrə peşə
hazırlığına cəlb olunan işsiz
şəxslərin 20 faizindən çox olmamaq
şərtilə işaxtaran şəxslərin
peşə hazırlığı ödənişsiz
təşkil olunur.
[7] 20 may 2022-ci il tarixli 202
nömrəli Azərbaycan Respublikası Nazirlər
Kabinetinin Qərarı (“Xalq”
qəzeti, 22 may 2022-ci il, ¹
107, Azərbaycan Respublikasının
Qanunvericilik Toplusu, 2022-ci il, ¹ 5, maddə 564) ilə “İşaxtaran və işsiz şəxslərin
peşə hazırlığının təşkili
Qaydası”nın 2.5-ci bəndinə “işsiz” sözündən
sonra “, “Məşğulluq haqqında”
Azərbaycan Respublikası Qanununun 4.1.3-cü maddəsində
nəzərdə tutulan mülkiyyətində
kənd təsərrüfatına yararlı torpaq payı olub, digər məşğulluğu
olmayan işaxtaran” sözləri əlavə edilmişdir.
[8] 20 may 2022-ci il tarixli 202
nömrəli Azərbaycan Respublikası Nazirlər
Kabinetinin Qərarı (“Xalq”
qəzeti, 22 may 2022-ci il, ¹
107, Azərbaycan Respublikasının
Qanunvericilik Toplusu, 2022-ci il, ¹ 5, maddə 564) ilə “İşaxtaran və işsiz şəxslərin
peşə hazırlığının təşkili
Qaydası”nın 2.7-ci bəndində “İşaxtaranlara” sözü “Məşğulluq haqqında” Azərbaycan Respublikası Qanununun 20.2.2-ci maddəsi
nəzərə alınmaqla işaxtaranlara” sözləri ilə əvəz
edilmişdir.
[9] 25 fevral 2021-ci
il tarixli 44 nömrəli Azərbaycan Respublikası Nazirlər Kabinetinin
Qərarı (“Xalq” qəzeti, 28 fevral 2021-ci il, ¹
46, Azərbaycan Respublikasının Qanunvericilik Toplusu,
2021-ci il, ¹ 2, maddə 209) ilə “İşaxtaran və
işsiz şəxslərin peşə
hazırlığının təşkili Qaydası”nın 2.8-ci
bəndin birinci cümləsində “İşaxtaranların” sözü “Bu Qaydanın 2.4-cü bəndi nəzərə alınmaqla, işaxtaranların” sözləri ilə əvəz edilmişdir.
20 may 2022-ci il tarixli 202
nömrəli Azərbaycan Respublikası Nazirlər
Kabinetinin Qərarı (“Xalq”
qəzeti, 22 may 2022-ci il, ¹
107, Azərbaycan Respublikasının
Qanunvericilik Toplusu, 2022-ci il, ¹ 5, maddə 564) ilə “İşaxtaran və işsiz şəxslərin
peşə hazırlığının təşkili
Qaydası”nın 2.8-ci bəndinə “nəzərə
alınmaqla” sözlərindən əvvəl “və “Məşğulluq haqqında”
Azərbaycan Respublikası
Qanununun 20.2.2-ci və 20.2.3-cü maddələri” sözləri əlavə edilmişdir.
[10] 25 fevral 2021-ci
il tarixli 44 nömrəli Azərbaycan Respublikası Nazirlər Kabinetinin
Qərarı (“Xalq” qəzeti, 28 fevral 2021-ci il, ¹
46, Azərbaycan Respublikasının Qanunvericilik Toplusu,
2021-ci il, ¹ 2, maddə 209) ilə “İşaxtaran
və işsiz şəxslərin peşə
hazırlığının təşkili Qaydası”nın
3.2-ci bəndi yeni redaksiyada verilmişdir və yeni məzmunda
3.3-cü, 3.4-cü və 3.5-ci bəndlər əlavə
edilmişdir.
Əvvəlki redaksiyada deyilirdi:
3.2. Peşə
hazırlığının maliyyələşdirilməsi
Xidmət tərəfindən aşağıdakı qaydada
həyata keçirilir:
3.2.1. peşə
hazırlığına cəlb olunan şəxslər
Xidmətin tabeliyindəki təhsil müəssisəsinə
göndərildikdə, müvafiq kursun xərclər
smetasına uyğun maliyyə vəsaiti həmin təhsil
müəssisəsinin hesabına köçürülür;
3.2.2. peşə hazırlığı
digər təhsil müəssisələrində
təşkil edildikdə, müəssisə
tərəfindən təqdim olunmuş xərclər
smetasına uyğun olaraq vəsait hər ayın yekununa
uyğun olaraq növbəti ayın 5-dək təhsil
müəssisəsinin hesabına
köçürülür. Xərclər smetası
peşə hazırlığı kursları
keçirilən təhsil müəssisəsi
tərəfindən orada qüvvədə olan tarif
üzrə, tarif olmadıqda isə Xidmətlə
razılaşdırılmış müqavilə
qiymətlərinə əsasən tərtib edilir.
[11]
5 mart 2021-ci il tarixli 58 nömrəli Azərbaycan Respublikası Nazirlər Kabinetinin
Qərarı (“Xalq” qəzeti, 12 mart
2021-ci il, ¹ 55, Azərbaycan Respublikasının
Qanunvericilik Toplusu, 2021-ci il, ¹ 3, maddə 277)
ilə “İşaxtaran
və işsiz şəxslərin peşə
hazırlığının təşkili Qaydası”nın 1
nömrəli əlavəsində “şəhər, rayon məşğulluq orqanı”
sözləri “Dövlət
Məşğulluq Agentliyinin yerli qurumu” sözləri
ilə əvəz edilmişdir.