“Ərazilərin
zonalaşdırılması, tikintinin növü və
miqyası ilə bağlı müfəssəl Qaydalar”ın
təsdiq edilməsi haqqında
AZƏRBAYCAN RESPUBLİKASI
NAZİRLƏR KABİNETİNİN QƏRARI
“Azərbaycan
Respublikasının Şəhərsalma və Tikinti
Məcəlləsinin təsdiq edilməsi, qüvvəyə
minməsi və bununla bağlı hüquqi
tənzimləmə haqqında” Azərbaycan
Respublikasının 2012-ci il 29 iyun tarixli 392-IVQ nömrəli
Qanununun tətbiqi barədə” Azərbaycan Respublikası
Prezidentinin 2012-ci il 4 sentyabr tarixli 695 nömrəli
Fərmanının 1.6.4-cü yarımbəndinin
icrasını təmin etmək məqsədi ilə
Azərbaycan Respublikasının Nazirlər Kabineti QƏRARA ALIR:
“Ərazilərin
zonalaşdırılması, tikintinin növü və
miqyası ilə bağlı müfəssəl Qaydalar”
təsdiq edilsin (əlavə olunur).
Azərbaycan
Respublikasının Baş naziri
Artur Rasi-zadə
Bakı şəhəri, 21 fevral 2014-cü il
¹ 51
|
Azərbaycan
Respublikası Nazirlər Kabinetinin 2014-cü il 21 fevral
tarixli 51 nömrəli qərarı ilə təsdiq edilmişdir |
Ərazilərin
zonalaşdırılması, tikintinin növü və
miqyası ilə bağlı müfəssəl
QAYDALAR
1. Ümumi
müddəa
1.1. Bu Qaydalar
Azərbaycan Respublikasının Şəhərsalma və
Tikinti Məcəlləsinin 22.7-ci maddəsinin
tələblərinə əsasən və "Azərbaycan
Respublikasının Şəhərsalma və Tikinti
Məcəlləsinin təsdiq edilməsi, qüvvəyə
minməsi və bununla bağlı hüquqi
tənzimləmə haqqında" Azərbaycan
Respublikasının 2012-ci il 29 iyun tarixli 392-IVQ nömrəli
Qanununun tətbiqi barədə" Azərbaycan Respublikası
Prezidentinin 2012-ci il 4 sentyabr tarixli 695 nömrəli Fərmanının
1.6.4-cü yarımbəndinin icrasını təmin etmək
məqsədi ilə hazırlanmışdır və
Azərbaycan Respublikasında şəhər və digər
yaşayış məntəqələrinin ərazisi və
ya ərazi hissələri üçün nəzərdə
tutulan baş və müfəssəl planlarda
şəhərsalma məqsədləri baxımından
tikintilərin növü və miqyası ilə bağlı
torpaqlardan istifadəsi təsbit edilmiş ərazilərin
zonalaşdırılması qaydalarını
müəyyən edir.
2.
Ərazilərin zonalaşdırılmasının
məqsədi
2.1. Ərazilərin
zonalaşdırılmasının məqsədi
şəhərlərin və digər yaşayış
məntəqələrinin torpaqlarından tikinti və
digər məqsədlər üçün istifadə
ilə bağlı münasibətləri
tənzimləməkdən, şəhərsalmanın
nizamlı inkişafının formalaşmasından və
şəhərsalma fəaliyyətini həyata keçirmək
üçün ərazilərin istifadəsindən,
əhalinin və istehsal sahələrinin həddən
artıq sıxlaşmasını aradan qaldırmaqdan,
tikintinin növü və miqyasının təyin
edilməsindən və onlardan istifadə
məhdudiyyətləri ilə təsbit edilən tikinti
qaydalarını müəyyənləşdirməkdən
ibarətdir.
3.
Ərazilərin zonalaşdırılmasının
növləri
3.1. Şəhər
və digər yaşayış məntəqələrinin
əraziləri və ya ərazi hissələri funksional
istifadəsinə görə məskunlaşma, istehsalat və
landşaft-rekreasiya ərazilərinə bölünür.
3.2. Bu ərazilər
landşaftın təşkili və tikintisi ilə
bağlı tələblər, həmçinin ərazi
planlaşdırılması sənədləri ilə
sərhədlər, torpaqdan istifadənin növü və
şərtləri, tikintinin miqyası, eləcə də
torpaqdan istifadə ilə bağlı məhdudiyyətlər
müəyyən edilməklə aşağıdakı
ərazi zonalarına bölünür:
3.2.1. yaşayış
zonaları;
3.2.2.
ictimai-işgüzar zona;
3.2.3. rekreasiya zonası;
3.2.4. istehsalat
(sənaye, elmi-istehsalat, kommunal-anbar) zonaları;
3.2.5. nəqliyyat
infrastrukturu zonası;
3.2.6. mühəndis
infrastrukturu zonası;
3.2.7. kənd
təsərrüfatı zonası;
3.2.8. xüsusi
təyinatlı zona;
3.2.9. hərbi və
digər rejimli zonalar;
3.2.10. xüsusi
şərtlərlə istifadə olunan zonalar;
3.2.11. xüsusi qorunan
ərazilər;
3.2.12. ehtiyat zonası.
4. Ərazi
zonalarının tərkibi, tikintinin növü və
miqyası
4.1. Yaşayış
zonaları - tikilmiş və tikilməsi nəzərdə
tutulan müxtəlif tip çoxmənzilli yaşayış
binalarının və yaşayış evlərinin üstünlük
təşkil etdiyi ərazilərdir. Bu zonalar
çoxmənzilli və həyətyanı sahələri
olan fərdi yaşayış və bağ evlərinin
tikintisi üçün nəzərdə tutulur.
Ərazi ümumi
istifadə sahəsi olan çox, orta və
azmərtəbəli çoxmənzilli yaşayış
binaları, mənzilyanı sahələri olan bloklaşdırılmış
yaşayış evləri, həyətyanı torpaq
sahələri olan kottec tipli bir-iki mənzilli fərdi
yaşayış və bağ evlərinin tikintisi üçün
zonalaşdırılır. İstifadəsinin xarakterindən
və tikintilərin səviyyəsindən asılı olaraq,
yaşayış zonası aşağıdakı tikinti
zonalarına bölünür:
4.1.1.
çoxmərtəbəli (9 və daha çox) və
çoxmənzilli yaşayış binaları;
4.1.2. orta
mərtəbəli (5÷8 mərtəbəli) və
çoxmənzilli yaşayış binaları;
4.1.3.
azmərtəbəli (5 mərtəbəyə qədər)
və çoxmənzilli yaşayış binaları;
4.1.4.
bloklaşdırılmış yaşayış binaları;
4.1.5.
həyətyanı torpaq sahələri olan fərdi
yaşayış evləri.
Şəhərsalma
və tikintiyə dair normativ sənədlərə uyğun
olaraq, yaşayış zonalarında sosial və
kommunal-məişət, mədəniyyət,
məktəbəqədər və təhsil, səhiyyə
xidməti, mühəndis-infrastruktur obyektləri (transformator
yarımstansiyaları, nasosxanalar və s.) yerləşdirilir.
Yaşayış
zonalarında mehmanxanaların, yeraltı və yerüstü
qarajların, açıq avtomobil dayanacaqlarının,
həmçinin ətraf mühitə mənfi təsir
etməyən və sanitar-mühafizə zolağı
qoyulması tələb olunmayan istehsalat obyektlərinin də
yerləşdirilməsinə yol verilir.
4.2.
İctimai-işgüzar zonalar - inzibati, maliyyə və iş
mərkəzlərinin, ictimai qurumların, mehmanxana və
mehmanxana kompleksləri, idman, layihə, elmi tədqiqat,
kommersiya, məişət, ticarət və ictimai iaşə
obyektlərinin və onların açıq avtonəqliyyat
dayanacaqları, yeraltı və yerüstü
qarajlarının, xüsusi sanitar və ekoloji mühafizə
tədbirləri tələb olunmayan digər bina və
qurğuların tikintisi üçün nəzərdə
tutulur. Ərazi planlaşdırılması
sənədlərində nəzərdə tutulduqda
çoxmənzilli yaşayış binaları bu zonadakı
obyektlərin siyahısına daxil edilir.
Yaşayış
məntəqələrinin inzibati quruluşundan və
məskunlaşma şəraitindən asılı olaraq,
ictimai-işgüzar zonaların aşağıdakı
tipləri müəyyən edilir:
çoxfunksiyalı
ictimai - işgüzar zona;
ixtisaslaşdırılmış
ictimai - işgüzar zona.
İctimai-işgüzar
zonalar yaşayış məntəqələrinin
ərazi-inzibati quruluşunda və planlaşmasında
şəhərsalma baxımından mühüm yer tutur,
öz ərazi-məkan, fəza-həcm və
layihə-memarlıq həlli baxımından əsas rol
oynayır.
Özünün
növünə və xidmət radiusuna görə ümumşəhər,
şəhərdə ümumrayon, mikrorayon, məhəllə
və digər növ lokal ictimai-işgüzar zonalar və
yarımzonalar planlaşdırılır.
4.3. Rekreasiya zonası -
əhalinin istirahətinin təşkili və
yaradılması üçün nəzərdə tutulur
və bağları, parkları, xiyabanları, meşə-parkları,
sututarlarını, landşaft memarlığı
obyektlərini, digər turizm, istirahət və
sağlamlıq yerlərini əhatə edir. Yaşayış
məntəqəsinin sərhədləri daxilində
yerləşən mühafizə olunan təbiət
obyektləri də bu zonaya daxil edilir.
Rekreasiya
zonalarının ərazilərində bu zonanın
fəaliyyəti ilə əlaqəsi olmayan sənaye, anbar,
kommunal obyektlərinin, mənzil-mülki təyinatlı yeni
binaların tikintisinə və mövcud binaların
genişləndirilməsinə yol verilmir.
Əhalisinin sayı
100000,0 (yüz min) nəfərdən çox olan böyük
şəhərlərdə şəhər və rayon
əhəmiyyətli parklarla yanaşı, sahəsinin
ölçüləri layihə tapşırığı
ilə müəyyənləşdirilən
ixtisaslaşdırılmış zooloji, botaniki və
dendroloji parklar layihələndirilir.
Estetik dəyəri olan,
təbiiliyi yüksək səviyyədə qorunub
saxlanılmış landşaft ərazilərdə və su
hövzələrində, göllərin və
çayların sahillərində milli və təbii parklar
formalaşdırılır, onların şəhərsalma
tələbləri, məkan-fəza-memarlıq həlli, elmi,
mədəni-maarif-rekreasiya məqsədi və digər
məqsədlərlə istifadəsinə dair təkliflər
hazırlanır. Belə ərazilər
əhəmiyyətindən asılı olaraq qoruq, milli park,
rekreasiya, qoruq-rekreasiya və digər yarımzonalara
ayrılır.
Təbii müalicə
faktorları üstünlük təşkil edən, mikroiqlim,
landşaft və sanitariya-gigiyena şəraiti daha
əlverişli və cəlbedici olan ərazilər
ixtisaslaşdırılmış turizm
mərkəzlərinin, turist bazalarının, kurort və
sanatoriyaların inkişafı üçün
zonalaşdırılır.
4.4. İstehsalat
(sənaye, elmi-istehsalat, kommunal-anbar) zonaları - ətraf
mühitə təsiri və normaları müxtəlif olan istehsal
təyinatlı sənaye müəssisələrinin və
komplekslərinin yerləşdirilməsi üçün
nəzərdə tutulur. Ətraf mühitə mənfi
təsiri olan elmi-istehsalat obyektləri bu zonada
yerləşdirilir.
Sənaye zonaları
əsasən istehsalatın xüsusiyyətindən, istehsal
prosesində ətraf mühitə və atmosferə
zərərli tullantıları buraxmasından və digər
amillərindən asılı olaraq küləkli
günlərin sayı və küləyin üstünlük
təşkil etdiyi istiqaməti nəzərə alınmaqla
müəyyənləşdirilir.
Sanitar-mühafizə
zonaları müxtəlif olan sənaye
müəssisələrinin (xüsusilə yeyinti və
yüngül sənaye) eyni ərazidə
yerləşdirilməsinə yol verilmir.
İstehsalat
zonalarının yaşayış zonaları ilə
qarşılıqlı əlaqələri elə
qurulmalıdır ki, əhalinin iş yerlərinə
çatma vaxtı şərti minimuma ensin. Bu zonalarda,
həmçinin müxtəlif növ kommunal və anbar,
mənzil-kommunal təsərrüfatı obyektlərinin,
topdansatış ticarət bazalarının, su
təchizatı və kanalizasiya qurğularının yerləşdirilməsi
nəzərdə tutulur. Əhaliyə nəqliyyat xidməti
göstərən şəhərdaxili tramvay və avtobus
parkları, ictimai nəqliyyatın digər avtomaşın
qarajları bu zonalarda yerləşdirilir.
İri
şəhərlərdə, xüsusilə qədim, tikinti
sıxlığı yüksək olan yaşayış
məntəqələrinin məskunlaşma
ərazilərində yeraltı məkanlardan
şəhərdaxili nəqliyyat, avtoqaraj və duracaqların,
kommunal təsərrüfatı, tamaşa və idman
qurğuları, yardımçı sahələr, anbarlar
və mühəndis təminatı obyektlərinin
yerləşdirilməsində istifadə edilir.
4.5. Nəqliyyat
infrastrukturu zonası - şəhərlərarası və
beynəlxalq avtomobil, dəmiryol, hava, dəniz və çay
nəqliyyatı obyektləri və komplekslərinin
yerləşdiyi zonalardır. Təyinatından asılı
olaraq, bir neçə infrastruktur növü üçün
birgə zona yaradıla bilər. Əhaliyə xidmət
üçün nəzərdə tutulan vağzallar,
stansiyalar, limanlar və aeroportlar yerləşdirilərkən
sərnişinlərin rahat istifadəsi və
təhlükəsizliyi, müxtəlif növ nəqliyyat
vasitələrinin hərəkət intensivliyi və
istiqaməti nəzərə alınmalıdır.
4.6. Mühəndis
infrastrukturu zonaları - magistral qaz, neft, su boru
kəmərlərinin, yüksəkgərginlikli elektrik
xətlərinin, rabitə xətlərinin və onların
fasiləsiz fəaliyyətini təmin edən obyektlərin
yerləşdiyi ərazilərdir. Bu infrastruktur sahələri
həyati əhəmiyyət daşıdığından,
onların yerləşdiyi zonalar kənar təsirlərdən
qorunmalı və fəaliyyətlərini
məhdudlaşdıran maneələr olmamalıdır.
4.7. Kənd
təsərrüfatı zonası - yaşayış
məntəqələrinin sərhədləri daxilində
təsdiq edilmiş baş və müfəssəl planlara
uyğun istifadə növünün dəyişdirilməsi
nəzərdə tutulan vaxtadək kənd
təsərrüfatına yararlı torpaq sahələrinin
və kənd təsərrüfatı obyektlərinin
yerləşdiyi əraziləridir.
4.8. Xüsusi
təyinatlı zona - qəbiristanlıqların, heyvan
qəbiristanlığının, məişət
tullantılarının yığıldığı
poliqonların, zibilin ilkin emalı
müəssisələrinin, təmizləmə
qurğularının və fəaliyyəti yaşayış
məntəqələrinin başqa ərazi zonalarının
fəaliyyəti ilə uyğun gəlməyən digər
obyektlərin yerləşdiyi əraziləri əhatə edir.
4.9. Hərbi və
digər rejimli zonalar - hərbi hissələrin və digər
xüsusi istifadə rejimi
müəyyənləşdirilən obyektlərin
yerləşdiyi ərazilərdir. Əhalinin həyatına
və sağlamlığına təhlükə
törədə bilən obyektlər digər ərazi
zonalarından sanitar-mühafizə əraziləri ilə
ayrılır.
4.10. Xüsusi qorunan
ərazi zonaları - xüsusi mühafizə olunan
təbiət və təbiəti mühafizə, habelə
tarix-memarlıq və mədəni irs obyektlərinin və
komplekslərinin geniş təmsil olunduğu şəhər
və digər yaşayış məntəqələrinin
ərazilərini əhatə edir.
Hər bir konkret qoruq
ərazisi (tarixi şəhər və digər
yaşayış məntəqələri,
mərkəzlər, məhəllələr, meydanlar,
küçələr, tarixi yerlər, arxeoloji və
memarlıq dəyəri olan obyektlərin yerləşdiyi
ərazilər) üçün mühafizə zonaları,
tikintini tənzimləmə rejimi və digər
məhdudiyyətlər müəyyən edilir.
4.11. Xüsusi
şərtlərlə istifadə olunan ərazi zonaları -
istehsalat və sənaye, nəqliyyat və mühəndis
infrastrukturu, içməli su təchizatı
mənbələri, mühafizə edilən obyektlər və
təyinatından asılı olaraq digər sənaye və
kommunal obyektlərini məskunlaşma ərazisindən
ayıran mühafizə, sanitar və sanitar-mühafizə
zonalarıdır.
4.12. Ehtiyat zonası -
şəhərsalma ehtiyatı olan və yaşayış
məntəqəsinin inkişafı üçün
nəzərdə tutulan zonadır. Təsdiq edilmiş baş
və müfəssəl planda nəzərdə tutulmayan, lakin
istifadə forması və rejimi yaşayış
məntəqəsinin və ya onun hissəsinin
planlaşdırılmış perspektiv inkişafına mane
olmayan ərazi zonasıdır.
4.13. Ərazi zonalarında tikinti sıxlığı
göstəricilərinin yolverilən hədləri
aşağıdakı cədvəl üzrə
müəyyən edilir: [1]
Ərazi zonaları |
Ərazinin tikinti
əmsalı |
Ərazinin tikinti
sıxlığı əmsalı |
Yaşayış
zonaları |
||
çoxmərtəbəli,
çoxmənzilli yaşayış binaları |
0,5 |
2,0 |
ortamərtəbəli
çoxmənzilli yaşayış binaları |
0,5 |
1,4 |
azmərtəbəli
çoxmənzilli yaşayış binaları |
0,5 |
1,1 |
mənzilyanı torpaq
sahələri olan bloklaşdırılmış
yaşayış binaları |
0,4 |
1,1 |
həyətyanı torpaq
sahələri olan fərdi yaşayış evləri |
0,4 |
0,6 |
İctimai-işgüzar
zona |
||
çoxfunksiyalı tikinti |
1,0 |
3,0 |
ixtisaslaşdırılmış
ictimai tikinti, o cümlədən: |
0,8 |
2,4 |
ayrıca yerüstü qaraj
binası* |
1,0 |
4,0 |
İstehsalat zonası |
||
sənaye |
0,8 |
2,4 |
elmi-istehsalat |
0,6 |
1,0 |
kommunal-anbar |
0,6 |
1,8 |
Qeydlər:
1. Tikinti sıxlığının əsas
göstəriciləri aşağıdakılardır:
1.1. ərazinin tikinti əmsalı - bina və
qurğular altında olan sahənin planlaşdırılan
ərazinin (məhəllənin) ümumi sahəsinə olan
nisbəti;
1.2. ərazinin tikinti sıxlığı
əmsalı - bina və qurğuların bütün
yerüstü mərtəbələrinin sahəsinin
planlaşdırılan ərazinin (məhəllənin)
ümumi sahəsinə olan nisbəti.
2. Yaşayış və ictimai-işgüzar zonalar
üçün ərazinin tikinti və tikinti
sıxlığı əmsalları məhəllənin
bütün ərazisi üçün zəruri olan
xidməti idarə və müəssisələr, qarajlar,
avtomobil duracaqları, yaşıllıqlar, meydançalar
və digər abadlıq obyektləri nəzərə alınmaqla
verilmişdir.
İstehsalat zonası üçün bu əmsallar
istehsalat tikintisi (bir və ya bir neçə obyektlər) olan
məhəllələr üçün verilmişdir.
3. Ərazinin tikinti sıxlığı əmsalı
hesablanarkən mərtəbələrin sahələri
binanın xarici ölçüləri ilə
müəyyən edilir. Bu zaman yalnız yerüstü
mərtəbələr (mansarda mərtəbəsi daxil
olmaqla) nəzərə alınır. Bina və
qurğuların yeraltı mərtəbələri
nəzərə alınmır.
4. Məhəllələrin sərhədləri
qırmızı xətlə tənzimlənir.
5. Yaşayış və ictimai-işgüzar
zonaların formalaşmış mövcud məhəllələrinin
yenidən qurulması zamanı (mansardaların,
mərtəbələrin artırılması da daxil olmaqla),
bu məhəllələrin əhalisi üçün
tələb olunan xidməti idarə və
müəssisələr nəzərdə tutulmalıdır.
Xidmət radiuslarına riayət edilməklə, qonşu
məhəllələrdəki xidməti
müəssisələr (məktəbəqədər
təhsil müəssisələri istisna olmaqla)
nəzərə alına bilər.
6. Mövcud yaşayış zonalarında
ərazilərin yenidən qurulması zamanı
yaşayış məntəqələrində yanaşı
sahələrdə tikinti aparılmasının əsas
şərtləri, tikintinin yanğın təhlükəsizliyi,
sağlam sanitar-epidemioloji, insolyasiya və təbii
işıqlandırma şəraiti təmin edilməklə,
ərazinin tikinti əmsalı 0,6-dan artıq olmamaq
şərtilə, tikinti və tikinti sıxlığı
əmsalının 30 faizdən çox olmayaraq
artırılmasına yol verilir.
7. Sumqayıt, Gəncə, Xırdalan
və Mingəçevir şəhərlərində inşa
edilən çoxmənzilli binalarda nəqliyyat
vasitələrinin saxlanılması üçün həmin
binaların tikinti layihəsində göstərilən tikinti
ərazisinin 70 və daha çox faizini təşkil edən
hissəsində yeraltı qarajın tikintisi nəzərdə
tutulduğu halda, bu Qaydaların 4.13-cü bəndinə
uyğun ərazinin tikinti sıxlığı əmsalı
hesablanarkən birinci yerüstü mərtəbənin
sahəsi nəzərə alınmır.[2]
*Ayrıca yerüstü qaraj binasının ümumi
sahəsinin 25%-ə qədərinin digər sahibkarlıq
məqsədləri üçün istifadəsinə yol
verilir.
5. Ərazi
zonalarının müəyyən edilməsinin prinsipləri
və qaydaları
5.1 Ərazilərin
zonalaşdırılması baş və müfəssəl
planların tərkibində aparılır və
şəhər və digər yaşayış
məntəqələrinin ərazisini və ya ərazi
hissələrini əhatə edir.
5.2. Yaşayış
məntəqələrinin ərazilərinin və ya ərazi
hissələrinin funksional əhəmiyyətinə və
şəhərsalma reqlamentlərinə görə ərazilərin
zonalaşdırılması aşağıdakı
prinsiplər nəzərə alınmaqla həyata
keçirilir:
5.2.1. müvafiq
ərazilərin planlaşdırılması üzrə
əvvəllər qəbul olunmuş qərarlar;
5.2.2.
şəhərsalma fəaliyyətinin məhdud
şəkildə yol verildiyi zonaların müəyyən
edilməsi;
5.2.3. ərazidə
mövcud olan tikililərin, mühəndis-kommunikasiya
təminatı və nəqliyyat infrastrukturlarının,
həmçinin ərazinin planlaşdırılma strukturunun
əsas elementlərinin göstərilməsi;
5.2.4. yerli
şəraitin nəzərə alınması;
5.2.5. torpaqdan istifadə
növü təyin edilməklə hər zona
üçün məhdudiyyətlərin və
şərtlərin nəzərdə tutulması;
5.2.6. zonaların
sərhədlərinin təbii komplekslərin ərazi
sərhədləri ilə torpaqdan məhdud istifadənin yol
verdiyi (xüsusi şərtlərlə istifadə olunan)
zonaların sanitar-mühafizə, mühafizə zolaqları
ilə və qırmızı xətlərlə
uzlaşdırılması;
5.2.7. yaşayış
məntəqələri ərazilərinin
təhlükəsizliyi, onların təbiət və texnogen
xarakterli fövqəladə halların təsirindən
qorunmasına dair xüsusi norma və qaydaların tətbiqi
tələb olunan zonaların müəyyən edilməsi;
5.2.8. ətraf
mühitin, yerin təkinin, ekoloji, təhlükəsizlik və
sanitar qaydaların mühafizəsinə dair tədbirlərin
görülməsi;
5.2.9. tarixi-mədəni
irs obyektlərinin, xüsusi qorunan təbiət
ərazilərinin və təbii landşaft yerlərinin
olduğu zonaların sərhədlənməsi.
5.3. Ərazi
zonalarının sərhədləri, onların torpaqdan
istifadə və tikinti qaydaları nəzərə
alınmaqla aşağıdakı kimi müəyyən
edilir:
5.3.1. ümumi planlar,
şəhərlərin və digər yaşayış
məntəqələrinin baş və müfəssəl
planları ilə müəyyən edilmiş funksional zonalar
və onların planlaşdırılmış inkişaf
parametrləri ilə;
5.3.2. eyni ərazi
zonası daxilində torpaq sahələrində mövcud
və planlaşdırılan istifadəsinin müxtəlif
növlərinin birləşdirilməsi imkanlarına görə;
5.3.3. ərazilərin
planlaşdırılması və mövcud torpaq
istifadəsi;
5.3.4. ərazi
planlaşdırılması sənədlərinə uyğun
olaraq, müxtəlif kateqoriyalı torpaq sahələrinin
sərhədlərinin dəyişməsi;
5.3.5. qarışıq
torpaq sahələrində yerləşmiş əsaslı
tikinti obyektlərinə ziyan toxundurulması imkanlarının
aradan qaldırılması.
5.4. Ərazi
zonalarının sərhədləri
aşağıdakılar üzrə də müəyyən
edilir:
5.4.1. magistralların,
küçələrin, keçidlərin bir-birinə
əks istiqamətdə nəqliyyatın hərəkətini
ayıran xətləri üzrə;
5.4.2. qırmızı
xətlər üzrə;
5.4.3.
bələdiyyə qurumlarının sərhədləri
üzrə;
5.4.4. inzibati rayon
bölgüsü olan şəhərlərdə
şəhərdaxili ərazilərin sərhədləri
üzrə;
5.4.5. torpaq
sahələrinin sərhədləri üzrə;
5.4.6. təbiət
obyektlərinin təbii sərhədləri üzrə;
5.4.7. digər formada
əsaslandırılmış sərhədlər
üzrə.
İSTİFADƏ OLUNMUŞ MƏNBƏ
SƏNƏDLƏRİNİN SİYAHISI
1.
24 sentyabr
2020-ci il tarixli 352 nömrəli
Azərbaycan Respublikası Nazirlər Kabinetinin Qərarı (“Xalq” qəzeti, 26 sentyabr 2020-ci
il, ¹ 196,
Azərbaycan
Respublikasının Qanunvericilik Toplusu, 2020-ci il, ¹ 9, maddə
1225)
2.
23 oktyabr
2020-ci il tarixli 409 nömrəli
Azərbaycan Respublikası Nazirlər Kabinetinin Qərarı (“Xalq” qəzeti, 24 oktyabr 2020-ci il,
¹ 220, Azərbaycan Respublikasının Qanunvericilik Toplusu,
2020-ci il, ¹ 10, maddə 1297)
QƏRARA
EDİLMİŞ DƏYİŞİKLİK VƏ
ƏLAVƏLƏRİN SİYAHISI
[1] 24 sentyabr 2020-ci il tarixli
352 nömrəli Azərbaycan
Respublikası Nazirlər Kabinetinin Qərarı (“Xalq” qəzeti, 26 sentyabr 2020-ci
il, ¹ 196, Azərbaycan Respublikasının Qanunvericilik Toplusu,
2020-ci il, ¹ 9, maddə 1225) ilə “Ərazilərin
zonalaşdırılması, tikintinin növü və
miqyası ilə bağlı müfəssəl Qaydalar”ın
4.13-cü bəndi yeni redaksiyada verilmişdir.
əvvəlki redaksiyada
deyilirdi:
4.13.
Ərazi zonalarında yolverilən tikintinin miqyası
aşağıdakı cədvəl üzrə
müəyyən edilir:
|
|
|
|
|
|
Qeydlər: 1. Tikinti
sıxlığının əsas göstəriciləri
aşağıdakılardır:
1.1.
ərazinin tikinti əmsalı - bina və qurğular
altında olan sahənin planlaşdırılan ərazinin
(məhəllənin) ümumi sahəsinə olan nisbəti;
1.2.
ərazinin tikinti sıxlığı əmsalı - bina
və qurğuların bütün yerüstü
mərtəbələrinin sahəsinin planlaşdırılan
ərazinin (məhəllənin) ümumi sahəsinə olan
nisbəti.
2.
Yaşayış və ictimai-işgüzar zonaların tikinti
əmsalı və tikinti sıxlığı
əmsalları məhəllə ərazisində (brutto)
idarə və müəssisələrin xidmət
hesabatına uyğun qarajlar, avtomobil dayanacaqları,
yaşıllıqlar, meydançalar və digər abadlıq
obyektləri nəzərə alınmaqla verilmişdir.
İstehsalat
zonası üçün əmsallar məhəllə
sənaye tikililərinə, o cümlədən bir və ya
bir neçə obyektlərə şamil edilir.
3. Tikinti
sıxlığı əmsalı hesablanarkən
mərtəbələrin sahələri, binanın xarici
ölçüləri ilə təyin edilir. Buraya ancaq
yerüstü mərtəbələr və mansarda daxildir.
Bina və qurğuların yeraltı abadlıq işləri
üçün nəzərdə tutulan yeraltı qurğular
hesaba alınmır.
4.
Məhəllələrin sərhədləri
qırmızı xətlə tənzimlənir.
5.
Məhəllələrin yaşayış, ictimai
işçi zonalarında yenidənqurma
(mərtəbəüstü artırmalar, mansarda)
işləri, məhəllə əhalisinə xidmət
göstərən idarə və müəssisələrin
xidmət həcmi hesabı ilə aparılır. Qonşu
məhəllələrdəki xidmət
müəssisələri onların normativ xidmət
radiuslarını (məktəbəqədər
müəssisə və ibtidai məktəblər istisna
olmaqla) nəzərə alınmağa yol verir.
6.
Mövcud binaların yenidən qurulması zamanı tikinti
sıxlığının sanitariya-gigiyena və
yanğın əleyhinə normalara əməl etməklə,
30 faizdən çox olmamaq şərtilə
artırılmasına yol verilir.
[2] 23 oktyabr 2020-ci il tarixli 409 nömrəli Azərbaycan
Respublikası Nazirlər Kabinetinin Qərarı (“Xalq” qəzeti, 24 oktyabr 2020-ci il,
¹ 220, Azərbaycan Respublikasının Qanunvericilik Toplusu,
2020-ci il, ¹ 10, maddə 1297) ilə “Ərazilərin
zonalaşdırılması, tikintinin növü və
miqyası ilə bağlı müfəssəl Qaydalar”ın
4.13-cü bəndinin “Qeydlər”inə yeni məzmunda 7-ci hissə
əlavə edilmişdir.